TĨĨGI WERE 25
25
Húulí Abraham
1Abraham kal da wãy ma tigriŋ pa, á ɗen ga Ketura. 2Á kal biŋ Simran, Yoksan, Medan, Madiyaŋ, Yisbag wo de Suwa ne hẽne. 3Yoksan biŋ gi Seba wo de Dedan. Jar ni Dedan wo diŋ Asurim, jar Letusim wo de jar Leumim wora.
4Jar ni Madiyaŋ wo diŋ Efa, Efer, Henog, Abida wo de Eldaa. Sen wo mo taʼ ɓuy diŋ jar ni Ketura.
5Abraham hã fẽẽre ɓen go ɓuy ne Isage. 6Ma weere mani ndeere ɓe ma de horgen wo mono, se hã ne hara hãge. De maga se hay yaŋ tenen caw ɗa mono, á kal nii rage wo go see wel ɓe Isag hãã, nen wer wo no kay ɓi sir ma were.
7Kiŋgi maga Abraham joŋn caw ɓuy hay kisi ti ɓe doo renam ti dwee. 8Blam ɓe á kal tawge go. Á huu go blam maga se taw tããbe de fruygi, wùu doo naw wo de kiŋgi, blam ɓe wo daʼ pããre ɓe ma de húulín wora. 9Jar ni ɓe Isag wo de Ismayel teen wo ti rum húulì ma Makpela ɓil pay ni Efron je ni Sowar je Hitid no, de ngafge degaʼ degaʼ de Mamre. 10Á diŋ pay maga Abraham hay yeen doo jar Hitid wo mono. Diŋ ti ngel sen ni ga à joŋ nen tee Abraham wo de wãy ɓe Sara. 11Blam húulí Abraham mono, Baa kal kaŋ bosaʼ ne wel ɓe Isag ti. Á hay de tiŋ jag gutug ma Lasay-Roy no.
WÃÃRE ISMAYEL WO DE JAR NI ƁE
12Mokay diŋ wer Ismayel je ni Abraham maga Agar may jar Ejipte no, maygebe Saran biŋn ne hẽn mono. 13Mokay diŋ ɗúu jar ni Ismayel wo ti kããge ɓaara : Nebayod diŋ jag wel Ismayel no, Kedar, Adbeel, Mibsam 14Misma, Duma, Massa, 15Hadad, Tema, Yetur, Nafis wo de Kedma. Wo mo taʼ diŋ jar ni Ismayel wora. 16Mokay diŋ ɗúu jar ɓaara ti feele ɓaara wo, ɓi leege ɓaara wo. Á hay wo de lag waŋre taɗ taɗ hwal ti ɓog ti jar ɓaara wora. 17Kiŋgi maga Ismayel joŋ caw ɓuy hay kisi ti ɓe doo swaʼ ti renam. Á kal tawge go, huu go, kal woge ɓiŋ pããre ɓe ma de húulín wo. 18Jar ni Ismayel wo de lagge tĩĩ wer le Hafila kaʼ hãã nduu go Suri, degaʼ degaʼ pel Ejipte, de maga ndo fer wo Asiri no kay mono. Ismayel hay go de tiŋ ɓaŋla see hẽẽre ɓe ma lan wo ɓuy.
WÃÃRE ISAG WO DE JAR NI ƁE
Jar ni Isag ma ɓogn wo no : Esaw wo de Jakob
19Mokay diŋ wer mani je ni Abraham no. Abraham biŋ Isage. 20Kiŋgi Isag hay doo naa de maga á da wãy ɓe Rebeka may mani Betuwel je Arameyẽẽ ma Padam-Aram mono, maygeman Laban je Arameyẽẽ no. 21Isag ra pel Manwur ti wãy ɓe Rebeka, werga á hay go de gedge. Manwur kal laa roo ɓe no. Wãy ɓe Rebeka kal maŋ ɓiili. 22Weeren wo le ɓil ɓe lag srog wo kããra, se day ga : sen joŋ mokay diŋ may ɓa? Á kal rawge wii Manwuri.
23Manwur wiin ga :
Wer sir wo ɓil ɓo ɓoge,
wer jar ɓog laage wo yaŋ le go ɓil ɓo de caa ɓili
yoo wer jar se ɓogn wo mono ma po boŋ daŋge la no
ma kleen joŋge diŋ je wãã wããre ma kluu no.
24Wo dayge ti wur biŋgi ɓen mono, ko so na, á daʼ le ɓil ɓe diŋ weere gèere wora. 25Ma taŋgun kal le go mokay go de sẽẽ ɓuy, doo õõbe ma de fũy nono, à kal kaŋ ɗúu ne hẽn ga Esaw.
26Blam sen mono, hẽn ɓen kal le go doo ɓe de ɗaw diŋriŋ ɓaale Esaw kay. À kal kaŋ ɗúu ne hẽn ga Jakobe. Á biŋ wo mokay ni kiŋgi Isag doo rename.
27Weere sen la gẽẽ wo go. Esaw kol diŋ je flegge ma de ɗeŋ, je seele mbásga. Ama Jakob joŋ ɓen diŋ je ma ɗegede, hay mbe ɓil mburyug jag ɓe eŋ yeʼe. 28Isag hay dage diŋ Esaw, doo ga này hay de yãã jag ɓe, day Rebeka hay da ɓen diŋ Jakob lay.
29Wurpo Jakob de kar mo ɓe ɓi tumnee. Esaw hay le go mbásga, le de ferge go de gayre lay. 30Esaw wii Jakob ga : ndi kam ndo men me ndi re mo ma de ju nenn mo taʼ ɗa la, mo se de ju nen mo taʼ no, werga ndi go de gayre. Diŋ wersen ga á kal kaŋ ɗúu ne Esaw ga Edom. 31Jakob ga : yee ngel kluu ɓon go me wara. 32Esaw kal fer wããre ne hẽn ga : Ndi go mo deŋ mbaŋ ma laɓge, day ngel kluun joŋ may me la? 33Doo kay nono, Jakob kal wiigi ɓe ga : haʼ go me ɗa. Á kal haʼge go ne hẽne, yee ngel kluu ɓen go ne Jakobe. 34Doo kay nono, Jakob kal hã hoole laŋtiye ma de karge ne Esaw. Se re go re, jo go wer ɓe jo lay, ur go ciŋ raw jag ɓe. Diŋ doo kay nono, ga Esaw mbuɗ foo ngel kluu ɓe no.
လက္ရွိေရြးခ်ယ္ထားမွု
TĨĨGI WERE 25: TUP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tupuri Bible © Bible Society of Cameroon, 2016. All rights reserved.
TĨĨGI WERE 25
25
Húulí Abraham
1Abraham kal da wãy ma tigriŋ pa, á ɗen ga Ketura. 2Á kal biŋ Simran, Yoksan, Medan, Madiyaŋ, Yisbag wo de Suwa ne hẽne. 3Yoksan biŋ gi Seba wo de Dedan. Jar ni Dedan wo diŋ Asurim, jar Letusim wo de jar Leumim wora.
4Jar ni Madiyaŋ wo diŋ Efa, Efer, Henog, Abida wo de Eldaa. Sen wo mo taʼ ɓuy diŋ jar ni Ketura.
5Abraham hã fẽẽre ɓen go ɓuy ne Isage. 6Ma weere mani ndeere ɓe ma de horgen wo mono, se hã ne hara hãge. De maga se hay yaŋ tenen caw ɗa mono, á kal nii rage wo go see wel ɓe Isag hãã, nen wer wo no kay ɓi sir ma were.
7Kiŋgi maga Abraham joŋn caw ɓuy hay kisi ti ɓe doo renam ti dwee. 8Blam ɓe á kal tawge go. Á huu go blam maga se taw tããbe de fruygi, wùu doo naw wo de kiŋgi, blam ɓe wo daʼ pããre ɓe ma de húulín wora. 9Jar ni ɓe Isag wo de Ismayel teen wo ti rum húulì ma Makpela ɓil pay ni Efron je ni Sowar je Hitid no, de ngafge degaʼ degaʼ de Mamre. 10Á diŋ pay maga Abraham hay yeen doo jar Hitid wo mono. Diŋ ti ngel sen ni ga à joŋ nen tee Abraham wo de wãy ɓe Sara. 11Blam húulí Abraham mono, Baa kal kaŋ bosaʼ ne wel ɓe Isag ti. Á hay de tiŋ jag gutug ma Lasay-Roy no.
WÃÃRE ISMAYEL WO DE JAR NI ƁE
12Mokay diŋ wer Ismayel je ni Abraham maga Agar may jar Ejipte no, maygebe Saran biŋn ne hẽn mono. 13Mokay diŋ ɗúu jar ni Ismayel wo ti kããge ɓaara : Nebayod diŋ jag wel Ismayel no, Kedar, Adbeel, Mibsam 14Misma, Duma, Massa, 15Hadad, Tema, Yetur, Nafis wo de Kedma. Wo mo taʼ diŋ jar ni Ismayel wora. 16Mokay diŋ ɗúu jar ɓaara ti feele ɓaara wo, ɓi leege ɓaara wo. Á hay wo de lag waŋre taɗ taɗ hwal ti ɓog ti jar ɓaara wora. 17Kiŋgi maga Ismayel joŋ caw ɓuy hay kisi ti ɓe doo swaʼ ti renam. Á kal tawge go, huu go, kal woge ɓiŋ pããre ɓe ma de húulín wo. 18Jar ni Ismayel wo de lagge tĩĩ wer le Hafila kaʼ hãã nduu go Suri, degaʼ degaʼ pel Ejipte, de maga ndo fer wo Asiri no kay mono. Ismayel hay go de tiŋ ɓaŋla see hẽẽre ɓe ma lan wo ɓuy.
WÃÃRE ISAG WO DE JAR NI ƁE
Jar ni Isag ma ɓogn wo no : Esaw wo de Jakob
19Mokay diŋ wer mani je ni Abraham no. Abraham biŋ Isage. 20Kiŋgi Isag hay doo naa de maga á da wãy ɓe Rebeka may mani Betuwel je Arameyẽẽ ma Padam-Aram mono, maygeman Laban je Arameyẽẽ no. 21Isag ra pel Manwur ti wãy ɓe Rebeka, werga á hay go de gedge. Manwur kal laa roo ɓe no. Wãy ɓe Rebeka kal maŋ ɓiili. 22Weeren wo le ɓil ɓe lag srog wo kããra, se day ga : sen joŋ mokay diŋ may ɓa? Á kal rawge wii Manwuri.
23Manwur wiin ga :
Wer sir wo ɓil ɓo ɓoge,
wer jar ɓog laage wo yaŋ le go ɓil ɓo de caa ɓili
yoo wer jar se ɓogn wo mono ma po boŋ daŋge la no
ma kleen joŋge diŋ je wãã wããre ma kluu no.
24Wo dayge ti wur biŋgi ɓen mono, ko so na, á daʼ le ɓil ɓe diŋ weere gèere wora. 25Ma taŋgun kal le go mokay go de sẽẽ ɓuy, doo õõbe ma de fũy nono, à kal kaŋ ɗúu ne hẽn ga Esaw.
26Blam sen mono, hẽn ɓen kal le go doo ɓe de ɗaw diŋriŋ ɓaale Esaw kay. À kal kaŋ ɗúu ne hẽn ga Jakobe. Á biŋ wo mokay ni kiŋgi Isag doo rename.
27Weere sen la gẽẽ wo go. Esaw kol diŋ je flegge ma de ɗeŋ, je seele mbásga. Ama Jakob joŋ ɓen diŋ je ma ɗegede, hay mbe ɓil mburyug jag ɓe eŋ yeʼe. 28Isag hay dage diŋ Esaw, doo ga này hay de yãã jag ɓe, day Rebeka hay da ɓen diŋ Jakob lay.
29Wurpo Jakob de kar mo ɓe ɓi tumnee. Esaw hay le go mbásga, le de ferge go de gayre lay. 30Esaw wii Jakob ga : ndi kam ndo men me ndi re mo ma de ju nenn mo taʼ ɗa la, mo se de ju nen mo taʼ no, werga ndi go de gayre. Diŋ wersen ga á kal kaŋ ɗúu ne Esaw ga Edom. 31Jakob ga : yee ngel kluu ɓon go me wara. 32Esaw kal fer wããre ne hẽn ga : Ndi go mo deŋ mbaŋ ma laɓge, day ngel kluun joŋ may me la? 33Doo kay nono, Jakob kal wiigi ɓe ga : haʼ go me ɗa. Á kal haʼge go ne hẽne, yee ngel kluu ɓen go ne Jakobe. 34Doo kay nono, Jakob kal hã hoole laŋtiye ma de karge ne Esaw. Se re go re, jo go wer ɓe jo lay, ur go ciŋ raw jag ɓe. Diŋ doo kay nono, ga Esaw mbuɗ foo ngel kluu ɓe no.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tupuri Bible © Bible Society of Cameroon, 2016. All rights reserved.