Kisah Para Rasul 3
3
Petrus kase sembu orang lumpu satu
1Satu kali bagini, Petrus deng Yohanes pigi di Ruma Ibada Pusat pe kompleks. Dorang pigi so mo jam tiga sore, waktu orang Yahudi pe jam berdoa. 2Waktu dorang sampe di Ruma Ibada Pusat pe pintu gerbang yang dia pe nama “Pintu Bagus”, di situ ada laki-laki satu yang lumpu. Orang itu mulai dari lahir dia so lumpu. Tiap hari orang angka bawa pa dia di situ, la dia baminta-minta pa orang-orang yang mo maso di Ruma Ibada Pusat pe kompleks. 3Bagitu dia lia pa Petrus deng Yohanes mo maso di Ruma Ibada Pusat pe kompleks, dia langsung minta doi pa dong dua.
4Petrus deng Yohanes lia pa dia, kong Petrus bilang, “Coba ngana balia kamari pa torang!” 5Kong orang lumpu itu langsung lia pa dorang dua, deng dia harap dia mo dapa doi dari dorang.
6Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”
7Abis bilang bagitu, Petrus pegang orang lumpu itu pe tangan kanan kong kase badiri pa dia. Waktu itu suda, orang itu pe kaki jadi kuat deng dia sembu. 8Dia balumpa sampe badiri, kong bajalang kasana-kamari. Turus dia iko pa dorang maso di Ruma Ibada Pusat pe kompleks. Dia bajalang deng babalumpa deng puji pa Tuhan Allah. 9Samua orang di situ lia dia bajalang deng dia puji pa Tuhan Allah. 10Dorang kanal pa dia, dia itu orang lumpu yang jaga dudu baminta-minta di Pintu Bagus pe muka. Jadi dorang herang skali, bagimana sampe orang itu bisa sembu.
Petrus kase tau, orang lumpu jadi sembu karna Yesus pe kuasa
11Orang lumpu yang so sembu itu iko turus pa Petrus deng Yohanes. Jadi waktu dorang sampe di teras yang dia pe nama ‘Teras Salomo’, banya orang jadi herang, kong capat-capat bakumpul lia pa dorang. 12Waktu Petrus lia orang banya itu, dia bilang pa dorang, “Ee, sudara-sudara orang-orang Israel, bikiapa kong ngoni herang dia sembu? Deng bikiapa kong ngoni haga-haga pa torang turus? Dia so bisa bajalang, itu bukang karna torang pe kuasa deng bukang karna torang ini salalu biking Tuhan Allah pe mau. 13#Kel. 3:15 Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia. 14#Mat. 27:15-23; Mrk. 15:6-14; Luk. 23:13-23; Yoh. 19:12-15 Yesus itu yang Kudus deng yang Butul pa Tuhan Allah pe muka, tapi ngoni tetap tara tarima pa Dia. Mala ngoni minta gubernur kase bebas pa orang yang jaga bunu orang. 15Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.
16Jadi skarang, orang ini yang ngoni so tau dulu dia lumpu, ngoni lia dia so sembu. Dia so sembu karna dia so percaya pa Yesus. Dia sembu bukang karna torang pe kuasa, tapi karna Yesus pe kuasa yang biking dia sembu.
17Sudara-sudara, kita tau, ngoni ini deng ngoni pe pemimpin-pemimpin so bunu pa Yesus, karna ngoni tara tau apa yang ngoni biking. 18Tapi Tuhan Allah kase biar bagitu, barang dari dulu Dia so bilang pa Dia pe nabi-nabi, Mesias yang Dia utus mo kase slamat pa manusia, nanti mo dapa banya siksa. 19Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa. 20Deng kalu ngoni so bertobat, Tuhan Allah mo biking ngoni pe hati jadi tenang deng Dia me mo utus Yesus Kristus lagi pa ngoni. Barang, Yesus itu Mesias, Raja yang Tuhan Allah janji mo kase slamat pa manusia. 21Tapi skarang, Yesus Kristus musti tetap tinggal di sorga, sampe dia pe waktu Tuhan Allah biking samua jadi baru. Samua itu Tuhan Allah so janji pa torang dari dulu pake Dia pe nabi-nabi yang kudus. 22#Ul. 18:15, 18-19 Dulu, nabi Musa so perna kase tau tentang Yesus mo datang, dia bilang bagini, ‘Tuhan Allah mo utus Nabi satu pa ngoni, yang mo kase turus Dia pe pasáng pa ngoni, sama deng kita jaga biking. Orang itu satu dari torang orang Israel pe turunan. Jadi ngoni musti dengar samua yang Dia bilang pa ngoni.’ 23Sapa yang tara dengar-dengaran pa Dia, dorang itu Tuhan Allah tara tarima jadi Dia pe umat kong mo hukum pa dorang.
24Bukang cuma nabi Musa saja yang perna bilang Yesus mo datang, tapi samua nabi, mulai dari nabi Samuel sampe nabi-nabi yang laeng me bilang bagitu. 25#Kej. 22:18 Dorang so bilang kamuka Tuhan Allah pe janji tentang Yesus pa torang pe orang tua dulu-dulu, kong ngoni ini suda so dapa bagian dari janji itu. Janji itu, dulu Tuhan Allah bilang pa Abraham bagini, ‘Dari ngana pe turunan, samua bangsa di dunia ini mo dapa berkat.’ 26Kong skarang, Tuhan Allah so utus Yesus kamuka pa ngoni orang-orang Yahudi. Dia itu Tuhan Allah pe Orang yang jaga biking apa yang Dia suru, kong Dia itu yang jadi berkat supaya ngoni masing-masing bole kase tinggal ngoni pe kalakuang yang jahat.”
လက္ရွိေရြးခ်ယ္ထားမွု
Kisah Para Rasul 3: PB MMU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Perjanjian Baru Bahasa Melayu Maluku Utara @ Lembaga Alkitab Indonesia 2020
Kisah Para Rasul 3
3
Petrus kase sembu orang lumpu satu
1Satu kali bagini, Petrus deng Yohanes pigi di Ruma Ibada Pusat pe kompleks. Dorang pigi so mo jam tiga sore, waktu orang Yahudi pe jam berdoa. 2Waktu dorang sampe di Ruma Ibada Pusat pe pintu gerbang yang dia pe nama “Pintu Bagus”, di situ ada laki-laki satu yang lumpu. Orang itu mulai dari lahir dia so lumpu. Tiap hari orang angka bawa pa dia di situ, la dia baminta-minta pa orang-orang yang mo maso di Ruma Ibada Pusat pe kompleks. 3Bagitu dia lia pa Petrus deng Yohanes mo maso di Ruma Ibada Pusat pe kompleks, dia langsung minta doi pa dong dua.
4Petrus deng Yohanes lia pa dia, kong Petrus bilang, “Coba ngana balia kamari pa torang!” 5Kong orang lumpu itu langsung lia pa dorang dua, deng dia harap dia mo dapa doi dari dorang.
6Tapi Petrus bilang pa dia, “Kita tara doi sama skali, biar itu doi mas atau doi perak. Tapi apa yang ada pa kita, itu yang kita mo kase pa ngana skarang: deng Yesus Kristus orang Nazaret pe kuasa, kita suru ngana badiri la bajalang suda!”
7Abis bilang bagitu, Petrus pegang orang lumpu itu pe tangan kanan kong kase badiri pa dia. Waktu itu suda, orang itu pe kaki jadi kuat deng dia sembu. 8Dia balumpa sampe badiri, kong bajalang kasana-kamari. Turus dia iko pa dorang maso di Ruma Ibada Pusat pe kompleks. Dia bajalang deng babalumpa deng puji pa Tuhan Allah. 9Samua orang di situ lia dia bajalang deng dia puji pa Tuhan Allah. 10Dorang kanal pa dia, dia itu orang lumpu yang jaga dudu baminta-minta di Pintu Bagus pe muka. Jadi dorang herang skali, bagimana sampe orang itu bisa sembu.
Petrus kase tau, orang lumpu jadi sembu karna Yesus pe kuasa
11Orang lumpu yang so sembu itu iko turus pa Petrus deng Yohanes. Jadi waktu dorang sampe di teras yang dia pe nama ‘Teras Salomo’, banya orang jadi herang, kong capat-capat bakumpul lia pa dorang. 12Waktu Petrus lia orang banya itu, dia bilang pa dorang, “Ee, sudara-sudara orang-orang Israel, bikiapa kong ngoni herang dia sembu? Deng bikiapa kong ngoni haga-haga pa torang turus? Dia so bisa bajalang, itu bukang karna torang pe kuasa deng bukang karna torang ini salalu biking Tuhan Allah pe mau. 13#Kel. 3:15 Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia. 14#Mat. 27:15-23; Mrk. 15:6-14; Luk. 23:13-23; Yoh. 19:12-15 Yesus itu yang Kudus deng yang Butul pa Tuhan Allah pe muka, tapi ngoni tetap tara tarima pa Dia. Mala ngoni minta gubernur kase bebas pa orang yang jaga bunu orang. 15Ngoni so bunu pa Yesus. Padahal Dia itu yang biking torang samua bisa hidup. Tapi Tuhan Allah so kase hidup ulang pa Dia. Torang ini so lia deng torang pe mata kapala sandiri, Dia so hidup ulang.
16Jadi skarang, orang ini yang ngoni so tau dulu dia lumpu, ngoni lia dia so sembu. Dia so sembu karna dia so percaya pa Yesus. Dia sembu bukang karna torang pe kuasa, tapi karna Yesus pe kuasa yang biking dia sembu.
17Sudara-sudara, kita tau, ngoni ini deng ngoni pe pemimpin-pemimpin so bunu pa Yesus, karna ngoni tara tau apa yang ngoni biking. 18Tapi Tuhan Allah kase biar bagitu, barang dari dulu Dia so bilang pa Dia pe nabi-nabi, Mesias yang Dia utus mo kase slamat pa manusia, nanti mo dapa banya siksa. 19Jadi, ngoni bertobat suda kong percaya pa Tuhan Allah, supaya Dia kase ampun pa ngoni dari ngoni pe dosa-dosa. 20Deng kalu ngoni so bertobat, Tuhan Allah mo biking ngoni pe hati jadi tenang deng Dia me mo utus Yesus Kristus lagi pa ngoni. Barang, Yesus itu Mesias, Raja yang Tuhan Allah janji mo kase slamat pa manusia. 21Tapi skarang, Yesus Kristus musti tetap tinggal di sorga, sampe dia pe waktu Tuhan Allah biking samua jadi baru. Samua itu Tuhan Allah so janji pa torang dari dulu pake Dia pe nabi-nabi yang kudus. 22#Ul. 18:15, 18-19 Dulu, nabi Musa so perna kase tau tentang Yesus mo datang, dia bilang bagini, ‘Tuhan Allah mo utus Nabi satu pa ngoni, yang mo kase turus Dia pe pasáng pa ngoni, sama deng kita jaga biking. Orang itu satu dari torang orang Israel pe turunan. Jadi ngoni musti dengar samua yang Dia bilang pa ngoni.’ 23Sapa yang tara dengar-dengaran pa Dia, dorang itu Tuhan Allah tara tarima jadi Dia pe umat kong mo hukum pa dorang.
24Bukang cuma nabi Musa saja yang perna bilang Yesus mo datang, tapi samua nabi, mulai dari nabi Samuel sampe nabi-nabi yang laeng me bilang bagitu. 25#Kej. 22:18 Dorang so bilang kamuka Tuhan Allah pe janji tentang Yesus pa torang pe orang tua dulu-dulu, kong ngoni ini suda so dapa bagian dari janji itu. Janji itu, dulu Tuhan Allah bilang pa Abraham bagini, ‘Dari ngana pe turunan, samua bangsa di dunia ini mo dapa berkat.’ 26Kong skarang, Tuhan Allah so utus Yesus kamuka pa ngoni orang-orang Yahudi. Dia itu Tuhan Allah pe Orang yang jaga biking apa yang Dia suru, kong Dia itu yang jadi berkat supaya ngoni masing-masing bole kase tinggal ngoni pe kalakuang yang jahat.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Perjanjian Baru Bahasa Melayu Maluku Utara @ Lembaga Alkitab Indonesia 2020