Luka 9
9
Yesu a lyen lagbe dan
(Matta 10.5-15; Markus 6.7-13)
1Yesu a waga lagbe dan bəw a mbiɗi-kpe 'ye nda nggɨlə, nda vərən gətə ka nyerətə a nə pɨle ji-dwatə, təna mɨna piyadə ɓwaare gə ootə som-som. 2Nda lyentɨrən atɨ maa təna dɨmə a hiwa ɓwaare ləmə həmne da Həmɨnpwa, təna dɨmdə ootə gə sɨtɨ ɓwaare. 3Nda sarən atɨ, “Ɓe hwunaa nggur asə gə omotə a nə tɨfe, nagi gaarati, nagi zambɨramə#9.3 Zambɨrame nə gbɨra., nagi sɨzɨmti, nagi taa, nagi sɨɓwete hwun ɓa nggəddərən nə. 4Nagi a ndo hwoɗi hwuna pɨrə, nzam də baa a dɨmə fəra hwun ɓa ɗaka vɨratɨngɨn də. 5Vɨrate kat ɓwaare aa lurəwnə də, dɨməmgə vɨratɨngɨn, hwun kana ɓa dɨmə, hwuna kpəwgə bɨr-bɨrə mbwayingəwnə, angɨn ɓa bɨlə mingɨn atɨ ɓashita Həmɨnpwa ɓa shi nəngrən.” 6Təna dɨmə a muɗə vɨre som-som ta bwe ləmə feme da Həmɨnpwa, tən ta dɨmdə ootə dɨ sɨtɨ ɓwaare a hee kat təna pɨrədə.
Le a ɓwa həmɨn Hiridus
(Matta 14.1-12; 6.14-29)
7Ite Hiridus hama Galili a kɨl ləmə sɨndəla Yesu ka lagbe dan a dɨ ɗa, nda ndələ kɨr-kɨr gələ imi nee dɨ sa atɨ Yohana nzə-ɗa batisɨmatə nə maggə taane. 8Imi mgban atɨ kpala mya wa atɨ Iliya nə mɨna, naasə mgban hiɗə dɨ vor kpalyee kaaɗəng nə mɨna a vɨratə ka myentə. 9Le a ɓwa Hiridus nda sa, “Aɓə mgban hɨn bənggə nə Yohana, ɓə pɨri wonə ma dɨ ɗa wule səkushipa na dɨ kɨla?” Gə-angɨn Hiridus a ɨlə gə nda naa Yesu.
Yesu a zɨmdə morye haru bəw laka tuf
(Matta 14.13-21; Markus 6.30-44; Yohana 6.1-14)
10Ite kpe-lagbe da Yesu a mɨna dɨ hiwatə, təna paya a hakan a boyən shee təna ɗa kat, nda portɨrən a ɓotə a muɗə kaarən a vɨrate mya wa atɨ Betesda gə təna ɗɨmə a piya a hangɨn. 11Kat ka angɨn, ɓwaare a ɨl hee a dɨmkarən a haa təna muɗə də. Nda luutɨrən a boyərən ləməgye a nə həmne da Həmɨnpwa, nda gwadə myee dɨ mwo gwadəha a dɨmərən də ootə som-som.
12Ka fərə kaade lagbe dan a shi hakan a san, “Ndɨka hye boyə ɓwaare təna pɨrə vɨre kur-kuryee ka hee kat ɓwaare a gə də gə təna ɨl sɨzɨmtə ka haa bətə, gə hanə hɨm a gəmdə pɨɗə, taa asə də.”
13Yesu a sa lagbe dan, “Zə vəmərən sɨzɨmtə.”
Təna luwa a san, “Ganə hinə ka goɓoryi buroditə tuf ka vaakye kpe ɓəmbə, anda myaa ɗara i sɨzɨmti, inə aa dɨ kənə wule furo minə.” 14Moryee peyə hangɨn kat ɓa ɗa haru bəw laka tuf.
Nda sa lagbe dan, “Boyəmə ɓwaare maa təna nza njiya gbəwtə tuf-tuf.” 15Lagbe dan a ɗaasə, ɓwaare kat a nza njiya. 16Yesu a luu goɓoryi buroditɨngɨn tuf ka vaakingɨn kpe, nda maddə nəngɨn a pwa, nda ɗa hiwtə ka usəkətə a nə sɨzɨmtɨngɨn. Nda taka buroditɨngɨn ka vaakye a və lagbe dan gə təna ɓyana ɓwaare. 17Ɓwaare kat a zɨmshe a hyaɓa, lagbe dan a pedə mosərye konye bəw a mbiɗi-kpe.
La Bitrus a boyə nə Yesu
(Matta 16.13-19; Markus 8.27-29)
18A fərə Yesu a kangə haa ɓotə ta ɗa hiwtə ka lagbe dan a gyenge. Nda ɗiyərən, “Ɓwaare a dɨ sa atɨ hɨnə wonə ɓə?”
19Təna luwa a san, “Imi a dɨ sa atɨ hyenə Yohana nzə-ɗa batisɨmatə, imi atɨ hyenə kpale Iliya, imi mgban a dɨ sa atɨ ndəng hiɗə dɨ vor kpalyee kaaɗəng nə mɨna ka myentə.”
20Yesu a mɨna ɗiyərən, “Ɓə hwun mgban, hwuna sa hɨnə wonə?”
Bitrus ɓa luwa nda san, “Hyenə Ma Həmɨnpwa a Yaɓwarən a Həmɨnpwa a lyana.” 21Yesu a fyel-kwakingrən a gɨratɨrən kɨr-kɨr atɨ ɓe tənaa boyə a ma ləngɨn. 22Nda sarən, “Hɨn Nze da Ɓwaara ɓə nza mbak-mbak na pɨrə tənətə hananang. Myee ka həmnə njiya Yawude, ka kɨsehəmi kpan-kpanye dam, ka ji-lee kəndə ɓashita Musa kat, tən ɓa kwori a ɓɨlti. A mwaakɨnə bətə hɨn ɓa maggə taane ka myentə.”
23Nda sarən kat atɨ, “Ma dɨ mwa atɨ nda koɗi a gəə lagba de, mbak-mbak nda məntəmə nəngɨn a nggur kada ɓɨdɨmtɨ dan, nagi ndo fərə a kwaɗe. 24Gə ma kat dɨ mwi atɨ nda mbədə myensən ɓa ɗongərə, ma mgban ɗongə myensən gə le de ɓa mbədə. 25Ndawulasə ɓwaara ɓa dɨmə ka sate atɨ nda pedə shi vɨratə kat a shea ɗongə myensən, nda kɨɗa nəngɨn ɓaa? 26Ma ɗa sopi ka ləməgye de, hɨn Nze da Ɓwaara mgban na ɗa sopi mangɨn a fəra na mɨnakan a vɨratə ka fukatɨ de, ka fukata Baagi ka hɨnggə malyeni ɗəmɗəmye dan. 27Diyalə, ka tikɨs na dɨ boyownə, imi a vorsəwnə 'ye kanyi ganə ɓəgəng, aa dɨ kɨla we baa fəra tən ɓa naa shita həmne da Həmɨnpwa.”
Nggətta sɨtɨ Yesu
(Matta 17.1-18; Markus 9.2-8)
28Bətə fwa-fwat a beetɨ ləməgingɨn, Yesu a nggɨl Bitrus ka Yohana ka Yakubu a nggɨrə kaarən a nə mwe gə təna hiwo. 29Ite sɨne a vor hiwtə, humwasən a nggəɗə, sɨɓwetɨ dan a nggəɗə a huɗa pwat-pwat ta ɓɨra. 30Də a hangɨn ɓwaare kpe, tən yə kpale Musa ka Iliya, 31a ɗɨma a hakan ta byeli kan. Naasərən tənə ka fukatə, dɨ nggaara kɨr-kɨr. Təna pɨrə humwa ka byele ka Yesu a nə we dan a Urshelima gə nda naadə kanata Həmɨnpwa. 32Bitrus ka mbiɗitɨ lagbe kpe pɨrə shentə. Ite təna maggə shintə, təna naa Yesu a vor ɓɨrtə ka fukatɨ dan, ka mi kpeyee dɨ byeli kan. 33Ite Bitrus a naa Musa ka Iliya nee dɨ ɗaka Yesu ɓa muɗə, nda sa, “Həmɨ-hwoɗye, shisenə ganə nə pepe. Ndɨka hina ɗa bolkye mwaakɨn, hiɗə hɨnggu, hiɗə hɨnggə kpale Musa, hiɗə mgban hɨnggə kpale Iliya.” Ndaa lee la nda dɨ boyo.
34Ite Bitrus nee a vor byele tee, pɨrɓatə a janga a gbərən, kala a gə lagbe dan. 35Təna kɨla korme dɨ vor pɨrɓatɨngɨn dɨ sa atɨ, “Nze de nə anə ma na nggɨlə, samdə kwakingəwnə kɨləmrən.” 36Beetɨ korme, tənaa yə na ama, Yesu nə ɓəmbə kanyi dɨsərən. Təna kɨt ləngɨn a hubosərən tənaa boyə ama sa təna nan.
Yesu a dɨmdə pɨla nzə-dwatə dɨ sɨtɨ a nzə
(Matta 17.14-21; Markus 9.14-29)
37Haa ɓe kɨɗa, Yesu ka lagbe dan a jenggə nə mwe, ɓwaare hananang asɨ pan. 38Də a hangɨn a murə a vor ɓwaare a maddə kormɨngɨn a tuwo Yesu atɨ, “Nzə-kəndəshe, na dɨ nyisu hye gwadə nze de, sɨnə ke hiɗə kal-kal! 39Pɨla nzə-dwatə a pɨrə sɨsən, nda dɨ nzaa gəəshe, nda dɨ mbərhe, pwapule ta dɨma dɨ kwaamɨngɨn, pɨlangɨn a dɨ byengdən haa, ta vən sɨtɨ otə, ɓə mbakan nee. 40Na nyisə lagbe dəw gə təna dɨmdə pɨla nzə-dwatɨngɨn, tənaa mban.”
41Yesu a luwa a sarən atɨ, “Hii! Hwun ji-ɗongə mwadiyale, a ji mgbɨləha wanetɨnə! Baa goɗi na ɓə nza kəwna? Baa goɗi hɨn ɓa ɓwamosowa kəwna? Wemi ka nzəngɨn ganə.”
42Ite mya kɨsa nzəngɨn a shikan, pɨla nzə-dwate a sɨsən a ɗongdən a njiya, ndi ta mbərhe ta mgbəngtənyi ta rwati. Yesu a gɨra pɨla nzə-dwatɨngɨn a dɨmdən, nze a piyagə ootə, nda mɨndə nze a və baagən. 43Tən kat təna ɗa ndəle ka wule gəte Həmɨnpwa a bɨldə.
Təne a vor ndəle tee kat, Yesu a sa lagbe dan atɨ, 44“Samdə kwakingəwnə kɨləm, hwuna bəə myensəwnə ka la na boyownə. Hɨn Nze da Ɓwaara nə ama ɓa ɗərdi a tɨfə ɓwaare.” 45Shezə lagbe dan aa lee naarə la nda dɨ boyərən, ləngɨn a gərən ka kulitə, kala ɗi le a gərən.
Məntəmətə a nə kpanətə
(Matta 18.1-5; Markus 9.33-37)
46Lagbe dan a tiya məntəmətə a wakasərən a nə kpanətə, atɨ wonə pɨri kat ka kpanətə a vorsərən. 47Gəkɨlə Yesu lee la a yedingrən, nda nggura nzə-byelənge a kangdən a gyengəngɨn. 48Nda sarən, “Ma kat luu nzə-ɓyelənge gə le de, hɨnə nda luwo, ma kat luri mgban, Baagi a lyanari nə nda luwo. Gə a vorsəwnə ma mya ngguro atɨ sɨnə hyeti pɨri kat, sɨnə ma shee pɨri ka kpanətə.”
49Yohana a san, “Həmɨ-hwoɗye, hin naa ama dɨ dɨmdə pɨle ji-dwatə a vor kwakɨnga, hina ɓərə gə hina kərən gələ ɓə tam ɓwaa kam.”
50Yesu a san, “Ɓe hwunaa kərən, ma aa kwo nəngəwnə sɨne ɓwaa kəwnə.”
Mi Samariya a kwo luu Yesu
51Ite bətə dan ɓa dɨ naa, ndi ɓa mɨnə pwa, nda wuldə nəngɨn kpəkəkə dɨ Urshelima ta muɗi sə. 52Nda lyen imi atɨ a təna nda pɨrgən a humwa a itɨ vɨrati a njiya Samariya gə təna ɗandə haa sɨne dɨ zə. 53Mi vɨratɨngɨn a kwo luu myee Yesu a lyentɨrən, gə Yesu wuldə nəngɨn dɨ Urshelima ɓa muɗə də. 54Imi dɨ vor lagbe dan, ɓətɨ yə Yakubu ka Yohana ɓe niyəte təna sa Yesu, “Həmɨmiye, hye ɓa mwa hina wa ɗiye dɨ pwa nda hyanarən?” 55Yesu a virwo a gɨratɨrən. 56Də təna pɨrə a muɗə itɨ vɨrati.
Myee ɓa koɗə Yesu
(Matta 8.19-22)
57Təne a nə tɨfe dɨ muɗi, a ma a sa Yesu atɨ, “Hɨn ɓa koɗu, nagi a ndo haa hye ɓa wudə.”
58Yesu a san, “Botəlye nə ka goye darən, ɓakarye mgban tənə ka vəningrən, ɓə hɨn Nze da Ɓwaara taa haa nzati ke.”
59Yesu a sa ama, “Kwaɗe.”
Mangɨn a luwa a san, “Həmɨmiye, zə ɗake a na kula baagi a mbɨrə na ɗɨk wongɨn a mbəə.”
60Yesu a san, “Ɗaka wogye a təna ɗək wogye darən. Hye, muɗə hiwatə ka həmne da Həmɨnpwa.”
61Ama a mɨna sa Yesu atɨ, “Həmɨmiye hɨn ɓa koɗu, zə kula na mɨna dɨ gə mi hwode kwasatə.”
62Yesu a luwa a san, “Ma kat nggur tɨfəngɨn bə ngyeɗə naakə hawtə nda mɨna ɓiya a dɨ nidə beesən, ndaa kənə nda lyenə həmne da Həmɨnpwa.”
လက္ရွိေရြးခ်ယ္ထားမွု
Luka 9: bcy
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Luka 9
9
Yesu a lyen lagbe dan
(Matta 10.5-15; Markus 6.7-13)
1Yesu a waga lagbe dan bəw a mbiɗi-kpe 'ye nda nggɨlə, nda vərən gətə ka nyerətə a nə pɨle ji-dwatə, təna mɨna piyadə ɓwaare gə ootə som-som. 2Nda lyentɨrən atɨ maa təna dɨmə a hiwa ɓwaare ləmə həmne da Həmɨnpwa, təna dɨmdə ootə gə sɨtɨ ɓwaare. 3Nda sarən atɨ, “Ɓe hwunaa nggur asə gə omotə a nə tɨfe, nagi gaarati, nagi zambɨramə#9.3 Zambɨrame nə gbɨra., nagi sɨzɨmti, nagi taa, nagi sɨɓwete hwun ɓa nggəddərən nə. 4Nagi a ndo hwoɗi hwuna pɨrə, nzam də baa a dɨmə fəra hwun ɓa ɗaka vɨratɨngɨn də. 5Vɨrate kat ɓwaare aa lurəwnə də, dɨməmgə vɨratɨngɨn, hwun kana ɓa dɨmə, hwuna kpəwgə bɨr-bɨrə mbwayingəwnə, angɨn ɓa bɨlə mingɨn atɨ ɓashita Həmɨnpwa ɓa shi nəngrən.” 6Təna dɨmə a muɗə vɨre som-som ta bwe ləmə feme da Həmɨnpwa, tən ta dɨmdə ootə dɨ sɨtɨ ɓwaare a hee kat təna pɨrədə.
Le a ɓwa həmɨn Hiridus
(Matta 14.1-12; 6.14-29)
7Ite Hiridus hama Galili a kɨl ləmə sɨndəla Yesu ka lagbe dan a dɨ ɗa, nda ndələ kɨr-kɨr gələ imi nee dɨ sa atɨ Yohana nzə-ɗa batisɨmatə nə maggə taane. 8Imi mgban atɨ kpala mya wa atɨ Iliya nə mɨna, naasə mgban hiɗə dɨ vor kpalyee kaaɗəng nə mɨna a vɨratə ka myentə. 9Le a ɓwa Hiridus nda sa, “Aɓə mgban hɨn bənggə nə Yohana, ɓə pɨri wonə ma dɨ ɗa wule səkushipa na dɨ kɨla?” Gə-angɨn Hiridus a ɨlə gə nda naa Yesu.
Yesu a zɨmdə morye haru bəw laka tuf
(Matta 14.13-21; Markus 6.30-44; Yohana 6.1-14)
10Ite kpe-lagbe da Yesu a mɨna dɨ hiwatə, təna paya a hakan a boyən shee təna ɗa kat, nda portɨrən a ɓotə a muɗə kaarən a vɨrate mya wa atɨ Betesda gə təna ɗɨmə a piya a hangɨn. 11Kat ka angɨn, ɓwaare a ɨl hee a dɨmkarən a haa təna muɗə də. Nda luutɨrən a boyərən ləməgye a nə həmne da Həmɨnpwa, nda gwadə myee dɨ mwo gwadəha a dɨmərən də ootə som-som.
12Ka fərə kaade lagbe dan a shi hakan a san, “Ndɨka hye boyə ɓwaare təna pɨrə vɨre kur-kuryee ka hee kat ɓwaare a gə də gə təna ɨl sɨzɨmtə ka haa bətə, gə hanə hɨm a gəmdə pɨɗə, taa asə də.”
13Yesu a sa lagbe dan, “Zə vəmərən sɨzɨmtə.”
Təna luwa a san, “Ganə hinə ka goɓoryi buroditə tuf ka vaakye kpe ɓəmbə, anda myaa ɗara i sɨzɨmti, inə aa dɨ kənə wule furo minə.” 14Moryee peyə hangɨn kat ɓa ɗa haru bəw laka tuf.
Nda sa lagbe dan, “Boyəmə ɓwaare maa təna nza njiya gbəwtə tuf-tuf.” 15Lagbe dan a ɗaasə, ɓwaare kat a nza njiya. 16Yesu a luu goɓoryi buroditɨngɨn tuf ka vaakingɨn kpe, nda maddə nəngɨn a pwa, nda ɗa hiwtə ka usəkətə a nə sɨzɨmtɨngɨn. Nda taka buroditɨngɨn ka vaakye a və lagbe dan gə təna ɓyana ɓwaare. 17Ɓwaare kat a zɨmshe a hyaɓa, lagbe dan a pedə mosərye konye bəw a mbiɗi-kpe.
La Bitrus a boyə nə Yesu
(Matta 16.13-19; Markus 8.27-29)
18A fərə Yesu a kangə haa ɓotə ta ɗa hiwtə ka lagbe dan a gyenge. Nda ɗiyərən, “Ɓwaare a dɨ sa atɨ hɨnə wonə ɓə?”
19Təna luwa a san, “Imi a dɨ sa atɨ hyenə Yohana nzə-ɗa batisɨmatə, imi atɨ hyenə kpale Iliya, imi mgban a dɨ sa atɨ ndəng hiɗə dɨ vor kpalyee kaaɗəng nə mɨna ka myentə.”
20Yesu a mɨna ɗiyərən, “Ɓə hwun mgban, hwuna sa hɨnə wonə?”
Bitrus ɓa luwa nda san, “Hyenə Ma Həmɨnpwa a Yaɓwarən a Həmɨnpwa a lyana.” 21Yesu a fyel-kwakingrən a gɨratɨrən kɨr-kɨr atɨ ɓe tənaa boyə a ma ləngɨn. 22Nda sarən, “Hɨn Nze da Ɓwaara ɓə nza mbak-mbak na pɨrə tənətə hananang. Myee ka həmnə njiya Yawude, ka kɨsehəmi kpan-kpanye dam, ka ji-lee kəndə ɓashita Musa kat, tən ɓa kwori a ɓɨlti. A mwaakɨnə bətə hɨn ɓa maggə taane ka myentə.”
23Nda sarən kat atɨ, “Ma dɨ mwa atɨ nda koɗi a gəə lagba de, mbak-mbak nda məntəmə nəngɨn a nggur kada ɓɨdɨmtɨ dan, nagi ndo fərə a kwaɗe. 24Gə ma kat dɨ mwi atɨ nda mbədə myensən ɓa ɗongərə, ma mgban ɗongə myensən gə le de ɓa mbədə. 25Ndawulasə ɓwaara ɓa dɨmə ka sate atɨ nda pedə shi vɨratə kat a shea ɗongə myensən, nda kɨɗa nəngɨn ɓaa? 26Ma ɗa sopi ka ləməgye de, hɨn Nze da Ɓwaara mgban na ɗa sopi mangɨn a fəra na mɨnakan a vɨratə ka fukatɨ de, ka fukata Baagi ka hɨnggə malyeni ɗəmɗəmye dan. 27Diyalə, ka tikɨs na dɨ boyownə, imi a vorsəwnə 'ye kanyi ganə ɓəgəng, aa dɨ kɨla we baa fəra tən ɓa naa shita həmne da Həmɨnpwa.”
Nggətta sɨtɨ Yesu
(Matta 17.1-18; Markus 9.2-8)
28Bətə fwa-fwat a beetɨ ləməgingɨn, Yesu a nggɨl Bitrus ka Yohana ka Yakubu a nggɨrə kaarən a nə mwe gə təna hiwo. 29Ite sɨne a vor hiwtə, humwasən a nggəɗə, sɨɓwetɨ dan a nggəɗə a huɗa pwat-pwat ta ɓɨra. 30Də a hangɨn ɓwaare kpe, tən yə kpale Musa ka Iliya, 31a ɗɨma a hakan ta byeli kan. Naasərən tənə ka fukatə, dɨ nggaara kɨr-kɨr. Təna pɨrə humwa ka byele ka Yesu a nə we dan a Urshelima gə nda naadə kanata Həmɨnpwa. 32Bitrus ka mbiɗitɨ lagbe kpe pɨrə shentə. Ite təna maggə shintə, təna naa Yesu a vor ɓɨrtə ka fukatɨ dan, ka mi kpeyee dɨ byeli kan. 33Ite Bitrus a naa Musa ka Iliya nee dɨ ɗaka Yesu ɓa muɗə, nda sa, “Həmɨ-hwoɗye, shisenə ganə nə pepe. Ndɨka hina ɗa bolkye mwaakɨn, hiɗə hɨnggu, hiɗə hɨnggə kpale Musa, hiɗə mgban hɨnggə kpale Iliya.” Ndaa lee la nda dɨ boyo.
34Ite Bitrus nee a vor byele tee, pɨrɓatə a janga a gbərən, kala a gə lagbe dan. 35Təna kɨla korme dɨ vor pɨrɓatɨngɨn dɨ sa atɨ, “Nze de nə anə ma na nggɨlə, samdə kwakingəwnə kɨləmrən.” 36Beetɨ korme, tənaa yə na ama, Yesu nə ɓəmbə kanyi dɨsərən. Təna kɨt ləngɨn a hubosərən tənaa boyə ama sa təna nan.
Yesu a dɨmdə pɨla nzə-dwatə dɨ sɨtɨ a nzə
(Matta 17.14-21; Markus 9.14-29)
37Haa ɓe kɨɗa, Yesu ka lagbe dan a jenggə nə mwe, ɓwaare hananang asɨ pan. 38Də a hangɨn a murə a vor ɓwaare a maddə kormɨngɨn a tuwo Yesu atɨ, “Nzə-kəndəshe, na dɨ nyisu hye gwadə nze de, sɨnə ke hiɗə kal-kal! 39Pɨla nzə-dwatə a pɨrə sɨsən, nda dɨ nzaa gəəshe, nda dɨ mbərhe, pwapule ta dɨma dɨ kwaamɨngɨn, pɨlangɨn a dɨ byengdən haa, ta vən sɨtɨ otə, ɓə mbakan nee. 40Na nyisə lagbe dəw gə təna dɨmdə pɨla nzə-dwatɨngɨn, tənaa mban.”
41Yesu a luwa a sarən atɨ, “Hii! Hwun ji-ɗongə mwadiyale, a ji mgbɨləha wanetɨnə! Baa goɗi na ɓə nza kəwna? Baa goɗi hɨn ɓa ɓwamosowa kəwna? Wemi ka nzəngɨn ganə.”
42Ite mya kɨsa nzəngɨn a shikan, pɨla nzə-dwate a sɨsən a ɗongdən a njiya, ndi ta mbərhe ta mgbəngtənyi ta rwati. Yesu a gɨra pɨla nzə-dwatɨngɨn a dɨmdən, nze a piyagə ootə, nda mɨndə nze a və baagən. 43Tən kat təna ɗa ndəle ka wule gəte Həmɨnpwa a bɨldə.
Təne a vor ndəle tee kat, Yesu a sa lagbe dan atɨ, 44“Samdə kwakingəwnə kɨləm, hwuna bəə myensəwnə ka la na boyownə. Hɨn Nze da Ɓwaara nə ama ɓa ɗərdi a tɨfə ɓwaare.” 45Shezə lagbe dan aa lee naarə la nda dɨ boyərən, ləngɨn a gərən ka kulitə, kala ɗi le a gərən.
Məntəmətə a nə kpanətə
(Matta 18.1-5; Markus 9.33-37)
46Lagbe dan a tiya məntəmətə a wakasərən a nə kpanətə, atɨ wonə pɨri kat ka kpanətə a vorsərən. 47Gəkɨlə Yesu lee la a yedingrən, nda nggura nzə-byelənge a kangdən a gyengəngɨn. 48Nda sarən, “Ma kat luu nzə-ɓyelənge gə le de, hɨnə nda luwo, ma kat luri mgban, Baagi a lyanari nə nda luwo. Gə a vorsəwnə ma mya ngguro atɨ sɨnə hyeti pɨri kat, sɨnə ma shee pɨri ka kpanətə.”
49Yohana a san, “Həmɨ-hwoɗye, hin naa ama dɨ dɨmdə pɨle ji-dwatə a vor kwakɨnga, hina ɓərə gə hina kərən gələ ɓə tam ɓwaa kam.”
50Yesu a san, “Ɓe hwunaa kərən, ma aa kwo nəngəwnə sɨne ɓwaa kəwnə.”
Mi Samariya a kwo luu Yesu
51Ite bətə dan ɓa dɨ naa, ndi ɓa mɨnə pwa, nda wuldə nəngɨn kpəkəkə dɨ Urshelima ta muɗi sə. 52Nda lyen imi atɨ a təna nda pɨrgən a humwa a itɨ vɨrati a njiya Samariya gə təna ɗandə haa sɨne dɨ zə. 53Mi vɨratɨngɨn a kwo luu myee Yesu a lyentɨrən, gə Yesu wuldə nəngɨn dɨ Urshelima ɓa muɗə də. 54Imi dɨ vor lagbe dan, ɓətɨ yə Yakubu ka Yohana ɓe niyəte təna sa Yesu, “Həmɨmiye, hye ɓa mwa hina wa ɗiye dɨ pwa nda hyanarən?” 55Yesu a virwo a gɨratɨrən. 56Də təna pɨrə a muɗə itɨ vɨrati.
Myee ɓa koɗə Yesu
(Matta 8.19-22)
57Təne a nə tɨfe dɨ muɗi, a ma a sa Yesu atɨ, “Hɨn ɓa koɗu, nagi a ndo haa hye ɓa wudə.”
58Yesu a san, “Botəlye nə ka goye darən, ɓakarye mgban tənə ka vəningrən, ɓə hɨn Nze da Ɓwaara taa haa nzati ke.”
59Yesu a sa ama, “Kwaɗe.”
Mangɨn a luwa a san, “Həmɨmiye, zə ɗake a na kula baagi a mbɨrə na ɗɨk wongɨn a mbəə.”
60Yesu a san, “Ɗaka wogye a təna ɗək wogye darən. Hye, muɗə hiwatə ka həmne da Həmɨnpwa.”
61Ama a mɨna sa Yesu atɨ, “Həmɨmiye hɨn ɓa koɗu, zə kula na mɨna dɨ gə mi hwode kwasatə.”
62Yesu a luwa a san, “Ma kat nggur tɨfəngɨn bə ngyeɗə naakə hawtə nda mɨna ɓiya a dɨ nidə beesən, ndaa kənə nda lyenə həmne da Həmɨnpwa.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.