توریت شریف: پَیدایش 25
25
1فِر حضرت اِبراہِیم اِک ہور زناݨی نال بیاہ کِیتا جس نا ناں قطُورؑہ سی، 2جنہاں وِچوں زِمران، یُقسان، مِدان، مِدیان، اِسباق تے سُوخ جمے۔ 3یُقسان نے دو پُتر شِبا تے دِدن سݨ، تے دادن نی اولادی وِچوں اَسُوری، لَطُوسی تے لُومی قوماں بݨیاں۔ 4مِدیان نے پُتر عیفاہ، عفر، حنوک، ابیداع تے الدوعا سݨ. اے سارے قطُورہ نی اولاد سݨ۔
5حضرت اِبراہِیم اپݨا سارا کُج حضرت اسحاق کی چائی دِتا۔ 6پر اپݨی زندگی وِچ اپݨیاں دُویاں بیویاں نیاں پُتراں کی وی تحفے دِتے، تے اُنہاں کی حضرت اسحاق کولوں دور مشرقی عِلاقے در پہیجھی شوڑیا۔
7حضرت اِبراہِیم کُل اِک سو پچہتر سال تک جِیݨے رہے۔ 8تے فِر او بہُوں بُڈھے ہوئی کے فوت ہوئے، تے اپݨے پیؤ دادے نال دوئے جہان وِچ جائی مِلے۔ 9.فِر اِنہاں نیاں پُتراں حضرت اسحاق تے حضرت اِسماعِیل اِنہاں کی مکفِیلہ نے غارے وِچ دبی شوڑیا، جیہڑا ممرے نے سامݨے ضحر حِتی نے پترے عِفرون نی باڑی وِچ سی. 10اے او ہی باڑی سی جیہڑی حضرت اِبراہِیم اُنہاں حِتی لوکاں کولوں خریدی سی، تے اُتھَے حضرت اِبراہیم تے اُنہاں نی بیوی بی بی سارہ دوئاں کی دفن کیتا گیا۔
11حضرت اِبراہِیم نے فوت ہوݨے توں بعد اللّٰہ تعالیٰ اِنہاں نے پُترے حضرت اسحاق کی برکت دِتی. تے او بیر لحی روئی نے نیڑے رہݨ لغی پئے۔
12حضرت اِبراہِیم نے پہلے پُتر حضرت اِسماعِیل نا شجرہ نسب اے اَے، جیہڑے بی بی سارہ نی مصری نوکراݨی بی بی ہاجؑرہ وِچوں جمے سݨ. 13حضرت اِسماعِیل نیاں پُتراں نے ناں اے اݨ (اِنہاں نے ناں جمݨے نی ترتیب نال اݨ): حضرت اِسماعِیل نا پہلا پُتر نبایوت سی، فِر قِیدار، ادبئیل، مِبسام، 14مِشماع، دُومہ تے مَسا، 15حدد، تیَما، یطور، نفیس تے قدمہ۔ 16اے پُتر باراں قبیلیاں نے بانی بݨی گئے، تے جِتھے جِتھے او آباد ہوئے اُنہاں جغاں نا ناں اُوئے پئی گیا۔
17فِر حضرت اسماعیؑل اِک سو سَینتی سال نے ہوئی کے فوت ہوئے، تے اپݨے رشتہ داراں نال دوئے جہان وِچ جائی مِلے. 18اُنہاں نی اولاد اُس علاقے وِچ رہݨ لغی پئی جیہڑا حوِیلہ تے شُور نے بشکار اے، تے جیہڑا مصر نے مشرق وِچ اَسُور آلے پاسے اے. او حضرت اِبراہِیم نی باقی نسل کولوں الگ رہݨے سݨ۔
19حضرت اِبراہِیم نے پُترے حضرت اسحاق نا شجرہ نسب اے اَے.
20حضرت اسحاق چالیاں سالاں نے سݨ جدوں اُنہاں بی بی رِبقہؑ نال بیاہ کِیتا سی، جیہڑی فدان آرام نے رہݨ آلے بِتُو ایل ارامی نی تِہی تے لابن ارامی نی پہیݨ سی۔
21حضرت اسحاق اپݨے کہری آلی واسطے رب اگے دُعا کیتی، کِیئانکہ او بانج سی. رب اُنہاں نی دعا منظور کیتی، تے بی بی رِبقہؑ حاملہ ہوئی۔ 22اِنہاں نے ٹہڈے وِچ دو بچّے آپے وِچ اِک دوئے کی تِہکے مارݨ لغے. تاں اِنہاں آخیا، ”اے مہاڑے نال کِیئاں ہوݨا پیا؟“ فِر اُنہاں رب اگے دُعا کیتی۔
23رب اُنہاں کی آخیا،
”تہاڑے ٹہڈے وِچ دو قوماں اݨ،
تے دو مُخالف قبیلے تُساں کولوں جَمسݨ.
اِک قبیلہ دوئے قبیلے کولوں ڈاڈھا ہوسی،
تے جیہڑا بڑا ہوسی نکے نی خِدمت کرسی۔»
24جیہڑے ویلے اِنہاں نی پیداہش نا ویلا آئی گیا، تے جونٹرے نے پُتر جمے۔ 25جیہڑا پہلے جمیا او رَتا سی، تے اِس طرح لغݨا سی جِس طرح اُس بالاں آلا کوٹ لایا وا. اِس واسطے اِس نا ناں اِیسَو مطلب ”بالدار“ رخیا گیا۔ 26اِیسَو نے پِچھے جیہڑا اُس نا پہرآ جمیا اُس ہتھے وِچ اِیسَو نی کھُری پکڑی وی سی، اِس واسطے اُس نا ناں یعقُوب یعنیٰ ”کھُری پکڑنے آلا“ رخیا گیا. جس ویلے او بی بی رِبقہؑ کولوں جمے، اُس ویلے حضرت اسحاق نی عمر سٹھ سال سی۔
27جدوں دوئے مُنڈے بڑے ہوئے، تے حضرت اِیسَو شکار کرنے وِچ ماہر ہوئی گئے، تے او اکثر جنگل وِچ پھرنے رہننے سݨ. تے حضرت یعقُوب صُلح پسند عادتاں آلے بندے سݨ، تے ڈیرے وِچ رہݨے سݨ۔ 28حضرت اسحاق حضرت اِیسَو نال بہُوں لاڈ کرنے سݨ، کِیئانکہ او اُنہاں نا شکار کیتا وا گوشت کھاݨے سݨ. پر بی بی رِبقہ حضرت یعقُوب نال بہُوں لاڈ کرنے سݨ۔
29اِک دیہاڑے حضرت یعقُوب دال پکاݨے پئے سݨ، تے حضرت اِیسَو جنگل وِچوں تھکے وے تے بہُوں پُہکھے ہوئے وے مُڑے۔ 30اُنہاں حضرت یعقُوب کی آخیا، ”اے رَتی دال مِکی کھَلائی شوڑ! میں بہُوں تھکیا وا آں!“ (فِر اُس واسطے اُنہاں نا ناں اَدُوم، جِس نا مطلب اے ”رتا“، وی ہوئی گیا۔)
31حضرت یعقُوب آخیا، ”پہلے اپݨے بڑے ہوݨے نا حق مِکی بیچی شوڑ۔“
32حضرت اِیسَو آخیا، ”تک، میں پُہکھے نال مرنے آلا آں! تے بڑے ہوݨے نا حق مہاڑے کِس کم نا؟“
33حضرت یعقُوب آخیا، ”ہپہلے مہاڑے اگے قسم کھا.“ تے اُنہاں قسم کھادی، تے بڑے ہوݨے نا حق حضرت یعقُوب اگے بیچی شوڑیا۔
34تاں حضرت یعقُوب حضرت اِیسَو کی روٹی تے مسوری نی دال دِتی. او کھائی پی کے اُٹھی کے ٹُری گئے.
اِس طرح حضرت اِیسَو اپݨے بڑے ہوݨے نے حقے نی قدر نی جاݨی۔
လက္ရွိေရြးခ်ယ္ထားမွု
توریت شریف: پَیدایش 25: phr
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Text (c) 2021 Noor-e-Kashmir
Audio (p) 2021 Noor-e-Kashmir
توریت شریف: پَیدایش 25
25
1فِر حضرت اِبراہِیم اِک ہور زناݨی نال بیاہ کِیتا جس نا ناں قطُورؑہ سی، 2جنہاں وِچوں زِمران، یُقسان، مِدان، مِدیان، اِسباق تے سُوخ جمے۔ 3یُقسان نے دو پُتر شِبا تے دِدن سݨ، تے دادن نی اولادی وِچوں اَسُوری، لَطُوسی تے لُومی قوماں بݨیاں۔ 4مِدیان نے پُتر عیفاہ، عفر، حنوک، ابیداع تے الدوعا سݨ. اے سارے قطُورہ نی اولاد سݨ۔
5حضرت اِبراہِیم اپݨا سارا کُج حضرت اسحاق کی چائی دِتا۔ 6پر اپݨی زندگی وِچ اپݨیاں دُویاں بیویاں نیاں پُتراں کی وی تحفے دِتے، تے اُنہاں کی حضرت اسحاق کولوں دور مشرقی عِلاقے در پہیجھی شوڑیا۔
7حضرت اِبراہِیم کُل اِک سو پچہتر سال تک جِیݨے رہے۔ 8تے فِر او بہُوں بُڈھے ہوئی کے فوت ہوئے، تے اپݨے پیؤ دادے نال دوئے جہان وِچ جائی مِلے۔ 9.فِر اِنہاں نیاں پُتراں حضرت اسحاق تے حضرت اِسماعِیل اِنہاں کی مکفِیلہ نے غارے وِچ دبی شوڑیا، جیہڑا ممرے نے سامݨے ضحر حِتی نے پترے عِفرون نی باڑی وِچ سی. 10اے او ہی باڑی سی جیہڑی حضرت اِبراہِیم اُنہاں حِتی لوکاں کولوں خریدی سی، تے اُتھَے حضرت اِبراہیم تے اُنہاں نی بیوی بی بی سارہ دوئاں کی دفن کیتا گیا۔
11حضرت اِبراہِیم نے فوت ہوݨے توں بعد اللّٰہ تعالیٰ اِنہاں نے پُترے حضرت اسحاق کی برکت دِتی. تے او بیر لحی روئی نے نیڑے رہݨ لغی پئے۔
12حضرت اِبراہِیم نے پہلے پُتر حضرت اِسماعِیل نا شجرہ نسب اے اَے، جیہڑے بی بی سارہ نی مصری نوکراݨی بی بی ہاجؑرہ وِچوں جمے سݨ. 13حضرت اِسماعِیل نیاں پُتراں نے ناں اے اݨ (اِنہاں نے ناں جمݨے نی ترتیب نال اݨ): حضرت اِسماعِیل نا پہلا پُتر نبایوت سی، فِر قِیدار، ادبئیل، مِبسام، 14مِشماع، دُومہ تے مَسا، 15حدد، تیَما، یطور، نفیس تے قدمہ۔ 16اے پُتر باراں قبیلیاں نے بانی بݨی گئے، تے جِتھے جِتھے او آباد ہوئے اُنہاں جغاں نا ناں اُوئے پئی گیا۔
17فِر حضرت اسماعیؑل اِک سو سَینتی سال نے ہوئی کے فوت ہوئے، تے اپݨے رشتہ داراں نال دوئے جہان وِچ جائی مِلے. 18اُنہاں نی اولاد اُس علاقے وِچ رہݨ لغی پئی جیہڑا حوِیلہ تے شُور نے بشکار اے، تے جیہڑا مصر نے مشرق وِچ اَسُور آلے پاسے اے. او حضرت اِبراہِیم نی باقی نسل کولوں الگ رہݨے سݨ۔
19حضرت اِبراہِیم نے پُترے حضرت اسحاق نا شجرہ نسب اے اَے.
20حضرت اسحاق چالیاں سالاں نے سݨ جدوں اُنہاں بی بی رِبقہؑ نال بیاہ کِیتا سی، جیہڑی فدان آرام نے رہݨ آلے بِتُو ایل ارامی نی تِہی تے لابن ارامی نی پہیݨ سی۔
21حضرت اسحاق اپݨے کہری آلی واسطے رب اگے دُعا کیتی، کِیئانکہ او بانج سی. رب اُنہاں نی دعا منظور کیتی، تے بی بی رِبقہؑ حاملہ ہوئی۔ 22اِنہاں نے ٹہڈے وِچ دو بچّے آپے وِچ اِک دوئے کی تِہکے مارݨ لغے. تاں اِنہاں آخیا، ”اے مہاڑے نال کِیئاں ہوݨا پیا؟“ فِر اُنہاں رب اگے دُعا کیتی۔
23رب اُنہاں کی آخیا،
”تہاڑے ٹہڈے وِچ دو قوماں اݨ،
تے دو مُخالف قبیلے تُساں کولوں جَمسݨ.
اِک قبیلہ دوئے قبیلے کولوں ڈاڈھا ہوسی،
تے جیہڑا بڑا ہوسی نکے نی خِدمت کرسی۔»
24جیہڑے ویلے اِنہاں نی پیداہش نا ویلا آئی گیا، تے جونٹرے نے پُتر جمے۔ 25جیہڑا پہلے جمیا او رَتا سی، تے اِس طرح لغݨا سی جِس طرح اُس بالاں آلا کوٹ لایا وا. اِس واسطے اِس نا ناں اِیسَو مطلب ”بالدار“ رخیا گیا۔ 26اِیسَو نے پِچھے جیہڑا اُس نا پہرآ جمیا اُس ہتھے وِچ اِیسَو نی کھُری پکڑی وی سی، اِس واسطے اُس نا ناں یعقُوب یعنیٰ ”کھُری پکڑنے آلا“ رخیا گیا. جس ویلے او بی بی رِبقہؑ کولوں جمے، اُس ویلے حضرت اسحاق نی عمر سٹھ سال سی۔
27جدوں دوئے مُنڈے بڑے ہوئے، تے حضرت اِیسَو شکار کرنے وِچ ماہر ہوئی گئے، تے او اکثر جنگل وِچ پھرنے رہننے سݨ. تے حضرت یعقُوب صُلح پسند عادتاں آلے بندے سݨ، تے ڈیرے وِچ رہݨے سݨ۔ 28حضرت اسحاق حضرت اِیسَو نال بہُوں لاڈ کرنے سݨ، کِیئانکہ او اُنہاں نا شکار کیتا وا گوشت کھاݨے سݨ. پر بی بی رِبقہ حضرت یعقُوب نال بہُوں لاڈ کرنے سݨ۔
29اِک دیہاڑے حضرت یعقُوب دال پکاݨے پئے سݨ، تے حضرت اِیسَو جنگل وِچوں تھکے وے تے بہُوں پُہکھے ہوئے وے مُڑے۔ 30اُنہاں حضرت یعقُوب کی آخیا، ”اے رَتی دال مِکی کھَلائی شوڑ! میں بہُوں تھکیا وا آں!“ (فِر اُس واسطے اُنہاں نا ناں اَدُوم، جِس نا مطلب اے ”رتا“، وی ہوئی گیا۔)
31حضرت یعقُوب آخیا، ”پہلے اپݨے بڑے ہوݨے نا حق مِکی بیچی شوڑ۔“
32حضرت اِیسَو آخیا، ”تک، میں پُہکھے نال مرنے آلا آں! تے بڑے ہوݨے نا حق مہاڑے کِس کم نا؟“
33حضرت یعقُوب آخیا، ”ہپہلے مہاڑے اگے قسم کھا.“ تے اُنہاں قسم کھادی، تے بڑے ہوݨے نا حق حضرت یعقُوب اگے بیچی شوڑیا۔
34تاں حضرت یعقُوب حضرت اِیسَو کی روٹی تے مسوری نی دال دِتی. او کھائی پی کے اُٹھی کے ٹُری گئے.
اِس طرح حضرت اِیسَو اپݨے بڑے ہوݨے نے حقے نی قدر نی جاݨی۔
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Text (c) 2021 Noor-e-Kashmir
Audio (p) 2021 Noor-e-Kashmir