लुका 9
9
ये़सुरे़ १२ कुहुॽसाम्बाहाॽ इङ्भन् से़से़ पाङ्घुसिॽ
(मत्ति १०:५-१५; मर्कु ६:७-१३)
1आल्ल ये़सुरे़ थिक्ने़त् (१२) कुहुॽसाम्बाहाॽ कुबेसाङ् उःत्तुसिआङ् के़रे़क् फे़न्साम्हाॽ नाःप्मा लःप्मा नु के़दुक्पाहाॽ वेःम्मा मुक्साम् नु युक् पिरुसिआङ् 2खे़ङ्हाॽ निङ्वाॽफुहाङ्जुम्मिल्ले़ कुयाःम्बेओबा सुनाइङ् से़से़ नु के़दुक्पाहाॽ वेःन्छे़ पाङ्घुदेसुसिरो॥ 3हे़क्क्याङ् खे़ङ्हाॽ अक्खे मे़त्तुसि, “खिनिॽ लाम्दिःक्को के़बेगिल्ले़ तक्कात्, सुःक्वा, चामा चा, याङ्, हे़क्क्याङ् वेॽ ले़क्सिङ्मा चाङ् थेआङ् मे़याङ्ङासिम्मे़न्ने़ॽओ॥ 4खिनिॽ आत्तिन् हिम्मो लाम्दाःक्मा के़म्बिरिॽ, खे़न् पाङ्जुम्मिन् मे़ल्ले़त्ते थारिक् खे़न् हिम्मोए याःक्ते़म्मे़ॽ, 5कर मनाहाॽरे़ खिनिॽ लाम्दाःक्मा के़मे़म्बिरिन्ने़ फाॽग्र खे़न् पाङ्जुम्मिन् के़ले़रुम्मिल्ले़ खिनिॽ लाङ्ङो के़घिप्पा खाम्हिःक्किन् थाप्से़म् थ्ये़म्मे़ॽ॥ कङ्ग खुनिॽ तक्ले़ङ्वाओ के़बोङ्बा मिक्सेःन्लो॥”
6हे़क्क्याङ् खे़ङ्हाॽ पाङ्भेॽ पाङ्भेॽओ मे़बेआङ् सुनाइङ् मे़से़सुआङ् के़दुक्पा के़यॽबाहाॽ मे़वेःन्दुसिरो॥
7आल्ल गालिल थुम्मोबा सुहाङ्गे़म्बा हे़रोद एन्तिपासरे़ कन् के़रे़क् पोःक्खे़बा पाःन्हाॽ खे़प्सुआङ् खुने़ॽ कुनिङ्वाॽ मये़, थेआङ्भे़ल्ले़ कुभारे़ “बप्तिस्मा के़बिबा युहुन्नान् याम्मो हिङे़आङ् वाॽरो” मे़बाःत्तु॥ 8वेॽहाॽरे़ “माङ्निङ्वाॽपान् के़बाःप्पा एलियान् याम्मो लःन्दे़आङ् वाॽ” मे़बाःत्तु, हे़क्क्याङ् आल्लसाङ् वेॽ मनाहाॽरे़ “उन्छोःन्बा माङ्निङ्वाॽपान् के़बाःप्पाधिक् याम्मो हिङे़आङ् वाॽ” मे़बाःत्तुरो॥ 9हे़क्केःल्ले़ हे़रोदरे़ पाःत्तु, “बप्तिस्मा के़बिबा युहुन्नाःङ्ग कुनिःङ्मान् खक् पाङ्घुङ्सिङ्ङाङ् वये़, कर आक्खेलॽरिक् याम्मो हिङे़बे? इङ्गाॽ कन् थेःन्ने़ खे़प्सुङ्बे?” हे़क्क्याङ् खुने़ॽए ओमे़प्मा निङ्वाॽ चोगु॥
ये़सुरे़ ५,००० मनाहाॽ चा चाःत्तुसिॽ
(मत्ति १४:१३-२१; मर्कु ६:३०-४४; युहु ६:१-१४)
10हे़क्क्याङ् सेःक्युक्मिबाहाॽ मे़नुःक्खे़ मे़द्ये़आङ् खे़ङ्हाॽरे़ मे़जोगुबा याःम्बक्हाॽ ये़सुन् मे़जे़क्तु॥ हे़क्क्याङ् ये़सुरे़ खे़ङ्हाॽ बे़थसेदा पाङ्जुम् ले़प्माङ् स्वाःत्ताङ् तेॽरुसिआङ् पे, 11कर यरिक् मनाहाॽरे़ खे़न् निङ्वाॽ मे़घोसुआङ् खे़ङ्हाॽरे़ खुनिॽ एगाङ् एगाङ् मे़धासिङ्॥ ये़सुरे़ खे़ङ्हाॽ के़रे़क् लाम्दाःक्मा पिरुसिआङ् निङ्वाॽफु हाङ्जुम्बा पाःन्हाॽ चे़क्तुसि, हे़क्क्याङ् के़दुक्पा के़यॽबाहाॽ वेःन्दुसि॥
12हे़क्क्याङ् नाम्ध्ये़र पत्छे़ल्ले़ थिक्ने़त् कुहुॽसाम्बाहाॽ मे़द्ये़आङ् मे़मे़त्तु, “आदाङ्बा सिक्साम्बे, कन् मनाहाॽ पाङ्घे़देसे़से़ॽओ॥ हे़क्क्याङ् खे़न् खिरिबा पाङ्जुम्मो मे़बेःक्काङ् चामा थुङ्मा नु याङ्धोःक्मारे़न् तङ्गाम् मे़जोगुररो, थेआङ्भे़ल्ले़ आनिॽग एःक्सादे़न्नो आवाॽरो॥”
13कर ये़सुरे़ खे़ङ्हाॽ मे़त्तुसि, “खिनिॽए कङ्हाॽ कुजा पिरे़म्सिम्मे़ॽओ॥”
कर खे़ङ्हाॽरे़ मे़बाःत्तु, “आनिगे़ग ङासि खरे़ःङ् नु ने़त्छि ङारक् कत्तुम्बे़रो॥ वेॽ थेआङ् होप्॥ वेॽ खरे़ःङ् मे़न्इङ्ङे कन् मनाहाॽ आक्खेलॽरिक् योमासिबे?” 14(खे़प्मो हे़न्छिङ् ङासि यारिक् ये़म्बित्छाॽहाॽ मे़वये़रो॥)
ये़सुरे़ कुहुॽसाम्बाहाॽ मे़त्तुसि, “खे़ङ्हाॽ ङागिप्रे़न् लुप्पो थे़ःक्पे़त्ताङ् युङ्मा पाङ्घे़म्सिम्मे़ॽ॥”
15हे़क्क्याङ् कुहुॽसाम्बाहाॽरे़ बा हे़क्केलॽरिक् के़रे़क् मनाहाॽ मे़युक्खुसि॥ 16ये़सुरे़ ङासि खरे़ःङ्हाॽ नु ने़त्छि ङाहाॽ पक्खुआङ् थो साङ्ग्राम्पेदाङ् ले़प्माङ् ओमये़र निङ्वाॽफुमाङ्ङिन् नोगे़न् पिरुआङ् खे़न् खरे़ःङ्हाॽ नु ङाहाॽ खे़ःक्खुआङ् कुहुॽसाम्बाहाॽ खे़न् मनाहाॽ मे़हाःत्तुसिर फाॽआङ् पिरुसि॥ 17हे़क्क्याङ् खे़ङ्हाॽरे़ खाघा मे़जआङ् मे़नन्छुबा कुजिहाॽ मे़सुप्सुल्ले़ थिक्-ने़त् नइमा योरे़रो॥
ये़सुन् हाःप्पे?
(मत्ति १६:१३-१९; मर्कु ८:२७-२९)
18थिक्ये़न् ये़सुन् एःक्सादे़न्नो तुवा चोःक्नु वये़ल्ले़ कुहुॽसाम्बाहाॽ खे़प्मो मे़द्ये़॥ ये़सुरे़ खे़ङ्हाॽ सेःन्दोसुसि, “इङ्गाॽ हाःत्आबे फाॽआङ् मनाहाॽरे़ मे़बाःत्तुॽबे?” 19हे़क्केःल्ले़ कुहुॽसाम्बाहाॽरे़ नोगप् मे़बिरु, “कुभारे़ खे़ने़ॽ बप्तिस्मा के़बिबा युहुन्ना नु वेॽहाॽरे़ग एलिया फाॽआङ् के़म्मे़त्लो॥ कुभारे़ग उन्छोःन्बा वेॽ माङ्निङ्वाॽपान् के़बाःप्पाधिक् सिमे़न्लाम् याम्मो हिङे़आङ् वाॽ फाॽआङ् के़म्मे़त्लो॥” 20ये़सुरे़ खे़ङ्हाॽ याम्मो सेःन्दोसुसि, “कर खिनिॽग, इङ्गाॽ हाःत्आबे फाॽआङ् याप्मि के़मे़त्तिॽबे?”
पत्रुसरे़ नोगप् पिरु, “खे़ने़ॽग निङ्वाॽफुमाङ्ङिल्ले़ सेःन्दुबा ख्रिस्तने़ॽरो॥”
ये़सुरे़ आबाङे कुसिमे़ल्ले़ कुयाःम्बेओ पाःत्तुॽ
(मत्ति १६:२०-२८; मर्कु ८:३०–९:१)
21ये़सुरे़ खे़ङ्हाॽ कन् पाःन्निन् आत्तिन्हाॽआङ् मे़मे़त्ते़म्सिम्मे़न्ने़ॽ फाॽआङ् इङ्जाङ् पिरुसि॥ 22खे़ङ्हाॽ मे़त्तुसि, “इङ्गाॽ मे़न्छाम्साःल्ले़ यरिक् तुक्खेहाॽ तुम्मा पोङ्॥ हे़क्क्याङ् यहुदि तुम्लाम्लोबाहाॽरे़, तुम् निङ्वाॽफुसाम्बाहाॽरे़ नु साम्योथिम्साम्बाहाॽरे़ मे़नाॽआ॥ हे़क्क्याङ् मनाहाॽरे़ मे़से़त्ताआङ् सुम्ये़न् एगाङ् सिमे़न्लाम् याम्मो हिङ्ङारो॥”
23ये़सुरे़ खे़ङ्हाॽ याम्मो मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ् थुङुङ् के़लॽबा कुनिङ्वाॽइन् से़रुआङ् थिक्याःन्धक् सिलाम्साक्मा कुसिङ्ङिन् पक्खुआङ् इङ्गाॽ तिम्माररो॥ 24थेआङ्भे़ल्ले़ आत्तिल्ले़ कुहिङ्मन्निन् ताङ्से़ःप्तुङ् लॽरिक् निङ्वाॽ चोगुॽ, खे़ल्ले़ खे़न्नाङ् मासुॽ, कर आत्तिल्ले़ कुहिङ्मन्निन् आलागि मासुॽ, खे़ल्ले़ मे़न्नुप्मनाबा हिङ्मन् खोसुॽरो॥ 25मे़न्छाम् याप्मिःल्ले़ काक् इक्सादिङ् खाम्बेःक्मान् खुने़ॽइन् चोगुसाङ् कुहिङ्मन्निन् माःसुने़ फाॽग्र नुबा पोङ्बि? 26आत्तिन् मनान् इङ्गाॽनु हे़क्क्याङ् आबाःन्जाक्किन्नु सिरिङ् मःॽ, इङ्गाॽ मे़न्छाम्साःन्नाङ् आमिमिदिङ्नु, आम्बारे़ कुमिमिदिङ्नु हे़क्क्याङ् सेसे माङ्लाइङ्बाहाॽरे़ खुनिॽ मिमिदिङ्नु युआल्ले़ खे़न्निन् आमना पाःप्मा सिरिङ् मआरो॥ 27इङ्गाॽ से़क्खाए मे़त्निङ्, कप्मो के़ये़प्पा कुभा मनाहाॽरे़ निङ्वाॽफु हाङ्जुम्मिन् युबा मे़न्निए थारिक् मे़न्छिःने़न्लो॥”
ये़सुरे़ कुधक्किन् ले़ङ्सिङ्
(मत्ति १७:१-८; मर्कु ९:२-८)
28खे़न् पाःन्निन् पाःत्तुबा ये़त्छि (८) ये़न् एगाङ् ये़सुरे़ पत्रुस, युहुन्ना नु याकुबे़न् तेॽरुसिआङ् कोःक्माओ थो तुवा चोःक्से़ पे॥ 29खुने़ॽ तुवा चोःक्नु पत्छे़ल्ले़ कुनारान् ले़क्सिङ्ल पेआङ् खुने़ॽ कुदेःत्हाॽ मिक् के़जे़म्बा फगे़लॽबा पोःक्खे़र ले़क्ते़रो॥ 30-31हे़क्क्याङ् खे़प्मो ने़प्फु मनाहाॽ साङ्ग्राम्गे़न् ओःत्तिबा मिमिदिङ्ङो थाःम्ने़त्छिआङ् ये़सुन् नु ताॽजे़क्खे़त्छि॥ खे़ङ्हाॽ माङ्निङ्वाॽपान् के़बाःप्पा एलियान् नु मोसान् वये़त्छिरो॥ खे़ङ्हाॽरे़ ये़सुरे़ कुसिमे़न् नु यरुसले़म्मो चोःक्मा सुःप्मा इःत्ते़बा याःम्बक्किल्ले़ कुयाःम्बेओ ताॽमे़जे़क्खे़॥ 32पत्रुस नु कुन्जुम्हाॽ मे़इप्से़आङ् मे़ने़स्से़, कर खे़ङ्हाॽ तादाप् लॽरिक् मे़सोरे़ल्ले़ ये़सुरे़ कुमिमिदिङ्ङिन् हे़क्क्याङ् खे़न् ने़प्फु मनाहाॽ खुने़ॽनु ये़बे़त्छिबा मे़निसु॥ 33हे़क्क्याङ् खे़न् मनाहाॽरे़ ये़सुन् पक्थ्ये़सुआङ् पेसिर पत्छे़त्छिल्ले़ पत्रुसरे़ ये़सुन् मे़त्तु, “सिक्साम्बे, आनिॽग कप्मोए आवाॽइल्ले़ नुबा पोङ्लो॥ आनिगे कप्मो सुम्सि याक्साहाॽ चोगुम्बे़ॽ, थिक् खे़ने़ॽइन् हे़क्क्याङ् मोसान् नु एलियारे़ खुन्छिॽ लागिआङ् थिक्थिक् चोगुम्बे़ॽरो!” (कर खुने़ॽ थेःन् पाःत्तुङ्बे फाॽआङ् थेआङ् कुनिङ्वाॽ मे़यागे़न्॥) 34खुने़ॽ पारे़र पत्छे़ल्ले़सा खे़प्मो खाप्मिःत्तिल्ले़ खे़ङ्हाॽ ते़प्तुसि, हे़क्केःल्ले़ खे़ङ्हाॽ साॽरिक् मे़गिसे़रो॥ 35खाप्मिःत्तोलाम् इक्लाधिक् त्ये़, “कन् आस्सारो, खुने़ॽए सेगुङ्ङाङ् वाॽआरो! खुने़ॽ पाःत्तुबा पाःन्निन् खे़प्से़म्मे़ॽओ॥” 36खे़न् इक्लान् पारे़ चुरे़आङ् खे़प्मो ये़सुन् लक् मे़निसुरो॥ हुॽसाम्बाहाॽरे़ कन् पाःन्निन् खुनिॽ निङ्वाॽ सिगाङ् मे़युक्खुआङ् खे़न् ये़म्मो आत्तिन्हाॽआङ् मे़म्मे़त्तुन्छिन्लो॥
फे़न्साम्मिल्ले़ तरुबा अङे़ःक्वान्
(मत्ति १७:१४-१८; मर्कु ९:१४-२७)
37कुदाःन्दिक्मा ये़सुन् नु खे़न् हुॽसाम्बाहाॽ कोःक्माओनु यो मे़ध्ये़, हे़क्क्याङ् यरिक् मनाहाॽरे़ मे़दुमुसिरो॥ 38खे़न् मनाहाॽओ थिक्ले़ कुस्सा चुक्पे़न् फे़त्तुआङ् यम्बा इक्लाओ अःक्ते़र मे़त्तु, “सिक्साम्बे, इङ्गाॽ आस्सान् ओमे़त्ताङ् पिराङ्ङे़ॽ फाॽआङ् पेलि फाक्ने़ॽरो॥ कन् लत्थिक्लक् आस्सारो॥ 39ए़त्ले़ङ् फे़न्साम्मिल्ले़ फत्तु, तुक्खे चाःत्तुआङ् खाम्मो पिर्धाप् थाप्सु, हे़क्क्याङ् सल्लिक् सन्छिङ्लो॥ हे़क्क्याङ् कुमुराओलाम् कुध्याःत् लःत्तुरो॥ फे़न्साम्मिल्ले़ सप्फा सप्फारक् ले़रुआङ् खुने़ॽग मे़ङ्मा इतुआङ् वाॽरो॥ 40इङ्गाॽ के़हुॽसाम्बाहाॽ कन् फे़न्साम्मिन् आस्साःल्लोलाम् नाःत्ते़म् आबिरे़म्मे़ॽ फाॽआङ् पेलि फाक्तुङ्सिङ्, कर मे़न्छुक्तुन्लो॥”
41हे़क्केःल्ले़ ये़सुरे़ नोगप् पिरु, “नसान् के़होप्पा नु ताक्के़भे़ॽबा मनासे, आप्फाल्ले़ थारिक् इङ्गाॽ खिनिॽनु वाॽआआङ् नासि थःत्निङ्बाबे? खे़न् चुक्पे़न् कत्ना फे़त्ते़म्मे़ॽ॥”
42हे़क्क्याङ् खे़न् चुक्पे़न् ये़सुन् ले़प्माङ् पेर पत्छे़ल्ले़ फे़न्साम्मिल्ले़ फत्तुआङ् पिर्धाप् थाप्सु, कर ये़सुरे़ खे़न् फे़न्साम्मिन् खे़न् चुक्पे़ल्लोलाम् लःन्दे़ पेगे़ॽ फाॽआङ् इङ्जाङ् पिरु हे़क्क्याङ् खे़न् चुक्पे़न् वेःन्दुआङ् कुम्बा पिरुरो॥ 43हे़क्क्याङ् निङ्वाॽफुमाङ्ङिल्ले़ यम्बा कुमुक्साम्मिन् मे़निसुआङ् के़रे़क् मनाहाॽरे़ खुनिॽ निङ्वाॽ मये़॥
ये़सुरे़ कुसिमे़ल्ले़ कुयाःम्बेओ पाःत्तुॽ
(मत्ति १७:२२-२३; मर्कु ९:३०-३२)
ये़सुरे़ चोगुबा के़रे़क् याःम्बक्को मनाहाॽरे़ खुनिॽ निङ्वाॽ मये़ल्ले़ ये़सुरे़ कुहुॽसाम्बाहाॽ मे़त्तुसि, 44“आबाःन्निन् खे़प्से़म्मे़ॽओ-आल्ल मे़न्छाम्सान् इङ्मे़ले़क्तुॽ हे़क्क्याङ् मनाहाॽरे़ खुनिॽ हुक्को हुक् मे़सुप्तु मे़बिरुॽरो॥” 45कर ये़सुरे़ पाःत्तुबा पाःन्निन् कुसिङ् मे़न्निःत्तुन्, थेआङ्भे़ल्ले़ खे़न् पाःन्निन् खुनिॽओलाम् माॽरे़आङ् वये़॥ खे़ङ्हाॽरे़ याम्मो सेःन्दोमाआङ् मे़गिसे़रो॥
के़रे़क्नुःल्ले़ यम्बा हाःप्पे?
(मत्ति १८:१-५; मर्कु ९:३३-४०)
46हे़क्क्याङ् ये़सुरे़ कुहुॽसाम्बाहाॽ आनिॽओ के़रे़क्नुःल्ले़ यम्बा हाःप्पे फाॽआङ् पान् मे़धक्ते़॥ 47कर ये़सुरे़ खुनिॽ निङ्वाॽइन् निसुआङ् चुक्पा हिन्जाॽधिक् फे़त्तुआङ् खुनिॽ तगि ये़प्सुरो॥ 48हे़क्क्याङ् कुहुॽसाम्बाहाॽ मे़त्तुसि, “आत्तिल्ले़ आमिङ्ङो अक्तङ्बा चुक्सा हिन्जाॽइन् लाम्दाःक्तुॽ, खे़ल्ले़ इङ्गाॽ लाम्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाम्दाःक्तुॽ॥ आत्तिन् खिनिॽओ के़रे़क्नुःल्ले़ चुक्सा चोक्, खे़न्ने के़रे़क्नुःल्ले़ यम्बारो॥”
49हे़क्क्याङ् युहुन्नाःल्ले़ खुने़ॽ मे़त्तु, “आदाङ्बा सिक्साम्बे, आनिगे लत्छा मनाधिक्ले़ खे़ने़ॽ के़मिङ्ङो फे़न्साम्हाॽ नाःत्तु लःत्तुसिर पत्छे़बा निसुम्बे़आङ् आनिगे खे़न् हे़क्के चोःक्मा मे़बाङ्घुम्बे़न्लो, थेआङ्भे़ल्ले़ खे़न् आनिगे़नु थिक्हुप्पो मे़वाॽने़न्लो॥”
50ये़सुरे़ खे़न् नोगप् पिरु, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हात् खिनिॽ तक्ले़ङ्वाओ होप्, खे़न् खिनिॽ ले़प्माङ् वाॽरो॥”
सामरिहाॽरे़ ये़सुन् मे़नाॽरु
51हे़क्क्याङ् खुने़ॽ साङ्ग्राम्पेदाङ्ङो कुबेःक्मा ये़म् त्ये़र पत्छे़बाल्ले़ खुने़ॽ यरुसले़म ले़प्माङ् पेःक्मा निङ्वाॽ चोगु॥ 52खुने़ॽ इङ्साबाहाॽ तगि पाङ्घुसिरो॥ हे़क्क्याङ् खे़ङ्हाॽआङ् सामरिहाॽरे़ खुनिॽ पाङ्भेॽओ चामा थुङ्मा नु से़न्दिक् याङ्धोःक्से़ मे़बे, 53कर सामरिहाॽरे़ खुने़ॽ लाम्दाःक्मा मे़म्बिरुन्, थेआङ्भे़ल्ले़ खुने़ॽ यरुसले़म ले़प्माङ् पेर पत्छे़॥ 54हे़क्केःल्ले़ खे़न् निसे़त्छुआङ् कुहुॽसाम्बाहाॽ याकुब नु युहुन्नारे़ ये़सुन् सेःन्दोसे़त्छु, “आदाङ्बे, आनिगे साङ्ग्राम्पेदाङ्लाम् मिराःक् थाःसुम्बे़आङ् कन् पाङ्भेॽइन् खाप्पुथ्यःङ् चोगुम्बे़ॽ के़लॽबा निङ्वाॽ के़जोगुबि?” 55कर ये़सुरे़ हिसिङ्ङाङ् फे़ःक्तुसि॥ 56हे़क्क्याङ् खुने़ॽ नु कुहुॽसाम्बाहाॽ वेॽसमा पाङ्भेॽओ मे़बेरो॥
ये़सुन् नाःप्माल्ले़ कुमे़ल्लुङ्
(मत्ति ८:१९-२२)
57हे़क्क्याङ् लाम्मो ये़सुन् नु कुहुॽसाम्बाहाॽ लाङ्मे़घेगे़र मे़बत्छे़ल्ले़ मनाधिक् त्ये़आङ् खुने़ॽ मे़त्तु, “सिक्साम्बे, खे़ने़ॽ आत्ति के़बेःक्साङ् खे़ने़ॽनु पेःक्कारो॥”
58कर ये़सुरे़ नोगप् पिरु, “किदिःप्पाहाॽरे़ लुङ्घुरि मे़गत्तुॽ, पुसाहाॽरे़ हाप् मे़गत्तुॽ, कर इङ्गाॽ मे़न्छाम्साःल्ले़ग थे़गेक् ने़मा ते़न्नाङ् मे़गत्तान्लो॥
59“हे़क्क्याङ् ये़सुरे़ वेॽसमा मनान् मे़त्तु, ‘इङ्गाॽ तिम्दाङ्ङे़ॽओ॥’”
कर खे़न् मनाःल्ले़ नोगप् पिरु, “आदाङ्बे, तगि इङ्गाॽ पेःक्का हे़क्क्याङ् पानुदिङ् आम्बान् इःप्पुङ्ङो चिङ्मा पाङ्घाङ्ङे़ॽओ॥”
60ये़सुरे़ खे़न् मे़त्तु, “हाराॽ चेहाॽरे़ खुनिॽ चेहाॽ इःप्पुङ्ङो मे़जिक्खुसिर, कर खे़ने़ॽ निङ्वाॽफुहाङ्जुम्मिल्ले़ कुयाःम्बेओ इङ्भन् से़से़ॽओ॥”
61हे़क्क्याङ् वेॽसमा मनान् त्ये़आङ् ये़सुन् मे़त्तु, “आदाङ्बे, इङ्गाॽ खे़ने़ॽ नाःत्ने़ॽरो, कर के़रे़क्नुःल्ले़ तगि इङ्गाॽ आहिम्सयङ्हाॽनु से़म्मुॽइ चोःक्से़ पाङ्घाङ्ङे़ॽओ॥”
62कर ये़सुरे़ खे़न् नोगप् पिरु, “हाःत्ले़ कुहुक्किन् के़क्चुओ फत्छुआङ् एगाङ् ओमे़त्तु, खे़न् निङ्वाॽफुहाङ्जुम्मो माङ्से़वा याःम्बक् चोःक्मा मे़लाॽरुन्लो॥”
လက္ရွိေရြးခ်ယ္ထားမွု
लुका 9: LIF
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2009, 2023, Wycliffe Bible Translators, Inc. All rights reserved.
लुका 9
9
ये़सुरे़ १२ कुहुॽसाम्बाहाॽ इङ्भन् से़से़ पाङ्घुसिॽ
(मत्ति १०:५-१५; मर्कु ६:७-१३)
1आल्ल ये़सुरे़ थिक्ने़त् (१२) कुहुॽसाम्बाहाॽ कुबेसाङ् उःत्तुसिआङ् के़रे़क् फे़न्साम्हाॽ नाःप्मा लःप्मा नु के़दुक्पाहाॽ वेःम्मा मुक्साम् नु युक् पिरुसिआङ् 2खे़ङ्हाॽ निङ्वाॽफुहाङ्जुम्मिल्ले़ कुयाःम्बेओबा सुनाइङ् से़से़ नु के़दुक्पाहाॽ वेःन्छे़ पाङ्घुदेसुसिरो॥ 3हे़क्क्याङ् खे़ङ्हाॽ अक्खे मे़त्तुसि, “खिनिॽ लाम्दिःक्को के़बेगिल्ले़ तक्कात्, सुःक्वा, चामा चा, याङ्, हे़क्क्याङ् वेॽ ले़क्सिङ्मा चाङ् थेआङ् मे़याङ्ङासिम्मे़न्ने़ॽओ॥ 4खिनिॽ आत्तिन् हिम्मो लाम्दाःक्मा के़म्बिरिॽ, खे़न् पाङ्जुम्मिन् मे़ल्ले़त्ते थारिक् खे़न् हिम्मोए याःक्ते़म्मे़ॽ, 5कर मनाहाॽरे़ खिनिॽ लाम्दाःक्मा के़मे़म्बिरिन्ने़ फाॽग्र खे़न् पाङ्जुम्मिन् के़ले़रुम्मिल्ले़ खिनिॽ लाङ्ङो के़घिप्पा खाम्हिःक्किन् थाप्से़म् थ्ये़म्मे़ॽ॥ कङ्ग खुनिॽ तक्ले़ङ्वाओ के़बोङ्बा मिक्सेःन्लो॥”
6हे़क्क्याङ् खे़ङ्हाॽ पाङ्भेॽ पाङ्भेॽओ मे़बेआङ् सुनाइङ् मे़से़सुआङ् के़दुक्पा के़यॽबाहाॽ मे़वेःन्दुसिरो॥
7आल्ल गालिल थुम्मोबा सुहाङ्गे़म्बा हे़रोद एन्तिपासरे़ कन् के़रे़क् पोःक्खे़बा पाःन्हाॽ खे़प्सुआङ् खुने़ॽ कुनिङ्वाॽ मये़, थेआङ्भे़ल्ले़ कुभारे़ “बप्तिस्मा के़बिबा युहुन्नान् याम्मो हिङे़आङ् वाॽरो” मे़बाःत्तु॥ 8वेॽहाॽरे़ “माङ्निङ्वाॽपान् के़बाःप्पा एलियान् याम्मो लःन्दे़आङ् वाॽ” मे़बाःत्तु, हे़क्क्याङ् आल्लसाङ् वेॽ मनाहाॽरे़ “उन्छोःन्बा माङ्निङ्वाॽपान् के़बाःप्पाधिक् याम्मो हिङे़आङ् वाॽ” मे़बाःत्तुरो॥ 9हे़क्केःल्ले़ हे़रोदरे़ पाःत्तु, “बप्तिस्मा के़बिबा युहुन्नाःङ्ग कुनिःङ्मान् खक् पाङ्घुङ्सिङ्ङाङ् वये़, कर आक्खेलॽरिक् याम्मो हिङे़बे? इङ्गाॽ कन् थेःन्ने़ खे़प्सुङ्बे?” हे़क्क्याङ् खुने़ॽए ओमे़प्मा निङ्वाॽ चोगु॥
ये़सुरे़ ५,००० मनाहाॽ चा चाःत्तुसिॽ
(मत्ति १४:१३-२१; मर्कु ६:३०-४४; युहु ६:१-१४)
10हे़क्क्याङ् सेःक्युक्मिबाहाॽ मे़नुःक्खे़ मे़द्ये़आङ् खे़ङ्हाॽरे़ मे़जोगुबा याःम्बक्हाॽ ये़सुन् मे़जे़क्तु॥ हे़क्क्याङ् ये़सुरे़ खे़ङ्हाॽ बे़थसेदा पाङ्जुम् ले़प्माङ् स्वाःत्ताङ् तेॽरुसिआङ् पे, 11कर यरिक् मनाहाॽरे़ खे़न् निङ्वाॽ मे़घोसुआङ् खे़ङ्हाॽरे़ खुनिॽ एगाङ् एगाङ् मे़धासिङ्॥ ये़सुरे़ खे़ङ्हाॽ के़रे़क् लाम्दाःक्मा पिरुसिआङ् निङ्वाॽफु हाङ्जुम्बा पाःन्हाॽ चे़क्तुसि, हे़क्क्याङ् के़दुक्पा के़यॽबाहाॽ वेःन्दुसि॥
12हे़क्क्याङ् नाम्ध्ये़र पत्छे़ल्ले़ थिक्ने़त् कुहुॽसाम्बाहाॽ मे़द्ये़आङ् मे़मे़त्तु, “आदाङ्बा सिक्साम्बे, कन् मनाहाॽ पाङ्घे़देसे़से़ॽओ॥ हे़क्क्याङ् खे़न् खिरिबा पाङ्जुम्मो मे़बेःक्काङ् चामा थुङ्मा नु याङ्धोःक्मारे़न् तङ्गाम् मे़जोगुररो, थेआङ्भे़ल्ले़ आनिॽग एःक्सादे़न्नो आवाॽरो॥”
13कर ये़सुरे़ खे़ङ्हाॽ मे़त्तुसि, “खिनिॽए कङ्हाॽ कुजा पिरे़म्सिम्मे़ॽओ॥”
कर खे़ङ्हाॽरे़ मे़बाःत्तु, “आनिगे़ग ङासि खरे़ःङ् नु ने़त्छि ङारक् कत्तुम्बे़रो॥ वेॽ थेआङ् होप्॥ वेॽ खरे़ःङ् मे़न्इङ्ङे कन् मनाहाॽ आक्खेलॽरिक् योमासिबे?” 14(खे़प्मो हे़न्छिङ् ङासि यारिक् ये़म्बित्छाॽहाॽ मे़वये़रो॥)
ये़सुरे़ कुहुॽसाम्बाहाॽ मे़त्तुसि, “खे़ङ्हाॽ ङागिप्रे़न् लुप्पो थे़ःक्पे़त्ताङ् युङ्मा पाङ्घे़म्सिम्मे़ॽ॥”
15हे़क्क्याङ् कुहुॽसाम्बाहाॽरे़ बा हे़क्केलॽरिक् के़रे़क् मनाहाॽ मे़युक्खुसि॥ 16ये़सुरे़ ङासि खरे़ःङ्हाॽ नु ने़त्छि ङाहाॽ पक्खुआङ् थो साङ्ग्राम्पेदाङ् ले़प्माङ् ओमये़र निङ्वाॽफुमाङ्ङिन् नोगे़न् पिरुआङ् खे़न् खरे़ःङ्हाॽ नु ङाहाॽ खे़ःक्खुआङ् कुहुॽसाम्बाहाॽ खे़न् मनाहाॽ मे़हाःत्तुसिर फाॽआङ् पिरुसि॥ 17हे़क्क्याङ् खे़ङ्हाॽरे़ खाघा मे़जआङ् मे़नन्छुबा कुजिहाॽ मे़सुप्सुल्ले़ थिक्-ने़त् नइमा योरे़रो॥
ये़सुन् हाःप्पे?
(मत्ति १६:१३-१९; मर्कु ८:२७-२९)
18थिक्ये़न् ये़सुन् एःक्सादे़न्नो तुवा चोःक्नु वये़ल्ले़ कुहुॽसाम्बाहाॽ खे़प्मो मे़द्ये़॥ ये़सुरे़ खे़ङ्हाॽ सेःन्दोसुसि, “इङ्गाॽ हाःत्आबे फाॽआङ् मनाहाॽरे़ मे़बाःत्तुॽबे?” 19हे़क्केःल्ले़ कुहुॽसाम्बाहाॽरे़ नोगप् मे़बिरु, “कुभारे़ खे़ने़ॽ बप्तिस्मा के़बिबा युहुन्ना नु वेॽहाॽरे़ग एलिया फाॽआङ् के़म्मे़त्लो॥ कुभारे़ग उन्छोःन्बा वेॽ माङ्निङ्वाॽपान् के़बाःप्पाधिक् सिमे़न्लाम् याम्मो हिङे़आङ् वाॽ फाॽआङ् के़म्मे़त्लो॥” 20ये़सुरे़ खे़ङ्हाॽ याम्मो सेःन्दोसुसि, “कर खिनिॽग, इङ्गाॽ हाःत्आबे फाॽआङ् याप्मि के़मे़त्तिॽबे?”
पत्रुसरे़ नोगप् पिरु, “खे़ने़ॽग निङ्वाॽफुमाङ्ङिल्ले़ सेःन्दुबा ख्रिस्तने़ॽरो॥”
ये़सुरे़ आबाङे कुसिमे़ल्ले़ कुयाःम्बेओ पाःत्तुॽ
(मत्ति १६:२०-२८; मर्कु ८:३०–९:१)
21ये़सुरे़ खे़ङ्हाॽ कन् पाःन्निन् आत्तिन्हाॽआङ् मे़मे़त्ते़म्सिम्मे़न्ने़ॽ फाॽआङ् इङ्जाङ् पिरुसि॥ 22खे़ङ्हाॽ मे़त्तुसि, “इङ्गाॽ मे़न्छाम्साःल्ले़ यरिक् तुक्खेहाॽ तुम्मा पोङ्॥ हे़क्क्याङ् यहुदि तुम्लाम्लोबाहाॽरे़, तुम् निङ्वाॽफुसाम्बाहाॽरे़ नु साम्योथिम्साम्बाहाॽरे़ मे़नाॽआ॥ हे़क्क्याङ् मनाहाॽरे़ मे़से़त्ताआङ् सुम्ये़न् एगाङ् सिमे़न्लाम् याम्मो हिङ्ङारो॥”
23ये़सुरे़ खे़ङ्हाॽ याम्मो मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ् थुङुङ् के़लॽबा कुनिङ्वाॽइन् से़रुआङ् थिक्याःन्धक् सिलाम्साक्मा कुसिङ्ङिन् पक्खुआङ् इङ्गाॽ तिम्माररो॥ 24थेआङ्भे़ल्ले़ आत्तिल्ले़ कुहिङ्मन्निन् ताङ्से़ःप्तुङ् लॽरिक् निङ्वाॽ चोगुॽ, खे़ल्ले़ खे़न्नाङ् मासुॽ, कर आत्तिल्ले़ कुहिङ्मन्निन् आलागि मासुॽ, खे़ल्ले़ मे़न्नुप्मनाबा हिङ्मन् खोसुॽरो॥ 25मे़न्छाम् याप्मिःल्ले़ काक् इक्सादिङ् खाम्बेःक्मान् खुने़ॽइन् चोगुसाङ् कुहिङ्मन्निन् माःसुने़ फाॽग्र नुबा पोङ्बि? 26आत्तिन् मनान् इङ्गाॽनु हे़क्क्याङ् आबाःन्जाक्किन्नु सिरिङ् मःॽ, इङ्गाॽ मे़न्छाम्साःन्नाङ् आमिमिदिङ्नु, आम्बारे़ कुमिमिदिङ्नु हे़क्क्याङ् सेसे माङ्लाइङ्बाहाॽरे़ खुनिॽ मिमिदिङ्नु युआल्ले़ खे़न्निन् आमना पाःप्मा सिरिङ् मआरो॥ 27इङ्गाॽ से़क्खाए मे़त्निङ्, कप्मो के़ये़प्पा कुभा मनाहाॽरे़ निङ्वाॽफु हाङ्जुम्मिन् युबा मे़न्निए थारिक् मे़न्छिःने़न्लो॥”
ये़सुरे़ कुधक्किन् ले़ङ्सिङ्
(मत्ति १७:१-८; मर्कु ९:२-८)
28खे़न् पाःन्निन् पाःत्तुबा ये़त्छि (८) ये़न् एगाङ् ये़सुरे़ पत्रुस, युहुन्ना नु याकुबे़न् तेॽरुसिआङ् कोःक्माओ थो तुवा चोःक्से़ पे॥ 29खुने़ॽ तुवा चोःक्नु पत्छे़ल्ले़ कुनारान् ले़क्सिङ्ल पेआङ् खुने़ॽ कुदेःत्हाॽ मिक् के़जे़म्बा फगे़लॽबा पोःक्खे़र ले़क्ते़रो॥ 30-31हे़क्क्याङ् खे़प्मो ने़प्फु मनाहाॽ साङ्ग्राम्गे़न् ओःत्तिबा मिमिदिङ्ङो थाःम्ने़त्छिआङ् ये़सुन् नु ताॽजे़क्खे़त्छि॥ खे़ङ्हाॽ माङ्निङ्वाॽपान् के़बाःप्पा एलियान् नु मोसान् वये़त्छिरो॥ खे़ङ्हाॽरे़ ये़सुरे़ कुसिमे़न् नु यरुसले़म्मो चोःक्मा सुःप्मा इःत्ते़बा याःम्बक्किल्ले़ कुयाःम्बेओ ताॽमे़जे़क्खे़॥ 32पत्रुस नु कुन्जुम्हाॽ मे़इप्से़आङ् मे़ने़स्से़, कर खे़ङ्हाॽ तादाप् लॽरिक् मे़सोरे़ल्ले़ ये़सुरे़ कुमिमिदिङ्ङिन् हे़क्क्याङ् खे़न् ने़प्फु मनाहाॽ खुने़ॽनु ये़बे़त्छिबा मे़निसु॥ 33हे़क्क्याङ् खे़न् मनाहाॽरे़ ये़सुन् पक्थ्ये़सुआङ् पेसिर पत्छे़त्छिल्ले़ पत्रुसरे़ ये़सुन् मे़त्तु, “सिक्साम्बे, आनिॽग कप्मोए आवाॽइल्ले़ नुबा पोङ्लो॥ आनिगे कप्मो सुम्सि याक्साहाॽ चोगुम्बे़ॽ, थिक् खे़ने़ॽइन् हे़क्क्याङ् मोसान् नु एलियारे़ खुन्छिॽ लागिआङ् थिक्थिक् चोगुम्बे़ॽरो!” (कर खुने़ॽ थेःन् पाःत्तुङ्बे फाॽआङ् थेआङ् कुनिङ्वाॽ मे़यागे़न्॥) 34खुने़ॽ पारे़र पत्छे़ल्ले़सा खे़प्मो खाप्मिःत्तिल्ले़ खे़ङ्हाॽ ते़प्तुसि, हे़क्केःल्ले़ खे़ङ्हाॽ साॽरिक् मे़गिसे़रो॥ 35खाप्मिःत्तोलाम् इक्लाधिक् त्ये़, “कन् आस्सारो, खुने़ॽए सेगुङ्ङाङ् वाॽआरो! खुने़ॽ पाःत्तुबा पाःन्निन् खे़प्से़म्मे़ॽओ॥” 36खे़न् इक्लान् पारे़ चुरे़आङ् खे़प्मो ये़सुन् लक् मे़निसुरो॥ हुॽसाम्बाहाॽरे़ कन् पाःन्निन् खुनिॽ निङ्वाॽ सिगाङ् मे़युक्खुआङ् खे़न् ये़म्मो आत्तिन्हाॽआङ् मे़म्मे़त्तुन्छिन्लो॥
फे़न्साम्मिल्ले़ तरुबा अङे़ःक्वान्
(मत्ति १७:१४-१८; मर्कु ९:१४-२७)
37कुदाःन्दिक्मा ये़सुन् नु खे़न् हुॽसाम्बाहाॽ कोःक्माओनु यो मे़ध्ये़, हे़क्क्याङ् यरिक् मनाहाॽरे़ मे़दुमुसिरो॥ 38खे़न् मनाहाॽओ थिक्ले़ कुस्सा चुक्पे़न् फे़त्तुआङ् यम्बा इक्लाओ अःक्ते़र मे़त्तु, “सिक्साम्बे, इङ्गाॽ आस्सान् ओमे़त्ताङ् पिराङ्ङे़ॽ फाॽआङ् पेलि फाक्ने़ॽरो॥ कन् लत्थिक्लक् आस्सारो॥ 39ए़त्ले़ङ् फे़न्साम्मिल्ले़ फत्तु, तुक्खे चाःत्तुआङ् खाम्मो पिर्धाप् थाप्सु, हे़क्क्याङ् सल्लिक् सन्छिङ्लो॥ हे़क्क्याङ् कुमुराओलाम् कुध्याःत् लःत्तुरो॥ फे़न्साम्मिल्ले़ सप्फा सप्फारक् ले़रुआङ् खुने़ॽग मे़ङ्मा इतुआङ् वाॽरो॥ 40इङ्गाॽ के़हुॽसाम्बाहाॽ कन् फे़न्साम्मिन् आस्साःल्लोलाम् नाःत्ते़म् आबिरे़म्मे़ॽ फाॽआङ् पेलि फाक्तुङ्सिङ्, कर मे़न्छुक्तुन्लो॥”
41हे़क्केःल्ले़ ये़सुरे़ नोगप् पिरु, “नसान् के़होप्पा नु ताक्के़भे़ॽबा मनासे, आप्फाल्ले़ थारिक् इङ्गाॽ खिनिॽनु वाॽआआङ् नासि थःत्निङ्बाबे? खे़न् चुक्पे़न् कत्ना फे़त्ते़म्मे़ॽ॥”
42हे़क्क्याङ् खे़न् चुक्पे़न् ये़सुन् ले़प्माङ् पेर पत्छे़ल्ले़ फे़न्साम्मिल्ले़ फत्तुआङ् पिर्धाप् थाप्सु, कर ये़सुरे़ खे़न् फे़न्साम्मिन् खे़न् चुक्पे़ल्लोलाम् लःन्दे़ पेगे़ॽ फाॽआङ् इङ्जाङ् पिरु हे़क्क्याङ् खे़न् चुक्पे़न् वेःन्दुआङ् कुम्बा पिरुरो॥ 43हे़क्क्याङ् निङ्वाॽफुमाङ्ङिल्ले़ यम्बा कुमुक्साम्मिन् मे़निसुआङ् के़रे़क् मनाहाॽरे़ खुनिॽ निङ्वाॽ मये़॥
ये़सुरे़ कुसिमे़ल्ले़ कुयाःम्बेओ पाःत्तुॽ
(मत्ति १७:२२-२३; मर्कु ९:३०-३२)
ये़सुरे़ चोगुबा के़रे़क् याःम्बक्को मनाहाॽरे़ खुनिॽ निङ्वाॽ मये़ल्ले़ ये़सुरे़ कुहुॽसाम्बाहाॽ मे़त्तुसि, 44“आबाःन्निन् खे़प्से़म्मे़ॽओ-आल्ल मे़न्छाम्सान् इङ्मे़ले़क्तुॽ हे़क्क्याङ् मनाहाॽरे़ खुनिॽ हुक्को हुक् मे़सुप्तु मे़बिरुॽरो॥” 45कर ये़सुरे़ पाःत्तुबा पाःन्निन् कुसिङ् मे़न्निःत्तुन्, थेआङ्भे़ल्ले़ खे़न् पाःन्निन् खुनिॽओलाम् माॽरे़आङ् वये़॥ खे़ङ्हाॽरे़ याम्मो सेःन्दोमाआङ् मे़गिसे़रो॥
के़रे़क्नुःल्ले़ यम्बा हाःप्पे?
(मत्ति १८:१-५; मर्कु ९:३३-४०)
46हे़क्क्याङ् ये़सुरे़ कुहुॽसाम्बाहाॽ आनिॽओ के़रे़क्नुःल्ले़ यम्बा हाःप्पे फाॽआङ् पान् मे़धक्ते़॥ 47कर ये़सुरे़ खुनिॽ निङ्वाॽइन् निसुआङ् चुक्पा हिन्जाॽधिक् फे़त्तुआङ् खुनिॽ तगि ये़प्सुरो॥ 48हे़क्क्याङ् कुहुॽसाम्बाहाॽ मे़त्तुसि, “आत्तिल्ले़ आमिङ्ङो अक्तङ्बा चुक्सा हिन्जाॽइन् लाम्दाःक्तुॽ, खे़ल्ले़ इङ्गाॽ लाम्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाम्दाःक्तुॽ॥ आत्तिन् खिनिॽओ के़रे़क्नुःल्ले़ चुक्सा चोक्, खे़न्ने के़रे़क्नुःल्ले़ यम्बारो॥”
49हे़क्क्याङ् युहुन्नाःल्ले़ खुने़ॽ मे़त्तु, “आदाङ्बा सिक्साम्बे, आनिगे लत्छा मनाधिक्ले़ खे़ने़ॽ के़मिङ्ङो फे़न्साम्हाॽ नाःत्तु लःत्तुसिर पत्छे़बा निसुम्बे़आङ् आनिगे खे़न् हे़क्के चोःक्मा मे़बाङ्घुम्बे़न्लो, थेआङ्भे़ल्ले़ खे़न् आनिगे़नु थिक्हुप्पो मे़वाॽने़न्लो॥”
50ये़सुरे़ खे़न् नोगप् पिरु, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हात् खिनिॽ तक्ले़ङ्वाओ होप्, खे़न् खिनिॽ ले़प्माङ् वाॽरो॥”
सामरिहाॽरे़ ये़सुन् मे़नाॽरु
51हे़क्क्याङ् खुने़ॽ साङ्ग्राम्पेदाङ्ङो कुबेःक्मा ये़म् त्ये़र पत्छे़बाल्ले़ खुने़ॽ यरुसले़म ले़प्माङ् पेःक्मा निङ्वाॽ चोगु॥ 52खुने़ॽ इङ्साबाहाॽ तगि पाङ्घुसिरो॥ हे़क्क्याङ् खे़ङ्हाॽआङ् सामरिहाॽरे़ खुनिॽ पाङ्भेॽओ चामा थुङ्मा नु से़न्दिक् याङ्धोःक्से़ मे़बे, 53कर सामरिहाॽरे़ खुने़ॽ लाम्दाःक्मा मे़म्बिरुन्, थेआङ्भे़ल्ले़ खुने़ॽ यरुसले़म ले़प्माङ् पेर पत्छे़॥ 54हे़क्केःल्ले़ खे़न् निसे़त्छुआङ् कुहुॽसाम्बाहाॽ याकुब नु युहुन्नारे़ ये़सुन् सेःन्दोसे़त्छु, “आदाङ्बे, आनिगे साङ्ग्राम्पेदाङ्लाम् मिराःक् थाःसुम्बे़आङ् कन् पाङ्भेॽइन् खाप्पुथ्यःङ् चोगुम्बे़ॽ के़लॽबा निङ्वाॽ के़जोगुबि?” 55कर ये़सुरे़ हिसिङ्ङाङ् फे़ःक्तुसि॥ 56हे़क्क्याङ् खुने़ॽ नु कुहुॽसाम्बाहाॽ वेॽसमा पाङ्भेॽओ मे़बेरो॥
ये़सुन् नाःप्माल्ले़ कुमे़ल्लुङ्
(मत्ति ८:१९-२२)
57हे़क्क्याङ् लाम्मो ये़सुन् नु कुहुॽसाम्बाहाॽ लाङ्मे़घेगे़र मे़बत्छे़ल्ले़ मनाधिक् त्ये़आङ् खुने़ॽ मे़त्तु, “सिक्साम्बे, खे़ने़ॽ आत्ति के़बेःक्साङ् खे़ने़ॽनु पेःक्कारो॥”
58कर ये़सुरे़ नोगप् पिरु, “किदिःप्पाहाॽरे़ लुङ्घुरि मे़गत्तुॽ, पुसाहाॽरे़ हाप् मे़गत्तुॽ, कर इङ्गाॽ मे़न्छाम्साःल्ले़ग थे़गेक् ने़मा ते़न्नाङ् मे़गत्तान्लो॥
59“हे़क्क्याङ् ये़सुरे़ वेॽसमा मनान् मे़त्तु, ‘इङ्गाॽ तिम्दाङ्ङे़ॽओ॥’”
कर खे़न् मनाःल्ले़ नोगप् पिरु, “आदाङ्बे, तगि इङ्गाॽ पेःक्का हे़क्क्याङ् पानुदिङ् आम्बान् इःप्पुङ्ङो चिङ्मा पाङ्घाङ्ङे़ॽओ॥”
60ये़सुरे़ खे़न् मे़त्तु, “हाराॽ चेहाॽरे़ खुनिॽ चेहाॽ इःप्पुङ्ङो मे़जिक्खुसिर, कर खे़ने़ॽ निङ्वाॽफुहाङ्जुम्मिल्ले़ कुयाःम्बेओ इङ्भन् से़से़ॽओ॥”
61हे़क्क्याङ् वेॽसमा मनान् त्ये़आङ् ये़सुन् मे़त्तु, “आदाङ्बे, इङ्गाॽ खे़ने़ॽ नाःत्ने़ॽरो, कर के़रे़क्नुःल्ले़ तगि इङ्गाॽ आहिम्सयङ्हाॽनु से़म्मुॽइ चोःक्से़ पाङ्घाङ्ङे़ॽओ॥”
62कर ये़सुरे़ खे़न् नोगप् पिरु, “हाःत्ले़ कुहुक्किन् के़क्चुओ फत्छुआङ् एगाङ् ओमे़त्तु, खे़न् निङ्वाॽफुहाङ्जुम्मो माङ्से़वा याःम्बक् चोःक्मा मे़लाॽरुन्लो॥”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2009, 2023, Wycliffe Bible Translators, Inc. All rights reserved.