Matius 6:16-18

”Nin mewa nin nggwa kadit nin git sugit yei yo, nin ben nin gwem ibit saga ye gato kidar do, an onyar kem mo Yefun, sarewo an mit tara ne nde. Ye ne misyar an kaim subere yé mwa jam do, an mewa an nggwa kadit sugit yei wa an ki suk su Yefun. Suk gato Ji ki ré suksangge anare, yetu bes ye ne gum kok mone sor re, wo bere Yefun yo syo suk yo nai an o nde. Nin ben saga ye ne nde, wo nin mewa nin nggwa kadit nin git sugit yei it yo, nin mus nin gwem e, nin syur nin sugo, subere yé yi jam nde nin mewa nin nggwa kadit nin git sugit yei wa nin ki suk su Yefun. Nin ben sane subere nin bi Ai mo gu sor ete jam. Nin bi Ai ne, nin yo me su nin gro nde, wo nin bi Ai sor ete jam suk gato nin ben ne, ete bere An syo sukndo nai nin mone.”