Jọn 18
18
Ịdi osiph Jịzos
(Matiu 26.47-56; Mạk 14.43-50; Luk 22.47-53)
1ẠJizos rọghaaph ọghaaph phọ ọphon rọmadan, kụ ạpham bụmatuan phọ ọdi ạḅeenyom okol ạmuum mọ ạKidron, oḍigh oniin ozo ireeny dị oghoony. 2RꞌaJudas phọ ọpo raakeleghi bọ nyọdi ịlo aal phọ bịn alegheri aani ni esi phọ, ịdi eḍighi bọ ạJizos rꞌạbumatuan phọ ọdi ugbor ghan ni ọghi pạ phọ. 3Kụ aJudas ạpham bụo ẹgham rꞌabuniin abukoriom ogiga otu ịiḅereghi phọ dị ạbuo ạrumhu ariil ạrikia phọ rꞌaFarisi phọ ọlogh ạghimom pạ phọ. Bịdi ụnyaaghian ni ịlo ẹgham rꞌịtozi rꞌịmure. 4Kụ ạJizos malhegheri bọ ni rạraar phọ ịpe retu bọ omitenaan ọdi, amite ni sịphe aghisigh phọ ạbidi apuru mọ, “Nyina rẹwa ghan ạnhian?”
5Kụ bịdi mọ, “Jịzos, ọpo ạNazeret phọ.”
Kụ ạJizos ạḅeni bịdi mọ, “Mị kụ ọdi phọ ni.”
Kụ aJudas ọpo raakeleghi bọ nyọdi ịlo aal phọ ạmeera ni rꞌạbidi. 6Egina amem mọ dị ạḅeni bọ bịdi mọ, “Mị kụ ọdi phọ ni,” bịn bịdi oḅulolom ọman kụ omeleghu yogh ude. 7Kụ ọdi ạḅile apuru bịdi mọ, “Nyina rẹwa ghan ạnhian?” kụ bịdi mọ, “Jịzos, ọpo ạNazeret phọ.”
8Kụ ạJizos mọ, “Mị mịḅeni ni inyina mọ mị kụ ọdi phọ ni. Eḍighi ịyaar dị nyina rịwa ịmi, pọ ịbile bụen phọ ọḍua.” 9Ịphen phọ imite omuneniom ịpe ọdi ạghaaph bọ mọ: “Rꞌoniin ọnyo ạbuphe nạ ụngo bọ ịmi mị útoph.”
10Kụ aSaimon Pita dị ạpham elhool ẹgham aruph elhool phọ sịphe aḍuphul phọ amitiom asophom aḅeri-elhiom ẹbene uwo ẹmhu oyil ạrikia phọ. Ḍien ẹbene phọ ughol mọ ạMalkos. 11#Mat 26.39; Mạk 14.36; Luk 22.42Kụ ạJizos ạḅeni Pita mọ, “Ḅulemi elhool phọ ạna ạlogh pạ aḍuphul phọ. Mịna kụ́pugholom ẹgo ịminimiin phọ Ọde phọ mụngo bọ ịmi ḍụghum?”
Ọmeremi Jịzos ghisigh Ạnas
12Kụ bụo ẹgham mọ aRom rꞌuwo ẹmhu phọ ạbidi rꞌabukoriom ogiga aJu phọ omeleghuom Jịzos osiph ọphaḍi, 13kụ ọsighe ọphur ọghimom kꞌẠnas, loor esi dị ọdi phọ ọde ạnir ạKayafas, uwo ẹmhu oyil ạrikia phọ lhạ phọ ạḍiphe. 14#Jọn 11.49, 50ẠKayafas phọ kụ ạḅeni bọ bụo aJu phọ ạzeerom, mọ ẹkpe ni dị oniin oye kamughanaan we phọ.
APita ạparanaan Jịzos
(Matiu 26.69-70; Mạk 14.66-68; Luk 22.55-57)
15Kụ aSaimon Pita rꞌọnon ạmatuan phọ ạJizos ụdaph aani ni Jịzos. Ạmatuan phọ ọpo malhegheri ghan bọ uwo ẹmhu oyil ạrikia phọ atene igbaany aḍigh aani ni rꞌạJizos ẹpe ogiga uwo ẹmhu oyil ạrikia phọ. 16Kụ aPita ghụn ạmeera ẹpe ọnhu-aḍibuo phọ. Kụ ạmatuan phọ ọpo uwo ẹmhu oyil ạrikia phọ alegheri bọ amite ạghi ạḅeni ọnyani phọ rakori bọ ọnhu-aḍibuo phọ, kụ ạpham Pita aḍighom. 17Kụ ọnyani phọ rakori bọ ọnhu-aḍibuo phọ apuru Pita mọ, “Nạ ḍịen kóniin ọnyo ạmatuan oye phọ ọphon?”
Kụ ọdi mọ, “Kạ́mi.”
18Kụ ạrebene phọ rꞌabukoriom ogiga phọ ọkpooni nịan ịnye loor osipheeny phọ ọmeregha okoom rọonma ghan. Kụ aPita ạghi ạmeera ạanma aani ghan.
Uw-ẹmhu oyil ạrikia phọ aapuru yogh Jịzos sipuru
(Matiu 26.59-66; Mạk 14.55-64; Luk 22.66-71)
19Kụ uwo ẹmhu oyil ạrikia phọ apuru Jịzos ịlo ạbumatuan phọ ọdi, rꞌịpe ọdi rạtughemi ghan bọ. 20Kụ ạJizos ạphagharanaan nyọdi mọ, “Mị ụ́booghian ghan kụ ạghaaph ghan bọ ạḅeni aḅirini phọ. Mị ụtughemi ghan ni sịphe arubughotu phọ rꞌOtu Ịiḅereghi phọ, pạ ạbuo aJu phọ ookpomoghan ghan bọ. Kụ mị kọ̋rol ghan ọgbal kụ ạghaaph. 21Nạ ạḅile rupuru ghan ịmi! Puru ghụn bụphe ụnaghanan ghan bọ ịmi ịpe mị ạḅeni ghan bọ bịdi. Pogh aani, bịdi olegheri ni ịpe mị ạghaaph ghan bọ ạḅem.”
22Kụ ọdi rọghaaph ịduon phọ, bịn oniin okoriom dị ạmeera aani pạ phọ ạsighe ḍịghaagh ọdi aḅorom Jịzos kụ ạḅeni mọ, “Ịphen kụ ịdi nạ rạpanyanaan ghan uwo ẹmhu oyil ạrikia phọ!”
23Kụ ạJizos ạphagharanaan nyọdi mọ, “Eḍighi ịyaar dị mị ạghaaph ịkaraph, pọ gbạ amitiom ịkaraph phọ. Kụ ịphen mị ạghaaph bọ eru ni igey, uḍighi ika kụ nạ uḅor bọ ịmi?”
24Kụ Ạnas ạsighe nyọdi, ịdipho ọphaḍi bọ ni, ạghiomaan Kạyafas, uwo ẹmhu oyil ạrikia phọ.
APita ạḅile kẹn ạparanaan Jịzos
(Matiu 26.71-75; Mạk 14.69-72; Luk 22.58-62)
25Kụ aSaimon Pita ạmeera ni pạ phọ ạanma ghan nịan phọ. Kụ bịdi ọḅile opuru nyọdi mọ, “Nạ phọ ḍịen kóniin ọnyo ạmatuan ọdi?”
Kụ ọdi ạpharanaan mọ, “Kạ́mi.”
26Kụ oniin ẹbene uwo ẹmhu oyil ạrikia phọ dị aḍighi ọnyo asiya ọpo aPita asoph bọ aḅeri phọ, apuru mọ, “Mịna ḍịen ụ́miin nyịna rꞌọdi sịphe ozo ireeny phọ?”
27Kụ aPita ạḅile kẹn ạpharanaan. Egina amem mọ bịn ạkenegh ạlaay.
Ọmeremi Jịzos ghisigh aPailet
(Matiu 27.1-2, 11-14; Mạk 15.1-5; Luk 23.1-5)
28Esoph ạḍiroor kụ bịdi ọsighe Jịzos sịphe kꞌạKayafas osiemi marugh ọdaam eelhe phọ. Kụ bịdi úḍigh aani ogiga phọ, ọbo bịdi kọpuenaan ghan bọ loor, bịn ọbile ole aani ẹyaal ọphel otene phọ. 29Kụ aPailet amite ạghi ạteeny bịdi kụ apuru mọ, “Nyina rẹḅem ghan mọ oye phọ ọphon ạpioman eeghe?”
30Kụ bịdi ọphagharanaan mọ, “Mụghumo ọdi múḍighi bọ okpoḍiemiom areepheeny phọ, yoor mụ́sighe nyọdi utuomaan nyịna.”
31Kụ aPailet ạḅeni bịdi mọ, “Ịpam nyọdi ẹghi ẹsighe iilogh phọ anyina kụ ẹtuugh esophonaan nyọdi ọoruen.”
Kụ ạbuo aJu phọ ọḅeni nyọdi mọ, “Iyoor ụ́ngo ịikpo oghiigh ghan oye.” 32#Jọn 3.14; 12.32Ịphen phọ imite ni omuneniom ịpe ạJizos ạghaaph bọ ọmaam ọdo aḍuugh phọ dị kamugh bọ.
33Kụ aPailet ạḅile aḍigh ogiga phọ ọdi, kụ ạmagh Jịzos, kụ apuru mọ, “Nạ kụ ọdaam ẹmha ạbuo aJu phọ ni?”
34Kụ ạJizos mọ, “Nạ ụsighe ịitughian ạna bịn kụ rạkaaphom ịphen phọ ḍụghum, kụ ạbunon awe kụ ụghaaph ghan ịlo ạmi ọḅeni nyịna?”
35Kụ aPailet mọ, “Tạa mịna ọnyo aJu? Ạbuo ẹmha ạna rꞌạbuo ạrumhu ariil ạrikia phọ kụ ụḅogh bọ nyịna ụngo ịmi. Kụ nạ uḍighi eeghe?”
36Kụ ạJizos mọ, “Ẹdaam ẹmha phọ ạmi kẹ́lo aḅirini phọ ọphon. Mọ ẹdaam ẹmha phọ ạmi ẹlo aḅirini phọ ọphon, ọbo abutelhedom mọ ạmi mubianaan ni dị ịmi mụ́ḅogh ụngo bụo aJu phọ. Ẹdaam ẹmha phọ ạmi ị́ḍua sịen aḅirini phọ kụ eru.”
37Kụ aPailet ạtuan ịphen phọ apuru nyọdi mọ, “Oo! Nạ ọdaam ẹmha ni?”
Kụ ạJizos mọ, “Nạ kụ ụḅem mọ mị ọdaam ẹmha. Ụtuan ịduon phọ kụ ụmar bọ ịmi. Mị ụtuan kẹn ịduon phọ kụ aru bọ sịen aḅirini phọ, pịdi mị ạgba igey phọ amitiom. Tọrobo oye lọ odi aani ẹku igey phọ rụnaghanan ghan ni ịmi.”
38Kụ aPailet apuru nyọdi mọ, “Igey phọ pọ eeghe?”
Osoph erugh aḍuugh opume Jịzos
(Matiu 27.15-31; Mạk 15.6-20; Luk 23.13-25)
Kụ rọḅem ịduon phọ, kụ ạḅile amite ạghi ạteeny bụo aJu phọ ạḅeni mọ, “Mị ụ́miin rọmiin ologh dị ọdi asoor, 39kụ eḍighinom ịyaar phọ anyina ẹḅem mọ mị useere ghan oye ịngo inyina mem ẹyaal ọphel otene phọ. Esi ịduon phọ, nyina rẹwa mọ mị useere ọdaam ẹmha ạbuo aJu phọ kụ ịngo inyina ḍụghum?”
40Kụ bịdi ọḅile ọyughuron mọ, “Kóye phọ ọphon. Seere ghụn Bạrabas.” (ẠBarabas phọ ọḍueneen.)
လက္ရွိေရြးခ်ယ္ထားမွု
Jọn 18: ẠḌI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Jọn 18
18
Ịdi osiph Jịzos
(Matiu 26.47-56; Mạk 14.43-50; Luk 22.47-53)
1ẠJizos rọghaaph ọghaaph phọ ọphon rọmadan, kụ ạpham bụmatuan phọ ọdi ạḅeenyom okol ạmuum mọ ạKidron, oḍigh oniin ozo ireeny dị oghoony. 2RꞌaJudas phọ ọpo raakeleghi bọ nyọdi ịlo aal phọ bịn alegheri aani ni esi phọ, ịdi eḍighi bọ ạJizos rꞌạbumatuan phọ ọdi ugbor ghan ni ọghi pạ phọ. 3Kụ aJudas ạpham bụo ẹgham rꞌabuniin abukoriom ogiga otu ịiḅereghi phọ dị ạbuo ạrumhu ariil ạrikia phọ rꞌaFarisi phọ ọlogh ạghimom pạ phọ. Bịdi ụnyaaghian ni ịlo ẹgham rꞌịtozi rꞌịmure. 4Kụ ạJizos malhegheri bọ ni rạraar phọ ịpe retu bọ omitenaan ọdi, amite ni sịphe aghisigh phọ ạbidi apuru mọ, “Nyina rẹwa ghan ạnhian?”
5Kụ bịdi mọ, “Jịzos, ọpo ạNazeret phọ.”
Kụ ạJizos ạḅeni bịdi mọ, “Mị kụ ọdi phọ ni.”
Kụ aJudas ọpo raakeleghi bọ nyọdi ịlo aal phọ ạmeera ni rꞌạbidi. 6Egina amem mọ dị ạḅeni bọ bịdi mọ, “Mị kụ ọdi phọ ni,” bịn bịdi oḅulolom ọman kụ omeleghu yogh ude. 7Kụ ọdi ạḅile apuru bịdi mọ, “Nyina rẹwa ghan ạnhian?” kụ bịdi mọ, “Jịzos, ọpo ạNazeret phọ.”
8Kụ ạJizos mọ, “Mị mịḅeni ni inyina mọ mị kụ ọdi phọ ni. Eḍighi ịyaar dị nyina rịwa ịmi, pọ ịbile bụen phọ ọḍua.” 9Ịphen phọ imite omuneniom ịpe ọdi ạghaaph bọ mọ: “Rꞌoniin ọnyo ạbuphe nạ ụngo bọ ịmi mị útoph.”
10Kụ aSaimon Pita dị ạpham elhool ẹgham aruph elhool phọ sịphe aḍuphul phọ amitiom asophom aḅeri-elhiom ẹbene uwo ẹmhu oyil ạrikia phọ. Ḍien ẹbene phọ ughol mọ ạMalkos. 11#Mat 26.39; Mạk 14.36; Luk 22.42Kụ ạJizos ạḅeni Pita mọ, “Ḅulemi elhool phọ ạna ạlogh pạ aḍuphul phọ. Mịna kụ́pugholom ẹgo ịminimiin phọ Ọde phọ mụngo bọ ịmi ḍụghum?”
Ọmeremi Jịzos ghisigh Ạnas
12Kụ bụo ẹgham mọ aRom rꞌuwo ẹmhu phọ ạbidi rꞌabukoriom ogiga aJu phọ omeleghuom Jịzos osiph ọphaḍi, 13kụ ọsighe ọphur ọghimom kꞌẠnas, loor esi dị ọdi phọ ọde ạnir ạKayafas, uwo ẹmhu oyil ạrikia phọ lhạ phọ ạḍiphe. 14#Jọn 11.49, 50ẠKayafas phọ kụ ạḅeni bọ bụo aJu phọ ạzeerom, mọ ẹkpe ni dị oniin oye kamughanaan we phọ.
APita ạparanaan Jịzos
(Matiu 26.69-70; Mạk 14.66-68; Luk 22.55-57)
15Kụ aSaimon Pita rꞌọnon ạmatuan phọ ạJizos ụdaph aani ni Jịzos. Ạmatuan phọ ọpo malhegheri ghan bọ uwo ẹmhu oyil ạrikia phọ atene igbaany aḍigh aani ni rꞌạJizos ẹpe ogiga uwo ẹmhu oyil ạrikia phọ. 16Kụ aPita ghụn ạmeera ẹpe ọnhu-aḍibuo phọ. Kụ ạmatuan phọ ọpo uwo ẹmhu oyil ạrikia phọ alegheri bọ amite ạghi ạḅeni ọnyani phọ rakori bọ ọnhu-aḍibuo phọ, kụ ạpham Pita aḍighom. 17Kụ ọnyani phọ rakori bọ ọnhu-aḍibuo phọ apuru Pita mọ, “Nạ ḍịen kóniin ọnyo ạmatuan oye phọ ọphon?”
Kụ ọdi mọ, “Kạ́mi.”
18Kụ ạrebene phọ rꞌabukoriom ogiga phọ ọkpooni nịan ịnye loor osipheeny phọ ọmeregha okoom rọonma ghan. Kụ aPita ạghi ạmeera ạanma aani ghan.
Uw-ẹmhu oyil ạrikia phọ aapuru yogh Jịzos sipuru
(Matiu 26.59-66; Mạk 14.55-64; Luk 22.66-71)
19Kụ uwo ẹmhu oyil ạrikia phọ apuru Jịzos ịlo ạbumatuan phọ ọdi, rꞌịpe ọdi rạtughemi ghan bọ. 20Kụ ạJizos ạphagharanaan nyọdi mọ, “Mị ụ́booghian ghan kụ ạghaaph ghan bọ ạḅeni aḅirini phọ. Mị ụtughemi ghan ni sịphe arubughotu phọ rꞌOtu Ịiḅereghi phọ, pạ ạbuo aJu phọ ookpomoghan ghan bọ. Kụ mị kọ̋rol ghan ọgbal kụ ạghaaph. 21Nạ ạḅile rupuru ghan ịmi! Puru ghụn bụphe ụnaghanan ghan bọ ịmi ịpe mị ạḅeni ghan bọ bịdi. Pogh aani, bịdi olegheri ni ịpe mị ạghaaph ghan bọ ạḅem.”
22Kụ ọdi rọghaaph ịduon phọ, bịn oniin okoriom dị ạmeera aani pạ phọ ạsighe ḍịghaagh ọdi aḅorom Jịzos kụ ạḅeni mọ, “Ịphen kụ ịdi nạ rạpanyanaan ghan uwo ẹmhu oyil ạrikia phọ!”
23Kụ ạJizos ạphagharanaan nyọdi mọ, “Eḍighi ịyaar dị mị ạghaaph ịkaraph, pọ gbạ amitiom ịkaraph phọ. Kụ ịphen mị ạghaaph bọ eru ni igey, uḍighi ika kụ nạ uḅor bọ ịmi?”
24Kụ Ạnas ạsighe nyọdi, ịdipho ọphaḍi bọ ni, ạghiomaan Kạyafas, uwo ẹmhu oyil ạrikia phọ.
APita ạḅile kẹn ạparanaan Jịzos
(Matiu 26.71-75; Mạk 14.69-72; Luk 22.58-62)
25Kụ aSaimon Pita ạmeera ni pạ phọ ạanma ghan nịan phọ. Kụ bịdi ọḅile opuru nyọdi mọ, “Nạ phọ ḍịen kóniin ọnyo ạmatuan ọdi?”
Kụ ọdi ạpharanaan mọ, “Kạ́mi.”
26Kụ oniin ẹbene uwo ẹmhu oyil ạrikia phọ dị aḍighi ọnyo asiya ọpo aPita asoph bọ aḅeri phọ, apuru mọ, “Mịna ḍịen ụ́miin nyịna rꞌọdi sịphe ozo ireeny phọ?”
27Kụ aPita ạḅile kẹn ạpharanaan. Egina amem mọ bịn ạkenegh ạlaay.
Ọmeremi Jịzos ghisigh aPailet
(Matiu 27.1-2, 11-14; Mạk 15.1-5; Luk 23.1-5)
28Esoph ạḍiroor kụ bịdi ọsighe Jịzos sịphe kꞌạKayafas osiemi marugh ọdaam eelhe phọ. Kụ bịdi úḍigh aani ogiga phọ, ọbo bịdi kọpuenaan ghan bọ loor, bịn ọbile ole aani ẹyaal ọphel otene phọ. 29Kụ aPailet amite ạghi ạteeny bịdi kụ apuru mọ, “Nyina rẹḅem ghan mọ oye phọ ọphon ạpioman eeghe?”
30Kụ bịdi ọphagharanaan mọ, “Mụghumo ọdi múḍighi bọ okpoḍiemiom areepheeny phọ, yoor mụ́sighe nyọdi utuomaan nyịna.”
31Kụ aPailet ạḅeni bịdi mọ, “Ịpam nyọdi ẹghi ẹsighe iilogh phọ anyina kụ ẹtuugh esophonaan nyọdi ọoruen.”
Kụ ạbuo aJu phọ ọḅeni nyọdi mọ, “Iyoor ụ́ngo ịikpo oghiigh ghan oye.” 32#Jọn 3.14; 12.32Ịphen phọ imite ni omuneniom ịpe ạJizos ạghaaph bọ ọmaam ọdo aḍuugh phọ dị kamugh bọ.
33Kụ aPailet ạḅile aḍigh ogiga phọ ọdi, kụ ạmagh Jịzos, kụ apuru mọ, “Nạ kụ ọdaam ẹmha ạbuo aJu phọ ni?”
34Kụ ạJizos mọ, “Nạ ụsighe ịitughian ạna bịn kụ rạkaaphom ịphen phọ ḍụghum, kụ ạbunon awe kụ ụghaaph ghan ịlo ạmi ọḅeni nyịna?”
35Kụ aPailet mọ, “Tạa mịna ọnyo aJu? Ạbuo ẹmha ạna rꞌạbuo ạrumhu ariil ạrikia phọ kụ ụḅogh bọ nyịna ụngo ịmi. Kụ nạ uḍighi eeghe?”
36Kụ ạJizos mọ, “Ẹdaam ẹmha phọ ạmi kẹ́lo aḅirini phọ ọphon. Mọ ẹdaam ẹmha phọ ạmi ẹlo aḅirini phọ ọphon, ọbo abutelhedom mọ ạmi mubianaan ni dị ịmi mụ́ḅogh ụngo bụo aJu phọ. Ẹdaam ẹmha phọ ạmi ị́ḍua sịen aḅirini phọ kụ eru.”
37Kụ aPailet ạtuan ịphen phọ apuru nyọdi mọ, “Oo! Nạ ọdaam ẹmha ni?”
Kụ ạJizos mọ, “Nạ kụ ụḅem mọ mị ọdaam ẹmha. Ụtuan ịduon phọ kụ ụmar bọ ịmi. Mị ụtuan kẹn ịduon phọ kụ aru bọ sịen aḅirini phọ, pịdi mị ạgba igey phọ amitiom. Tọrobo oye lọ odi aani ẹku igey phọ rụnaghanan ghan ni ịmi.”
38Kụ aPailet apuru nyọdi mọ, “Igey phọ pọ eeghe?”
Osoph erugh aḍuugh opume Jịzos
(Matiu 27.15-31; Mạk 15.6-20; Luk 23.13-25)
Kụ rọḅem ịduon phọ, kụ ạḅile amite ạghi ạteeny bụo aJu phọ ạḅeni mọ, “Mị ụ́miin rọmiin ologh dị ọdi asoor, 39kụ eḍighinom ịyaar phọ anyina ẹḅem mọ mị useere ghan oye ịngo inyina mem ẹyaal ọphel otene phọ. Esi ịduon phọ, nyina rẹwa mọ mị useere ọdaam ẹmha ạbuo aJu phọ kụ ịngo inyina ḍụghum?”
40Kụ bịdi ọḅile ọyughuron mọ, “Kóye phọ ọphon. Seere ghụn Bạrabas.” (ẠBarabas phọ ọḍueneen.)
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS