यहुन्ना 1
1
जीवन देबावाळो बचन
1किंकी भी रचना करबाऊँ पेल्या बचन हो अन बचन परमेसर का हाते हो अन वो बचनइस परमेसर हे। 2किंकी भी रचना वेबाऊँ पेल्या बचन परमेसर का हाते हो। 3बचनऊँईस परमेसर दनियाँ की हारी चिजाँ बणई अन बचन का बना कई भी चीज ने बणईगी। 4बचन मेंईस जीवन हो अन वो जीवन मनकाँ का वाते उजितो हो। 5वो उजितो अंदारा में चमकतो रेवे हे अन अंदारो वींने कदी ने बजा सक्यो।
6 #
मत्ती 3:1; मर 1:4; लूका 3:1,2 परमेसर आपणाँ आड़ीऊँ आपणाँ एक दूत ने खन्दायो जिंको नाम यहुन्नो हो। 7यहुन्नो भी वीं उजिता की गवई देबा ने आयो, ताँके हाराई वींकी हुणन उजिता पे विस्वास करे। 8वो खुद तो उजितो ने हो, पण उजिता की गवई देबा आयो हो। 9वो उजितो हाँचो हे, ज्यो हाराई मनकाँ ने उजितो में लाई, वो दनियाँ की नजराँ में आरियो हो।
10वो बचन अणी दनियाँ मेंईस हो अन परमेसर वणीऊँस दनियाँ बणई, पण दनियाँ का लोगाँ वींने ने ओळक्यो। 11वो आपणाँ लोगाँ का बसमें आयो अन पण वणा वींने ने ओळक्यो। 12पण जणा भी वींने मान्यो अन वींपे विस्वास किदो, वाँने वणी परमेसर की ओलाद वेबा को हक दिदो। 13परमेसर की ओलाद वेबा का वाते वीं मनक की मरजी का मस देहऊँ ने जनम्याँ, पण वीं तो परमेसर की मरजीऊँ आत्मिक रूप में जनम्याँ।
14अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।
15यहुन्ने वींका बारा में गवई दिदी अन हेलो पाड़न क्यो के, “यो वोईस हे, जिंको बखाण में किदो हे के, ‘ज्यो मारा पाच्छे आरियो हे, वो माराऊँ मोटो हे, काँके वो मारा जनमबा के पेल्याँई मोजुद हो।’”
16वाँकी दया की भरपईऊँ आपाँ हाराई ने आसिरवाद पे आसिरवाद मल्या। 17आपाँने नेम तो परमेसर मूसाऊँ दिदा, पण दया अन हाँच ईसू मसीऊँ मल्यो। 18परमेसर का कदी कणी दरसण ने किदा, बेस एकाएक बेटो ज्यो खुद परमेसर हे अन वाँका खोळा में हे, वणी वाँने आपणाँ पे परगट किदा।
बतिस्मो देबावाळा यहुन्ना की गवई
19जद्याँ यरूसलेमऊँ यहूदी अदिकारी जद्याँ याजकाँ अन लेवीयाँ ने यहुन्नाऊँ ओ पूँछबा के वाते खन्दाया के, “थूँ कूण हे?”
20तद्याँ वणी हुदोई खोलन के दिदो के, “मूँ मसी ने हूँ।”
21 #
मला 4:5;
वे.वि 18:15,18 तद्याँ वणा वींकाऊँ पूँछ्यो, “तो थूँ कूण हे? कई, थूँ एलियो हे?”
यहुन्ने वाँने जवाब दिदो, “ने, मूँ वो ने हूँ।”
तो वणा पूँछ्यो, “कई थूँ परमेसर का आड़ीऊँ बोलबावाळो हे?”
वणी क्यो, “कोनी।”
22तद्याँ वणा वींकाऊँ पूँछ्यो, “तो पछे थूँ हे कूण? माँने बता, ताँके माँ माँने खन्दाबावाळा ने बता सका के, थूँ थाँरा खुद का बारा में कई केवे हे?”
23 #
यसा 40:3
जस्यान यसाया परमेसर का आड़ीऊँ बोलबावाळा लिक्यो हो, वींके जस्यान यहुन्ने वाँकाऊँ क्यो,
“मूँ काँकड़ में एक हाका करबावाळा की वाणी हूँ के,
‘थाँ परबू का वाते गेलो हुदो करो।’”
24ईं मनक फरीसियाँ का आड़ीऊँ खन्दाया तका हा। 25अणा वींकाऊँ ओ सवाल किदो के, “यद्याँ थूँ मसी ने हे, अन ने एलियो, अन ने परमेसर का आड़ीऊँ बोलबावाळो हे, तो पछे मनकाँ ने बतिस्मा कई लेबा ने देवे हे?”
26यहुन्ने वाँकाऊँ क्यो, “मूँ पाणीऊँ बतिस्मो देरियो हूँ, पण थाँका बचमें एक मनक हे, जिंने थाँ ने जाणो हो। 27अन ज्यो मारा केड़े आबावाळो हे। मूँ वींकी पगरख्याँ का कसणा खोलबा के जोगो भी ने हूँ।”
28ईं हारी बाताँ यरदन नंदी के पेली पार बेतनियाँ में वीं, जटे यहुन्नो बतिस्मा देतो हो।
परमेसर को उन्यो
29आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई। 30ओ वोईस हे, जिंका बारा में ओ क्यो हो के, ‘एक मनक मारा केड़े आबावाळो हे, ज्यो माराऊँ मोटो हे, काँके वो मारा जनमबा के पेल्याँई मोजुद हो।’ 31अन पेल्याँ मुँई वींने ने ओळकतो हो, पण ईं वाते पाणीऊँ बतिस्मो देतो आरियो हूँ, ताँके इजराएल देस का मनक वींने ओळक सके।”
32पछे यहुन्ने आपणी गवई दिदी के, “में आत्माने परेवड़ा की तरियाँ आकासऊँ उतरती तकी देकी अन वाँ वाँका ऊपरे आन ठमगी। 33मूँ तो वींने ओळकतो ने हो, पण परमेसर मने पाणीऊँ बतिस्मो देबा का वाते खन्दायो, वणा मने क्यो, ‘थूँ पुवितर आत्माने उतरती अन किंके ऊपरे रकती तकी देकी, ओ वोईस मनक वेई, ज्यो पुवितर आत्माऊँ बतिस्मो देई।’ 34में अणा बाताँ ने वेती तकी देकी अन गवई दूँ हूँ के, ‘ओईस परमेसर को पूत हे।’”
ईसू का सरूवाती चेला
35दूजे दन यहुन्नो अन वींका चेला मूँ दो जणा वटे ऊबा हा। 36अन वणी ईसू ने देकन ज्यो वाँका नकेऊँ जारियो हो क्यो, “देको, ओ परमेसर को उन्यो जारियो हे।”
37जद्याँ वाँ दुई चेला वींने आ केतो तको हुण्यो, तो वीं ईसू का पाच्छे चाल पड़्या। 38ईसू पाच्छा फरन वाँने पाच्छे आवता तका देकन वणाऊँ क्यो, “थाँ कई होदरिया हो?”
तो वणा क्यो, “हो गरुजी, थाँ कटे रेवो हो?”
39ईसू वाँने क्यो, “आवो अन देक लो।” अन वीं वाँका हाते चालबा लागा। वाँकाणी देक्यो के, वीं कटे रेवे हे। वीं दन वीं वींका हातेईस रिया, काँके वीं दाण हाँजका की च्यार बजरी ही।
40वीं दुई यहुन्ना की बाताँ हुणन ईसू का पाच्छे चालबा लागा हा, वाकाँमें एक समोन पतरस को भई अन्दरियास हो। 41वणी पेल्याँ आपणाँ भई समोनऊँ मलन क्यो, “माँने मसी मलग्यो हे।” मसी को मतलब चुण्यो तको। 42पछे अन्दरियास समोन ने ईसू का नके लायो।
ईसू वींने देकन क्यो के, “थूँ यहुन्ना को छोरो समोन हे, पण थूँ केफा नामऊँ जाण्यो जाई।” केफा जिंने पतरस भी केवे हे, ज्याँको मतलब छाट भी वेवे हे।
ईसू फिलिपुस अन नतनएल ने बलाया
43दूजे दन ईसू गलील जाबा का वाते ते किदो अन फिलिपुस मलग्यो तो वींने क्यो, “मारा पाच्छे चाल।” 44फिलिपुस, अन्दरियास अन पतरस का नगर बेतसेदा का रेवासी हो। 45फिलिपुस नतनएलऊँ मल्यो अन वणीऊँ क्यो के, “जिंको बखाण परमेसर का आड़ीऊँ बोलबावाळा किदो अन मूसे आपणाँ नेमा में क्यो हो, वो माँने मलग्यो हे। वो युसुप को छोरो नासरत को रेबावाळो ईसू हे।”
46नतनएल वणीऊँ क्यो, “कई हव चीज भी नासरतऊँ निकळ सके हे?”
फिलिपुस वणीऊँ क्यो, “चालन खुदई देक ले।”
47ईसू नतनएल ने आपणाँ आड़ीऊँ आवतो तको देकन वाँका बारा में क्यो, “देको, यो हाँचो इजराएली हे, ईंमें कई खोट ने हे।”
48नतनएल ईसुऊँ पूँछ्यो, “थाँ मने कस्यान ओळको हे?”
ईसू वींने जवाब दिदो के, “फिलिपुस थने बलायो वणीऊँ पेल्याँ में थने देक्यो, जद्याँ थूँ अंजीर का रूँकड़ा का रेटे बेटो तको हो।”
49नतनएल वाँने जवाब दिदो, “हो गरुजी, थाँ परमेसर का पूत हे। थाँ इजराएल को राजा हे।”
50ईसू वींने क्यो, “में ज्यो थने क्यो के, में थने अंजीर का रूँकड़ा के रेटे देक्यो, कई थूँ ईं बात की वजेऊँ विस्वास करे हे? तो थूँ आगे भी अणीऊँ मोटा-मोटा काम देकी।” 51#उत्प 28:12ईंके केड़े ईसू वाँने क्यो, “मूँ थाँकाऊँ हाँची केवूँ हूँ के, थाँ हरग ने खुलो तको अन परमेसर का हरग-दुताँ ने मनक का पूत (ईसू) पे उतरता अन चड़ता तका देको।”
လက္ရွိေရြးခ်ယ္ထားမွု
यहुन्ना 1: एम टी आर
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(c) 2010-2017, New Life Computer Institute. All rights reserved
यहुन्ना 1
1
जीवन देबावाळो बचन
1किंकी भी रचना करबाऊँ पेल्या बचन हो अन बचन परमेसर का हाते हो अन वो बचनइस परमेसर हे। 2किंकी भी रचना वेबाऊँ पेल्या बचन परमेसर का हाते हो। 3बचनऊँईस परमेसर दनियाँ की हारी चिजाँ बणई अन बचन का बना कई भी चीज ने बणईगी। 4बचन मेंईस जीवन हो अन वो जीवन मनकाँ का वाते उजितो हो। 5वो उजितो अंदारा में चमकतो रेवे हे अन अंदारो वींने कदी ने बजा सक्यो।
6 #
मत्ती 3:1; मर 1:4; लूका 3:1,2 परमेसर आपणाँ आड़ीऊँ आपणाँ एक दूत ने खन्दायो जिंको नाम यहुन्नो हो। 7यहुन्नो भी वीं उजिता की गवई देबा ने आयो, ताँके हाराई वींकी हुणन उजिता पे विस्वास करे। 8वो खुद तो उजितो ने हो, पण उजिता की गवई देबा आयो हो। 9वो उजितो हाँचो हे, ज्यो हाराई मनकाँ ने उजितो में लाई, वो दनियाँ की नजराँ में आरियो हो।
10वो बचन अणी दनियाँ मेंईस हो अन परमेसर वणीऊँस दनियाँ बणई, पण दनियाँ का लोगाँ वींने ने ओळक्यो। 11वो आपणाँ लोगाँ का बसमें आयो अन पण वणा वींने ने ओळक्यो। 12पण जणा भी वींने मान्यो अन वींपे विस्वास किदो, वाँने वणी परमेसर की ओलाद वेबा को हक दिदो। 13परमेसर की ओलाद वेबा का वाते वीं मनक की मरजी का मस देहऊँ ने जनम्याँ, पण वीं तो परमेसर की मरजीऊँ आत्मिक रूप में जनम्याँ।
14अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।
15यहुन्ने वींका बारा में गवई दिदी अन हेलो पाड़न क्यो के, “यो वोईस हे, जिंको बखाण में किदो हे के, ‘ज्यो मारा पाच्छे आरियो हे, वो माराऊँ मोटो हे, काँके वो मारा जनमबा के पेल्याँई मोजुद हो।’”
16वाँकी दया की भरपईऊँ आपाँ हाराई ने आसिरवाद पे आसिरवाद मल्या। 17आपाँने नेम तो परमेसर मूसाऊँ दिदा, पण दया अन हाँच ईसू मसीऊँ मल्यो। 18परमेसर का कदी कणी दरसण ने किदा, बेस एकाएक बेटो ज्यो खुद परमेसर हे अन वाँका खोळा में हे, वणी वाँने आपणाँ पे परगट किदा।
बतिस्मो देबावाळा यहुन्ना की गवई
19जद्याँ यरूसलेमऊँ यहूदी अदिकारी जद्याँ याजकाँ अन लेवीयाँ ने यहुन्नाऊँ ओ पूँछबा के वाते खन्दाया के, “थूँ कूण हे?”
20तद्याँ वणी हुदोई खोलन के दिदो के, “मूँ मसी ने हूँ।”
21 #
मला 4:5;
वे.वि 18:15,18 तद्याँ वणा वींकाऊँ पूँछ्यो, “तो थूँ कूण हे? कई, थूँ एलियो हे?”
यहुन्ने वाँने जवाब दिदो, “ने, मूँ वो ने हूँ।”
तो वणा पूँछ्यो, “कई थूँ परमेसर का आड़ीऊँ बोलबावाळो हे?”
वणी क्यो, “कोनी।”
22तद्याँ वणा वींकाऊँ पूँछ्यो, “तो पछे थूँ हे कूण? माँने बता, ताँके माँ माँने खन्दाबावाळा ने बता सका के, थूँ थाँरा खुद का बारा में कई केवे हे?”
23 #
यसा 40:3
जस्यान यसाया परमेसर का आड़ीऊँ बोलबावाळा लिक्यो हो, वींके जस्यान यहुन्ने वाँकाऊँ क्यो,
“मूँ काँकड़ में एक हाका करबावाळा की वाणी हूँ के,
‘थाँ परबू का वाते गेलो हुदो करो।’”
24ईं मनक फरीसियाँ का आड़ीऊँ खन्दाया तका हा। 25अणा वींकाऊँ ओ सवाल किदो के, “यद्याँ थूँ मसी ने हे, अन ने एलियो, अन ने परमेसर का आड़ीऊँ बोलबावाळो हे, तो पछे मनकाँ ने बतिस्मा कई लेबा ने देवे हे?”
26यहुन्ने वाँकाऊँ क्यो, “मूँ पाणीऊँ बतिस्मो देरियो हूँ, पण थाँका बचमें एक मनक हे, जिंने थाँ ने जाणो हो। 27अन ज्यो मारा केड़े आबावाळो हे। मूँ वींकी पगरख्याँ का कसणा खोलबा के जोगो भी ने हूँ।”
28ईं हारी बाताँ यरदन नंदी के पेली पार बेतनियाँ में वीं, जटे यहुन्नो बतिस्मा देतो हो।
परमेसर को उन्यो
29आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई। 30ओ वोईस हे, जिंका बारा में ओ क्यो हो के, ‘एक मनक मारा केड़े आबावाळो हे, ज्यो माराऊँ मोटो हे, काँके वो मारा जनमबा के पेल्याँई मोजुद हो।’ 31अन पेल्याँ मुँई वींने ने ओळकतो हो, पण ईं वाते पाणीऊँ बतिस्मो देतो आरियो हूँ, ताँके इजराएल देस का मनक वींने ओळक सके।”
32पछे यहुन्ने आपणी गवई दिदी के, “में आत्माने परेवड़ा की तरियाँ आकासऊँ उतरती तकी देकी अन वाँ वाँका ऊपरे आन ठमगी। 33मूँ तो वींने ओळकतो ने हो, पण परमेसर मने पाणीऊँ बतिस्मो देबा का वाते खन्दायो, वणा मने क्यो, ‘थूँ पुवितर आत्माने उतरती अन किंके ऊपरे रकती तकी देकी, ओ वोईस मनक वेई, ज्यो पुवितर आत्माऊँ बतिस्मो देई।’ 34में अणा बाताँ ने वेती तकी देकी अन गवई दूँ हूँ के, ‘ओईस परमेसर को पूत हे।’”
ईसू का सरूवाती चेला
35दूजे दन यहुन्नो अन वींका चेला मूँ दो जणा वटे ऊबा हा। 36अन वणी ईसू ने देकन ज्यो वाँका नकेऊँ जारियो हो क्यो, “देको, ओ परमेसर को उन्यो जारियो हे।”
37जद्याँ वाँ दुई चेला वींने आ केतो तको हुण्यो, तो वीं ईसू का पाच्छे चाल पड़्या। 38ईसू पाच्छा फरन वाँने पाच्छे आवता तका देकन वणाऊँ क्यो, “थाँ कई होदरिया हो?”
तो वणा क्यो, “हो गरुजी, थाँ कटे रेवो हो?”
39ईसू वाँने क्यो, “आवो अन देक लो।” अन वीं वाँका हाते चालबा लागा। वाँकाणी देक्यो के, वीं कटे रेवे हे। वीं दन वीं वींका हातेईस रिया, काँके वीं दाण हाँजका की च्यार बजरी ही।
40वीं दुई यहुन्ना की बाताँ हुणन ईसू का पाच्छे चालबा लागा हा, वाकाँमें एक समोन पतरस को भई अन्दरियास हो। 41वणी पेल्याँ आपणाँ भई समोनऊँ मलन क्यो, “माँने मसी मलग्यो हे।” मसी को मतलब चुण्यो तको। 42पछे अन्दरियास समोन ने ईसू का नके लायो।
ईसू वींने देकन क्यो के, “थूँ यहुन्ना को छोरो समोन हे, पण थूँ केफा नामऊँ जाण्यो जाई।” केफा जिंने पतरस भी केवे हे, ज्याँको मतलब छाट भी वेवे हे।
ईसू फिलिपुस अन नतनएल ने बलाया
43दूजे दन ईसू गलील जाबा का वाते ते किदो अन फिलिपुस मलग्यो तो वींने क्यो, “मारा पाच्छे चाल।” 44फिलिपुस, अन्दरियास अन पतरस का नगर बेतसेदा का रेवासी हो। 45फिलिपुस नतनएलऊँ मल्यो अन वणीऊँ क्यो के, “जिंको बखाण परमेसर का आड़ीऊँ बोलबावाळा किदो अन मूसे आपणाँ नेमा में क्यो हो, वो माँने मलग्यो हे। वो युसुप को छोरो नासरत को रेबावाळो ईसू हे।”
46नतनएल वणीऊँ क्यो, “कई हव चीज भी नासरतऊँ निकळ सके हे?”
फिलिपुस वणीऊँ क्यो, “चालन खुदई देक ले।”
47ईसू नतनएल ने आपणाँ आड़ीऊँ आवतो तको देकन वाँका बारा में क्यो, “देको, यो हाँचो इजराएली हे, ईंमें कई खोट ने हे।”
48नतनएल ईसुऊँ पूँछ्यो, “थाँ मने कस्यान ओळको हे?”
ईसू वींने जवाब दिदो के, “फिलिपुस थने बलायो वणीऊँ पेल्याँ में थने देक्यो, जद्याँ थूँ अंजीर का रूँकड़ा का रेटे बेटो तको हो।”
49नतनएल वाँने जवाब दिदो, “हो गरुजी, थाँ परमेसर का पूत हे। थाँ इजराएल को राजा हे।”
50ईसू वींने क्यो, “में ज्यो थने क्यो के, में थने अंजीर का रूँकड़ा के रेटे देक्यो, कई थूँ ईं बात की वजेऊँ विस्वास करे हे? तो थूँ आगे भी अणीऊँ मोटा-मोटा काम देकी।” 51#उत्प 28:12ईंके केड़े ईसू वाँने क्यो, “मूँ थाँकाऊँ हाँची केवूँ हूँ के, थाँ हरग ने खुलो तको अन परमेसर का हरग-दुताँ ने मनक का पूत (ईसू) पे उतरता अन चड़ता तका देको।”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(c) 2010-2017, New Life Computer Institute. All rights reserved