Lúkɩ 19
19
Zozíi pla Zasée a gbó kʋ́
1Tányɩɛ́ mʋ́ Zozíi pla Zelikóodu a, ɔ́ɔ bháa ʋ́, ʋ́ bhlibhlíé kʋ́. 2Mà nyɔ a múó kʋ dúo mnɩ́ lé á wleloó Zasée, ɔ́ ŋwɔ́ɔ lapóo a kʋbhlinyʋa á cífɩ, lé ɔ́ ŋwɔ́ɔ sáà lɛkanyɔ. 3Mà wɔlɩ́ɛ́ ɔ́ yrá a, ɩ́mɩ́ ŋwɔ́ɔ mà ɔ́ yrá lé ɔ ká nyɔ á wlele Zozíi a, yɛ́, mà nyʋa zumole ka ŋnɩ lé ɔ́ nɩ́ míi, máà ɔ nɩ́ kʋ́ trʋ̀. 4Ɩ́ ka ŋnɩ́ lé ɔ́ fa so lé ɔ́ plɩ́ɩ nyʋa a drɩ̀, lé dɛ́ Zozíi na ká plɩ́ a, suú a múó kʋ ʋ́, ɔ́ gblʋ̀ʋ wlú, lé ɔ nɩ plɩ́ a, ɔ kɔ́ɔ́ yɛ́. 5Zozíi ŋnɩ ɔ wlúmilɩɩ́ lé ɔ́ bhá yɩ́ kʋ́, lé ɔ́ srʋ ɔ́ mà: «Zasée kwlíi, vʋ́vʋ̀à kʋ́, mà zɩmnɛ́ lɩ̀à, ɩ́ ka lé ɩ pla nà gbó kʋ́!» 6Lɔlɔ ka ŋnɩ́ lé Zasée vʋ́vʋ̀à kʋ́ lé ɔ́ kwlíi, lé ɔ́ fa Zozíi ɔ gbó.
7Mà nyʋa fɩ́ɛ́ ɩ̀ yɛ́ wɔlɩ́ɛ́ a dá a, á kalɛ Zozíi neé, á nie mà: «Bhàlʋ̀nyɔ̀ɔ̀ lɩ̀à nɔnʋ gbá ɔ́ ka lé ɔ́ mnɛ ɔ gbó kʋ́ pla ka áa!» 8Lé Zasée ŋnɩ Kanyɔ drɩ̀ lé ɔ́ srʋ ɔ́ mà: «Ɩ̀ lɛ́bhɛɛ Kanyɔɔ̀, naa ká ná kakalɩɛ fɩ́ɛ́ mʋ́ mímii, lé kɩ́ɩ́ mʋ́ díi ká ŋazɩ̀nyʋa a nɩ dá nyɛ́, lé nɩ ya la sáà nyɔ nyɩ́glɩ̀, lé nɩ yɔɔ́ la lɛ́ gɔ̀ bhá a, ɩ́ yi ɔ̀ mɛ́ yrɩ́bha cí a mɔ̀na kʋ́.» 9Bhʋ́ Zozíi srʋ ɔ́ mà: «Zɩmnɛ́ a yruó lɩ̀à, pʋ́pʋ́ɛ́ ya gbó lɩ̀à a mnɩ́ pla, máà gbó lɩ̀à a kanyɔ a sɛ́fʋ, Ablaámʋ a yʋ́ ɔ́ ŋwɔ́ɔ. 10Máà Nyɔɔ́ a Yuwliyʋɔ́, ɔ́ɔ yi lé nyʋaá yà wá tuo a, ɔ ká a mʋ́mɔɔ̀ lé ɔ ká ʋ́ má neé saà.»
Cóyuo ta a núnúó
(Matíe 25.14‑30)
11Cémʋ́ nyʋa pʋɛ Zozíi a cícíwɔlɩ nyúkwlí a, ɩ́ ka ŋnɩ́ lé ɔ́ gbɛlɩɩ́ núnúó jɩ̀. Ɔ́ ya la yuosa Zelízalɛ́mʋ ŋnɩ, nyʋa bhobho la mà Lagɔ a Léyibhlɩɛ́ na ká la kakamnɩlɛ́ kʋ́ flʋ lé a kɛ́ɛ́ yɛ́. 12Zozíi pá núnúó mà: «Léyìgbo a múó a mnɩ́ a nyɔ, ɔ́mɔ́ mʋ wɛ́ɛ bhlɩ́ jɩ̀, ɔ́ mʋ lé nyʋa kɔ́ɔ́ mɔ̀ɔmɔ̀ léyikpo jɩ̀ mnè bhè ɔ ká yrɩ́bhà. 13Ɔ́ na ká mʋ a, ɔ́ wle ɔ cóyuoó a nyièdɩ a cóyuo a kʋ́gbá, lé ɔ́ nyɛ́ nyɔ sìkàbhuo, ɔ́ nyɛ́ nyɔ sìkàbhuo ɔ́ srʋ á mà: A bháʋ́ lé a ká glɔ̀gbɩ mʋ́ zizìè, mà náa mnɛ lé ká yi. 14Mà ɔ́mɔ́ nyɔɔ́, ɔ bhlé a nyʋa nɩ́ ɔ́ wà, ɔ́ mʋ a, á cíeloó nyʋa bɩ́, bhlɩ́ɛ́ jɩ̀ ɔ́ mʋ lé a kɔ́ɔ́ léyikpoó jɩ̀ mnè a, díé á ŋwʋ́ nyʋaá á cíe a, nékʋ́ lé á fa a, ɩ́mɩ́ ŋwɔ́ɔ mà: À nɩ́ yrá lé nyɔɔ́ lɩ̀à ká à lóo plɩ́. 15Mà sɩ́tɛ̀ ɩ́ kʋ lé bhlɩ́ɛ́ mnɩ́ a nyʋa nɩ́ɩ mányɩ lé á ŋwʋ́ ɔ́ léyikpoó jɩ̀ lé ɔ́ yrɩ́bha lé ɔ́ yi ɔ bhlé. Ɔ́ yi a, ɔ́ wle ɔ cóyuoó ɔ́ nyɛ́ la sìkàbhi a, lé nyɔ kɔ́ɔ́ ɔ́ nɩ nɔnʋɔ́ ɔ́ zrɩ a, dí sa. 16Tagàanɔɔ́ yi a, ɔ́ anɩ́: Kanyɔɔ̀, sìkàbhùò ɩ̀ nyɛ́ mɔ́ a, ɩ́ pá pɛ́lʋ́, lé ɩ́ yɛ́ sɔ́kʋ́ sìkàbhi a kʋ́gbá. 17Ɔ́ kanyɔ anɩ́: Ɩ̀ zrɩ náma nɔnʋ, ɩ̀ ŋwɔ́ɔ námacoyʋ. Tòyipɛ ɩ́ nyɛ́ mɔ̀ a, ɩ̀ bhɔ́ɔ́ lé ɩ̀ zrɩ nɔnʋ kádʋ, ɩ́ tɔ̀ yɩ́ mɔ̀ duo, bháa yɩ́ lɛ́ zɩmnɛ́ jɩ̀ a, ɩ̀ ŋwɔ́ɔ yɩ́ bhlɩ́ɛ́ lɩ̀à mnɩ́ a dí kʋ́gbá a gɔ̀mna. 18Sɔ́coyʋɔ́ yi a, ɔ́ anɩ́: Kanyɔɔ̀, sìkàbhùò ɩ̀ nyɛ́ mɔ́ a, ɩ́ bháa lé ɩ́ yɛ́ sìkàbhi ànɩ a gbɩ́. 19Lé ɔ́ kanyɔɔ srʋ ɔ́, ɔ́ anɩ́: Mɔ̀ nà sɛ́fʋɔ́, ɩ́ ŋwɔ́ɔ zɩmnɛ́ bhlɩ́ɛ́ lɩ̀à mnɩ́ a dí a gbɩ́ a gɔ̀mna. 20Lé coyʋ ànɔ yi sɔ́kʋ́, ɔ́ anɩ́: Kanyɔɔ̀, nà sìkàbhùò ɩ̀ nyɛ́ la mɔ́ a, ámá lɛ̀ náa gʋalaá lieplʋʋ́ lé ɩ́ zízìèlàà námada. 21Náa gúu mɔ̀ kʋ́, nà kʋkalɩmɛɛ́ a zà, máà lɛ́ɛ́ kɛ̀ nɔnʋ nɩɩ́ zrɩ a, ɛ́mɛ́ ɩ yrá lé a nɩ nyɛ́ mɔ̀. Lé dɛ́ɛ́ nɩ́ lelilɩ glɩ a, bhʋ́ ɩ̀ mʋ́mɔlɩɩ́. 22Ɔ́ bhɩa cícíé zɔ̀ a, ɔ́ kanyɔ srʋ ɔ́ mà: Wɔlíɛ́ ɩ̀ wlʋ́ lɛ́ mɔ̀ neé a, ɩ́mɩ́ nà ka mɔ̀ gbʋ́ gʋa, nyumocoyʋʋ̀! Zɩ̀glàmà ɩ̀ yì cémʋ́ ná wɔlɩ́ ka fɩ́ a, lé cémʋ́ lɛ́ɛ́ ɛ̀ kɛ̀ nɔnʋ nɩ́ zrɩ a, ɛ́mɛ́ ɩ́ yrá lé a nɩ nyɛ́ mɔ́ a, lé dɛ́ɛ́ nɩ́ lelilɩ glɩ a, bhʋ́ ɩ́ mʋ́mɔlɩɩ́ áa! 23Bhè lɛ́gbá kʋ̀ʋ bhè nɩɩ́ ná moníe bágɩ ŋwʋ́ à? Ɩ́ yrɩ́bha la lɛ́ a, ɩ́ ya yɩ́ la mʋ́ ŋwʋ́ŋwʋ̀lɔ̀, lé ɩ́ yi la mɔ̀ mɩ́ bhá. 24Ɩ́ ka ŋnɩ́ lé kanyɔɔ́ srʋ nyʋaá kʋ̀ la ʋ́ a, mà: A bhɔ́ɔ́ sìkàbhùò gɔ̀ lé a nyɛ́ a cóyʋɔ́ ɔ̀ yɛ́ɛ ɔ́ sìkàbhùò jɩ̀ sìkàbhi ànɩ̀ɛ̀ kʋ́gbá a! 25Mà nyʋa srʋ ɔ́ mà: Áa, Kanyɔɔ̀! Bhè ɔ́ ka sìkàbhi a kʋ́gbá à!» 26Bhʋ́ Zozíi srʋ á mà: «Ɩ́ srʋ amɔ mà ɔ̀ nɩ̀ kà a, á yio sɔ́kʋ́ nyɛ́, mà ɔ̀ nɩ́ ka a, cémʋ́ ɔ́ ka a, á yio má gɔ̀ bhá. 27Lé ɔ́ cí sɔ́kʋ́, ɔ́ anɩ́: Ná gblɩ̀nyʋ̀àà à nɩ́ yrá lé ɩ plɩ́ lóo a, a yàsɔ́ yi dɛ́, bhè a ká a wɛ́ kʋ́ dédìè dɛ́ ná drɩ̀.»
Zozíi pla Zelízalɛ́mʋ lóo bhísakʋ́
(Matíe 21.1‑11; Málɩ́kɩ 11.1‑11; Záan 12.12‑16)
28Zozíi bhɩa cícíé zɔ̀ a, ɔ́ plɩ́ɩ nyʋa a lɔ̀fɩ́ɛ́ a drɩ̀, lé ɔ́ pla nyúzɔ̀ɔ̀ ʋ̀ gblá Zelízalɛ́mʋ a. 29Olivíe kikéé gɔ̀ a díé sɔ́ɔ́ kʋ̀ a, Befazée lé Betaníi, ɔ́ mnɛ ɩ́ gɔ̀ ŋnɩ ka lé ɔ́ cíe ɔ́ kʋjɩ̀nyʋ̀àà a sɔ́ mà: 30«A mʋ dúó kʋ̀ ɔ̀ drɩ̀ mɔ̀ a mnɩ́! A nɩ ŋnɩ a, a yi dá múó jákásɩyʋ a gʋagʋaánɔ yɛ́, nyɔ nɩ́ à zà mɔ́ jɩ̀ gblà, a vlulòò lé a la mɔ́ɔ mɔ́! 31Nyɔ nɩ yrá amɔ mà, ɛ̀kʋ lé a vluloó a, a srʋ ɔ́ mà: Kanyɔɔ̀ yrɔ́ɔ́.»
32Nyʋaá Zozíi cíe a, á mʋ a, céé tɛ̀ɛ̀ ɔ́ cí a, ɩ́mɩ́ tɛ̀ɛ̀ á ŋnɩ ɔ̀. 33Á kʋ jákásɩyʋɔ́ a vlulòda lé ɔ kanyʋa yrá á mà: «Ɛ̀kʋ̀ʋ̀ lé a vlulo jákásɩyʋɔ́ áa?» 34Á anɩ́: «Kanyɔɔ̀ yrɔ́ɔ́.» 35Lé á vlulòò lé á lɔɔ́ Zozíi. Á ŋnɩ a, á ŋwʋ́ a mʋ́plakotié mnɛɛ́ jɩ̀, lé á fa Zozíi kʋ́ lé ɔ́ gblà mnɛɛ́ jɩ̀. 36Mà cémʋ́ jákásɩyʋɔ́ nie lé ɔ́ námɛ a, sɩ́tɛ̀ nyʋaá nie lé á wlʋɛ a mʋ́plakotié nyúzɔ kʋ́ lé ɔ́ námnɩlɩɩ́ jɩ̀. 37Á mnɛ ɩ́ Zelízalɛ́mʋ gɔ̀ a Olivíe kikéé kwlíi ka bhè ɔ́ kʋjɩ̀nyʋ̀àà a lɔ̀fɩ́ɛ́, lɔlɔ ka ŋnɩ́ lé á bháa ʋ́ Lagɔ a ŋwnú fafʋ́ kʋ́, lé lɛ̀wɔ̀lɩ̀ɛ̀ fɩ́ɛ́ Kanyɔ nɩ lé á yɛ́ a, ɩ́ ka ŋnɩ́ lé á mnɛ bhè á yrè klue. 38Á bhlɩɛ á nie:
«Mɔ̀ lóoó ɔ́ yie Kanyɔ a ŋnɩ́ mʋ́ a,
Nyúpajɔ̀lʋ ŋnɩ mɔ̀ kʋ́!
Lagowlú wɔtɔma kʋ́!
Lé blɔ̀blɔ́ ŋnɩ Lagɔ gɔ̀ mɔ̀! # 19.38 A zɛlɩɩ sáà Lɔlɔ 118.26. »
39Mà tányɩɛ́ mʋ́ á sa lɛ́ yrè a, Falizɩ́ɛnyʋaá kʋ̀ la ʋ́ a, á srʋ Zozíi mà: «Másɛɛ̀, cii nàa kʋjɩ̀nyʋ̀àà gɔ̀ bhè a ká né kʋ́ bhli!» 40Zozíi anɩ́: «Náa srʋɛ amɔ mà, a nɩ bhli né kʋ́ a, cɔ́kpalɩ yi yrè sa.»
Zozíi ŋwí Zelízalɛ́mʋ a zà
41Mà Zozíi ŋnɩ Zelízalɛ́mʋ gɔ̀ lé ɔ́ dʋdʋ̀ dúo jɩ̀ a, ɔ́ ŋwí. 42Ɔ́ ŋwíé lé ɔ́ nie: «Wéé Zelízalɛ́mʋ, zɩmnɛ́ a yruó lɩ̀à múó a mnɩ́, nɩ̀ yì la cémʋ́ ɩ yi la nɩ lé nà mnɩ́ nɩ yi la núnuleé kʋ a! Mà wɔlɩ́ɛ́ fɩ́ɛ́ zúzùò mɔ̀ yɩ́! 43Tányɩ yi ʋ́ kʋ lé nàa gblɩ̀nyʋa yi mɔ̀ klʋ́ glaa a ká mɔ̀ tʋ́ fa, lé á yi mɔ̀ námasa kwlʋ́ yɩa! 44Á yi mɔ̀ lé nà yúó sɔ́ kalɩmɛ nyɛ́, á yi amɔ wlawlaà lé cɔ́kpalɩbhuo a múó coco nɩ́ ka ʋ́ tuo! Ɛ̀kʋ̀ʋ̀ a? Tányɩɛ́ mʋ́ Lagɔ yi wá mɔ̀ gɔ̀ ɔ ká wá mɔ̀ námɛ nɩ a, nɩ́ ɔ́ wá mányɩ!»
Zozíi jɩ́ɩ Lagɔ̀wlʋ̀ɔ̀ a mnɩ́ pɛ́lʋ́panyʋaá
(Matíe 21.12‑13; Málɩ́kɩ 11.15‑18; Záan 2.13‑16)
45Zozíi ŋnɩ Zelízalɛ́mʋ lé ɔ pla Lagɔ̀wlʋ̀kádʋ̀ɔ̀ a mnɩ́, nyʋaá kʋ̀ mɔ̀ lé à pá pɛ́lʋ́ a, ɔ́ jɩ́laá. 46Ɔ́ srʋ á mànɩ́: «Á jɩ́jrà wá Lagɔ̀bɔ̀gʋ̀ a mnɩ́ mà: Ná wlʋɔ́, bhibhiewlʋ kʋ̀ʋ.#19.46 A zɛlɩɩ sáà Eza 56.7; A zɛlɩɩ sáà Zele 7.11. Mà ɛ̀ nɩ́ ghlíighlíinyʋa a gwlɛ̀da ŋwɔ́ɔ!»
47Lagɔ á yrié fɩ́ɛ́ kʋ́, Zozíi cɩ́alɛ nyʋa Lagɔ̀wlʋ̀kádʋ̀ɔ̀ a mnɩ́, mà Lagɔ̀bʋ̀bɔ̀nyʋa káda, lé lɔ̀ a másɛnyʋa, a yà bhlɩ́ɛ́ a mnɩ́ a kámanyʋa fɩ́ɛ́ sɔ́, á yrá lé a kɔ́ɔ́ bhlá. 48Mà cémʋ́ ɔ́ cícíwɔlɩ mɛ́ɛ nyʋa fɩ́ɛ́ nyúkwlí lé á wà ɔ nyúkwlí pʋpʋ́ɛ́ a, cémʋ́ a ká nɩ, lé a kɔ́ɔ́ bhlá a, a nɩ́ɩ yì.
လက္ရွိေရြးခ်ယ္ထားမွု
Lúkɩ 19: NEY
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© (Active), Wycliffe Bible Translators, Inc. All rights reserved.
Lúkɩ 19
19
Zozíi pla Zasée a gbó kʋ́
1Tányɩɛ́ mʋ́ Zozíi pla Zelikóodu a, ɔ́ɔ bháa ʋ́, ʋ́ bhlibhlíé kʋ́. 2Mà nyɔ a múó kʋ dúo mnɩ́ lé á wleloó Zasée, ɔ́ ŋwɔ́ɔ lapóo a kʋbhlinyʋa á cífɩ, lé ɔ́ ŋwɔ́ɔ sáà lɛkanyɔ. 3Mà wɔlɩ́ɛ́ ɔ́ yrá a, ɩ́mɩ́ ŋwɔ́ɔ mà ɔ́ yrá lé ɔ ká nyɔ á wlele Zozíi a, yɛ́, mà nyʋa zumole ka ŋnɩ lé ɔ́ nɩ́ míi, máà ɔ nɩ́ kʋ́ trʋ̀. 4Ɩ́ ka ŋnɩ́ lé ɔ́ fa so lé ɔ́ plɩ́ɩ nyʋa a drɩ̀, lé dɛ́ Zozíi na ká plɩ́ a, suú a múó kʋ ʋ́, ɔ́ gblʋ̀ʋ wlú, lé ɔ nɩ plɩ́ a, ɔ kɔ́ɔ́ yɛ́. 5Zozíi ŋnɩ ɔ wlúmilɩɩ́ lé ɔ́ bhá yɩ́ kʋ́, lé ɔ́ srʋ ɔ́ mà: «Zasée kwlíi, vʋ́vʋ̀à kʋ́, mà zɩmnɛ́ lɩ̀à, ɩ́ ka lé ɩ pla nà gbó kʋ́!» 6Lɔlɔ ka ŋnɩ́ lé Zasée vʋ́vʋ̀à kʋ́ lé ɔ́ kwlíi, lé ɔ́ fa Zozíi ɔ gbó.
7Mà nyʋa fɩ́ɛ́ ɩ̀ yɛ́ wɔlɩ́ɛ́ a dá a, á kalɛ Zozíi neé, á nie mà: «Bhàlʋ̀nyɔ̀ɔ̀ lɩ̀à nɔnʋ gbá ɔ́ ka lé ɔ́ mnɛ ɔ gbó kʋ́ pla ka áa!» 8Lé Zasée ŋnɩ Kanyɔ drɩ̀ lé ɔ́ srʋ ɔ́ mà: «Ɩ̀ lɛ́bhɛɛ Kanyɔɔ̀, naa ká ná kakalɩɛ fɩ́ɛ́ mʋ́ mímii, lé kɩ́ɩ́ mʋ́ díi ká ŋazɩ̀nyʋa a nɩ dá nyɛ́, lé nɩ ya la sáà nyɔ nyɩ́glɩ̀, lé nɩ yɔɔ́ la lɛ́ gɔ̀ bhá a, ɩ́ yi ɔ̀ mɛ́ yrɩ́bha cí a mɔ̀na kʋ́.» 9Bhʋ́ Zozíi srʋ ɔ́ mà: «Zɩmnɛ́ a yruó lɩ̀à, pʋ́pʋ́ɛ́ ya gbó lɩ̀à a mnɩ́ pla, máà gbó lɩ̀à a kanyɔ a sɛ́fʋ, Ablaámʋ a yʋ́ ɔ́ ŋwɔ́ɔ. 10Máà Nyɔɔ́ a Yuwliyʋɔ́, ɔ́ɔ yi lé nyʋaá yà wá tuo a, ɔ ká a mʋ́mɔɔ̀ lé ɔ ká ʋ́ má neé saà.»
Cóyuo ta a núnúó
(Matíe 25.14‑30)
11Cémʋ́ nyʋa pʋɛ Zozíi a cícíwɔlɩ nyúkwlí a, ɩ́ ka ŋnɩ́ lé ɔ́ gbɛlɩɩ́ núnúó jɩ̀. Ɔ́ ya la yuosa Zelízalɛ́mʋ ŋnɩ, nyʋa bhobho la mà Lagɔ a Léyibhlɩɛ́ na ká la kakamnɩlɛ́ kʋ́ flʋ lé a kɛ́ɛ́ yɛ́. 12Zozíi pá núnúó mà: «Léyìgbo a múó a mnɩ́ a nyɔ, ɔ́mɔ́ mʋ wɛ́ɛ bhlɩ́ jɩ̀, ɔ́ mʋ lé nyʋa kɔ́ɔ́ mɔ̀ɔmɔ̀ léyikpo jɩ̀ mnè bhè ɔ ká yrɩ́bhà. 13Ɔ́ na ká mʋ a, ɔ́ wle ɔ cóyuoó a nyièdɩ a cóyuo a kʋ́gbá, lé ɔ́ nyɛ́ nyɔ sìkàbhuo, ɔ́ nyɛ́ nyɔ sìkàbhuo ɔ́ srʋ á mà: A bháʋ́ lé a ká glɔ̀gbɩ mʋ́ zizìè, mà náa mnɛ lé ká yi. 14Mà ɔ́mɔ́ nyɔɔ́, ɔ bhlé a nyʋa nɩ́ ɔ́ wà, ɔ́ mʋ a, á cíeloó nyʋa bɩ́, bhlɩ́ɛ́ jɩ̀ ɔ́ mʋ lé a kɔ́ɔ́ léyikpoó jɩ̀ mnè a, díé á ŋwʋ́ nyʋaá á cíe a, nékʋ́ lé á fa a, ɩ́mɩ́ ŋwɔ́ɔ mà: À nɩ́ yrá lé nyɔɔ́ lɩ̀à ká à lóo plɩ́. 15Mà sɩ́tɛ̀ ɩ́ kʋ lé bhlɩ́ɛ́ mnɩ́ a nyʋa nɩ́ɩ mányɩ lé á ŋwʋ́ ɔ́ léyikpoó jɩ̀ lé ɔ́ yrɩ́bha lé ɔ́ yi ɔ bhlé. Ɔ́ yi a, ɔ́ wle ɔ cóyuoó ɔ́ nyɛ́ la sìkàbhi a, lé nyɔ kɔ́ɔ́ ɔ́ nɩ nɔnʋɔ́ ɔ́ zrɩ a, dí sa. 16Tagàanɔɔ́ yi a, ɔ́ anɩ́: Kanyɔɔ̀, sìkàbhùò ɩ̀ nyɛ́ mɔ́ a, ɩ́ pá pɛ́lʋ́, lé ɩ́ yɛ́ sɔ́kʋ́ sìkàbhi a kʋ́gbá. 17Ɔ́ kanyɔ anɩ́: Ɩ̀ zrɩ náma nɔnʋ, ɩ̀ ŋwɔ́ɔ námacoyʋ. Tòyipɛ ɩ́ nyɛ́ mɔ̀ a, ɩ̀ bhɔ́ɔ́ lé ɩ̀ zrɩ nɔnʋ kádʋ, ɩ́ tɔ̀ yɩ́ mɔ̀ duo, bháa yɩ́ lɛ́ zɩmnɛ́ jɩ̀ a, ɩ̀ ŋwɔ́ɔ yɩ́ bhlɩ́ɛ́ lɩ̀à mnɩ́ a dí kʋ́gbá a gɔ̀mna. 18Sɔ́coyʋɔ́ yi a, ɔ́ anɩ́: Kanyɔɔ̀, sìkàbhùò ɩ̀ nyɛ́ mɔ́ a, ɩ́ bháa lé ɩ́ yɛ́ sìkàbhi ànɩ a gbɩ́. 19Lé ɔ́ kanyɔɔ srʋ ɔ́, ɔ́ anɩ́: Mɔ̀ nà sɛ́fʋɔ́, ɩ́ ŋwɔ́ɔ zɩmnɛ́ bhlɩ́ɛ́ lɩ̀à mnɩ́ a dí a gbɩ́ a gɔ̀mna. 20Lé coyʋ ànɔ yi sɔ́kʋ́, ɔ́ anɩ́: Kanyɔɔ̀, nà sìkàbhùò ɩ̀ nyɛ́ la mɔ́ a, ámá lɛ̀ náa gʋalaá lieplʋʋ́ lé ɩ́ zízìèlàà námada. 21Náa gúu mɔ̀ kʋ́, nà kʋkalɩmɛɛ́ a zà, máà lɛ́ɛ́ kɛ̀ nɔnʋ nɩɩ́ zrɩ a, ɛ́mɛ́ ɩ yrá lé a nɩ nyɛ́ mɔ̀. Lé dɛ́ɛ́ nɩ́ lelilɩ glɩ a, bhʋ́ ɩ̀ mʋ́mɔlɩɩ́. 22Ɔ́ bhɩa cícíé zɔ̀ a, ɔ́ kanyɔ srʋ ɔ́ mà: Wɔlíɛ́ ɩ̀ wlʋ́ lɛ́ mɔ̀ neé a, ɩ́mɩ́ nà ka mɔ̀ gbʋ́ gʋa, nyumocoyʋʋ̀! Zɩ̀glàmà ɩ̀ yì cémʋ́ ná wɔlɩ́ ka fɩ́ a, lé cémʋ́ lɛ́ɛ́ ɛ̀ kɛ̀ nɔnʋ nɩ́ zrɩ a, ɛ́mɛ́ ɩ́ yrá lé a nɩ nyɛ́ mɔ́ a, lé dɛ́ɛ́ nɩ́ lelilɩ glɩ a, bhʋ́ ɩ́ mʋ́mɔlɩɩ́ áa! 23Bhè lɛ́gbá kʋ̀ʋ bhè nɩɩ́ ná moníe bágɩ ŋwʋ́ à? Ɩ́ yrɩ́bha la lɛ́ a, ɩ́ ya yɩ́ la mʋ́ ŋwʋ́ŋwʋ̀lɔ̀, lé ɩ́ yi la mɔ̀ mɩ́ bhá. 24Ɩ́ ka ŋnɩ́ lé kanyɔɔ́ srʋ nyʋaá kʋ̀ la ʋ́ a, mà: A bhɔ́ɔ́ sìkàbhùò gɔ̀ lé a nyɛ́ a cóyʋɔ́ ɔ̀ yɛ́ɛ ɔ́ sìkàbhùò jɩ̀ sìkàbhi ànɩ̀ɛ̀ kʋ́gbá a! 25Mà nyʋa srʋ ɔ́ mà: Áa, Kanyɔɔ̀! Bhè ɔ́ ka sìkàbhi a kʋ́gbá à!» 26Bhʋ́ Zozíi srʋ á mà: «Ɩ́ srʋ amɔ mà ɔ̀ nɩ̀ kà a, á yio sɔ́kʋ́ nyɛ́, mà ɔ̀ nɩ́ ka a, cémʋ́ ɔ́ ka a, á yio má gɔ̀ bhá. 27Lé ɔ́ cí sɔ́kʋ́, ɔ́ anɩ́: Ná gblɩ̀nyʋ̀àà à nɩ́ yrá lé ɩ plɩ́ lóo a, a yàsɔ́ yi dɛ́, bhè a ká a wɛ́ kʋ́ dédìè dɛ́ ná drɩ̀.»
Zozíi pla Zelízalɛ́mʋ lóo bhísakʋ́
(Matíe 21.1‑11; Málɩ́kɩ 11.1‑11; Záan 12.12‑16)
28Zozíi bhɩa cícíé zɔ̀ a, ɔ́ plɩ́ɩ nyʋa a lɔ̀fɩ́ɛ́ a drɩ̀, lé ɔ́ pla nyúzɔ̀ɔ̀ ʋ̀ gblá Zelízalɛ́mʋ a. 29Olivíe kikéé gɔ̀ a díé sɔ́ɔ́ kʋ̀ a, Befazée lé Betaníi, ɔ́ mnɛ ɩ́ gɔ̀ ŋnɩ ka lé ɔ́ cíe ɔ́ kʋjɩ̀nyʋ̀àà a sɔ́ mà: 30«A mʋ dúó kʋ̀ ɔ̀ drɩ̀ mɔ̀ a mnɩ́! A nɩ ŋnɩ a, a yi dá múó jákásɩyʋ a gʋagʋaánɔ yɛ́, nyɔ nɩ́ à zà mɔ́ jɩ̀ gblà, a vlulòò lé a la mɔ́ɔ mɔ́! 31Nyɔ nɩ yrá amɔ mà, ɛ̀kʋ lé a vluloó a, a srʋ ɔ́ mà: Kanyɔɔ̀ yrɔ́ɔ́.»
32Nyʋaá Zozíi cíe a, á mʋ a, céé tɛ̀ɛ̀ ɔ́ cí a, ɩ́mɩ́ tɛ̀ɛ̀ á ŋnɩ ɔ̀. 33Á kʋ jákásɩyʋɔ́ a vlulòda lé ɔ kanyʋa yrá á mà: «Ɛ̀kʋ̀ʋ̀ lé a vlulo jákásɩyʋɔ́ áa?» 34Á anɩ́: «Kanyɔɔ̀ yrɔ́ɔ́.» 35Lé á vlulòò lé á lɔɔ́ Zozíi. Á ŋnɩ a, á ŋwʋ́ a mʋ́plakotié mnɛɛ́ jɩ̀, lé á fa Zozíi kʋ́ lé ɔ́ gblà mnɛɛ́ jɩ̀. 36Mà cémʋ́ jákásɩyʋɔ́ nie lé ɔ́ námɛ a, sɩ́tɛ̀ nyʋaá nie lé á wlʋɛ a mʋ́plakotié nyúzɔ kʋ́ lé ɔ́ námnɩlɩɩ́ jɩ̀. 37Á mnɛ ɩ́ Zelízalɛ́mʋ gɔ̀ a Olivíe kikéé kwlíi ka bhè ɔ́ kʋjɩ̀nyʋ̀àà a lɔ̀fɩ́ɛ́, lɔlɔ ka ŋnɩ́ lé á bháa ʋ́ Lagɔ a ŋwnú fafʋ́ kʋ́, lé lɛ̀wɔ̀lɩ̀ɛ̀ fɩ́ɛ́ Kanyɔ nɩ lé á yɛ́ a, ɩ́ ka ŋnɩ́ lé á mnɛ bhè á yrè klue. 38Á bhlɩɛ á nie:
«Mɔ̀ lóoó ɔ́ yie Kanyɔ a ŋnɩ́ mʋ́ a,
Nyúpajɔ̀lʋ ŋnɩ mɔ̀ kʋ́!
Lagowlú wɔtɔma kʋ́!
Lé blɔ̀blɔ́ ŋnɩ Lagɔ gɔ̀ mɔ̀! # 19.38 A zɛlɩɩ sáà Lɔlɔ 118.26. »
39Mà tányɩɛ́ mʋ́ á sa lɛ́ yrè a, Falizɩ́ɛnyʋaá kʋ̀ la ʋ́ a, á srʋ Zozíi mà: «Másɛɛ̀, cii nàa kʋjɩ̀nyʋ̀àà gɔ̀ bhè a ká né kʋ́ bhli!» 40Zozíi anɩ́: «Náa srʋɛ amɔ mà, a nɩ bhli né kʋ́ a, cɔ́kpalɩ yi yrè sa.»
Zozíi ŋwí Zelízalɛ́mʋ a zà
41Mà Zozíi ŋnɩ Zelízalɛ́mʋ gɔ̀ lé ɔ́ dʋdʋ̀ dúo jɩ̀ a, ɔ́ ŋwí. 42Ɔ́ ŋwíé lé ɔ́ nie: «Wéé Zelízalɛ́mʋ, zɩmnɛ́ a yruó lɩ̀à múó a mnɩ́, nɩ̀ yì la cémʋ́ ɩ yi la nɩ lé nà mnɩ́ nɩ yi la núnuleé kʋ a! Mà wɔlɩ́ɛ́ fɩ́ɛ́ zúzùò mɔ̀ yɩ́! 43Tányɩ yi ʋ́ kʋ lé nàa gblɩ̀nyʋa yi mɔ̀ klʋ́ glaa a ká mɔ̀ tʋ́ fa, lé á yi mɔ̀ námasa kwlʋ́ yɩa! 44Á yi mɔ̀ lé nà yúó sɔ́ kalɩmɛ nyɛ́, á yi amɔ wlawlaà lé cɔ́kpalɩbhuo a múó coco nɩ́ ka ʋ́ tuo! Ɛ̀kʋ̀ʋ̀ a? Tányɩɛ́ mʋ́ Lagɔ yi wá mɔ̀ gɔ̀ ɔ ká wá mɔ̀ námɛ nɩ a, nɩ́ ɔ́ wá mányɩ!»
Zozíi jɩ́ɩ Lagɔ̀wlʋ̀ɔ̀ a mnɩ́ pɛ́lʋ́panyʋaá
(Matíe 21.12‑13; Málɩ́kɩ 11.15‑18; Záan 2.13‑16)
45Zozíi ŋnɩ Zelízalɛ́mʋ lé ɔ pla Lagɔ̀wlʋ̀kádʋ̀ɔ̀ a mnɩ́, nyʋaá kʋ̀ mɔ̀ lé à pá pɛ́lʋ́ a, ɔ́ jɩ́laá. 46Ɔ́ srʋ á mànɩ́: «Á jɩ́jrà wá Lagɔ̀bɔ̀gʋ̀ a mnɩ́ mà: Ná wlʋɔ́, bhibhiewlʋ kʋ̀ʋ.#19.46 A zɛlɩɩ sáà Eza 56.7; A zɛlɩɩ sáà Zele 7.11. Mà ɛ̀ nɩ́ ghlíighlíinyʋa a gwlɛ̀da ŋwɔ́ɔ!»
47Lagɔ á yrié fɩ́ɛ́ kʋ́, Zozíi cɩ́alɛ nyʋa Lagɔ̀wlʋ̀kádʋ̀ɔ̀ a mnɩ́, mà Lagɔ̀bʋ̀bɔ̀nyʋa káda, lé lɔ̀ a másɛnyʋa, a yà bhlɩ́ɛ́ a mnɩ́ a kámanyʋa fɩ́ɛ́ sɔ́, á yrá lé a kɔ́ɔ́ bhlá. 48Mà cémʋ́ ɔ́ cícíwɔlɩ mɛ́ɛ nyʋa fɩ́ɛ́ nyúkwlí lé á wà ɔ nyúkwlí pʋpʋ́ɛ́ a, cémʋ́ a ká nɩ, lé a kɔ́ɔ́ bhlá a, a nɩ́ɩ yì.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© (Active), Wycliffe Bible Translators, Inc. All rights reserved.