Matie 15
15
Tɛnɛ ti sé du tɛ akotara Ayuda
(Mar. 7.1-13)
1La Afarizeo na awa hangɔ ndia alo ka Yeruzalɛmɛ aga atã Yezo, ahũnda lo ya: 2“Nda mɛ ta ava mɔ ndotɔndɔ sé du tɛ akotara e ma nɛ? E tɛnɛ so, ta sanga ma, uzu ti la tɛngɔ ye ko, ta ala ndokpo ti la nga ma se mɛ sé du tɛ akotara la aha ma.” 3Yezo agbinya hɛ̃ la ya: “Wa ĩ ndoye bo lingɔ ye na sé du tɛ akotara ĩ, ko nda mɛ ta ĩ ndotɔndɔ nyɔ Nzapa ma nɛ? 4Nzapa apa ya: ‘Tɔndɔ to mɔ na ta mɔ.’ Lo pa nga ya: ‘Zo ko la atɛnɛ siɔ tɛnɛ na ili to lo, bere na ili ta lo ko, ale aho lo.’ 5Kanda ĩ la ĩ ndoha azi ya, se zo apa hɛ̃ to lo, bere hɛ̃ ta lo ya: ‘Ambanga aye tɛ mbi mɛ alengbi ya, mbi za na mɔ ko, mbi bata ni hɛ̃ Nzapa.’ Ko ta alengbi ya, zo amu ye, aza na to lo, bere na ta lo ma. 6Ĩ ba se mɛ ĩ ndogbɛ̃ na ngbondo tɛnɛ tɛ Nzapa, so lingɔ ye na sé du tɛ ĩ la! 7Ĩ du awa poroso. Ezai apia ndo apa tɛnɛ na lo tɛ ĩ, ko tɛnɛ mɛ ndo lo tɛnɛ adu biani. Lo pa ndo ya:
8‘Nzapa apa ya, azi olo ndogonda mbi bo na pɔrɔ nyɔ la.
Kanda ka bɛ la ko, ta ala ye mbi bɛ gbɔ ma.
9Vɔrɔngɔ mɛ ala ndovɔrɔ na mbi ko, adu gɛgɛrɛ.
Na lo mɛ ya, ala ndoha ndia mɛ azi alu,
Ma bere mbi Nzapa la mbi lu ndia ni.’ ”
Aye mɛ ndogbɛ̃ bɛ zo
(Mar. 7.14-23)
10So pɛni, Yezo aili azi butu butu, apa hɛ̃ la ya: “Ĩ ma mbi, ko ĩ hĩnga ya, 11tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. Kanda tɛnɛ mɛ ndolo ka nyɔ zo ndosi, la ndogbɛ̃ zo.”
12La ava lo anɔ ka tɔ̃nda lo, apa hɛ̃ lo ya: “Ngoi mɛ fɛrɛ Afarizeo ama mɔ, mɔ tɛnɛ tɛnɛ so ko, bɛ la asa fɛrɛ sĩ, ko mɔ hĩnga fɛrɛ nga?” 13Lo gbinya hɛ̃ la ya: “Kɛkɛ zu mɛ ta To mbi mɛ ka yayu la alu ni ma ko, ahã gbanda ni azi. 14Ĩ zia la. Ala du nga ma awa ziba mɛ ndofa lege na awa ziba mɛ ndɛ̃! Ko se wa ziba afa lege na wa ziba ko, ala zu sɛ asa ya du.”
15La Petro apa hɛ̃ lo ya: “Tɔndɔ nda matɔ ni hɛ̃ e.” 16Yezo agbinya ya: “Abɛ nga ĩ ko, ta ĩ dɛ ĩ hĩnga nga nda matɔ ni ko ma? 17Ta ĩ hĩnga ya, ye zu mɛ zo ndotɛ ko, andozu ka ya lo, wa so pɛni ko, asi ati ya kabinɛ ma? 18Kanda tɛnɛ mɛ ndolo ka nyɔ zo, ndosi ko, andolo ka ya bɛ lo, ko tɛnɛ ni ko la ndogbɛ̃ bɛ zo. 19Ta sanga ma, asiɔ dangɔ bɛ la ndoto zo ya, lo ho fɔ̃ lo, lo ti kɔmbɛ, lo li siɔ ye ti kamɛnɛ, lo nzĩ ye, lo pa nvɛnɛ, lo di afɔ̃ lo, ko aye ko zu ndolo ka ya bɛ zo. 20Ĩ ba ye mɛ ndogbɛ̃ bɛ zo la! Kanda uzu ti tɛngɔ ye, se ta zo akpo ti lo nga ma se mɛ akotara e aha na ni ma ko, oko ta alengbi ti gbɛ̃ngɔ bɛ zo ma.”
Wali mɛ ta lo wa Yuda ma aye lo tɛ Yezo
(Mar. 7.24-30)
21So pɛni, Yezo alo so ndo ko, agwe ka sese mɛ ndũ na kɔdɔrɔ ti Tirɛ nga na ti Sidona. 22Mbanga wali mɛ wa Kanana ndodu ka sese ni ko, anɔ ka tɛ Yezo, apa hɛ̃ lo na kɔngɔ ya: “Wa hangɔ lo tɛ Nzapa, Tara Davidi, ma vundu tɛ mbi! Nyi mbi ti wali na siɔ tɔrɔ ya tɛrɛ lo, ta dungɔ nzɔ̃ni da ma!” 23Kanda ta Yezo agbinya tɛnɛ kɔi hɛ̃ lo ma, ko ava lo anɔ ka tɔ̃nda lo, apa hɛ̃ lo ya: “Pa hɛ̃ wali olo adiri, ta sanga ma, lo ndoga pɛko e na kɔngɔ nyɔ lo, ta lo ndozia ma.” 24Yezo agbinya hɛ̃ la ya: “Nzapa ato ndo mbi bo hɛ̃ azi ti Izrayɛlɛ mɛ adu nga ma angasã ngbaga mɛ ayu ndo.” 25La wali ko anɔ akuku gbɛlɛ Yezo, apa hɛ̃ lo ya: “Gbia, za mbi!” 26Yezo agbinya hɛ̃ lo ya: “Mungɔ tɛ tɛ ayangambi, sangɔ hɛ̃ ambo adu siɔni.” 27La wali ko apa hɛ̃ lo ya: “Biani, Gbia, kanda ambo ndodu ka gbɛ mɛsa tɛ ato gbia la, ko ala ndotɛ mbumbu tɛ mɛ ndosa tise.” 28La Yezo agbinya hɛ̃ lo ya: “Aa, zo wali, mɔ ye lo tɛ mbi na bɛ mɔ kɔi! Tɛrɛ nyi mɔ ni na hãngɔ, nga ma se mɛ mɔ separa na ni.” Bo na ngoi ni ko ndo la tɛrɛ nyi lo ni ahã wee!
Yezo asara awa nga ma wo ma
29Yezo alo so ndo ko, agwe ka nyɔ kpo ti Galilea. Lo ma ka ndo hɔtɔ, lo ko lo du. 30Azi butu butu alɔ awa zɛ̃, na awa ziba, na awa pɛnɔ, na abuburu, nga na awa nga mɛ ndɛ̃ ma wo ma, aga na la ka tɛ lo, akpã la tise, so gu gɛrɛ Yezo, ko lo sara la. 31Azi ĩ hũ ya, abuburu atɛnɛ tɛnɛ, tɛrɛ awa pɛnɔ ahã, awa zɛ̃ adɔ nɔ, awa ziba ahũ nga ndo ko, ala bema sĩ. La azi ni ko agonda Nzapa mɛ azi ti Izrayɛlɛ ndovɔrɔ.
Yezo ahɛ̃ tɛ hɛ azi koto siɔ ala tɛ
(Mar. 8.1-10)
32Yezo aili ava lo, apa hɛ̃ la ya: “Vundu tɛ azi olo agbɔ̃ mbi, ta sanga ma, e na la e li ndo mɛ bi ta, ko ta ala na ye ti tɛngɔ kɔi ma. Ta mbi ye ya, mbi pa hɛ̃ la, ala diri na gwɛ̃ ya la ma, so nzɛ̃ngɔ aɔ ndo la ka ta lege.” 33Ava Yezo ahũnda lo ya: “E ge bɛ ndo, wa ndo mɛ e lua tɛ da, ko e hɛ̃ azi olo butu butu atɛ wa?” 34La Yezo ahũnda la ya: “Ĩ na mapa so ti ĩ kɛ̃?” Ala gbinya hɛ̃ lo ya: “E na mapa mbara mbara, na anzina susu yakere.” 35La Yezo ahɛ̃ nyɔ ya, azi ko butu butu adunga tise 36Ala ĩ dunga tise wɛ ko, lo lɔ mapa ko mbara mbara, nga nɛ asusu ni, lo hɛ̃ sia kɔli hɛ̃ Nzapa, lo kara ya ni, lo hɛ̃ ava lo ya ala mu akangbi na azi ko butu butu. 37Azi zu atɛ ye, ya la asĩsĩ Ngoi mɛ ala ĩ tɛ ye wɛ ko, ava Yezo alɔ tanga ni mɛ angbã, asĩ gogo mbara mbara. 38Azi ko ndo atɛ ye ko, ala du ndo koto siɔ ta adikɔ ndo awe na ayangambi ma. 39So pɛni, Yezo apa hɛ̃ azi ni ko ya, ala diri ka tɛ la. Ala ĩ hã nɔ wɛ ko, lo ko ya ngɔ, lo fa ngu, lo gwe ka sese ti Magadana.
လက္ရွိေရြးခ်ယ္ထားမွု
Matie 15: NGB87
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngbandi New Testament © United Bible Societies, 1987.
Matie 15
15
Tɛnɛ ti sé du tɛ akotara Ayuda
(Mar. 7.1-13)
1La Afarizeo na awa hangɔ ndia alo ka Yeruzalɛmɛ aga atã Yezo, ahũnda lo ya: 2“Nda mɛ ta ava mɔ ndotɔndɔ sé du tɛ akotara e ma nɛ? E tɛnɛ so, ta sanga ma, uzu ti la tɛngɔ ye ko, ta ala ndokpo ti la nga ma se mɛ sé du tɛ akotara la aha ma.” 3Yezo agbinya hɛ̃ la ya: “Wa ĩ ndoye bo lingɔ ye na sé du tɛ akotara ĩ, ko nda mɛ ta ĩ ndotɔndɔ nyɔ Nzapa ma nɛ? 4Nzapa apa ya: ‘Tɔndɔ to mɔ na ta mɔ.’ Lo pa nga ya: ‘Zo ko la atɛnɛ siɔ tɛnɛ na ili to lo, bere na ili ta lo ko, ale aho lo.’ 5Kanda ĩ la ĩ ndoha azi ya, se zo apa hɛ̃ to lo, bere hɛ̃ ta lo ya: ‘Ambanga aye tɛ mbi mɛ alengbi ya, mbi za na mɔ ko, mbi bata ni hɛ̃ Nzapa.’ Ko ta alengbi ya, zo amu ye, aza na to lo, bere na ta lo ma. 6Ĩ ba se mɛ ĩ ndogbɛ̃ na ngbondo tɛnɛ tɛ Nzapa, so lingɔ ye na sé du tɛ ĩ la! 7Ĩ du awa poroso. Ezai apia ndo apa tɛnɛ na lo tɛ ĩ, ko tɛnɛ mɛ ndo lo tɛnɛ adu biani. Lo pa ndo ya:
8‘Nzapa apa ya, azi olo ndogonda mbi bo na pɔrɔ nyɔ la.
Kanda ka bɛ la ko, ta ala ye mbi bɛ gbɔ ma.
9Vɔrɔngɔ mɛ ala ndovɔrɔ na mbi ko, adu gɛgɛrɛ.
Na lo mɛ ya, ala ndoha ndia mɛ azi alu,
Ma bere mbi Nzapa la mbi lu ndia ni.’ ”
Aye mɛ ndogbɛ̃ bɛ zo
(Mar. 7.14-23)
10So pɛni, Yezo aili azi butu butu, apa hɛ̃ la ya: “Ĩ ma mbi, ko ĩ hĩnga ya, 11tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. Kanda tɛnɛ mɛ ndolo ka nyɔ zo ndosi, la ndogbɛ̃ zo.”
12La ava lo anɔ ka tɔ̃nda lo, apa hɛ̃ lo ya: “Ngoi mɛ fɛrɛ Afarizeo ama mɔ, mɔ tɛnɛ tɛnɛ so ko, bɛ la asa fɛrɛ sĩ, ko mɔ hĩnga fɛrɛ nga?” 13Lo gbinya hɛ̃ la ya: “Kɛkɛ zu mɛ ta To mbi mɛ ka yayu la alu ni ma ko, ahã gbanda ni azi. 14Ĩ zia la. Ala du nga ma awa ziba mɛ ndofa lege na awa ziba mɛ ndɛ̃! Ko se wa ziba afa lege na wa ziba ko, ala zu sɛ asa ya du.”
15La Petro apa hɛ̃ lo ya: “Tɔndɔ nda matɔ ni hɛ̃ e.” 16Yezo agbinya ya: “Abɛ nga ĩ ko, ta ĩ dɛ ĩ hĩnga nga nda matɔ ni ko ma? 17Ta ĩ hĩnga ya, ye zu mɛ zo ndotɛ ko, andozu ka ya lo, wa so pɛni ko, asi ati ya kabinɛ ma? 18Kanda tɛnɛ mɛ ndolo ka nyɔ zo, ndosi ko, andolo ka ya bɛ lo, ko tɛnɛ ni ko la ndogbɛ̃ bɛ zo. 19Ta sanga ma, asiɔ dangɔ bɛ la ndoto zo ya, lo ho fɔ̃ lo, lo ti kɔmbɛ, lo li siɔ ye ti kamɛnɛ, lo nzĩ ye, lo pa nvɛnɛ, lo di afɔ̃ lo, ko aye ko zu ndolo ka ya bɛ zo. 20Ĩ ba ye mɛ ndogbɛ̃ bɛ zo la! Kanda uzu ti tɛngɔ ye, se ta zo akpo ti lo nga ma se mɛ akotara e aha na ni ma ko, oko ta alengbi ti gbɛ̃ngɔ bɛ zo ma.”
Wali mɛ ta lo wa Yuda ma aye lo tɛ Yezo
(Mar. 7.24-30)
21So pɛni, Yezo alo so ndo ko, agwe ka sese mɛ ndũ na kɔdɔrɔ ti Tirɛ nga na ti Sidona. 22Mbanga wali mɛ wa Kanana ndodu ka sese ni ko, anɔ ka tɛ Yezo, apa hɛ̃ lo na kɔngɔ ya: “Wa hangɔ lo tɛ Nzapa, Tara Davidi, ma vundu tɛ mbi! Nyi mbi ti wali na siɔ tɔrɔ ya tɛrɛ lo, ta dungɔ nzɔ̃ni da ma!” 23Kanda ta Yezo agbinya tɛnɛ kɔi hɛ̃ lo ma, ko ava lo anɔ ka tɔ̃nda lo, apa hɛ̃ lo ya: “Pa hɛ̃ wali olo adiri, ta sanga ma, lo ndoga pɛko e na kɔngɔ nyɔ lo, ta lo ndozia ma.” 24Yezo agbinya hɛ̃ la ya: “Nzapa ato ndo mbi bo hɛ̃ azi ti Izrayɛlɛ mɛ adu nga ma angasã ngbaga mɛ ayu ndo.” 25La wali ko anɔ akuku gbɛlɛ Yezo, apa hɛ̃ lo ya: “Gbia, za mbi!” 26Yezo agbinya hɛ̃ lo ya: “Mungɔ tɛ tɛ ayangambi, sangɔ hɛ̃ ambo adu siɔni.” 27La wali ko apa hɛ̃ lo ya: “Biani, Gbia, kanda ambo ndodu ka gbɛ mɛsa tɛ ato gbia la, ko ala ndotɛ mbumbu tɛ mɛ ndosa tise.” 28La Yezo agbinya hɛ̃ lo ya: “Aa, zo wali, mɔ ye lo tɛ mbi na bɛ mɔ kɔi! Tɛrɛ nyi mɔ ni na hãngɔ, nga ma se mɛ mɔ separa na ni.” Bo na ngoi ni ko ndo la tɛrɛ nyi lo ni ahã wee!
Yezo asara awa nga ma wo ma
29Yezo alo so ndo ko, agwe ka nyɔ kpo ti Galilea. Lo ma ka ndo hɔtɔ, lo ko lo du. 30Azi butu butu alɔ awa zɛ̃, na awa ziba, na awa pɛnɔ, na abuburu, nga na awa nga mɛ ndɛ̃ ma wo ma, aga na la ka tɛ lo, akpã la tise, so gu gɛrɛ Yezo, ko lo sara la. 31Azi ĩ hũ ya, abuburu atɛnɛ tɛnɛ, tɛrɛ awa pɛnɔ ahã, awa zɛ̃ adɔ nɔ, awa ziba ahũ nga ndo ko, ala bema sĩ. La azi ni ko agonda Nzapa mɛ azi ti Izrayɛlɛ ndovɔrɔ.
Yezo ahɛ̃ tɛ hɛ azi koto siɔ ala tɛ
(Mar. 8.1-10)
32Yezo aili ava lo, apa hɛ̃ la ya: “Vundu tɛ azi olo agbɔ̃ mbi, ta sanga ma, e na la e li ndo mɛ bi ta, ko ta ala na ye ti tɛngɔ kɔi ma. Ta mbi ye ya, mbi pa hɛ̃ la, ala diri na gwɛ̃ ya la ma, so nzɛ̃ngɔ aɔ ndo la ka ta lege.” 33Ava Yezo ahũnda lo ya: “E ge bɛ ndo, wa ndo mɛ e lua tɛ da, ko e hɛ̃ azi olo butu butu atɛ wa?” 34La Yezo ahũnda la ya: “Ĩ na mapa so ti ĩ kɛ̃?” Ala gbinya hɛ̃ lo ya: “E na mapa mbara mbara, na anzina susu yakere.” 35La Yezo ahɛ̃ nyɔ ya, azi ko butu butu adunga tise 36Ala ĩ dunga tise wɛ ko, lo lɔ mapa ko mbara mbara, nga nɛ asusu ni, lo hɛ̃ sia kɔli hɛ̃ Nzapa, lo kara ya ni, lo hɛ̃ ava lo ya ala mu akangbi na azi ko butu butu. 37Azi zu atɛ ye, ya la asĩsĩ Ngoi mɛ ala ĩ tɛ ye wɛ ko, ava Yezo alɔ tanga ni mɛ angbã, asĩ gogo mbara mbara. 38Azi ko ndo atɛ ye ko, ala du ndo koto siɔ ta adikɔ ndo awe na ayangambi ma. 39So pɛni, Yezo apa hɛ̃ azi ni ko ya, ala diri ka tɛ la. Ala ĩ hã nɔ wɛ ko, lo ko ya ngɔ, lo fa ngu, lo gwe ka sese ti Magadana.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngbandi New Testament © United Bible Societies, 1987.