TĨĨGI WERE 27
27
Isag kaŋ bosaʼ ne Jakob ti
1Tããbe hay baa Isag go doo so, nen ɓe kol go de gayre, hay kol bay koge wa so. Doo kay nono á kal ɗe Esaw wel ɓe ma kluu no, day wiin ga : wel ɓi! Á kal yiŋ jag ga : Ndi yaŋ la! 2Isag fer so ga : ndi go de tããbe, day ndi bay de ko naw húulí ɓi wa. 3Hoo fẽẽre darge ɓon patala so, mantoŋwaa wo de hul-waa ɓo no, see ti darge mbásga, ni ndo ʼwar này le me. 4Karn le go me de el doo maga ndi dan nono, ni á le de ɓe me ndi re, nen maga ndi mo kaŋ bosaʼ go mo ti de see ɓi taŋgu maga húulí baa me mono.
5De maga Isag ti wããre ne wel ɓe Esaw mo yeʼ no, Rebeka de coʼ sug ɓe. Esaw kal rawge mbásga ma ɓoʼ darge này ma ferge le de ɓe.
6Doo kay nono, Rebeka wii wel ɓe Jakob ga : Ko ɗa ndi laa la : Pan ɓo ti wããre ne hẽn ɓo Esaw de wii gi ɓe ga : 7ʼWar này le me, karn go de el a de ɓe me ndi reen ge go re, ndi kaŋge bosaʼ go mo ti pel Manwuri, taŋgu maga húulí baa me mono. 8Patala wel ɓi, laa jag ɓi, joŋ fen maga ndi wããn ge ne ndo la ga ndo mo joŋ ne mono. 9See yoo horog wo, hoo fǐiri ma de el le me ɓoge, ndi karn yaŋ ne pan ɓo doo maga á dan nono. 10Ni ndo wo ge de ɓe ne pan ɓo rege nen maga á mo kaŋ bosaʼ go mo ti taŋgu húulí ɓe. 11Jakob kal fer wããre ne man ɓe Rebeka ga : ãã, ama, hẽn ɓi Esaw de fũy see, day ndi bay de fũy see wa mono. 12Ma po pan ɓi wo ge la yaʼ lam see ɓi, day ndi kol ge pel ɓe diŋ je bag bii ɓe. Ndi jãã ge le ti ɓi diŋ faɗge bay diŋ bosaʼ wa so. 13Man ɓe wiin ga : Daga faɗge ma sen mokay mo leʼ diŋ me ti wel ɓi! Coʼ sug ɓo, yãã jag ɓi see ɓon hooge le me diŋ fǐirin wo tawa. 14Jakob kal rawge hoo rage le ne man ɓe, se kal karge ɓe le ne hẽn doo maga ɓil pan ɓe dan nono. 15Blam ɓe Rebeka kal hoo õõbe mani Esaw jag wel ɓen wo no, õõbe ɓe ma de woore daŋge maga hay wo liŋ ni mono, kal laa rage ne wel ɓe ma ti ɓen ti. 16Á kal kaa hõõge fǐi go ne hẽn doo, kaa go ne hẽn soole lay.
17Á kal hã nàyn wo de hoole pẽẽn maga se hay kneʼ ra ne wel ɓe Jakob doo.
18Se kal nduugi de ɓaara ne pan ɓe day ga : Pan ɓi! Isag day ga : Ndi yaŋ la! Á diŋ wo ɓa wel ɓi? 19Jakob kal fer wããre ne pan ɓe ga : Á diŋ ndi Esaw wel ɓo ma kluu no. Ndi joŋ fen maga ndo hay wii me ti ɓe mono. Ur go ciŋ ti were, reen go re ni ndo kaŋ bosaʼ go me ti de see ɓo so. 20Isag wii wel ɓen ga : Eh sen ene! Ndo daʼ we le gus yaw wel ɓi! Jakob kal fer wããre ne hẽn ga : sen diŋ ga Manwuri, Baa ɓon ɓoʼn le me pel gà pa. 21Isag wii Jakob ga : Yaʼ see ɓo le ɗa so, maga ndi lam mo ɗa, ma koge ga ndo mbo nà diŋ wel ɓi Esaw yawla noga bay wa. 22Jakob kal yaʼ see ɓe le ɓiŋ pan ɓe Isag maga kal lam see ɓe lam day ga : Gẽẽgen diŋ gẽẽge Jakobe, ama doon diŋ doo Esaw. 23Á ko doo ɓe gà werga doo ɓe hay de fũy de maŋ hẽn ɓe Esaw, á kal kaŋ bosaʼ go ne hẽn ti. 24Á day ga : Nà diŋ ndo wel ɓi Esaw mbo? Jakob kal wiigi ɓe ga : Á diŋ ndi mbi. 25Isag day ga : Joŋ le go me so, ndi re này wel ɓin go ɗa so, nen maga ni ndi mo kaŋ bosaʼ mo ti de see ɓi so. Jakob kal laa regen go ne hẽne, Isag kal rege ɓe go. Á kal yaʼ yii le ne hẽn ni lay, se kal joge go lay. 26Doo kay nono, pan ɓe Isag kal wiigi ɓe ga : yaʼ see ɓo le, ni ndo klew me ɗa so wel ɓi. 27Á kal yaʼ see ɓe le, kal klewge ɓe. Isag fõõ õõbe ma ti ɓen fõõ, day raw kaŋ bosaʼ ne hẽn ti de wããre ma doo kay nono ga :
Ãã, fõõre wel ɓin fõõ
Doo pay maga Manwur kaŋ
Bosaʼ ne hẽn ti nono.
28Daga Baa mo hã meebe ma ciŋ mo,
De horog ma nen sir wo,
De coore ble, de yii ma defay debaŋ-debaŋ.
29Daga ndo mo hay diŋ je wãã re wer jar puri,
Day daga wer sir wo ngaɓa mo a wo leɗ monɗra pel ɓo!
Joŋ diŋ waŋ hẽẽre ɓon wo no,
Day jar ni man ɓo mo a wo leɗ monɗra mo pele!
Je ma faɗ mogen mo hay go de faɗge,
Je maga ndo kaŋ bosaʼ ne hẽn ti mo hay de bosaʼ a.
30Isag taw kaŋ bosaʼ go ne Jakob ti no kay, Jakob kal le go see pan ɓe Isag no kay tuu mono, ko na, Esaw coʼ we, fer we le ti dargen lay. 31Á kal joŋ rege le, a le de ɓe ne pan ɓe lay. Á wii pan ɓe ga : Daga pan ɓi mo ur go ciŋ, mo re này maga wel ɓen a de ɓe ne hẽn mo so no, nen maga ndo mo kaŋ bosaʼ me ti de see ɓo so. 32Pan ɓe Isag kal wiigi ɓe ga : Á diŋ ndo wose ɓa? Á kal fer wããre ga : Á diŋ ndi Esaw jag wel ɓo no. 33See Isag raw hooge ɓe cuɓi, hoon cuɓ de hãã debaŋ. Á day ga : Sen diŋ wose ga hay ɓoʼ darge này le day hay á go de ɓe me lam la? Ndi reen we go ɓuy, kaŋ bosaʼ we go ne hẽn ti, taŋgu maga ndo bay age ɗa so mono. Á go nà de bosaʼn ti so mono. 34De maga Esaw laa wããre sen jag pan ɓe mono, á kal ngar jag de egre go de car jiili debaŋ, day wii pan ɓe ga : Kaŋ bosaʼ me ti lay pan ɓi! 35Isag kal fer wããre ne hẽn ga : Hẽn ɓon hay nduu we de hila la, á yãã bosaʼ ɓon we go. 36Esaw day ga : Diŋ wer maga á kaŋ ɗúu ne hẽn ga Jakob mo yawla, ga á dog coo me ge go nà ɓog mo ɓa? Á hay yãã ngel kluu ɓin we go, day ɓo mo pa no, se yãã bosaʼ ɓin we go pa. Á day ga : Day ndo bay de men bosaʼ ne ndi ni wa hase? 37Isag kal fer wããre ne Esaw, wiin ga : Ko ɗa, ndi go de kaŋge ɓe patala diŋ waŋ ɓo, ndi hã hẽẽre ɓen wo go ne hẽn diŋ weere jõõre ɓe ɓuy, ndi hã coore ble wo go de yii ne hẽn lay. Ndi kãã ma joŋge ne ndo la diŋ may pa la wel ɓi? 38Esaw wii pan ɓe ga : Doo ɓo nà diŋ bosaʼ ma sen mokay tawa no pan ɓi? Kaŋ bosaʼ me ti lay pan ɓi! Esaw kal hee jag ti roo, kal rage. 39Pan ɓe Isag kal fer wããre ne hẽn ga : Ko ɗa!
Ngel maga ndo hay ni mono, sir sen joŋ ge de noo gà.
Meebe ma ciŋ leʼge ni gà lay.
40Ndo joŋ ge caw diŋ de jaw ɓo.
Ndo joŋ ge diŋ je joŋ peele ne hẽn ɓo no.
Ndo joŋ ge mbo wo go raŋge de see ɓo ɓaŋla ɓaŋla caw.
Jakob daŋ wo go ni nii ɓe Laban
41Esaw kal caa hee de hẽn ɓe Jakobe, wer bosaʼ maga pan ɓe kaŋn go ne hẽn ti mono. Esaw kal wããge de ɓil ɓe ga : Naw húulí pan ɓi kos we go mo pa, ndi ii gi hẽn ɓi Jakob go. 42À kal age bag blam wããre Esawn jag mbarga Rebekan ne hẽne. Á kal ɗe Jakob wel ɓe ma kleen le, day wiin ga : Koɗa, hẽn ɓo Esaw ga se saʼ bol go se ii mo go. 43Patala, wel ɓi laa jag ɓi, ur go ciŋ, ni ndo ɗee wo go ni hẽn ɓi Laban Karan. 44Hay wo go ni nen naw po mbage, hãã nen maga jiili hẽn ɓon mo ham go gesiŋ ɗawa ɗa. 45Hãã nen maga daga sããge ɓil ɓen mo ham go, mo taw go ti ɓo, ti ɓe mo yãã go ti fen maga ndo joŋn see ɓe mo ɗa. Doo kay nono, ni ndi fer ndo yaŋ le. Sen joŋ ge joŋ ge ga nday yee nen ɓi go wurpo boŋ ɓog ɓuy mo ne?
46Rebeka wii Isag ga : Mayre mani jar Hedn wo mo sug ii wo koŋne duniyã go me ti debaŋ. Hayga Jakob da wãy ɓen la diŋ yoo mayre jar Hed wo doo ma sug wo nono, ni ndi bà tenen caw diŋ ma joŋ may la?
လက္ရွိေရြးခ်ယ္ထားမွု
TĨĨGI WERE 27: TUP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tupuri Bible © Bible Society of Cameroon, 2016. All rights reserved.
TĨĨGI WERE 27
27
Isag kaŋ bosaʼ ne Jakob ti
1Tããbe hay baa Isag go doo so, nen ɓe kol go de gayre, hay kol bay koge wa so. Doo kay nono á kal ɗe Esaw wel ɓe ma kluu no, day wiin ga : wel ɓi! Á kal yiŋ jag ga : Ndi yaŋ la! 2Isag fer so ga : ndi go de tããbe, day ndi bay de ko naw húulí ɓi wa. 3Hoo fẽẽre darge ɓon patala so, mantoŋwaa wo de hul-waa ɓo no, see ti darge mbásga, ni ndo ʼwar này le me. 4Karn le go me de el doo maga ndi dan nono, ni á le de ɓe me ndi re, nen maga ndi mo kaŋ bosaʼ go mo ti de see ɓi taŋgu maga húulí baa me mono.
5De maga Isag ti wããre ne wel ɓe Esaw mo yeʼ no, Rebeka de coʼ sug ɓe. Esaw kal rawge mbásga ma ɓoʼ darge này ma ferge le de ɓe.
6Doo kay nono, Rebeka wii wel ɓe Jakob ga : Ko ɗa ndi laa la : Pan ɓo ti wããre ne hẽn ɓo Esaw de wii gi ɓe ga : 7ʼWar này le me, karn go de el a de ɓe me ndi reen ge go re, ndi kaŋge bosaʼ go mo ti pel Manwuri, taŋgu maga húulí baa me mono. 8Patala wel ɓi, laa jag ɓi, joŋ fen maga ndi wããn ge ne ndo la ga ndo mo joŋ ne mono. 9See yoo horog wo, hoo fǐiri ma de el le me ɓoge, ndi karn yaŋ ne pan ɓo doo maga á dan nono. 10Ni ndo wo ge de ɓe ne pan ɓo rege nen maga á mo kaŋ bosaʼ go mo ti taŋgu húulí ɓe. 11Jakob kal fer wããre ne man ɓe Rebeka ga : ãã, ama, hẽn ɓi Esaw de fũy see, day ndi bay de fũy see wa mono. 12Ma po pan ɓi wo ge la yaʼ lam see ɓi, day ndi kol ge pel ɓe diŋ je bag bii ɓe. Ndi jãã ge le ti ɓi diŋ faɗge bay diŋ bosaʼ wa so. 13Man ɓe wiin ga : Daga faɗge ma sen mokay mo leʼ diŋ me ti wel ɓi! Coʼ sug ɓo, yãã jag ɓi see ɓon hooge le me diŋ fǐirin wo tawa. 14Jakob kal rawge hoo rage le ne man ɓe, se kal karge ɓe le ne hẽn doo maga ɓil pan ɓe dan nono. 15Blam ɓe Rebeka kal hoo õõbe mani Esaw jag wel ɓen wo no, õõbe ɓe ma de woore daŋge maga hay wo liŋ ni mono, kal laa rage ne wel ɓe ma ti ɓen ti. 16Á kal kaa hõõge fǐi go ne hẽn doo, kaa go ne hẽn soole lay.
17Á kal hã nàyn wo de hoole pẽẽn maga se hay kneʼ ra ne wel ɓe Jakob doo.
18Se kal nduugi de ɓaara ne pan ɓe day ga : Pan ɓi! Isag day ga : Ndi yaŋ la! Á diŋ wo ɓa wel ɓi? 19Jakob kal fer wããre ne pan ɓe ga : Á diŋ ndi Esaw wel ɓo ma kluu no. Ndi joŋ fen maga ndo hay wii me ti ɓe mono. Ur go ciŋ ti were, reen go re ni ndo kaŋ bosaʼ go me ti de see ɓo so. 20Isag wii wel ɓen ga : Eh sen ene! Ndo daʼ we le gus yaw wel ɓi! Jakob kal fer wããre ne hẽn ga : sen diŋ ga Manwuri, Baa ɓon ɓoʼn le me pel gà pa. 21Isag wii Jakob ga : Yaʼ see ɓo le ɗa so, maga ndi lam mo ɗa, ma koge ga ndo mbo nà diŋ wel ɓi Esaw yawla noga bay wa. 22Jakob kal yaʼ see ɓe le ɓiŋ pan ɓe Isag maga kal lam see ɓe lam day ga : Gẽẽgen diŋ gẽẽge Jakobe, ama doon diŋ doo Esaw. 23Á ko doo ɓe gà werga doo ɓe hay de fũy de maŋ hẽn ɓe Esaw, á kal kaŋ bosaʼ go ne hẽn ti. 24Á day ga : Nà diŋ ndo wel ɓi Esaw mbo? Jakob kal wiigi ɓe ga : Á diŋ ndi mbi. 25Isag day ga : Joŋ le go me so, ndi re này wel ɓin go ɗa so, nen maga ni ndi mo kaŋ bosaʼ mo ti de see ɓi so. Jakob kal laa regen go ne hẽne, Isag kal rege ɓe go. Á kal yaʼ yii le ne hẽn ni lay, se kal joge go lay. 26Doo kay nono, pan ɓe Isag kal wiigi ɓe ga : yaʼ see ɓo le, ni ndo klew me ɗa so wel ɓi. 27Á kal yaʼ see ɓe le, kal klewge ɓe. Isag fõõ õõbe ma ti ɓen fõõ, day raw kaŋ bosaʼ ne hẽn ti de wããre ma doo kay nono ga :
Ãã, fõõre wel ɓin fõõ
Doo pay maga Manwur kaŋ
Bosaʼ ne hẽn ti nono.
28Daga Baa mo hã meebe ma ciŋ mo,
De horog ma nen sir wo,
De coore ble, de yii ma defay debaŋ-debaŋ.
29Daga ndo mo hay diŋ je wãã re wer jar puri,
Day daga wer sir wo ngaɓa mo a wo leɗ monɗra pel ɓo!
Joŋ diŋ waŋ hẽẽre ɓon wo no,
Day jar ni man ɓo mo a wo leɗ monɗra mo pele!
Je ma faɗ mogen mo hay go de faɗge,
Je maga ndo kaŋ bosaʼ ne hẽn ti mo hay de bosaʼ a.
30Isag taw kaŋ bosaʼ go ne Jakob ti no kay, Jakob kal le go see pan ɓe Isag no kay tuu mono, ko na, Esaw coʼ we, fer we le ti dargen lay. 31Á kal joŋ rege le, a le de ɓe ne pan ɓe lay. Á wii pan ɓe ga : Daga pan ɓi mo ur go ciŋ, mo re này maga wel ɓen a de ɓe ne hẽn mo so no, nen maga ndo mo kaŋ bosaʼ me ti de see ɓo so. 32Pan ɓe Isag kal wiigi ɓe ga : Á diŋ ndo wose ɓa? Á kal fer wããre ga : Á diŋ ndi Esaw jag wel ɓo no. 33See Isag raw hooge ɓe cuɓi, hoon cuɓ de hãã debaŋ. Á day ga : Sen diŋ wose ga hay ɓoʼ darge này le day hay á go de ɓe me lam la? Ndi reen we go ɓuy, kaŋ bosaʼ we go ne hẽn ti, taŋgu maga ndo bay age ɗa so mono. Á go nà de bosaʼn ti so mono. 34De maga Esaw laa wããre sen jag pan ɓe mono, á kal ngar jag de egre go de car jiili debaŋ, day wii pan ɓe ga : Kaŋ bosaʼ me ti lay pan ɓi! 35Isag kal fer wããre ne hẽn ga : Hẽn ɓon hay nduu we de hila la, á yãã bosaʼ ɓon we go. 36Esaw day ga : Diŋ wer maga á kaŋ ɗúu ne hẽn ga Jakob mo yawla, ga á dog coo me ge go nà ɓog mo ɓa? Á hay yãã ngel kluu ɓin we go, day ɓo mo pa no, se yãã bosaʼ ɓin we go pa. Á day ga : Day ndo bay de men bosaʼ ne ndi ni wa hase? 37Isag kal fer wããre ne Esaw, wiin ga : Ko ɗa, ndi go de kaŋge ɓe patala diŋ waŋ ɓo, ndi hã hẽẽre ɓen wo go ne hẽn diŋ weere jõõre ɓe ɓuy, ndi hã coore ble wo go de yii ne hẽn lay. Ndi kãã ma joŋge ne ndo la diŋ may pa la wel ɓi? 38Esaw wii pan ɓe ga : Doo ɓo nà diŋ bosaʼ ma sen mokay tawa no pan ɓi? Kaŋ bosaʼ me ti lay pan ɓi! Esaw kal hee jag ti roo, kal rage. 39Pan ɓe Isag kal fer wããre ne hẽn ga : Ko ɗa!
Ngel maga ndo hay ni mono, sir sen joŋ ge de noo gà.
Meebe ma ciŋ leʼge ni gà lay.
40Ndo joŋ ge caw diŋ de jaw ɓo.
Ndo joŋ ge diŋ je joŋ peele ne hẽn ɓo no.
Ndo joŋ ge mbo wo go raŋge de see ɓo ɓaŋla ɓaŋla caw.
Jakob daŋ wo go ni nii ɓe Laban
41Esaw kal caa hee de hẽn ɓe Jakobe, wer bosaʼ maga pan ɓe kaŋn go ne hẽn ti mono. Esaw kal wããge de ɓil ɓe ga : Naw húulí pan ɓi kos we go mo pa, ndi ii gi hẽn ɓi Jakob go. 42À kal age bag blam wããre Esawn jag mbarga Rebekan ne hẽne. Á kal ɗe Jakob wel ɓe ma kleen le, day wiin ga : Koɗa, hẽn ɓo Esaw ga se saʼ bol go se ii mo go. 43Patala, wel ɓi laa jag ɓi, ur go ciŋ, ni ndo ɗee wo go ni hẽn ɓi Laban Karan. 44Hay wo go ni nen naw po mbage, hãã nen maga jiili hẽn ɓon mo ham go gesiŋ ɗawa ɗa. 45Hãã nen maga daga sããge ɓil ɓen mo ham go, mo taw go ti ɓo, ti ɓe mo yãã go ti fen maga ndo joŋn see ɓe mo ɗa. Doo kay nono, ni ndi fer ndo yaŋ le. Sen joŋ ge joŋ ge ga nday yee nen ɓi go wurpo boŋ ɓog ɓuy mo ne?
46Rebeka wii Isag ga : Mayre mani jar Hedn wo mo sug ii wo koŋne duniyã go me ti debaŋ. Hayga Jakob da wãy ɓen la diŋ yoo mayre jar Hed wo doo ma sug wo nono, ni ndi bà tenen caw diŋ ma joŋ may la?
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tupuri Bible © Bible Society of Cameroon, 2016. All rights reserved.