Markus 16
16
Yesu maggə taane
(Matta 28.1-8; Luka 24.1-12; Yohana 20.1-10)
1Ka fərə kaade ite fərə piyatə pɨrə, yə Maryamu dɨ Magdala ka Maryamu nuwogə Yakubu ɗɨkənə Salomi a wudə a ɗara maare ka shi ɨhɨng-ɨhɨngye gə təna dɨ bəsə wo Yesu. 2Ka haa kɨɗatə dung-dung a fərə tiya lyenta Yawude, mandingɨn a maɗə tan, fəre a fɨlarən a nə tɨfə muttə a taane. 3Təna shea kangə ta ɗiyəsə atɨ, “Ɓə wonə ɓa mgbəngtənge də faratə a nggəɓəddə gə kwaamɨ taane?”
4Təne a vor byele tən ta maddə diingrən a niyə, mye nggəɓəddə kaɓa faratɨngɨn gə kwaamɨ taane. 5Tən ta pɨrə vor taane, təna naa a nzə-lagba kala shikungye, sɨne nza basa tɨfə zɨme, kala a gərən tən ta ndəli ka ləngɨn.
6Mangɨn a sarən, “Ɓe hwunaa ndələ ka ləngɨn. Yesu a dɨ Nazarat nə hwuna dɨ ɨlə, ndi ma mya gbaltən. Ndi maggə we ka myentə. Ɓə tam ganə. Niyəm naamə haa mya bədə wongɨn də. 7Zə wudəm boyəmə lagbe dan kat ka Bitrus atɨ, ‘Ɓə luwownə kwamətə dɨ muɗi ɓa pɨrə njiya Galili. Də a hangɨn hwun ɓa pan ɓətɨ nda liya boyownə.’ ”
8Ka sɨtɨ waratə ka kala, mandingɨn a dɨmgə taane a gyeɓə. Kwaamɨngrən aa yə mworən byelə gə tən mbərə ka kala.
[Dorshi tikɨshi kwamətə ka takala mya vədən dɨ haka Markus tamdə ka 16.9-20.]
Yesu a dɨma ka myee dɨ koɗən
(Matta 28.9-10,16-20; Luka 24.13-49; Yohana 20.11-23; Lyenta 1.6-8)
9Ite Yesu a maggə taane ka myentə ka haa kɨɗatə a fərə tiya lyentɨ da Yawude, metɨ kwaməte nda dɨma kaarə nə Maryamu dɨ Magdala ite nda dɨmərədə pɨle ji-dwatə tukolukpe dɨ sɨsə. 10Ngga muɗə a wudə a boyə mbiɗitɨ myee təna gə ka Yesu, ngga parən kat təne a vor vɨne dɨ təwi ta kehee. 11Ite təna kɨlə atɨ Yesu nee ka myentə baa nggi peyə kan, tənaa mwaka ləngɨn.
12Beetɨ angɨn Yesu a dɨma ka imi kpe dɨ vorsərən a itɨ sɨti ite təne dɨ woyi dɨmgə Urshelima dɨ muɗə a haa. 13Mingɨn a mɨnə vor Urshelima asɨ boyə mbiɗisərən ləngɨn. Shezə myee mya boyərən aa mwaka ləngɨn.
14Dɨ bee nda dɨma ka lagbe dan bəw a mbiɗi-hiɗə təne nza kat dɨ zɨmshe, nda dɨkarən gəkɨlə mgbɨləha ka ɗongə mwadiyale darən ka ite tənaa mwaka le da myee nan ka myentə.
15Nda mɨna sarən atɨ, “Dɨməm pɨrəmə hee kat a vor vɨratə, hiwamə nagi ndo sə kat a Həmɨnpwa ɗarən ka ləmə feme dan. 16Ma mwadiyale ke mya ɗan batisɨmatə ka haɓye, ɓa ɗɨm mbətə, ma kwo mwadiyale ke, ɓashitɨ we nee a nəngɨn. 17Myee mwadiyale ke tən ɓa ɗɨm gətə a ɗa sɨndəle som-som. A vor kwaka tən ɓa dɨmdə pɨle ji-dwatə gə sɨtɨ ɓwaare. Tən ɓa bwe kwaame som-som, 18tən ɓa kət rokonye ka tefingrən rokonyingɨn aa dɨ ɗawtɨrən. Nagi təna sop kyanatə asə aa dɨ gərən. Tən kana ɗa hiwtə a pukə ji-ootə tefingrən, tən ɓa piyagə ootə a nyerə.”
Mya nggur Yesu a muɗə pwa
(Luka 24.50-53; Lyenta 1.9-11)
19Ite Yesu Həmɨmiye bwe le kaarən mbəə kat, mya nggutən nda muɗə vor pwa a nza tɨfə zɨməngə Həmɨnpwa. 20Beetɨ shingɨn kat, lagbe dan a dɨmə a muɗə hee som-som ta hiwa ka le da Həmɨnpwa. Həmɨmiye a ɗa lyentə kaarən, dɨ ha bɨldə diyalə ləməgye dan ka vətə vərən gətɨ dan ite təna ɗa zərgi səkushipe kaarə.
လက္ရွိေရြးခ်ယ္ထားမွု
Markus 16: bcy
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Markus 16
16
Yesu maggə taane
(Matta 28.1-8; Luka 24.1-12; Yohana 20.1-10)
1Ka fərə kaade ite fərə piyatə pɨrə, yə Maryamu dɨ Magdala ka Maryamu nuwogə Yakubu ɗɨkənə Salomi a wudə a ɗara maare ka shi ɨhɨng-ɨhɨngye gə təna dɨ bəsə wo Yesu. 2Ka haa kɨɗatə dung-dung a fərə tiya lyenta Yawude, mandingɨn a maɗə tan, fəre a fɨlarən a nə tɨfə muttə a taane. 3Təna shea kangə ta ɗiyəsə atɨ, “Ɓə wonə ɓa mgbəngtənge də faratə a nggəɓəddə gə kwaamɨ taane?”
4Təne a vor byele tən ta maddə diingrən a niyə, mye nggəɓəddə kaɓa faratɨngɨn gə kwaamɨ taane. 5Tən ta pɨrə vor taane, təna naa a nzə-lagba kala shikungye, sɨne nza basa tɨfə zɨme, kala a gərən tən ta ndəli ka ləngɨn.
6Mangɨn a sarən, “Ɓe hwunaa ndələ ka ləngɨn. Yesu a dɨ Nazarat nə hwuna dɨ ɨlə, ndi ma mya gbaltən. Ndi maggə we ka myentə. Ɓə tam ganə. Niyəm naamə haa mya bədə wongɨn də. 7Zə wudəm boyəmə lagbe dan kat ka Bitrus atɨ, ‘Ɓə luwownə kwamətə dɨ muɗi ɓa pɨrə njiya Galili. Də a hangɨn hwun ɓa pan ɓətɨ nda liya boyownə.’ ”
8Ka sɨtɨ waratə ka kala, mandingɨn a dɨmgə taane a gyeɓə. Kwaamɨngrən aa yə mworən byelə gə tən mbərə ka kala.
[Dorshi tikɨshi kwamətə ka takala mya vədən dɨ haka Markus tamdə ka 16.9-20.]
Yesu a dɨma ka myee dɨ koɗən
(Matta 28.9-10,16-20; Luka 24.13-49; Yohana 20.11-23; Lyenta 1.6-8)
9Ite Yesu a maggə taane ka myentə ka haa kɨɗatə a fərə tiya lyentɨ da Yawude, metɨ kwaməte nda dɨma kaarə nə Maryamu dɨ Magdala ite nda dɨmərədə pɨle ji-dwatə tukolukpe dɨ sɨsə. 10Ngga muɗə a wudə a boyə mbiɗitɨ myee təna gə ka Yesu, ngga parən kat təne a vor vɨne dɨ təwi ta kehee. 11Ite təna kɨlə atɨ Yesu nee ka myentə baa nggi peyə kan, tənaa mwaka ləngɨn.
12Beetɨ angɨn Yesu a dɨma ka imi kpe dɨ vorsərən a itɨ sɨti ite təne dɨ woyi dɨmgə Urshelima dɨ muɗə a haa. 13Mingɨn a mɨnə vor Urshelima asɨ boyə mbiɗisərən ləngɨn. Shezə myee mya boyərən aa mwaka ləngɨn.
14Dɨ bee nda dɨma ka lagbe dan bəw a mbiɗi-hiɗə təne nza kat dɨ zɨmshe, nda dɨkarən gəkɨlə mgbɨləha ka ɗongə mwadiyale darən ka ite tənaa mwaka le da myee nan ka myentə.
15Nda mɨna sarən atɨ, “Dɨməm pɨrəmə hee kat a vor vɨratə, hiwamə nagi ndo sə kat a Həmɨnpwa ɗarən ka ləmə feme dan. 16Ma mwadiyale ke mya ɗan batisɨmatə ka haɓye, ɓa ɗɨm mbətə, ma kwo mwadiyale ke, ɓashitɨ we nee a nəngɨn. 17Myee mwadiyale ke tən ɓa ɗɨm gətə a ɗa sɨndəle som-som. A vor kwaka tən ɓa dɨmdə pɨle ji-dwatə gə sɨtɨ ɓwaare. Tən ɓa bwe kwaame som-som, 18tən ɓa kət rokonye ka tefingrən rokonyingɨn aa dɨ ɗawtɨrən. Nagi təna sop kyanatə asə aa dɨ gərən. Tən kana ɗa hiwtə a pukə ji-ootə tefingrən, tən ɓa piyagə ootə a nyerə.”
Mya nggur Yesu a muɗə pwa
(Luka 24.50-53; Lyenta 1.9-11)
19Ite Yesu Həmɨmiye bwe le kaarən mbəə kat, mya nggutən nda muɗə vor pwa a nza tɨfə zɨməngə Həmɨnpwa. 20Beetɨ shingɨn kat, lagbe dan a dɨmə a muɗə hee som-som ta hiwa ka le da Həmɨnpwa. Həmɨmiye a ɗa lyentə kaarən, dɨ ha bɨldə diyalə ləməgye dan ka vətə vərən gətɨ dan ite təna ɗa zərgi səkushipe kaarə.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.