ဒေါ ဂုဝ် 15
15
လွင် အာဘြာမ် ယိုဝ် ဂြုဝ်း ဇဝ်ဖြာ
1ဟဲ့ ဟွတ့် ပန် တီ အာဘြာမ် တွိုန် ယိုဝ် ဇဝ်ဖြာ ကာလာင် ဂြုဝ်း ဒီ အန်။ အန် ဇဝ် တဝ်း၊
“အိုယ် အာဘြာမ်၊ အုဝ် မုး အီ ဘ်ု မဲ ပီ မင် ဂွင့်။ အုဝ် ဒီ ဘော ဒွါ ရုး ကိူန် ဒီ မဲ။”
2အာဘြာမ် ဝီ တဝ်း၊ “အိုယ် မဲ ဇဝ် အီ အိုပ် အုဝ်၊ ပီ ဒွါ မဲ ဒီ အုဝ်၊ န့ တူ မိုဝ်း အာဂျိုဝ် ကိူန်။ ဆေ အုဝ် တူ မိုဝ်း ဂွန်၊ န့ ဒီ မုး ဒဲစေန့် အုဝ် အီ စိူဝ် အာအေလီအေဇာ အီ တး မိူင် ဒါမာခူ၊ အန် ဒီ ပ့လု အုဝ်။ 3မဲ ဇဝ်၊ မဲ တူ ဒွါ အုဝ် မိုဝ်း ဂွန်။ ခုဝ်၊ ဒေါ တီ နီ ဒဲစေန့် အုဝ် ဒီ ပွိုန် တူတ့် ခဲ့ ပီ မိုဝ်း အုဝ်။”
4ပန် တီ ဇဝ်ဖြာ ဝီ ကာလာင် ဂြုဝ်း ဒီ အာဘြာမ် တွိုန်။ အန် တဝ်း၊ “ဒဲစေန့် မဲ တွိုန်၊ အန် တူ ပ့လု မဲ။ န့ ဒီ မိုဝ်း ဂွန် အီမာယ် မဲ၊ အန် ဒီ ပွိုန် တူတ့် ကြုဝ် မဲ။” 5ဇဝ်ဖြာ ဟဲ့ ဟွတ့် ကာလာင် ပါယ် တီ အန် ဝီ ဒဲ့ အာဘြာမ်၊ တဲး အန် လေး ဒီ ဂ့လ။ အန် ဘော တဝ်း၊ “တဲး မဲ ယွတ် ခဲင် ဘ့လေန့် ဘော ထေဝ် ဒီ တိး ဆီမန့်၊ ယုဝ် မဲ ပဲ ဒီ တိး။ လှုက်လှာန် မဲ၊ ဂေ ဒီ ကိူန် ခဲ့ တီ။”
6ဇဝ်ဖြာ ဟဲ့ ဟွတ့် ကာလာင်၊ အာဘြာမ် မိူဝ် ညှိုမ် ဇဝ်ဖြာ။ ကူပ် ညှိုမ် အန် ပါယ် တီ ဇဝ်ဖြာ မိူဝ် တဝ်း အန် ဟဲ့ မိုဝ်း နဝ်း လုယ်။
7ဇဝ်ဖြာ ဝီ ကာလာင် ဒီ အန် တဝ်း၊ “အုဝ် မုး ဇဝ်ဖြာ အီ ဟဲ့ ဒဲ့ မဲ လေး ခဲင် မိူင် အူရ တွိုန် အီ ကွယ် ခဲင် မိူင် တာင် အီ စိူဝ် မိူင် ကာလာဒေ။ အုဝ် မိူဝ် ဟဲ့ တဝ်း ဒီ ဒွါ မိူင် နီ ဒီ မဲ၊ တဲး န့ ဘဲန် မိူင် မဲ။”
8အာဘြာမ် ယီ ဒီမွှတ် တဝ်း၊ “အိုယ် မဲ ဇဝ်၊ မှဝ် အုဝ် ဒီ ပါယ် ဒီ နပ်၊ မိူင် အီ မုး ဒူင် ကွယ် အုဝ် နီ၊ န့ ဒီ ဘဲန် မိူင် အုဝ်။း”
9ဇဝ်ဖြာ ဝီ တဝ်း၊ “တဲး မဲ ဒိုဝ်း မာမက် ဘော မာပဲ ဘော မာဘူ အာလူင့်၊ အူ မျုဝ် အူ ဒုဝ်။ အာဆာက် ဒွန် ဒုဝ် တီ လုဝ် နုဝ့် အူယ် ဆီနမ်။ ဒိုဝ်း ဘော မာဘ့လူယ် ဘော မာဘ့လူယ် ပြဲ၊ အူ မျုဝ် အူ ဒုဝ်။”
10အန် မိူဝ် ဒိုဝ်း ဒုဝ် ဂေ တီ၊ ကာဒဲပ် ကာတဲ ဘဲန် အာ ဘ့လာက်၊ ဘ့လေး လာယ် ကာဆိူဝ် ဒီ အာတ့် ဇဝ်ဖြာ။ မာဆိမ် အာ ဒုဝ်၊ အန် ယီ တူ ကာဒဲပ်။#15:10 ဂေ ဘူင် ပါယ် တီ တဲး ဒွန် အီ နပ် လွင် ပီ ဒီ လာယ် ဖြူမ် ဂေ 11ဟဲ့ ဟွတ့် ပန် တီ ဂေ မာဂ့လာင် တး လူင်၊ တဝ်း ဒီ ဟူမ် ဒုဝ် ပီ ဘ့လေး အန်။ အာဘြာမ် ယီ ညွန် တဝ် ဂေ။
12ဘာ ဒီ အပ် အာဘြာမ် ဘော အိတ် ပိဝ် အူ ဇေန့်။ အန် ဘော ယုဝ် ကာဆဝ်၊ န့ ဘော ပီ ဟဲ့ အပ် ဝွင့် ကာဆဝ် ခဲင် နဝ်း အန်။ 13ဒေါ အန် တီ ဇဝ်ဖြာ တဝ်း ဒီ အန်၊ “အုဝ် တဲး မဲ နပ် ပီ ဒီ ဘူင် အုဝ်။ လှုက်လှာန် မဲ၊ ဂေ ဒီ ကွယ် ခဲင် မိူင် အီ ဟဝ်၊ မိူင် အီ တူ မုး မိူင် ဘေ။ ဂေ ဒီ ဘဲန် မှာယ် ခဲင် မိူင် တီ။ အာဒါ ဖွုန် မာယဝ်း ဆီနမ် ဂေ ဒီ လုဝ် ခမ် ဒုက် တာင် ဒီ အီ ဟဝ်။ 14အာမျုဝ် ဒူအီ အီ စ်ု ဂေ လှုက်လှာန် မဲ၊ အုဝ် ယီ ဆုင်ဖျာတ် ဒါရာ ဒီ ဂေ။ ဟဲ့ ဟွတ့်၊ ဂေ လှုက်လှာန် မဲ ဒီ ပွိုန် ဒီ လေး ခဲင် မိူင် တီ။ ဒေါ အန် တီ ဂေ ဒီ ဝီ မိုဝ်း ကြုဝ်ကြာမ် ကိူန်။ 15မဲ ယီ ဒီ ယမ် ဒါခိုယ်။ မဲ ဒီ ဝီ ကွယ် ရိုမ် ဒူပ် ဂုန့် မဲ ဂေ ဒါ မဲ အီ ဟဲ့ ကွယ် ဒီ အာတ့် မဲ။ အာဆာက် မဲ ဒီ တူင့် ကာဆဝ်။ ဟဲ့ ဟွတ့်၊ ဂေ ဒီ ဘော ဒိပ် ဒုဝ် ဘူင့် မဲ။
16ဂေ ဟီ ဟွတ့် ကွယ် ခဲင် မိူင် အီ ဟဝ် အာဒါ ဖွုန် စုဝ်၊ ဂေ ဒီ ဝီ တး ဇမ် ခဲင် မိူင် မဲ နီ။ ခုဝ်၊ မှာပ် ပီ ဘူင် ဂေ ဒူအီ အာမုဝ်ရိတ်၊ အီ ကွယ် ခဲင် မိူင် မဲ နီ၊ န့ ညှမ် ကိူန်၊ ညှမ် ပွိုန် ဒမ် မှာပ် ဒီ ဂေ၊ တဲး ဂေ စှိုမ်။”
17ဝါယ် အန် တီ ပြဲ ဟဲ့ ဟွတ့် အပ်၊ န့ ဘော အပ် ဝွင့် ကာဆဝ်၊ ဖုဝ် အီ မိုဝ်း ဒက် ငဝ် ဘော ကာပ့လုး ဒီ အန်၊ ဘော မာဆီဘ့လာဝ် ငဝ် ဟာဝ် ဒီ ကာတဲ ဒုဝ် ဆတ်ဒါဝါ ပီ ဘ့လေး အုန် အာဘြာမ် တွိုန်။ 18ဆီငဲ အန် တီ ဇဝ်ဖြာ ဒွါ ကာဒိက် ဆတ်ဇာ ဒီ အာဘြာမ် တွိုန်။ အန် ဘော တဝ်း၊ “အုဝ် ဟဲ့ ဒွါ မာန် မိူင် နီ၊ တဲး န့ ဘဲန် မာန် မိူင် လှုက်လှာန် မဲ။ န့ စုး ဒီ ဘ့လဲင် အိုမ် ကာတတ် မိူင် အဲဂိုပ် ကော ဇမ် ဘ့လဲင် အိုမ် တာင် အူဖာရာတ်။ 19န့ မုး မိူင် ဂေ ဒူအီ အာမျုဝ် ခေနိတ်၊ ဂေ ဒူအီ ခေနာဆိတ် ဘော ဒူအီ ခါဒုဝ်မိတ် 20ဘော ဂေ ဒူအီ ဟေထိတ်၊ ဒူအီ ဖေရေဆိတ်၊ ဂေ ဒူအီ ရာဖာတ် 21ဘော ဂေ ဒူအီ အာမုဝ်ရိတ်၊ ဒူအီ ကာနန့်၊ ဒူအီ ဂီဂါဆိတ် ဘော ဒူအီ ယေဘူဆိတ်။ မိူင် ဂေ ဒူအီ ဒွန် မျုဝ် တီ၊ ဂေ လှုက်လှာန် မဲ ဒီ ပွိုန်။”
လက္ရွိေရြးခ်ယ္ထားမွု
ဒေါ ဂုဝ် 15: pce
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Wycliffe Bible Translators, Inc. All rights reserved.
ဒေါ ဂုဝ် 15
15
လွင် အာဘြာမ် ယိုဝ် ဂြုဝ်း ဇဝ်ဖြာ
1ဟဲ့ ဟွတ့် ပန် တီ အာဘြာမ် တွိုန် ယိုဝ် ဇဝ်ဖြာ ကာလာင် ဂြုဝ်း ဒီ အန်။ အန် ဇဝ် တဝ်း၊
“အိုယ် အာဘြာမ်၊ အုဝ် မုး အီ ဘ်ု မဲ ပီ မင် ဂွင့်။ အုဝ် ဒီ ဘော ဒွါ ရုး ကိူန် ဒီ မဲ။”
2အာဘြာမ် ဝီ တဝ်း၊ “အိုယ် မဲ ဇဝ် အီ အိုပ် အုဝ်၊ ပီ ဒွါ မဲ ဒီ အုဝ်၊ န့ တူ မိုဝ်း အာဂျိုဝ် ကိူန်။ ဆေ အုဝ် တူ မိုဝ်း ဂွန်၊ န့ ဒီ မုး ဒဲစေန့် အုဝ် အီ စိူဝ် အာအေလီအေဇာ အီ တး မိူင် ဒါမာခူ၊ အန် ဒီ ပ့လု အုဝ်။ 3မဲ ဇဝ်၊ မဲ တူ ဒွါ အုဝ် မိုဝ်း ဂွန်။ ခုဝ်၊ ဒေါ တီ နီ ဒဲစေန့် အုဝ် ဒီ ပွိုန် တူတ့် ခဲ့ ပီ မိုဝ်း အုဝ်။”
4ပန် တီ ဇဝ်ဖြာ ဝီ ကာလာင် ဂြုဝ်း ဒီ အာဘြာမ် တွိုန်။ အန် တဝ်း၊ “ဒဲစေန့် မဲ တွိုန်၊ အန် တူ ပ့လု မဲ။ န့ ဒီ မိုဝ်း ဂွန် အီမာယ် မဲ၊ အန် ဒီ ပွိုန် တူတ့် ကြုဝ် မဲ။” 5ဇဝ်ဖြာ ဟဲ့ ဟွတ့် ကာလာင် ပါယ် တီ အန် ဝီ ဒဲ့ အာဘြာမ်၊ တဲး အန် လေး ဒီ ဂ့လ။ အန် ဘော တဝ်း၊ “တဲး မဲ ယွတ် ခဲင် ဘ့လေန့် ဘော ထေဝ် ဒီ တိး ဆီမန့်၊ ယုဝ် မဲ ပဲ ဒီ တိး။ လှုက်လှာန် မဲ၊ ဂေ ဒီ ကိူန် ခဲ့ တီ။”
6ဇဝ်ဖြာ ဟဲ့ ဟွတ့် ကာလာင်၊ အာဘြာမ် မိူဝ် ညှိုမ် ဇဝ်ဖြာ။ ကူပ် ညှိုမ် အန် ပါယ် တီ ဇဝ်ဖြာ မိူဝ် တဝ်း အန် ဟဲ့ မိုဝ်း နဝ်း လုယ်။
7ဇဝ်ဖြာ ဝီ ကာလာင် ဒီ အန် တဝ်း၊ “အုဝ် မုး ဇဝ်ဖြာ အီ ဟဲ့ ဒဲ့ မဲ လေး ခဲင် မိူင် အူရ တွိုန် အီ ကွယ် ခဲင် မိူင် တာင် အီ စိူဝ် မိူင် ကာလာဒေ။ အုဝ် မိူဝ် ဟဲ့ တဝ်း ဒီ ဒွါ မိူင် နီ ဒီ မဲ၊ တဲး န့ ဘဲန် မိူင် မဲ။”
8အာဘြာမ် ယီ ဒီမွှတ် တဝ်း၊ “အိုယ် မဲ ဇဝ်၊ မှဝ် အုဝ် ဒီ ပါယ် ဒီ နပ်၊ မိူင် အီ မုး ဒူင် ကွယ် အုဝ် နီ၊ န့ ဒီ ဘဲန် မိူင် အုဝ်။း”
9ဇဝ်ဖြာ ဝီ တဝ်း၊ “တဲး မဲ ဒိုဝ်း မာမက် ဘော မာပဲ ဘော မာဘူ အာလူင့်၊ အူ မျုဝ် အူ ဒုဝ်။ အာဆာက် ဒွန် ဒုဝ် တီ လုဝ် နုဝ့် အူယ် ဆီနမ်။ ဒိုဝ်း ဘော မာဘ့လူယ် ဘော မာဘ့လူယ် ပြဲ၊ အူ မျုဝ် အူ ဒုဝ်။”
10အန် မိူဝ် ဒိုဝ်း ဒုဝ် ဂေ တီ၊ ကာဒဲပ် ကာတဲ ဘဲန် အာ ဘ့လာက်၊ ဘ့လေး လာယ် ကာဆိူဝ် ဒီ အာတ့် ဇဝ်ဖြာ။ မာဆိမ် အာ ဒုဝ်၊ အန် ယီ တူ ကာဒဲပ်။#15:10 ဂေ ဘူင် ပါယ် တီ တဲး ဒွန် အီ နပ် လွင် ပီ ဒီ လာယ် ဖြူမ် ဂေ 11ဟဲ့ ဟွတ့် ပန် တီ ဂေ မာဂ့လာင် တး လူင်၊ တဝ်း ဒီ ဟူမ် ဒုဝ် ပီ ဘ့လေး အန်။ အာဘြာမ် ယီ ညွန် တဝ် ဂေ။
12ဘာ ဒီ အပ် အာဘြာမ် ဘော အိတ် ပိဝ် အူ ဇေန့်။ အန် ဘော ယုဝ် ကာဆဝ်၊ န့ ဘော ပီ ဟဲ့ အပ် ဝွင့် ကာဆဝ် ခဲင် နဝ်း အန်။ 13ဒေါ အန် တီ ဇဝ်ဖြာ တဝ်း ဒီ အန်၊ “အုဝ် တဲး မဲ နပ် ပီ ဒီ ဘူင် အုဝ်။ လှုက်လှာန် မဲ၊ ဂေ ဒီ ကွယ် ခဲင် မိူင် အီ ဟဝ်၊ မိူင် အီ တူ မုး မိူင် ဘေ။ ဂေ ဒီ ဘဲန် မှာယ် ခဲင် မိူင် တီ။ အာဒါ ဖွုန် မာယဝ်း ဆီနမ် ဂေ ဒီ လုဝ် ခမ် ဒုက် တာင် ဒီ အီ ဟဝ်။ 14အာမျုဝ် ဒူအီ အီ စ်ု ဂေ လှုက်လှာန် မဲ၊ အုဝ် ယီ ဆုင်ဖျာတ် ဒါရာ ဒီ ဂေ။ ဟဲ့ ဟွတ့်၊ ဂေ လှုက်လှာန် မဲ ဒီ ပွိုန် ဒီ လေး ခဲင် မိူင် တီ။ ဒေါ အန် တီ ဂေ ဒီ ဝီ မိုဝ်း ကြုဝ်ကြာမ် ကိူန်။ 15မဲ ယီ ဒီ ယမ် ဒါခိုယ်။ မဲ ဒီ ဝီ ကွယ် ရိုမ် ဒူပ် ဂုန့် မဲ ဂေ ဒါ မဲ အီ ဟဲ့ ကွယ် ဒီ အာတ့် မဲ။ အာဆာက် မဲ ဒီ တူင့် ကာဆဝ်။ ဟဲ့ ဟွတ့်၊ ဂေ ဒီ ဘော ဒိပ် ဒုဝ် ဘူင့် မဲ။
16ဂေ ဟီ ဟွတ့် ကွယ် ခဲင် မိူင် အီ ဟဝ် အာဒါ ဖွုန် စုဝ်၊ ဂေ ဒီ ဝီ တး ဇမ် ခဲင် မိူင် မဲ နီ။ ခုဝ်၊ မှာပ် ပီ ဘူင် ဂေ ဒူအီ အာမုဝ်ရိတ်၊ အီ ကွယ် ခဲင် မိူင် မဲ နီ၊ န့ ညှမ် ကိူန်၊ ညှမ် ပွိုန် ဒမ် မှာပ် ဒီ ဂေ၊ တဲး ဂေ စှိုမ်။”
17ဝါယ် အန် တီ ပြဲ ဟဲ့ ဟွတ့် အပ်၊ န့ ဘော အပ် ဝွင့် ကာဆဝ်၊ ဖုဝ် အီ မိုဝ်း ဒက် ငဝ် ဘော ကာပ့လုး ဒီ အန်၊ ဘော မာဆီဘ့လာဝ် ငဝ် ဟာဝ် ဒီ ကာတဲ ဒုဝ် ဆတ်ဒါဝါ ပီ ဘ့လေး အုန် အာဘြာမ် တွိုန်။ 18ဆီငဲ အန် တီ ဇဝ်ဖြာ ဒွါ ကာဒိက် ဆတ်ဇာ ဒီ အာဘြာမ် တွိုန်။ အန် ဘော တဝ်း၊ “အုဝ် ဟဲ့ ဒွါ မာန် မိူင် နီ၊ တဲး န့ ဘဲန် မာန် မိူင် လှုက်လှာန် မဲ။ န့ စုး ဒီ ဘ့လဲင် အိုမ် ကာတတ် မိူင် အဲဂိုပ် ကော ဇမ် ဘ့လဲင် အိုမ် တာင် အူဖာရာတ်။ 19န့ မုး မိူင် ဂေ ဒူအီ အာမျုဝ် ခေနိတ်၊ ဂေ ဒူအီ ခေနာဆိတ် ဘော ဒူအီ ခါဒုဝ်မိတ် 20ဘော ဂေ ဒူအီ ဟေထိတ်၊ ဒူအီ ဖေရေဆိတ်၊ ဂေ ဒူအီ ရာဖာတ် 21ဘော ဂေ ဒူအီ အာမုဝ်ရိတ်၊ ဒူအီ ကာနန့်၊ ဒူအီ ဂီဂါဆိတ် ဘော ဒူအီ ယေဘူဆိတ်။ မိူင် ဂေ ဒူအီ ဒွန် မျုဝ် တီ၊ ဂေ လှုက်လှာန် မဲ ဒီ ပွိုန်။”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Wycliffe Bible Translators, Inc. All rights reserved.