TĨĨGI WERE 33
33
Jakob yiŋ wo de Esaw
1Jakob raw maŋ nen ɓe, kal ko Esaw le seege de jar wer kisi. Á kal ɓes ɓil weeren wo go ti holaŋ Leya, Rasel wo de mayre gebeere ma ɓog wo no. 2Á kal kaŋ mayre gebeeren wo wo de weere ɓaaran pele, blam ɓe Leya wo de jar ni ɓe, blam ɓe Rasel wo de Josefe. 3Se de see ɓe kal kalge pel ɓaara, dog leɗ monɗra ɓaale renam hãã wo dayge ɓiŋ hẽn ɓe no. 4Esaw kal ur ɗee le caa pel ɓe, á kal klewge ɓe, leʼ ne hẽn sole, kal soɓ jag ɓe day á kal wo rage. 5Esaw kal maŋ nen ɓe, kal ko naaren wo de weeren wo no, day ga : Sen diŋ wose wo de ɓo mo sug la ne? Jakob ga : Á diŋ weere maga Baa de ɓil de el ɓen hã ra ne wejõõ ɓon mono. 6Mayre gebeeren kal wo yaʼge le de weere ɓaara no, kal wo leʼ monɗra 7Leya kal wo yaʼge le de jar ni ɓe kal wo leʼ monɗra lay, blam ɓe Josef kal wo yaʼge le de Rasel kal wo leʼ monɗra.
8Esaw day ga : Ndo laa ngaɓa ma se ga ndi yiŋ de ɓaara mo tiʼ le la diŋ ne wo ne? Jakob kal fer wããre ne hẽn ga : Diŋ ma daʼ ɓil de el see waŋ ɓi no. 9Esaw day ga : Ndi diŋ je horog hebo, ɗaw mbo ma ɓon wo no. 10Jakob kal fer wããre ne hẽn ga : Baywa, hayga ndi ko we nen ɓo de el no, yãã mbo kadon go me doo ndi kam ndo. Diŋ wersen ga ndi nen ɓo mono, diŋ doo maga á ko nen Baa nono, day ndo kal yãã me ge de el lay mono. 11Yãã mbo kado ɓi maga ndi hay hãn mo mono, werga Baa joŋ de el see ɓi, wùu me de fẽẽre de kããge. Á baa wùu ne hẽn see gum hãã Esaw yããn mbe so.
12Esaw day ga : Naa see, naa maŋ mbe faage so, ndi raw pel ɓo. 13Jakob kal fer wããre ne hẽn ga : Waŋ ɓi no, á mo taʼ see ɓo ndo de koge ɓe lay doo ga kamliiri wo de gaali, day pa, ndi nà de fǐiri wo, de deere maga weere ɓaara po wo ti pãã. Se mo hãʼ à joŋ doole ɓaara we seege nen síilí la boŋ no, ma kleeren mo deŋ sen taw wo go. 14Daga waŋ ɓin mo see mbe pel wejõõ ɓen ɗa so, ma ɓin ndi laa horogn wo pele, ndi see yaŋ wo wer ɓaara genaʼ genaʼa, wùr maŋ ɓaale yaŋ wo wer kããra de kamliri wo no, hãã ndi wo yaŋ daʼ waŋ ɓin Seyiri. 15Esaw day ga : Ndi men te jar ɓi po wo la. Jakob kal fer wããre ne hẽn ga : Sen baa ma may la? Daga ndi mo daʼ mbi ɓil de el mani waŋ ɓin tawa. 16Wursen tuu, Esaw maŋ faage, fer Seyiri.
17Jakob raw, wo Sukkode. Á boo tiŋ ma ɓe kal bag duuli ne horog ɓen wo. Diŋ wersen ga á kal kaŋ ɗúu ne ngel sen ga Sukkode.
Jakob laa tiŋ ɓiŋ Sikem
18Jakob day go ɓi leege Sikem jam, ga diŋ sir Kanaan mono. Á kal laage wo go jag leege no, de maga se nduu le Paddan-Aram mono. 19Ngel maga á baa mburyug ɓen ni mono, á yeen doo jar ni Hamor pan Sikem wo de Solay boo kisi. 20Á kal boo ngel siɗ jag ni, kal kaŋ ɗúu ne hẽn ga El-Elohe-Israyele.
လက္ရွိေရြးခ်ယ္ထားမွု
TĨĨGI WERE 33: TUP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tupuri Bible © Bible Society of Cameroon, 2016. All rights reserved.
TĨĨGI WERE 33
33
Jakob yiŋ wo de Esaw
1Jakob raw maŋ nen ɓe, kal ko Esaw le seege de jar wer kisi. Á kal ɓes ɓil weeren wo go ti holaŋ Leya, Rasel wo de mayre gebeere ma ɓog wo no. 2Á kal kaŋ mayre gebeeren wo wo de weere ɓaaran pele, blam ɓe Leya wo de jar ni ɓe, blam ɓe Rasel wo de Josefe. 3Se de see ɓe kal kalge pel ɓaara, dog leɗ monɗra ɓaale renam hãã wo dayge ɓiŋ hẽn ɓe no. 4Esaw kal ur ɗee le caa pel ɓe, á kal klewge ɓe, leʼ ne hẽn sole, kal soɓ jag ɓe day á kal wo rage. 5Esaw kal maŋ nen ɓe, kal ko naaren wo de weeren wo no, day ga : Sen diŋ wose wo de ɓo mo sug la ne? Jakob ga : Á diŋ weere maga Baa de ɓil de el ɓen hã ra ne wejõõ ɓon mono. 6Mayre gebeeren kal wo yaʼge le de weere ɓaara no, kal wo leʼ monɗra 7Leya kal wo yaʼge le de jar ni ɓe kal wo leʼ monɗra lay, blam ɓe Josef kal wo yaʼge le de Rasel kal wo leʼ monɗra.
8Esaw day ga : Ndo laa ngaɓa ma se ga ndi yiŋ de ɓaara mo tiʼ le la diŋ ne wo ne? Jakob kal fer wããre ne hẽn ga : Diŋ ma daʼ ɓil de el see waŋ ɓi no. 9Esaw day ga : Ndi diŋ je horog hebo, ɗaw mbo ma ɓon wo no. 10Jakob kal fer wããre ne hẽn ga : Baywa, hayga ndi ko we nen ɓo de el no, yãã mbo kadon go me doo ndi kam ndo. Diŋ wersen ga ndi nen ɓo mono, diŋ doo maga á ko nen Baa nono, day ndo kal yãã me ge de el lay mono. 11Yãã mbo kado ɓi maga ndi hay hãn mo mono, werga Baa joŋ de el see ɓi, wùu me de fẽẽre de kããge. Á baa wùu ne hẽn see gum hãã Esaw yããn mbe so.
12Esaw day ga : Naa see, naa maŋ mbe faage so, ndi raw pel ɓo. 13Jakob kal fer wããre ne hẽn ga : Waŋ ɓi no, á mo taʼ see ɓo ndo de koge ɓe lay doo ga kamliiri wo de gaali, day pa, ndi nà de fǐiri wo, de deere maga weere ɓaara po wo ti pãã. Se mo hãʼ à joŋ doole ɓaara we seege nen síilí la boŋ no, ma kleeren mo deŋ sen taw wo go. 14Daga waŋ ɓin mo see mbe pel wejõõ ɓen ɗa so, ma ɓin ndi laa horogn wo pele, ndi see yaŋ wo wer ɓaara genaʼ genaʼa, wùr maŋ ɓaale yaŋ wo wer kããra de kamliri wo no, hãã ndi wo yaŋ daʼ waŋ ɓin Seyiri. 15Esaw day ga : Ndi men te jar ɓi po wo la. Jakob kal fer wããre ne hẽn ga : Sen baa ma may la? Daga ndi mo daʼ mbi ɓil de el mani waŋ ɓin tawa. 16Wursen tuu, Esaw maŋ faage, fer Seyiri.
17Jakob raw, wo Sukkode. Á boo tiŋ ma ɓe kal bag duuli ne horog ɓen wo. Diŋ wersen ga á kal kaŋ ɗúu ne ngel sen ga Sukkode.
Jakob laa tiŋ ɓiŋ Sikem
18Jakob day go ɓi leege Sikem jam, ga diŋ sir Kanaan mono. Á kal laage wo go jag leege no, de maga se nduu le Paddan-Aram mono. 19Ngel maga á baa mburyug ɓen ni mono, á yeen doo jar ni Hamor pan Sikem wo de Solay boo kisi. 20Á kal boo ngel siɗ jag ni, kal kaŋ ɗúu ne hẽn ga El-Elohe-Israyele.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tupuri Bible © Bible Society of Cameroon, 2016. All rights reserved.