Luk 16
16
Opoghom dị ạmaar iigbegheḍiom
1ẠJizos ạḅile ni ạḅeni bụmatuan phọ ọdi mọ, “Oniin ọolha ạrol li dị ạsighe oniin oye mọ aphoghonaan ghan nyịno oḍighi ọno, kụ ọphenekpe ạteeny ọolha phọ mọ oye phọ ọpo rapiemi ni ephua phọ ọdi. 2Kụ ọdi ạmagh oye phọ apuru mọ, ‘Ịphen mị ạnaghan bọ ịlo ạna, imite ika? Mạar agbiighi ẹphamam mọ nạ ạpham bọ ephua phọ ạmi ụngo ịmi, ịdi eḍighi bọ nạ kápogh mun rạraar phọ ạmi.’ 3Kụ opoghom mọ ạḅemom ologhi mọ, ‘Ọde-otu phọ ạmi rạwa ghan ophorogh ạmi sịen oḍighi phọ. Mịna kaḍighi bọ ika? Mị ụ́moogh ịnyaam arukumuan ạḍighaagh, kụ umugholoor kẹn kusiph ni ịmi ọlom ghan kụ ole. 4Mị malhegheri nyịidipho ịdi mị kaḍighi kụ ghạlamo ọde-otu phọ ạmi umitiom ni ịmi oḍighi phọ, ạrighiri ạmi kụ ụsighe ni ịmi osiemi otu.’
5“Kụ ọdi ạamaghagh oomo awe dị oleeghi ịimugh ọde-otu phọ ọdi, oye ye amem amem, kụ apuru ọḅel phọ mọ, ‘Ọmugh ọde-otu phọ ạmi nạ alhe bọ ạman ika?’ 6Kụ ọdi mọ, ‘Oniin okuron ạkpaturu ạmunum,’ kụ opoghom mọ ạḅeni oye phọ mọ, ‘Tiin ḍịnya phọ ạna, nụun ạrol ude ạge ooghdi bịn.’ 7Kụ ọdi apuru ọdi atum pạ mọ, ‘Ọlo ạna ạman ika?’ Kụ oye phọ mọ, ‘oniin ọonir ạkpuru ịbiakpa.’ Kụ ọdi ạḅeni nyọdi mọ, ‘Tiin ḍịnya phọ ạna ạge ọphaanya okuron bịn.’
8“Ọde-otu phọ aboom ni opoghom ephua phọ ọdi esi ikem iigbegheḍiom mọ dị ạmaar bọ, loor esi dị aweye aḅirini phọ ọphon ọsu iloghi ọphamam aloor ạbidi opu weye phọ ạbuphe oḍighi bọ bụo ẹphalaḅaal.”
9Kụ ạJizos ạghaaph ạloghom mọ, “Ịduon kụ iḍighi kụ mị rịḅeni inyina mọ ịsighe ghan ẹkaraph ephua aḅirini phọ kụ eḍighinom rịghiri, pịdi mem lọ ẹelha phọ emuneen bịdi ịsighe inyina osiemi marugh kꞌạke. 10Oye dị ạmaar ri ạpham ịbam ạraraar kạmaar ri ạpam igbogh ạraraar. Oye dị raagbegheḍiom ghan iigbegheḍiom esi ịbam ạraraar kaagbegheḍiom kẹn ni esi igbogh ạraraar. 11Kụ eḍighi mạar dị nyina ị́maar ịpam ẹelha ịsien aḅirini phọ, pọ keḍighi bọ ika kụ iḍuom inyina ologhi esi ọkaraghi ẹelha phọ kꞌạke? 12Eḍighi mạar dị nyina ímeera ịpamanaan ịlo ạbunon, keḍighi bọ ika nụun kụ nyina ẹmoogh ịpe eru bọ ọkaraghi ịlo anyina?
13 #
Mat 6.24
“Oye ólho dị katue ạdaph ịyal ạburude-otu. Ọdi kạlogh ni nyoniin ḍien, ạpomoghian nyọori phọ. Ọdi kạpamanam ni nyoniin, akel nyọori phọ. Nyina kétue ẹḅar Ẹnaan rꞌikpoki kụ ẹdaph.”
Iniin ạraraar dị ạJizos ạḅemogh ghan
(Matiu 11.12-13; 5.31-32; Mạk 10.11-12)
14AFarisi phọ ọnaghan bọ oomo phọ ịphen phọ ụgilaam ni Jịzos, ịdi eḍighi bọ bịdi ọpomoghian ikpoki. 15Kụ ọdi ạḅeni bịdi mọ, “Nyina phọ epu ẹsighe loor anyina mụdi nyina ẹnighe ni riḍien ạbuphe rịmiin bọ inyina, kụ ạri Ẹnaan elegheri ni iloghi phọ anyina. Ịyaar dị awe ọmanami mạar iboom rẹ́man ghan mạar ghisigh Ẹnaan.
16 #
Mat 11.12, 13 “Iilogh phọ aMozis rꞌịpe ariil Ẹnaan phọ ọge bọ ịrol li ẹteeny ọrugh phọ ạJon oburogh mụum mọ. Egbi kꞌamem mọ ọpo, rọkaaph ghan ni ooḅi ọghaaph ọmar phọ kꞌẸnaan, kụ tọrobo oye rabianaan ni kaḍigh aani. 17#Mat 5.18Edugh ghụn ni epu dị ạke phọ rꞌade phọ kephe, kpạripe ghụn dị kopiemi rꞌeniin ekpo ịpe ọge bọ sịphe iilogh phọ aMozis.
18 #
Mat 5.32; 1 Kọr 7.10, 11 “Tọrobo oye lọ aseere ạnir ọdi kụ aphin ọnon, pọ malhe ẹmha, kụ oye lọ aphin ạnir lọ oseere, pọ alhe aani ni ẹmha.”
Ọdaam phọ rꞌạLazaros
19“Oniin ọolha ạrol li dị aanmenan ghan oodor rꞌọmur dị ẹman ni ikpoki, kụ aḍio etum ḍio alhe ghan ni ẹyaal. 20Oniin ọlom-le dị oghol mọ ạLazaros dị ạroko eḍighi yogh, ạmina ghan ni eḍighom ogiga ọolha phọ, 21akori ghan rꞌịsaraghi phọ ọdi alhe bọ asugheeny olhe aani omuzeḍian ọkuruḅaka. Asuogh phọ kẹn iru ghan ni ẹlaay yogh rọko phọ ọdi.
22“Kụ ọlom-le phọ romugh, bịn ạruukpaany phọ Ẹnaan erorori nyọdi ẹghiom mọ alhe ẹyaal ḍịghaagh elhiom Ebraham. Ọdaam phọ romugh aani, bịn oḍi. 23Kụ ẹpe ooni ạnian phọ ịminimiin ịphughan ni, kụ aphoophe ghisigh ọdi ạmiin Ebraham ạga dị ẹkel, rꞌạLazaros dị odi ḍịghaagh elhiom ọdi. 24Kụ ọolha phọ ạlooghi ạmagh mọ, ‘Ebraham, nạ ọde. Ụnma ịmi ighirigiir arom Lạzaros, mọ ạsighe izon ạghunugh ọdi ạtophori mụum, aru ạḅoromiom nem ạmi, esi dị mị rạmiinom sịen ạnian phọ.’
25“Ebraham ạḅeni ni ọolha phọ mọ, ‘Mọony phọ, tụutughian mọ ạdol ạna ịnighe ni mem mọ nạ kőmugh bọ, ạdol ạLazaros kụ eeph mem mọ ạrol bọ, kụ ẹphen ọdi odi dọl igey kụ nạ odi dọl ịminimiin. 26Epel ịphen phọ kẹn, eboom eḍiiny isophoghom ni iyoor dị bụlo ọwa ni ọḅeeny ạḍighaagh phọ ạḍiphe kótue, kọ́ḍua kẹn ẹpe anyina oten ẹphen.’ 27Ọdaam phọ ạḅeni Ebraham mọ, ‘Seseeny, ọde. Tom mọ ọdi ạghi ẹpe kꞌọde ạmi 28ạphur rụru oogh abumor ạmi, ọbo bịdi kotelhe aani ghan bọ nyẹen ạdol ịminimiin phọ.’
29“Kụ Ebraham ạḅeni nyọdi mọ, ‘Ẹkpe ni dị bịdi kọnaghanan ịgeeghi phọ aMozis rꞌariil phọ edianaan bọ bịdi.’ 30Ọdaam phọ ạḅem mọ, ‘Eeye, Ebraham nạ ọde. Oye ạḍua ọmar iḍim kụ ạghi aroma bịdi pọ konme ni eḍighinom ịyaar phọ ạbidi.’ 31Ebraham ạḅeni nyọdi mọ, ‘Lọ bịdi ụ́naghanan ịpe aMozis rꞌariil phọ ọge bọ, pọ kómeeraam ghạlamo oye kụ aḅetenu ni esi aḍuugh.’”
လက္ရွိေရြးခ်ယ္ထားမွု
Luk 16: ẠḌI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Luk 16
16
Opoghom dị ạmaar iigbegheḍiom
1ẠJizos ạḅile ni ạḅeni bụmatuan phọ ọdi mọ, “Oniin ọolha ạrol li dị ạsighe oniin oye mọ aphoghonaan ghan nyịno oḍighi ọno, kụ ọphenekpe ạteeny ọolha phọ mọ oye phọ ọpo rapiemi ni ephua phọ ọdi. 2Kụ ọdi ạmagh oye phọ apuru mọ, ‘Ịphen mị ạnaghan bọ ịlo ạna, imite ika? Mạar agbiighi ẹphamam mọ nạ ạpham bọ ephua phọ ạmi ụngo ịmi, ịdi eḍighi bọ nạ kápogh mun rạraar phọ ạmi.’ 3Kụ opoghom mọ ạḅemom ologhi mọ, ‘Ọde-otu phọ ạmi rạwa ghan ophorogh ạmi sịen oḍighi phọ. Mịna kaḍighi bọ ika? Mị ụ́moogh ịnyaam arukumuan ạḍighaagh, kụ umugholoor kẹn kusiph ni ịmi ọlom ghan kụ ole. 4Mị malhegheri nyịidipho ịdi mị kaḍighi kụ ghạlamo ọde-otu phọ ạmi umitiom ni ịmi oḍighi phọ, ạrighiri ạmi kụ ụsighe ni ịmi osiemi otu.’
5“Kụ ọdi ạamaghagh oomo awe dị oleeghi ịimugh ọde-otu phọ ọdi, oye ye amem amem, kụ apuru ọḅel phọ mọ, ‘Ọmugh ọde-otu phọ ạmi nạ alhe bọ ạman ika?’ 6Kụ ọdi mọ, ‘Oniin okuron ạkpaturu ạmunum,’ kụ opoghom mọ ạḅeni oye phọ mọ, ‘Tiin ḍịnya phọ ạna, nụun ạrol ude ạge ooghdi bịn.’ 7Kụ ọdi apuru ọdi atum pạ mọ, ‘Ọlo ạna ạman ika?’ Kụ oye phọ mọ, ‘oniin ọonir ạkpuru ịbiakpa.’ Kụ ọdi ạḅeni nyọdi mọ, ‘Tiin ḍịnya phọ ạna ạge ọphaanya okuron bịn.’
8“Ọde-otu phọ aboom ni opoghom ephua phọ ọdi esi ikem iigbegheḍiom mọ dị ạmaar bọ, loor esi dị aweye aḅirini phọ ọphon ọsu iloghi ọphamam aloor ạbidi opu weye phọ ạbuphe oḍighi bọ bụo ẹphalaḅaal.”
9Kụ ạJizos ạghaaph ạloghom mọ, “Ịduon kụ iḍighi kụ mị rịḅeni inyina mọ ịsighe ghan ẹkaraph ephua aḅirini phọ kụ eḍighinom rịghiri, pịdi mem lọ ẹelha phọ emuneen bịdi ịsighe inyina osiemi marugh kꞌạke. 10Oye dị ạmaar ri ạpham ịbam ạraraar kạmaar ri ạpam igbogh ạraraar. Oye dị raagbegheḍiom ghan iigbegheḍiom esi ịbam ạraraar kaagbegheḍiom kẹn ni esi igbogh ạraraar. 11Kụ eḍighi mạar dị nyina ị́maar ịpam ẹelha ịsien aḅirini phọ, pọ keḍighi bọ ika kụ iḍuom inyina ologhi esi ọkaraghi ẹelha phọ kꞌạke? 12Eḍighi mạar dị nyina ímeera ịpamanaan ịlo ạbunon, keḍighi bọ ika nụun kụ nyina ẹmoogh ịpe eru bọ ọkaraghi ịlo anyina?
13 #
Mat 6.24
“Oye ólho dị katue ạdaph ịyal ạburude-otu. Ọdi kạlogh ni nyoniin ḍien, ạpomoghian nyọori phọ. Ọdi kạpamanam ni nyoniin, akel nyọori phọ. Nyina kétue ẹḅar Ẹnaan rꞌikpoki kụ ẹdaph.”
Iniin ạraraar dị ạJizos ạḅemogh ghan
(Matiu 11.12-13; 5.31-32; Mạk 10.11-12)
14AFarisi phọ ọnaghan bọ oomo phọ ịphen phọ ụgilaam ni Jịzos, ịdi eḍighi bọ bịdi ọpomoghian ikpoki. 15Kụ ọdi ạḅeni bịdi mọ, “Nyina phọ epu ẹsighe loor anyina mụdi nyina ẹnighe ni riḍien ạbuphe rịmiin bọ inyina, kụ ạri Ẹnaan elegheri ni iloghi phọ anyina. Ịyaar dị awe ọmanami mạar iboom rẹ́man ghan mạar ghisigh Ẹnaan.
16 #
Mat 11.12, 13 “Iilogh phọ aMozis rꞌịpe ariil Ẹnaan phọ ọge bọ ịrol li ẹteeny ọrugh phọ ạJon oburogh mụum mọ. Egbi kꞌamem mọ ọpo, rọkaaph ghan ni ooḅi ọghaaph ọmar phọ kꞌẸnaan, kụ tọrobo oye rabianaan ni kaḍigh aani. 17#Mat 5.18Edugh ghụn ni epu dị ạke phọ rꞌade phọ kephe, kpạripe ghụn dị kopiemi rꞌeniin ekpo ịpe ọge bọ sịphe iilogh phọ aMozis.
18 #
Mat 5.32; 1 Kọr 7.10, 11 “Tọrobo oye lọ aseere ạnir ọdi kụ aphin ọnon, pọ malhe ẹmha, kụ oye lọ aphin ạnir lọ oseere, pọ alhe aani ni ẹmha.”
Ọdaam phọ rꞌạLazaros
19“Oniin ọolha ạrol li dị aanmenan ghan oodor rꞌọmur dị ẹman ni ikpoki, kụ aḍio etum ḍio alhe ghan ni ẹyaal. 20Oniin ọlom-le dị oghol mọ ạLazaros dị ạroko eḍighi yogh, ạmina ghan ni eḍighom ogiga ọolha phọ, 21akori ghan rꞌịsaraghi phọ ọdi alhe bọ asugheeny olhe aani omuzeḍian ọkuruḅaka. Asuogh phọ kẹn iru ghan ni ẹlaay yogh rọko phọ ọdi.
22“Kụ ọlom-le phọ romugh, bịn ạruukpaany phọ Ẹnaan erorori nyọdi ẹghiom mọ alhe ẹyaal ḍịghaagh elhiom Ebraham. Ọdaam phọ romugh aani, bịn oḍi. 23Kụ ẹpe ooni ạnian phọ ịminimiin ịphughan ni, kụ aphoophe ghisigh ọdi ạmiin Ebraham ạga dị ẹkel, rꞌạLazaros dị odi ḍịghaagh elhiom ọdi. 24Kụ ọolha phọ ạlooghi ạmagh mọ, ‘Ebraham, nạ ọde. Ụnma ịmi ighirigiir arom Lạzaros, mọ ạsighe izon ạghunugh ọdi ạtophori mụum, aru ạḅoromiom nem ạmi, esi dị mị rạmiinom sịen ạnian phọ.’
25“Ebraham ạḅeni ni ọolha phọ mọ, ‘Mọony phọ, tụutughian mọ ạdol ạna ịnighe ni mem mọ nạ kőmugh bọ, ạdol ạLazaros kụ eeph mem mọ ạrol bọ, kụ ẹphen ọdi odi dọl igey kụ nạ odi dọl ịminimiin. 26Epel ịphen phọ kẹn, eboom eḍiiny isophoghom ni iyoor dị bụlo ọwa ni ọḅeeny ạḍighaagh phọ ạḍiphe kótue, kọ́ḍua kẹn ẹpe anyina oten ẹphen.’ 27Ọdaam phọ ạḅeni Ebraham mọ, ‘Seseeny, ọde. Tom mọ ọdi ạghi ẹpe kꞌọde ạmi 28ạphur rụru oogh abumor ạmi, ọbo bịdi kotelhe aani ghan bọ nyẹen ạdol ịminimiin phọ.’
29“Kụ Ebraham ạḅeni nyọdi mọ, ‘Ẹkpe ni dị bịdi kọnaghanan ịgeeghi phọ aMozis rꞌariil phọ edianaan bọ bịdi.’ 30Ọdaam phọ ạḅem mọ, ‘Eeye, Ebraham nạ ọde. Oye ạḍua ọmar iḍim kụ ạghi aroma bịdi pọ konme ni eḍighinom ịyaar phọ ạbidi.’ 31Ebraham ạḅeni nyọdi mọ, ‘Lọ bịdi ụ́naghanan ịpe aMozis rꞌariil phọ ọge bọ, pọ kómeeraam ghạlamo oye kụ aḅetenu ni esi aḍuugh.’”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS