Maatiyoos 27
27
Wideer Ɛɛk Yeese Pirdiya Taamɛka Pilatoosuk
(Mar. 15:1; Luk. 23:1-3; Yow. 18:28-32)
1Saaɓa aayirkiɗik nɛɓa waasiɗi ɔɗɔweer tapa ŋaadiyɛɛkoŋk a gutarɛyɛ ɗookoŋk kɛnɔ ɓokotɛɛ Yeesee. 2Saadi baŋiya korkoɗarɓa Yeesee nɛ diiler nɛ kaar gaɓɛr Pilatoosa sinaana ɗumaat ɗookak.
3Saaɓa ɗegerɗi Yuuda sinɛɓa gaɓɛ Yeeseek kɛ pɛrɛdɛɛɗɛkɔɔŋɔŋk nɛɓa koɓi kɛ moko liki any sinɛkɔ ijaagaak, nɛɓa jumur biriyatɔk sigɛ ruumer iɗit a aarink ɔɗɔweera tapa ŋaadiyɛɛkoŋk a gutarɛyɛɛka. 4Nɛ tonu sɛɛga kɛ, "Tikiɗiikakɔŋ, gaɓaakɔ iɗit sini kiiɗɛ tikiyɛɛk."
Nɛɓa sɛɛk tonurgeeɗ kɛ, "Rakatii seek jikon, giroy nook."
5Nɛɓa Yuuda oru biriyatɔk gɛɛŋk Godeey sinaanɛ Geetitank tak, nɛ ŋaar nɛ kɛɛ laalawu ɛɛk nɛɛk, nɛ rɛrŋ.
6Nɛɓa ɔɗɔweer tapa ŋaadiyɛɛkoŋk boŋur biriyatɔk gɛɛŋk nɛ tonur kɛ, "Ki higii pɛgɛdɛɛt nɔ gaɓɛrii sanduka tigiyoŋkuŋ agut sinɔ gati wɛɛŋa yɛromoŋkuk." 7Nɛɓa waasiɗiigeeɗ nɛ ɓalɛɛ wori nɛɛkɛ nyon sinɔ kɔwuɗɛ konank ete sinɔɔnɛ kɛkɛny suɓoyk. 8Agut sini riyɛ nyon sini mɛlɛɛɗa ɓɛɛnyɔwase kɛ, "Ɗoo Yɛromoŋk." 9Dusanɛɛ sineene sinɛɓa taapɛ iɗit pɛrkaakoŋk Ermiyaas kɛ, "Boŋur tɔɔmɔk Israeelik biriyatɔk a ruumer iɗit a aarin sigɛɓa loomark a gati nɛɛkik. 10Koyurɗuɓa ɗoo iɗit sinɛ kɛkɛny suɓoyk, oko sinɛɓata toniiɗ Suumiik."
Kɔɔniy Pilatoos Yeesee
(Mar. 15:2-5; Luk. 23:3-5; Yow. 18:33-38)
11Saaɓak wideerɓa ɛɛk Yeese son lak ɗumaat ɗookak taamɛka Pilatoosuk nɛɓa sɛŋk ɗumaat ɗooka kɔɔniy kɛ, "Iin, tapaɗ Ayuuduk?" Nɛɓa Yeese jumurgeeɗ kɛ, "Oko sinɛ toniiɗink."
12Ɔɗɔweer tapa ŋaadiyɛɛkoŋk a gutarɛyɛ saaɓa ooɗɛrɗik kɛɛ any sinɔɓa jumurk ara. 13Saadi baŋiya tongeeɗɓa Pilatoos kɛ, "Kin weenta kɛ ooɗɛrni olaatɛ sigɔɔgɛ ɛtɛr ɛkik?" 14Nɛɓa kɛɛ any sinɔ jumur Yeesek a reemɗi ɓayɛ Pilatoosuk.
Pɛrɛdɛɛ Yeesee Rer
(Mar. 15:6-15; Luk. 23:13-25; Yow. 18:39-40; 19:1-16)
15Lakɓa iɗit sinɛ ɗumaat ɗookak barɛ sinɔ woorkuɗ korkortan a omoŋ sinɛ kɔɔniyar joopk kɛnɔ sɛɛga woorkɛɛ Ba'aale Ɗoyiɗoŋk. 16Saaɓak lakɛɓa korkortan sinɔɓa ɗegerɛɛŋɔŋk sinɔɓa riyɛ kɛ Bɛrbaanik. 17Saaɓa atukuɗ joop tolɛɛɗik nɛɓa Pilatoos tonu sɛɛga kɛ, "Bɛrbaan a Keresee sinɛ riyɛ kɛ Yeeseek ɗɛyɛɛr a kɔna woorka wooɗ?" 18Ɗegerɓa Pilatoos kɛ gaɓɛrgeeɗkan agut sinɔ porurɗu ɛkan gɛŋkik."
19Saaɓa Pilatoos arkiɗ beeɗit barsum pirdiyoŋkuk nɛɓa jarti nɛɛkɛ wosɛyɗitaageeɗ kɛ, "Kat lakɛ any sinɔ ijaagin ete sineene mentanŋɔŋk raŋk. Laaŋoyɛɛkɔtu ɓenyse kaalt jɛt pɛrkiyɛɛkɛ agut iɗit sini."
20Ɔɗɔweer tapa ŋaadiyɛɛkoŋk a gutarɛyɛ remɛrɓa joop kɛnɔ kalɛyir kɛnɔ sɛɛga woorkɛɛ Bɛrbaan ma sɛŋk ɓokotɛɛ Yeeseeŋ.
21Nɛɓa iɗit sinɛ ɗumaat ɗookak kɔɔniya kɛkar kɛ, "Joope sigaagɛ pɛɛyk ɗɛyɛɛr a kɔna woorkɛɛ wooɗ?" Nɛɓa sɛɛk jumurar kɛ, "Ɗɛyii atina woorkɛɛ Bɛrbaan."
22Nɛɓa Pilatoos tonu kɛ, "Anɛ Keresee sinɛ riyɛ kɛ Yeeseek ara ɛk?" Nɛɓa tonur sɛɛg baŋɛ kɛ, "In laalawɛɛ!"
23Kɔɔniyɓa sɛɛg Pilatoos kɛ, "Agut jikon ijaagkɔ tikiyɛ kɛ jikonak?" Yakanaɓa sɛɛk ooyɛr a kaalɛŋ kɛ, "In laalawɛɛ!"
24Dɛnɛɓa Pilatoos any sini akɔɔ boŋku ooyan ma kiiɗɛ tɔkɔny, nɛɓa ari a diilagiɗɛ maawu nɛ aadi arin gɛɛŋk joope gɛɛnɛk taamɛkɛ nɛ tonu kɛ, "Moko eet ɔɗɔwen reta iɗit sini kiiɗɛ tikiyɛɛk. Ege ɔɗɔwikeen nɛɛkɛ noŋk."
25Nɛɓa joop baŋɛ tonur kɛ, "Ege ɔɗɔwikeen nɛɛkɛ naŋk a tɔɔmɔk gaŋkik agut rer iɗit sinɛk."
26Saaɓak woorkuɓa Pilatoos Bɛrbaan nɛ ŋɔɗuruŋ, ma Yeesee ari a ɗiŋɛɛ nɛ gaɓɛ amaasiniyɛɛka Roomuk kɛnɔ laalawar.
Diiler Amaasiniyɛɛk Pilatoosuk Yeesee
(Mar. 15:16-20; Yow. 19:2-3)
27Saaɓak diilerɓa Yeesee amaasiniyɛ sigɛ ɗumaat ɗookak keera sinaana ɗumaat ɗookak, tolɗiiɓa amaasiniyɛ gɛɛnɛ baŋɛ sɛɛne tookɛɛta. 28Boŋurkuɗɓa abii nɛɛk ɗooka nɛ gaɓɛrgeeɗ ɛɛka abii sinɔ dɛɛŋɔŋk. 29Kɛnyarɓa dooroy ɓɛynikoŋk nɛ gaɓɛrgeeɗ ɔɗɔwa, gaɓɛrgeeɗɓa sombal ariita nɛɛka gɔɔta sinaana ɗiɗikik kɛnɔ gaamuɗ nɛ ɛtɛrgeeɗ korontunɛ nɛ daraayɛr a tonurgeeɗ kɛ, "Iin tapaɗ Ayuuduk, digoyna." 30Topɛpɛyargeeɗɓa nɛ boŋurkuɗ sombal nɛɛk ariit nɛ mamalarɗi ɔɗɔ nɛɛk a totoparŋ. 31Daraayɛrɓa nɛ boŋurkuɗ abii sinɛ dɛɛŋɔŋk, nɛ gaɓɛrgeeɗ ɛɛka abii sinɛɓa nɛɛk, nɛ diiler kɛnɔ laalawar.
Laalawɛɛ Yeesee
(Mar. 15:21-32; Luk. 23:25-43; Yow. 19:17-27)
32Saaɓa ŋaararkiɗ keer sinaanɛ ɗumaat sinɛ ɗookak nɛɓa rookomar iɗit ɗoo Kɛrenaak sinɔ riyɛ kɛ Simionuk nɛɓa remɛrgeeɗ kɛnɔ ɓataki laalawutan nɛɛk. 33Saaɓa mɛlɛrɗi nyona sinɔɔna riyɛ kɛ Golgotaak ma wooran nɛɛk ɛmɛɛnan ɔɗɔwoŋkuk, 34gaɓɛrgeeɗɓa ogool wɛynik sigɔɓa lotɛɛ a any sinɔ ɓaayŋɔŋkuk kɛnɔ uteɗ, yakanaɓa sɛŋk lɛɛlɛmɛ nɛ ki ɗɛyɛ a uteŋ.
35Nɛɓa laalawar nɛ orur ita abiyaka gɛɛna nɛ kaakasar sɛɛgiŋ. 36Dokurɓaɗe saadi nɛ koorɛrŋ, 37riiɓerɓa taapiyɛ sigɔ yaaŋɛr sɔɔkiyɛ gɛɛŋkik Yeesee goysɔ ɔɗɔwaak laalawutant nɛɛkɛ raŋk sigɔ tonur kɛ, "Ege sini Tapaɗ Ayuuduk."
38Saaɓak laalawɛɛɓa joop sigɔ sɔɔkɛr ɓɛɛlk a pɛɛy a Yeesee agut omoŋ, om goyse ɗiɗikakɛk ma om goyse kantunakɛk. 39Joop sigɛɓa ɗoyur sinaanɛ jɔkoŋkuk daraayɛrɓa a ŋɛɛŋɛyɛr ɔɗɔɔk. 40Tonurgeeɗɓa kɛ, "Iin sininɔ aalin Gode sinɛ Geetitank nɛ kɛnyin ɗoŋikɛ sigɔɔgɛ jiitik, ebɔdutɔ ɛɛk nook! ɔkɔn iin Tɔɔn Waakoyotoŋk, worworakatɔ laalawutant ɗooka!"
41Maɓaɓɔrɛ daraayɛr ɔɗɔwer tapa ŋaadiyɛɛkoŋk sɛɛg a rɔɔriytaanak higi Muuseek a gutarɛyɛ agut omoŋ a tonur kɛ, 42"Ebɔdɛ joop ɔgɔ ma ki oolɛ ebɔdɛɛt ɛɛk nɛɛkik. Ɔkɔnɓɔ sɛɛn Tapaɗ Israeelik, intɔ worworiik sisɔ laalawutant ŋaadiikɔɔ ɓɔreŋ. 43Ŋaadikanɔtɔ Waakoyo. Ɔkɔnɓɔ poru sɛɛniŋ intɔ ebɔdɛ sɛɛn sisɔ, agut sinɔ totonkan kɛ, 'Eet Tɔɔn Waakoyotoŋk.'" 44Joop sigɛɓa sɔɔkɛr ɓɛɛlk sigɛɓa laalawɛɛ sɛɛg a sɛɛnik nyɔɔnarɓa ɓɔrɛ sɛɛniŋ.
Rɛr Yeesee
(Mar. 15:33-41; Luk. 23:44-49; Yow. 19:28-30)
45Ɓɛɛlɛɓa ɗook raŋk baŋɛ a nyuugur a tukiɗi sayitiyɛɛkɛ sigɔɔgɛ tula omk sigɔɔga tula aŋank. 46Sayitiyɛɛkɛ sigɔɔgɛ tula aŋank duriyeɓa Yeese a ɗooruŋ kɛ, "Elohee, Elohee, lama sɛbɛktanii?" Wooran nɛɛk sini kɛ, "Waakoyo naakɛ, Waakoyo naakɛ, ŋɔɗunkɔtu agut jikonk?"
47Joop sigɛɓa ɛtɛtɛɗar saadik a omoŋ omoŋ tiyɛrɓa duri nɛɛk nɛɓa tonur kɛ, "Riy Eliyaas."
48Nɛɓa sɛɛge iɗit omaay sisa reeri nɛ boŋku abii sinɔ yuuse maawuk, nɛ yuusukuɗ ogool wɛynik sigɔ kowɛrŋɔŋk nɛ rokopɛ sombala, nɛ gaɓɛɛr Yeeseya kɛnɔ uteɗ. 49Ma ɔgɔɔk tonur kɛ, "Kat dɛniikɔɔ saakɔɔ mɛlkiɗ Eliyaas nɔkɔɔ ebɔdɛɛɗikiŋ."
50Nɛɓa Yeese duriye kɛkar a ɗooruŋ nɛ rɛrŋ.
51Saaɓak pɔɔkiɗɓa abii sinɛɓa biriitɛɛ Godeey sinaanɛ Geetitank a pɛɛy rakaay mɛlɛɛɗa ɗooka, yikiɗiiɓa ɗoo ɓadaayaɓa talaaɗɛyik. 52Ɓuukiɗiiɓa piyakɔ nɛɓa ŋaararki joop sigɔ geetitaanakik sigɔɓa rɛrarŋɔŋk a ɓɔɔkaaŋ. 53Ŋaararkiɓa piyakɔkɛ, nɛ saaɓa ŋaarkiɗ Yeese ret walasak baŋiya guugunyarɓa katamɛya sinaana Geetitank Yorsaleema, nɛɓa saadi dɛnɛr sɛɛg joop sigɔ ɓɔɔkaaŋɔŋk.
54Ɔɗɔwen amaasiniyɛ sigɛ ɗibɛk sɛɛn a joop sigɛɓa koorɛr Yeeseek saaɓa dɛnɛrɗi yike sinɛ ɗookoŋk a ola ɔgɔɔk nɛɓa ɓuri jɛt nɛ tonur kɛ, "Egek ɔrɔ sini Tɔɔn Waakoyotoŋk eekeerɛ!"
55Lakɛɓa saadi jartiyatɔk sigɔɓa mermemenik ayowɛɛɗŋɔŋk a ɓɔɔkaaŋ sɛɛg sigɛɓa nonomar Yeesee a kɔkɔnyar a tukiɗi Gɛlilaakeek. 56Sɛɛge kɔɔr ɓɛɛlɛrɓa Maariyam Mɛgdooluk a Maariyam ɛmɛs Yaykooba a Yoosepa a ɛmɛs tɔɔmɔka Jɛbdiyoosuk.
Kɔɔwɛɛ Yeesee
(Mar. 15:42-47; Luk. 23:50-56; Yow. 19:38-42)
57Saaɓa kɔjururkuɗuk mɛlkiɓa iɗit sinɔ lak worik sinɔ riyɛ kɛ Yoosepuk Armaatiyaasik, sɛɛnɓa ɓɔrɛ nomtan Yeeseek. 58Kɛɛɓa son lak Pilatoosuk nɛ kalɛyiɗ buusɛ Yeeseek, nɛɓa Pilatoos tonu amaasiniyɛɛka gɛɛna kɛnɔ gagiɗɛ. 59Nɛɓa Yoosep boŋku buusɛ nɛɛk nɛ ɓuw abiye sinɔɔnɛ mentanŋɔŋk. 60Nɛɓa riiɓe kaakak nɛɛkɛk sinɔɔnɛ tɔɔnuk sinɔɔnɛɓa ragadɛɛ a sɛpɛɛ talaaɗɛk nɛ girgiɗki giɗee sinɔ obiiŋɔŋk nɛ koriiɗ utul nɛɛk ato nɛɛk, nɛ ŋaariŋ. 61Maariyam Mɛgdooluk a Maariyam sinɛɓa omk beebeɗarɓa saadi pii nɛɛkɛ taamɛkɛ.
62Romiɗ nɛɛkɛk ragad waawuy Sambatɛyoŋk Ayuuduk baŋiya, waawuy sinaanɛɓa ɗeyik ɔɗɔweer tapa ŋaadiyɛɛkoŋk a joop Paarisik wideetarɓa ɛɛk son lak Pilatoosuk, nɛ tonurgeeɗ kɛ, 63"Suumi naŋk, iɗit sinɛ ari iɗit a tikiɗiiŋɔŋk koɓukii sinɛkan tonu saakan in arkiɗ wɛɛŋakɛ gɛɛnɛkik kɛ, 'Ŋaarkakɔɔ ret walasa ɗoŋikɛ sigeege jiitik baŋiyaak.' 64Agut sini tonu kɛnɔ koorɛɛ pii nɛɛk jɛt a ɗoŋ jiit kɛnɔ mokɔɔ kurak agalir nomtaanak gɛɛnɛ buusɛ nɛɛk nɔkɔɔ tonur joopa sigaaga ɓɔɔkaak kɛ, 'Isikɔ ŋaarki ret walasak. Ma ɔkɔn kɔɔŋ tikiyɛ sigɛkɔɔ pediyaak kaalɛrkɔɔ sigɛkan tukik.' "
65Nɛɓa Pilatoos tonu sɛɛga kɛ, "Isgi koortaanak latukarik in kɛɛɗɛɛ arɛɛ a koorɛɛ oko sinɛ ɗegerarɗɔɔk." 66Nɛɓa kaar biter giɗee nɛɛk nɛ girɛyɛr nɛ arir a koorɛr pii nɛɛk amaasiniyɛɛk.
လက္ရွိေရြးခ်ယ္ထားမွု
Maatiyoos 27: KSTM
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Maatiyoos 27
27
Wideer Ɛɛk Yeese Pirdiya Taamɛka Pilatoosuk
(Mar. 15:1; Luk. 23:1-3; Yow. 18:28-32)
1Saaɓa aayirkiɗik nɛɓa waasiɗi ɔɗɔweer tapa ŋaadiyɛɛkoŋk a gutarɛyɛ ɗookoŋk kɛnɔ ɓokotɛɛ Yeesee. 2Saadi baŋiya korkoɗarɓa Yeesee nɛ diiler nɛ kaar gaɓɛr Pilatoosa sinaana ɗumaat ɗookak.
3Saaɓa ɗegerɗi Yuuda sinɛɓa gaɓɛ Yeeseek kɛ pɛrɛdɛɛɗɛkɔɔŋɔŋk nɛɓa koɓi kɛ moko liki any sinɛkɔ ijaagaak, nɛɓa jumur biriyatɔk sigɛ ruumer iɗit a aarink ɔɗɔweera tapa ŋaadiyɛɛkoŋk a gutarɛyɛɛka. 4Nɛ tonu sɛɛga kɛ, "Tikiɗiikakɔŋ, gaɓaakɔ iɗit sini kiiɗɛ tikiyɛɛk."
Nɛɓa sɛɛk tonurgeeɗ kɛ, "Rakatii seek jikon, giroy nook."
5Nɛɓa Yuuda oru biriyatɔk gɛɛŋk Godeey sinaanɛ Geetitank tak, nɛ ŋaar nɛ kɛɛ laalawu ɛɛk nɛɛk, nɛ rɛrŋ.
6Nɛɓa ɔɗɔweer tapa ŋaadiyɛɛkoŋk boŋur biriyatɔk gɛɛŋk nɛ tonur kɛ, "Ki higii pɛgɛdɛɛt nɔ gaɓɛrii sanduka tigiyoŋkuŋ agut sinɔ gati wɛɛŋa yɛromoŋkuk." 7Nɛɓa waasiɗiigeeɗ nɛ ɓalɛɛ wori nɛɛkɛ nyon sinɔ kɔwuɗɛ konank ete sinɔɔnɛ kɛkɛny suɓoyk. 8Agut sini riyɛ nyon sini mɛlɛɛɗa ɓɛɛnyɔwase kɛ, "Ɗoo Yɛromoŋk." 9Dusanɛɛ sineene sinɛɓa taapɛ iɗit pɛrkaakoŋk Ermiyaas kɛ, "Boŋur tɔɔmɔk Israeelik biriyatɔk a ruumer iɗit a aarin sigɛɓa loomark a gati nɛɛkik. 10Koyurɗuɓa ɗoo iɗit sinɛ kɛkɛny suɓoyk, oko sinɛɓata toniiɗ Suumiik."
Kɔɔniy Pilatoos Yeesee
(Mar. 15:2-5; Luk. 23:3-5; Yow. 18:33-38)
11Saaɓak wideerɓa ɛɛk Yeese son lak ɗumaat ɗookak taamɛka Pilatoosuk nɛɓa sɛŋk ɗumaat ɗooka kɔɔniy kɛ, "Iin, tapaɗ Ayuuduk?" Nɛɓa Yeese jumurgeeɗ kɛ, "Oko sinɛ toniiɗink."
12Ɔɗɔweer tapa ŋaadiyɛɛkoŋk a gutarɛyɛ saaɓa ooɗɛrɗik kɛɛ any sinɔɓa jumurk ara. 13Saadi baŋiya tongeeɗɓa Pilatoos kɛ, "Kin weenta kɛ ooɗɛrni olaatɛ sigɔɔgɛ ɛtɛr ɛkik?" 14Nɛɓa kɛɛ any sinɔ jumur Yeesek a reemɗi ɓayɛ Pilatoosuk.
Pɛrɛdɛɛ Yeesee Rer
(Mar. 15:6-15; Luk. 23:13-25; Yow. 18:39-40; 19:1-16)
15Lakɓa iɗit sinɛ ɗumaat ɗookak barɛ sinɔ woorkuɗ korkortan a omoŋ sinɛ kɔɔniyar joopk kɛnɔ sɛɛga woorkɛɛ Ba'aale Ɗoyiɗoŋk. 16Saaɓak lakɛɓa korkortan sinɔɓa ɗegerɛɛŋɔŋk sinɔɓa riyɛ kɛ Bɛrbaanik. 17Saaɓa atukuɗ joop tolɛɛɗik nɛɓa Pilatoos tonu sɛɛga kɛ, "Bɛrbaan a Keresee sinɛ riyɛ kɛ Yeeseek ɗɛyɛɛr a kɔna woorka wooɗ?" 18Ɗegerɓa Pilatoos kɛ gaɓɛrgeeɗkan agut sinɔ porurɗu ɛkan gɛŋkik."
19Saaɓa Pilatoos arkiɗ beeɗit barsum pirdiyoŋkuk nɛɓa jarti nɛɛkɛ wosɛyɗitaageeɗ kɛ, "Kat lakɛ any sinɔ ijaagin ete sineene mentanŋɔŋk raŋk. Laaŋoyɛɛkɔtu ɓenyse kaalt jɛt pɛrkiyɛɛkɛ agut iɗit sini."
20Ɔɗɔweer tapa ŋaadiyɛɛkoŋk a gutarɛyɛ remɛrɓa joop kɛnɔ kalɛyir kɛnɔ sɛɛga woorkɛɛ Bɛrbaan ma sɛŋk ɓokotɛɛ Yeeseeŋ.
21Nɛɓa iɗit sinɛ ɗumaat ɗookak kɔɔniya kɛkar kɛ, "Joope sigaagɛ pɛɛyk ɗɛyɛɛr a kɔna woorkɛɛ wooɗ?" Nɛɓa sɛɛk jumurar kɛ, "Ɗɛyii atina woorkɛɛ Bɛrbaan."
22Nɛɓa Pilatoos tonu kɛ, "Anɛ Keresee sinɛ riyɛ kɛ Yeeseek ara ɛk?" Nɛɓa tonur sɛɛg baŋɛ kɛ, "In laalawɛɛ!"
23Kɔɔniyɓa sɛɛg Pilatoos kɛ, "Agut jikon ijaagkɔ tikiyɛ kɛ jikonak?" Yakanaɓa sɛɛk ooyɛr a kaalɛŋ kɛ, "In laalawɛɛ!"
24Dɛnɛɓa Pilatoos any sini akɔɔ boŋku ooyan ma kiiɗɛ tɔkɔny, nɛɓa ari a diilagiɗɛ maawu nɛ aadi arin gɛɛŋk joope gɛɛnɛk taamɛkɛ nɛ tonu kɛ, "Moko eet ɔɗɔwen reta iɗit sini kiiɗɛ tikiyɛɛk. Ege ɔɗɔwikeen nɛɛkɛ noŋk."
25Nɛɓa joop baŋɛ tonur kɛ, "Ege ɔɗɔwikeen nɛɛkɛ naŋk a tɔɔmɔk gaŋkik agut rer iɗit sinɛk."
26Saaɓak woorkuɓa Pilatoos Bɛrbaan nɛ ŋɔɗuruŋ, ma Yeesee ari a ɗiŋɛɛ nɛ gaɓɛ amaasiniyɛɛka Roomuk kɛnɔ laalawar.
Diiler Amaasiniyɛɛk Pilatoosuk Yeesee
(Mar. 15:16-20; Yow. 19:2-3)
27Saaɓak diilerɓa Yeesee amaasiniyɛ sigɛ ɗumaat ɗookak keera sinaana ɗumaat ɗookak, tolɗiiɓa amaasiniyɛ gɛɛnɛ baŋɛ sɛɛne tookɛɛta. 28Boŋurkuɗɓa abii nɛɛk ɗooka nɛ gaɓɛrgeeɗ ɛɛka abii sinɔ dɛɛŋɔŋk. 29Kɛnyarɓa dooroy ɓɛynikoŋk nɛ gaɓɛrgeeɗ ɔɗɔwa, gaɓɛrgeeɗɓa sombal ariita nɛɛka gɔɔta sinaana ɗiɗikik kɛnɔ gaamuɗ nɛ ɛtɛrgeeɗ korontunɛ nɛ daraayɛr a tonurgeeɗ kɛ, "Iin tapaɗ Ayuuduk, digoyna." 30Topɛpɛyargeeɗɓa nɛ boŋurkuɗ sombal nɛɛk ariit nɛ mamalarɗi ɔɗɔ nɛɛk a totoparŋ. 31Daraayɛrɓa nɛ boŋurkuɗ abii sinɛ dɛɛŋɔŋk, nɛ gaɓɛrgeeɗ ɛɛka abii sinɛɓa nɛɛk, nɛ diiler kɛnɔ laalawar.
Laalawɛɛ Yeesee
(Mar. 15:21-32; Luk. 23:25-43; Yow. 19:17-27)
32Saaɓa ŋaararkiɗ keer sinaanɛ ɗumaat sinɛ ɗookak nɛɓa rookomar iɗit ɗoo Kɛrenaak sinɔ riyɛ kɛ Simionuk nɛɓa remɛrgeeɗ kɛnɔ ɓataki laalawutan nɛɛk. 33Saaɓa mɛlɛrɗi nyona sinɔɔna riyɛ kɛ Golgotaak ma wooran nɛɛk ɛmɛɛnan ɔɗɔwoŋkuk, 34gaɓɛrgeeɗɓa ogool wɛynik sigɔɓa lotɛɛ a any sinɔ ɓaayŋɔŋkuk kɛnɔ uteɗ, yakanaɓa sɛŋk lɛɛlɛmɛ nɛ ki ɗɛyɛ a uteŋ.
35Nɛɓa laalawar nɛ orur ita abiyaka gɛɛna nɛ kaakasar sɛɛgiŋ. 36Dokurɓaɗe saadi nɛ koorɛrŋ, 37riiɓerɓa taapiyɛ sigɔ yaaŋɛr sɔɔkiyɛ gɛɛŋkik Yeesee goysɔ ɔɗɔwaak laalawutant nɛɛkɛ raŋk sigɔ tonur kɛ, "Ege sini Tapaɗ Ayuuduk."
38Saaɓak laalawɛɛɓa joop sigɔ sɔɔkɛr ɓɛɛlk a pɛɛy a Yeesee agut omoŋ, om goyse ɗiɗikakɛk ma om goyse kantunakɛk. 39Joop sigɛɓa ɗoyur sinaanɛ jɔkoŋkuk daraayɛrɓa a ŋɛɛŋɛyɛr ɔɗɔɔk. 40Tonurgeeɗɓa kɛ, "Iin sininɔ aalin Gode sinɛ Geetitank nɛ kɛnyin ɗoŋikɛ sigɔɔgɛ jiitik, ebɔdutɔ ɛɛk nook! ɔkɔn iin Tɔɔn Waakoyotoŋk, worworakatɔ laalawutant ɗooka!"
41Maɓaɓɔrɛ daraayɛr ɔɗɔwer tapa ŋaadiyɛɛkoŋk sɛɛg a rɔɔriytaanak higi Muuseek a gutarɛyɛ agut omoŋ a tonur kɛ, 42"Ebɔdɛ joop ɔgɔ ma ki oolɛ ebɔdɛɛt ɛɛk nɛɛkik. Ɔkɔnɓɔ sɛɛn Tapaɗ Israeelik, intɔ worworiik sisɔ laalawutant ŋaadiikɔɔ ɓɔreŋ. 43Ŋaadikanɔtɔ Waakoyo. Ɔkɔnɓɔ poru sɛɛniŋ intɔ ebɔdɛ sɛɛn sisɔ, agut sinɔ totonkan kɛ, 'Eet Tɔɔn Waakoyotoŋk.'" 44Joop sigɛɓa sɔɔkɛr ɓɛɛlk sigɛɓa laalawɛɛ sɛɛg a sɛɛnik nyɔɔnarɓa ɓɔrɛ sɛɛniŋ.
Rɛr Yeesee
(Mar. 15:33-41; Luk. 23:44-49; Yow. 19:28-30)
45Ɓɛɛlɛɓa ɗook raŋk baŋɛ a nyuugur a tukiɗi sayitiyɛɛkɛ sigɔɔgɛ tula omk sigɔɔga tula aŋank. 46Sayitiyɛɛkɛ sigɔɔgɛ tula aŋank duriyeɓa Yeese a ɗooruŋ kɛ, "Elohee, Elohee, lama sɛbɛktanii?" Wooran nɛɛk sini kɛ, "Waakoyo naakɛ, Waakoyo naakɛ, ŋɔɗunkɔtu agut jikonk?"
47Joop sigɛɓa ɛtɛtɛɗar saadik a omoŋ omoŋ tiyɛrɓa duri nɛɛk nɛɓa tonur kɛ, "Riy Eliyaas."
48Nɛɓa sɛɛge iɗit omaay sisa reeri nɛ boŋku abii sinɔ yuuse maawuk, nɛ yuusukuɗ ogool wɛynik sigɔ kowɛrŋɔŋk nɛ rokopɛ sombala, nɛ gaɓɛɛr Yeeseya kɛnɔ uteɗ. 49Ma ɔgɔɔk tonur kɛ, "Kat dɛniikɔɔ saakɔɔ mɛlkiɗ Eliyaas nɔkɔɔ ebɔdɛɛɗikiŋ."
50Nɛɓa Yeese duriye kɛkar a ɗooruŋ nɛ rɛrŋ.
51Saaɓak pɔɔkiɗɓa abii sinɛɓa biriitɛɛ Godeey sinaanɛ Geetitank a pɛɛy rakaay mɛlɛɛɗa ɗooka, yikiɗiiɓa ɗoo ɓadaayaɓa talaaɗɛyik. 52Ɓuukiɗiiɓa piyakɔ nɛɓa ŋaararki joop sigɔ geetitaanakik sigɔɓa rɛrarŋɔŋk a ɓɔɔkaaŋ. 53Ŋaararkiɓa piyakɔkɛ, nɛ saaɓa ŋaarkiɗ Yeese ret walasak baŋiya guugunyarɓa katamɛya sinaana Geetitank Yorsaleema, nɛɓa saadi dɛnɛr sɛɛg joop sigɔ ɓɔɔkaaŋɔŋk.
54Ɔɗɔwen amaasiniyɛ sigɛ ɗibɛk sɛɛn a joop sigɛɓa koorɛr Yeeseek saaɓa dɛnɛrɗi yike sinɛ ɗookoŋk a ola ɔgɔɔk nɛɓa ɓuri jɛt nɛ tonur kɛ, "Egek ɔrɔ sini Tɔɔn Waakoyotoŋk eekeerɛ!"
55Lakɛɓa saadi jartiyatɔk sigɔɓa mermemenik ayowɛɛɗŋɔŋk a ɓɔɔkaaŋ sɛɛg sigɛɓa nonomar Yeesee a kɔkɔnyar a tukiɗi Gɛlilaakeek. 56Sɛɛge kɔɔr ɓɛɛlɛrɓa Maariyam Mɛgdooluk a Maariyam ɛmɛs Yaykooba a Yoosepa a ɛmɛs tɔɔmɔka Jɛbdiyoosuk.
Kɔɔwɛɛ Yeesee
(Mar. 15:42-47; Luk. 23:50-56; Yow. 19:38-42)
57Saaɓa kɔjururkuɗuk mɛlkiɓa iɗit sinɔ lak worik sinɔ riyɛ kɛ Yoosepuk Armaatiyaasik, sɛɛnɓa ɓɔrɛ nomtan Yeeseek. 58Kɛɛɓa son lak Pilatoosuk nɛ kalɛyiɗ buusɛ Yeeseek, nɛɓa Pilatoos tonu amaasiniyɛɛka gɛɛna kɛnɔ gagiɗɛ. 59Nɛɓa Yoosep boŋku buusɛ nɛɛk nɛ ɓuw abiye sinɔɔnɛ mentanŋɔŋk. 60Nɛɓa riiɓe kaakak nɛɛkɛk sinɔɔnɛ tɔɔnuk sinɔɔnɛɓa ragadɛɛ a sɛpɛɛ talaaɗɛk nɛ girgiɗki giɗee sinɔ obiiŋɔŋk nɛ koriiɗ utul nɛɛk ato nɛɛk, nɛ ŋaariŋ. 61Maariyam Mɛgdooluk a Maariyam sinɛɓa omk beebeɗarɓa saadi pii nɛɛkɛ taamɛkɛ.
62Romiɗ nɛɛkɛk ragad waawuy Sambatɛyoŋk Ayuuduk baŋiya, waawuy sinaanɛɓa ɗeyik ɔɗɔweer tapa ŋaadiyɛɛkoŋk a joop Paarisik wideetarɓa ɛɛk son lak Pilatoosuk, nɛ tonurgeeɗ kɛ, 63"Suumi naŋk, iɗit sinɛ ari iɗit a tikiɗiiŋɔŋk koɓukii sinɛkan tonu saakan in arkiɗ wɛɛŋakɛ gɛɛnɛkik kɛ, 'Ŋaarkakɔɔ ret walasa ɗoŋikɛ sigeege jiitik baŋiyaak.' 64Agut sini tonu kɛnɔ koorɛɛ pii nɛɛk jɛt a ɗoŋ jiit kɛnɔ mokɔɔ kurak agalir nomtaanak gɛɛnɛ buusɛ nɛɛk nɔkɔɔ tonur joopa sigaaga ɓɔɔkaak kɛ, 'Isikɔ ŋaarki ret walasak. Ma ɔkɔn kɔɔŋ tikiyɛ sigɛkɔɔ pediyaak kaalɛrkɔɔ sigɛkan tukik.' "
65Nɛɓa Pilatoos tonu sɛɛga kɛ, "Isgi koortaanak latukarik in kɛɛɗɛɛ arɛɛ a koorɛɛ oko sinɛ ɗegerarɗɔɔk." 66Nɛɓa kaar biter giɗee nɛɛk nɛ girɛyɛr nɛ arir a koorɛr pii nɛɛk amaasiniyɛɛk.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ