Luka 11
11
Hiwte Yesu a kənə lagbe dan
(Matta 6.9-13; 7.7-11)
1A fərə Yesu a ɗɨmə a muɗə a haa gə nda ɗa hiwtə. Ndi ɓe ɗa hiwtə mbə, hiɗə dɨ vor Lagbe dan a nyisən, “Həmɨmiye, zə kənenə ɗa hiwtə ɓətɨ Yohana a kənə Lagbe dan.” 2Nda sarən, “Hwun kana ɓa ɗa hiwtə hwuna sa atɨ,
“ ‘Baatə,
maa kwakɨ ɗəmɗəme dəw a ɗɨm fukatə,
həmne dəw a shi.
3Venə sɨzɨmte hin ɓa zɨmə supo.
4Hye nggurenə gə səhase denə,
gə hin mgban hina
dɨ ngguro nagi ndo ma
gə səhase dan a nda ɗenə.
Ɓe ɗakenə hina pɨrə vor kadawe.’ ”
5Nda sarən, “Wonə a vorsəwnə ka ndewete hye ɓa maɗə a wudə hakan ka vor tukotə a san atɨ, ‘Ndewe, gwadi ka goɓoryi buroditə mwaakɨn, 6a omo nə shike ka tukongnə, ndeweginə. Taa ɗɨm sa hɨn ɓa vən nda zɨmə ɓəgəng.’
7“Ndewete a vɨne a luwa a san atɨ, ‘Ɗake ɗəng ɓe yə kɨɗa yedi, hɨn pɨrə vɨne ka je de, hin gbəə kwaamɨ vɨne gbangɨrən, taa dɨ mba mattə a vu asə.’ ” 8Yesu a sa, “Nagi ma bə vɨne aa salə gwasən gələ ndi ndeweti, kat ka angɨn gə kangte ndewegən a kangə a dɨ kwal-haa anəsə-anəsə, ndi ɓa maɗə a vən sa kat nda dɨ mwo.
9“Gə-angɨn na dɨ səwnə atɨ: Nyisəm, mya vəwnə. Ɨləm, hwun ɓa ɗɨmə. Kwaləm haa, mya wunəwnə a kwa-haa. 10Gələ ma nyishi kat, mye ɓa vən, ma ɨli, ɓa ɗɨmə, ma kwal-haa, mye ɓa wunan a kwa-haa.
11“Wonə baate a vorsəwnə a nzəngɨn ɓa nyisən vaake, nda kang nzə-mgbəndye a vən? 12Wonə mgban nzəngɨn ɓa nyisən ɗulo ɗeke, nda kang giɗingətə a vən? 13Aa dɨ gə sə. A hwun myee ji-ɗa səhasə, hwuna lee vəte hwun ɓa və jingəwnə shi-pepeye. Ɓə ya Baagəwnə arə a vor pwa, a ma pɨrgəwnə ka ɗa səfeme, ɓa ɗa nda ɓə ɗongə vəte ɓa vəwnə Pitɨ Ɗəmɗəmtə a hwun myee dɨ nyisən?”
Yesu ka Belzabub
(Matta 12.22-30; Markus 3.20-27)
14A fərə Yesu a dɨmdə nzə-dwatə dɨ sɨtɨ ama, a ma nzə-dwatə a ɗɨkdən ndaawa byelə. Pɨla nzə-dwatə ɓe dɨmə, mangɨn a tiya byele, ɓwaare kat a ɗa ndəle. 15Imi a vorsərən a sa atɨ, “Kaiya! Ka gəta Belzabub#11.15 Belzabub: A kwakə mya dɨ wa Shetan kan. həme da pɨle ji-dwatə nda dɨ dɨmdə pɨle ji-dwatə gə sɨtɨ ɓwaare.” 16Imi mgban a kanarən təna san atɨ nda bɨlərən a səkushipə dɨ pwa, gə təna mwa atɨ dɨ haka Həmɨnpwa nda shi.
17Yesu ɓə lee la a hubosərən, nda sarən atɨ, “Kat həmna ndɨlkasə təki kpe, aa dɨ kangə. Sə mgban hwoɗyee kat ndɨlkasə təki kpe, hwoɗingɨn aa dɨ kangə tən ɓa fukə. 18Aɓə Shetan kana ndɨlə a dɨ nya ka nəngɨn ta dɨmdə pɨle ji-dwatə, ya həmne dan ɓa ɗa nda kangə? Ɓə ya hwuna sa atɨ ka gəta Belzabub həme da pɨle ji-dwatə na dɨ dɨmdə pɨle ji-dwatə gə sɨtɨ ɓwaare? 19Shezə anda ka gəta Belzabub na dɨ dɨmdə pɨle ji-dwatə dɨ sɨtɨ ɓwaare, ɓə myee dəwnə mgban? Ka gəta wonə təna dɨ dɨmdə pɨle ji-dwatə dɨ sɨtɨ ɓwaare? Gə-angɨn, myee dəwnə 'ye dɨ dɨmdə pɨle ji-dwatə mgban ɓa ɓashiyəwnə a nə ləməgyee hwuna dɨ boyo. 20Hɨn, anda ka gəta Həmɨnpwa na dɨ dɨmdə pɨle ji-dwatə gə sɨtɨ ɓwaare, həmne da Həmɨnpwa shi hakəwnə.
21“Di Shetan nə ɓətɨ gbinda a pɨrə shi nyatə ɗa murowne kanyi dɨ gɨra hwodan, gə ɓe asə aa gəə gɨnətɨ dan. 22Hye kana niyə mgban ma pɨrgən ka gbindawne kat ka murowne kana pɨra a vor hwoɗye, ndi ɓa kɨt gbinda hwoɗingɨn a ɓoyə a parangə sɨ nyatɨ dan 'ye nda mwakarən, nda por sɨkule.
23“Di ma kat tam ɓwaa ke nzə-kwo na nə, ma mgban aawa gwadi pedə shee a haa hiɗə, vyata mangɨn a dɨ vyatarən.
24“Pɨla nzə-dwatə kana dɨmgə sɨtɨ ɓwaara, nda dɨ pərəsə a vor ɓaawe a hee kpamtə ta ɨl ma ndi ɓa ɗɨm haa a sɨsən a pɨrə a nza a piyadə. Ndi kana niyə ndaa ɗɨm haa nzatə, ndi ɓa sa, ‘Ndɨka na mɨnə hwoɗyee a sɨtɨ ma na dɨmagən.’ 25Ndi kana mɨna asɨ pa hwoɗingɨn mye fegərən ɗadərən pepe taa asə a vorsərən, 26pɨla nzə-dwatɨngɨn ɓa mɨnə a pwara i ji-dwati tukolukpe 'ye hashi pɨrgən. Təna pɨra a nza sɨtɨ mangɨn a ɗa hwoɗye də. Kpawtɨ nzata mangɨn a dɨ hasə a pɨrgə i kwamətə.”
27Yesu nee a vor bwe ləməginə, i meti a maddə kormɨngrə a sa atɨ, “Kək! Həmɨnpwa ɗa nuwogu ite mwasara, shewda sə pepeye.”
28Yesu a luwa a sa, “Myee pɨri ka pepeta Həmɨnpwa nə myee dɨ kɨl le da Həmɨnpwa təna koddən.”
Ɓwaare nee dɨ ɨl sɨgbəshe
(Matta 12.38-42; Markus 8.12)
29Ite ɓwaare paya dɨ ləki, Yesu a sarən, “Hwun mi wanetɨnə ɓwaare hashe ji-ɗa səhase. Hwun mba nyittə nee atɨ na bɨləwnə sɨgbəshe dɨ haka Həmɨnpwa. Taa i sɨgbəshi də na bɨləwnə a pɨrgə wule a da Yunana. 30Ɓətɨ a bəng Yunana a gəə sɨgbəshi a haka mi Nineva, sə mgban hɨn Nze da Ɓwaara ɓa gəə sɨgbəshi a haka mi wanetɨnə. 31A fərə ɓashitə, hwun mi wanetɨnə, hwun kana kangə humwa Həmɨnpwa ka həmte shi dɨ basa ɓayang, nggi ɓa mbəwnə ka ɓashitə gəkɨlə ngga nggura tɨfe ɓong-ɓong gələ ngga sɨ kɨl kormi lele da həmɨn Solomon. Supo ma pɨrgə həmɨn Solomon nə kangə wakasəwnə. 32Sə mgban a fərə ɓashitə, mi Nineva kana kangə kəwnə a humwa Həmɨnpwa, tən ɓa mbəwnə ka ɓashitə, gəkɨlə təna kɨl kormi Yunana a por-njiya ka səhase darən. Ɓəgəng ma pɨrgə Yunana ka fukatə nə kangə wakasəwnə.
Tikɨlə sɨtə
(Matta 5.15; 6.22-23)
33“Di taa ndəng ma də a ɓa kɨsadə tikɨle a ɓodən, naasə nda nggur kpaa a kupon. A haa mgbənge mya dɨ kangdə tikɨləngɨn gəkɨlə ma kat pɨra a vor hwoɗingɨn nda naa haa ka ɓɨrtɨngɨn. 34Tikɨlə sɨtɨ ɓwaara nə diingɨn. Diinga kana naa haa pepe, sɨsa kat ɓa ɗɨm ɓɨrtə. Hye kana niyə se a ɓow a diinga mgban, sɨsa kat ɓa gəə kuliti. 35Bədə myensa ɓe ɓɨrte a sɨsa aa gəə kuliti. 36Gə-angɨn hye kana niyə sɨsa kat kana gə ka ɓɨrtə, taa a haa a sɨsa ɓa gə ka kulitə. Angɨn nə ɓətɨ ɓɨrtɨ tikɨla takadə ma.”
Yesu a dɨka Farise ka ji-lee kəndə ɓashita Musa
(Matta 23.1-36; Markus 12.38-40; Luka 20.45-47)
37Ite Yesu a bwe ləməginə a mbəə, ama dɨ vor Farise a warən a zɨmshe a hwodan. Nda pɨrə hwoɗingɨn a nza haa zɨmshe. 38Nzə-Farisangɨn a bəə diisən a niyə Yesu aa ɗa sɨkwalə suɓwa tyefye da Yawude nda ɓə nzaa zɨmshe, le a ɓwan.
39Də Yesu Həmɨmiye a san, “Hwun Farise, hwuna dɨ suɓwagə beetɨ kpee ka dwe, hwuna shea ɗaka vorsərən ka ryektə, shezə vor hubosəwnə nə naa pas ka omshe, ka kwakaɗɨkatə. 40Hwun dəɗye! Ma ɗa beetɨ kpaa ɓwaa, aa sɨnə mgban ɗa vorsən ma? 41Ɗakamə nzɨmwe, gwamdə ji-poritə ka sa a vor kpee dəwnə, gə hwuna gə shet-shet a humwa Həmɨnpwa.
42“Kək kwe Farise! Hwun kana taw mbwale, ka gɨrətə, ka ndaambe, ka bamta ka mbiɗiti jibe kat, hwuna dɨ takarən a nggɨl hiɗə dɨ vor bəw a və Həmɨnpwa. Shezə hwuna ɗaka mwo Həmɨnpwa ka koddə ɓwaare a kwatɨfa kana. Gə-angɨn sə oti kəwnə! Ɓə kana hwuna mwo Həmɨnpwa a koddə ɓwaare a kwatɨfa kana, hwuna pɨrə humwa mgban ta ɗa mbiɗitɨ shingɨn.
43“Sə oti kəwnə kwe Farise! Gə hwuna dɨ mwo hee nzatɨ kpan-kpanye a humwa ɓwaare a vəni kəndəshe. A vor lumotə mgban hwuna mwo atɨ mya wunakəwnə a gyerə njiya.
44“Sə oti kəwnə kwe Farise! Hwunəə ɓətɨ taanə peyi kpangɗing ka njiya mya liɓa, ɓwaare a dɨ woyo nəngrən, tənaa leyə atɨ təne dɨ takɨma nəngrən.”
45A nzə-lee kəndə ɓashita Musa a luwa a sa Yesu atɨ, “Nzə-kəndəshe, ləməgyee hye dɨ boyo, dɨɗə hye dɨ dɨttenə a dɨ genə wak.”
46Yesu a san, “Sə oti kəwnə mgban kwe myee lee kəndə ɓashita Musa! Gə hwuna dɨ ɓwe sɨtɨre dɨksɨksɨk 'ye ɓwaare aa dɨ mbarən a ngguro, hwuna mbolərən a nəngrən. Shezə hwun ka nənəngəwnə hwunaa ɗa asə gə hwuna gwadərən nggur shingɨn.
47“Mɨni ɓə hwuna dɨ fukadə kpalye a kang fare a nyemye. Shezə tənə kpalyee yə jigəwnə a ɓələ kaaɗəng. 48Gə-angɨn hwun bɨlə bwang atɨ hwun mwaka sa yə jigəwnə a ɗa, ka ite təna ɓəl kpalingɨn, hwun mgban hwuna shea kangə ta kang fare a nyemye. Sə oti kəwnə! 49Gəkɨlə angɨn Həmɨnpwa a vor lele dan nda sa, ‘Hɨn ɓa lyenərənshe ka kpalye ka kpe-lagbe. Tən ɓa ɓəl imi dɨ vorsərən, imi mgban təna tənəə dərən.’ 50Gələ angɨn Həmɨnpwa ɓa ɓashiyəwnə hwun mi wanetɨnə gəkɨlə zaambə kpalyee mya ɓələ dɨ fəra Həmɨnpwa a kwak vɨratə kan dɨmə fəranə supo. 51Kpalyee mya ɓələ nə peyi ka Habila dɨmə nzata Zakariya a mya ɓɨlə Kwa-Shafe gbyel ka kɨritɨ vədə hamatə.#11.51 Naasə: 2 Koronikɨl 24.20-21. Diyalə na dɨ boyownə, Həmɨnpwa ɓa ɓashiyəwnə hwun mi wanetɨnə gə shingɨn kat.
52“Sə oti kəwnə hwun myee lee kəndə ɓashita Musa! Gəkɨlə hwuna gbəə tɨfə lee ləməgye da Həmɨnpwa. Hwunaa pɨrə, hwunaa ɗaka myee dɨ mwo pɨrtə təna pɨrə.”
53Ite Yesu a dɨ ɗaka hangɨn, ji-lee kəndə ɓashita Musa ka Farise a naa pas ka muune a nə ləməgingɨn. Gə-angɨn təna ndəltən ka ləməgye hananang, 54gəkɨlə ndi kana luwa təna ɗɨmgən le.
လက္ရွိေရြးခ်ယ္ထားမွု
Luka 11: bcy
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Luka 11
11
Hiwte Yesu a kənə lagbe dan
(Matta 6.9-13; 7.7-11)
1A fərə Yesu a ɗɨmə a muɗə a haa gə nda ɗa hiwtə. Ndi ɓe ɗa hiwtə mbə, hiɗə dɨ vor Lagbe dan a nyisən, “Həmɨmiye, zə kənenə ɗa hiwtə ɓətɨ Yohana a kənə Lagbe dan.” 2Nda sarən, “Hwun kana ɓa ɗa hiwtə hwuna sa atɨ,
“ ‘Baatə,
maa kwakɨ ɗəmɗəme dəw a ɗɨm fukatə,
həmne dəw a shi.
3Venə sɨzɨmte hin ɓa zɨmə supo.
4Hye nggurenə gə səhase denə,
gə hin mgban hina
dɨ ngguro nagi ndo ma
gə səhase dan a nda ɗenə.
Ɓe ɗakenə hina pɨrə vor kadawe.’ ”
5Nda sarən, “Wonə a vorsəwnə ka ndewete hye ɓa maɗə a wudə hakan ka vor tukotə a san atɨ, ‘Ndewe, gwadi ka goɓoryi buroditə mwaakɨn, 6a omo nə shike ka tukongnə, ndeweginə. Taa ɗɨm sa hɨn ɓa vən nda zɨmə ɓəgəng.’
7“Ndewete a vɨne a luwa a san atɨ, ‘Ɗake ɗəng ɓe yə kɨɗa yedi, hɨn pɨrə vɨne ka je de, hin gbəə kwaamɨ vɨne gbangɨrən, taa dɨ mba mattə a vu asə.’ ” 8Yesu a sa, “Nagi ma bə vɨne aa salə gwasən gələ ndi ndeweti, kat ka angɨn gə kangte ndewegən a kangə a dɨ kwal-haa anəsə-anəsə, ndi ɓa maɗə a vən sa kat nda dɨ mwo.
9“Gə-angɨn na dɨ səwnə atɨ: Nyisəm, mya vəwnə. Ɨləm, hwun ɓa ɗɨmə. Kwaləm haa, mya wunəwnə a kwa-haa. 10Gələ ma nyishi kat, mye ɓa vən, ma ɨli, ɓa ɗɨmə, ma kwal-haa, mye ɓa wunan a kwa-haa.
11“Wonə baate a vorsəwnə a nzəngɨn ɓa nyisən vaake, nda kang nzə-mgbəndye a vən? 12Wonə mgban nzəngɨn ɓa nyisən ɗulo ɗeke, nda kang giɗingətə a vən? 13Aa dɨ gə sə. A hwun myee ji-ɗa səhasə, hwuna lee vəte hwun ɓa və jingəwnə shi-pepeye. Ɓə ya Baagəwnə arə a vor pwa, a ma pɨrgəwnə ka ɗa səfeme, ɓa ɗa nda ɓə ɗongə vəte ɓa vəwnə Pitɨ Ɗəmɗəmtə a hwun myee dɨ nyisən?”
Yesu ka Belzabub
(Matta 12.22-30; Markus 3.20-27)
14A fərə Yesu a dɨmdə nzə-dwatə dɨ sɨtɨ ama, a ma nzə-dwatə a ɗɨkdən ndaawa byelə. Pɨla nzə-dwatə ɓe dɨmə, mangɨn a tiya byele, ɓwaare kat a ɗa ndəle. 15Imi a vorsərən a sa atɨ, “Kaiya! Ka gəta Belzabub#11.15 Belzabub: A kwakə mya dɨ wa Shetan kan. həme da pɨle ji-dwatə nda dɨ dɨmdə pɨle ji-dwatə gə sɨtɨ ɓwaare.” 16Imi mgban a kanarən təna san atɨ nda bɨlərən a səkushipə dɨ pwa, gə təna mwa atɨ dɨ haka Həmɨnpwa nda shi.
17Yesu ɓə lee la a hubosərən, nda sarən atɨ, “Kat həmna ndɨlkasə təki kpe, aa dɨ kangə. Sə mgban hwoɗyee kat ndɨlkasə təki kpe, hwoɗingɨn aa dɨ kangə tən ɓa fukə. 18Aɓə Shetan kana ndɨlə a dɨ nya ka nəngɨn ta dɨmdə pɨle ji-dwatə, ya həmne dan ɓa ɗa nda kangə? Ɓə ya hwuna sa atɨ ka gəta Belzabub həme da pɨle ji-dwatə na dɨ dɨmdə pɨle ji-dwatə gə sɨtɨ ɓwaare? 19Shezə anda ka gəta Belzabub na dɨ dɨmdə pɨle ji-dwatə dɨ sɨtɨ ɓwaare, ɓə myee dəwnə mgban? Ka gəta wonə təna dɨ dɨmdə pɨle ji-dwatə dɨ sɨtɨ ɓwaare? Gə-angɨn, myee dəwnə 'ye dɨ dɨmdə pɨle ji-dwatə mgban ɓa ɓashiyəwnə a nə ləməgyee hwuna dɨ boyo. 20Hɨn, anda ka gəta Həmɨnpwa na dɨ dɨmdə pɨle ji-dwatə gə sɨtɨ ɓwaare, həmne da Həmɨnpwa shi hakəwnə.
21“Di Shetan nə ɓətɨ gbinda a pɨrə shi nyatə ɗa murowne kanyi dɨ gɨra hwodan, gə ɓe asə aa gəə gɨnətɨ dan. 22Hye kana niyə mgban ma pɨrgən ka gbindawne kat ka murowne kana pɨra a vor hwoɗye, ndi ɓa kɨt gbinda hwoɗingɨn a ɓoyə a parangə sɨ nyatɨ dan 'ye nda mwakarən, nda por sɨkule.
23“Di ma kat tam ɓwaa ke nzə-kwo na nə, ma mgban aawa gwadi pedə shee a haa hiɗə, vyata mangɨn a dɨ vyatarən.
24“Pɨla nzə-dwatə kana dɨmgə sɨtɨ ɓwaara, nda dɨ pərəsə a vor ɓaawe a hee kpamtə ta ɨl ma ndi ɓa ɗɨm haa a sɨsən a pɨrə a nza a piyadə. Ndi kana niyə ndaa ɗɨm haa nzatə, ndi ɓa sa, ‘Ndɨka na mɨnə hwoɗyee a sɨtɨ ma na dɨmagən.’ 25Ndi kana mɨna asɨ pa hwoɗingɨn mye fegərən ɗadərən pepe taa asə a vorsərən, 26pɨla nzə-dwatɨngɨn ɓa mɨnə a pwara i ji-dwati tukolukpe 'ye hashi pɨrgən. Təna pɨra a nza sɨtɨ mangɨn a ɗa hwoɗye də. Kpawtɨ nzata mangɨn a dɨ hasə a pɨrgə i kwamətə.”
27Yesu nee a vor bwe ləməginə, i meti a maddə kormɨngrə a sa atɨ, “Kək! Həmɨnpwa ɗa nuwogu ite mwasara, shewda sə pepeye.”
28Yesu a luwa a sa, “Myee pɨri ka pepeta Həmɨnpwa nə myee dɨ kɨl le da Həmɨnpwa təna koddən.”
Ɓwaare nee dɨ ɨl sɨgbəshe
(Matta 12.38-42; Markus 8.12)
29Ite ɓwaare paya dɨ ləki, Yesu a sarən, “Hwun mi wanetɨnə ɓwaare hashe ji-ɗa səhase. Hwun mba nyittə nee atɨ na bɨləwnə sɨgbəshe dɨ haka Həmɨnpwa. Taa i sɨgbəshi də na bɨləwnə a pɨrgə wule a da Yunana. 30Ɓətɨ a bəng Yunana a gəə sɨgbəshi a haka mi Nineva, sə mgban hɨn Nze da Ɓwaara ɓa gəə sɨgbəshi a haka mi wanetɨnə. 31A fərə ɓashitə, hwun mi wanetɨnə, hwun kana kangə humwa Həmɨnpwa ka həmte shi dɨ basa ɓayang, nggi ɓa mbəwnə ka ɓashitə gəkɨlə ngga nggura tɨfe ɓong-ɓong gələ ngga sɨ kɨl kormi lele da həmɨn Solomon. Supo ma pɨrgə həmɨn Solomon nə kangə wakasəwnə. 32Sə mgban a fərə ɓashitə, mi Nineva kana kangə kəwnə a humwa Həmɨnpwa, tən ɓa mbəwnə ka ɓashitə, gəkɨlə təna kɨl kormi Yunana a por-njiya ka səhase darən. Ɓəgəng ma pɨrgə Yunana ka fukatə nə kangə wakasəwnə.
Tikɨlə sɨtə
(Matta 5.15; 6.22-23)
33“Di taa ndəng ma də a ɓa kɨsadə tikɨle a ɓodən, naasə nda nggur kpaa a kupon. A haa mgbənge mya dɨ kangdə tikɨləngɨn gəkɨlə ma kat pɨra a vor hwoɗingɨn nda naa haa ka ɓɨrtɨngɨn. 34Tikɨlə sɨtɨ ɓwaara nə diingɨn. Diinga kana naa haa pepe, sɨsa kat ɓa ɗɨm ɓɨrtə. Hye kana niyə se a ɓow a diinga mgban, sɨsa kat ɓa gəə kuliti. 35Bədə myensa ɓe ɓɨrte a sɨsa aa gəə kuliti. 36Gə-angɨn hye kana niyə sɨsa kat kana gə ka ɓɨrtə, taa a haa a sɨsa ɓa gə ka kulitə. Angɨn nə ɓətɨ ɓɨrtɨ tikɨla takadə ma.”
Yesu a dɨka Farise ka ji-lee kəndə ɓashita Musa
(Matta 23.1-36; Markus 12.38-40; Luka 20.45-47)
37Ite Yesu a bwe ləməginə a mbəə, ama dɨ vor Farise a warən a zɨmshe a hwodan. Nda pɨrə hwoɗingɨn a nza haa zɨmshe. 38Nzə-Farisangɨn a bəə diisən a niyə Yesu aa ɗa sɨkwalə suɓwa tyefye da Yawude nda ɓə nzaa zɨmshe, le a ɓwan.
39Də Yesu Həmɨmiye a san, “Hwun Farise, hwuna dɨ suɓwagə beetɨ kpee ka dwe, hwuna shea ɗaka vorsərən ka ryektə, shezə vor hubosəwnə nə naa pas ka omshe, ka kwakaɗɨkatə. 40Hwun dəɗye! Ma ɗa beetɨ kpaa ɓwaa, aa sɨnə mgban ɗa vorsən ma? 41Ɗakamə nzɨmwe, gwamdə ji-poritə ka sa a vor kpee dəwnə, gə hwuna gə shet-shet a humwa Həmɨnpwa.
42“Kək kwe Farise! Hwun kana taw mbwale, ka gɨrətə, ka ndaambe, ka bamta ka mbiɗiti jibe kat, hwuna dɨ takarən a nggɨl hiɗə dɨ vor bəw a və Həmɨnpwa. Shezə hwuna ɗaka mwo Həmɨnpwa ka koddə ɓwaare a kwatɨfa kana. Gə-angɨn sə oti kəwnə! Ɓə kana hwuna mwo Həmɨnpwa a koddə ɓwaare a kwatɨfa kana, hwuna pɨrə humwa mgban ta ɗa mbiɗitɨ shingɨn.
43“Sə oti kəwnə kwe Farise! Gə hwuna dɨ mwo hee nzatɨ kpan-kpanye a humwa ɓwaare a vəni kəndəshe. A vor lumotə mgban hwuna mwo atɨ mya wunakəwnə a gyerə njiya.
44“Sə oti kəwnə kwe Farise! Hwunəə ɓətɨ taanə peyi kpangɗing ka njiya mya liɓa, ɓwaare a dɨ woyo nəngrən, tənaa leyə atɨ təne dɨ takɨma nəngrən.”
45A nzə-lee kəndə ɓashita Musa a luwa a sa Yesu atɨ, “Nzə-kəndəshe, ləməgyee hye dɨ boyo, dɨɗə hye dɨ dɨttenə a dɨ genə wak.”
46Yesu a san, “Sə oti kəwnə mgban kwe myee lee kəndə ɓashita Musa! Gə hwuna dɨ ɓwe sɨtɨre dɨksɨksɨk 'ye ɓwaare aa dɨ mbarən a ngguro, hwuna mbolərən a nəngrən. Shezə hwun ka nənəngəwnə hwunaa ɗa asə gə hwuna gwadərən nggur shingɨn.
47“Mɨni ɓə hwuna dɨ fukadə kpalye a kang fare a nyemye. Shezə tənə kpalyee yə jigəwnə a ɓələ kaaɗəng. 48Gə-angɨn hwun bɨlə bwang atɨ hwun mwaka sa yə jigəwnə a ɗa, ka ite təna ɓəl kpalingɨn, hwun mgban hwuna shea kangə ta kang fare a nyemye. Sə oti kəwnə! 49Gəkɨlə angɨn Həmɨnpwa a vor lele dan nda sa, ‘Hɨn ɓa lyenərənshe ka kpalye ka kpe-lagbe. Tən ɓa ɓəl imi dɨ vorsərən, imi mgban təna tənəə dərən.’ 50Gələ angɨn Həmɨnpwa ɓa ɓashiyəwnə hwun mi wanetɨnə gəkɨlə zaambə kpalyee mya ɓələ dɨ fəra Həmɨnpwa a kwak vɨratə kan dɨmə fəranə supo. 51Kpalyee mya ɓələ nə peyi ka Habila dɨmə nzata Zakariya a mya ɓɨlə Kwa-Shafe gbyel ka kɨritɨ vədə hamatə.#11.51 Naasə: 2 Koronikɨl 24.20-21. Diyalə na dɨ boyownə, Həmɨnpwa ɓa ɓashiyəwnə hwun mi wanetɨnə gə shingɨn kat.
52“Sə oti kəwnə hwun myee lee kəndə ɓashita Musa! Gəkɨlə hwuna gbəə tɨfə lee ləməgye da Həmɨnpwa. Hwunaa pɨrə, hwunaa ɗaka myee dɨ mwo pɨrtə təna pɨrə.”
53Ite Yesu a dɨ ɗaka hangɨn, ji-lee kəndə ɓashita Musa ka Farise a naa pas ka muune a nə ləməgingɨn. Gə-angɨn təna ndəltən ka ləməgye hananang, 54gəkɨlə ndi kana luwa təna ɗɨmgən le.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.