Lucas 14
14
Jesús ijwiejiet pa i'nio' ti t'ikie'ni ti yiniji siojopa jloma ti i'nio 'wanjlijyi'n
1Siojopa jloma ti i'nio 'wanjlijyi'n, Jesús ijio 'wete siupa Fariseo ti anechiyas t'ipi, ti isijwane ti ti'yekiu'n. Jlam'ne papo ijia i'yen'ni. 2'Yina sekyi'i 'neje siupa i'nio' t'ipi ti t'ikie'ni jitieyi'i pa Jesús. 3Jesús sekyi'i i'yasat'ijyimpe siupapo Fariséojos, siu'neje papo taka'neyasane pet siupa Moisés jika'neyasajnaye, ti iyo'ate:
—¿Mi 'esiji ka tenajaje siojona jloma ti i'nio 'wanjlijyi'n ka tijwajieta pa, ni'ne ka jeye?
4'Yina lajk'ipa ka inkiujlie. Yamat'iyipi pak i'nio' ti je 'es, sekyi'i ijwiejiet'ne, ijliuyet'iyijpe ka nek.
5Sekyi'i ti kiak t'ipa iyonayijipi papo Fariséojos:
—¿Tepat'e yi'i ti asa'am, ti jlas pa ni'ne ti jiliajwa wakia siunie inkijmayewo, ti iniuk'i isia'm pa kiawe, ti jloma ti i'nio 'wanjlijyi'n, ma je t'ositieje ka inton kisie'e?
6Lajk'ipa ka 'najane paka wone ka inkiujlie pet.
Siupapo ti'yasajets'i ti ijioyi japa inlakijnieye
7Jesús ti i'winayi siupapo i'nio' 'yaka ti ti'yasajets'i, ti iyoyeyi kan'yekiujni'n, ti tijnayits'i siupuwa in'wetis isis ji'wetis papo i'nio' anechiyasas, kiak t'ipa iyonayijipi:
8—Siuti tijwa'yiyetapa ti i'yajts'a, ká amite siuniwa in'wetis ti isis, ji'wet napo i'nio' anechiyasas, 'lojwinie'e ka poye pa siunie ti ijiate ti janka'm atepe'e ti anechiyas pet. 9Jajno'wa siunie i'yajts'ase ka joyeyi japa jiliakijnieye, ka woyena'a 'ate, “Joskilia'm ni akiecha ji'wet jana jle'yiji'n.” Sekjane'yi ka wujwana'a ka i'najwel'ni, ka akiena'a ti ja ajyijyi'n jlaja papo, yi'i puwa in'wetis tome jlaja.
10“'Yejne'n, siuti japoye pa jan'yajts'a ka joyi japa jiliakijnieye, 'esijyi ka a'yiji'n siuniwa in'wetis tome jlaja. 'Nakayeyijna'a jana'am siunie ti i'yajts'a ka woyena'a 'ate, “'Ni isiecha, we'eje'n siuniwa in'wetis inia'an.” 'Nakayijna'a jan'we'en siunapo jlejiape'n ti jitie'yi jana inak totieja ape'e ti ijiate kiak jiwo anechiyasts'a'm pet.#Pr 25.6-7 11Kiak iyo siunie i'nio' ti initonit, ja ke tiwok lajaye, jlampet siunie i'nio' ti je initonit, nak ja wujwa pet ti ja tiwok lajaye.
12Sekyi'i pa Jesús iyonat'iyijpe 'ate pak siupa tane papo ijia ka ijnoyi japa jiliakijnieye:
—Siuti jikapijna'n, ká a'yase napo ajajnajwas, ni'ne ka napokaye a'wetijwas, siunapo a'm ijia, siunapo jwajla'a i'wi'in. Kajeyepa ti kiak janwo'na pet ka inkapijnantajna'a pet kanlesantajasi japa jiliakijnieye, ka ineniejenie'e pet siunie jiwone ti jikojniejne'n. 13Siuti jalesane jana alakijnieye, ane siunapo i'nio' p'ijliusis, siunapo laj jweyeja', siunapo je t'ojni'n, siu'neje napo talojo'. 14'Nakayeyijna'a ka Sinia' inwe'nase'm siunie 'es jikap'ijliuskiye, kajeyepa ti ja ke inkajlisi ka kiak inwo'nase pet ka inejni siunie jiwone, sekjane'yi ti ja'we'en janak akaja siupa jloma ka inotiek'i kisie'e siunapo isis jla'am ti ja intajli ni a'no' ti janapits'i pijia'm.
Jesús i'yejnap siojopa inlakijnieye ti wuj, ti taka'neyasa'n
(Mt 22.1-10)
15Ti its'iuyesi'ni siupapo teje'yi ape'e japa inak totieja ape'e, ijwienjli'ne siupa tamti ti iyone 'ate pa Jesús:
—¡Ja wujwa ni nikanitieyeja' siunapo i'nio' ts'iji yi'i ni Sinia' jika anechijiayas ti janikijwa'n!
16Jesús iyone'ne 'ate paka ti ipi'yayeyi ti kia'iyo:
—Pojompe pa i'nio' ti iyo liakijnieyeja', ka kia'iwo ka lakiyi'i pa jipenik ti ilisane, kajeyepa ti 'loj papo i'nio' ijliuye ka ijnoye ti iyo liakijnieyeja'. 17Ti yiyet'iyipi ti iyo kan'yekiujni'n, ijliuyet'ipi pa jikawo ka injwele ti wakal pa impenik siupapo i'yasits'i, ti iyo'ate, “'Esiji, wakal. Naja'ni.” 18'Yina wikie'eyi ti ijwil ka je intemisi pi k'iejliyi ti jla'm ininenits'i'ni wekie'e. Siupa iniajnat ti ijiotaja iyoyet'ipi 'ate, “Anip'elisi'na 'ni isiecha, ká atajlatk'imna'a ti je akajli ka yik. Je pajk'iyi ti ateme ti aki ja iwiesok, jota'yene.” 19Siupa jikiecha iyo jla'am 'ate, “Anip'elisi'na 'ni isiecha, ká atajlatk'imna'a ti je akajli ka yik. Jawaka jla'am jawa wakiajas inkijmayewos, aki 'neye, k'iejliyi jota ijyijlite.” 20Siupi jikiecha iyo'ate, “Je pajk'iyi ti ajwa'yi, it'imina ti je akajli ka yik.”
21“Ijiatjliyi, yapi'ni wek siupa inkawo ti ijwile pa jika anechiyas iyo papo ijiotajats'i. Sekyi'i jwesie'ne pa anechiyas, iyo'ne 'ate ti ijwijla'm pa jikawo, “Maj ka ajloni niwa isi'il jika'wulis siuniwa wus, siu'neje niwa sajmela'aja'n, niwak nok'i ka akk'i'ni siunapo i'nio' p'ijliusis, siunapo laj jweyeja', siunapo je t'ojni'n, siu'neje napo talojo'.” 22Yam'ne siupa inkawo, 'yina paj ti 'nesat'ipi, ijwilayi pa jika anechiyas ti iyo'ate, “Ateme, 'ni 'yaka anechiyas, siunie jijliuk'i'm ka iyoyi, 'yina mawata'a je ijlien'ni jana 'wuk.” 23Siupa jika anechiyas isiujlie ti iyo'ate, “Majkiunie'e, ekiajli'ni ni 'la'an, jalas'ni paka 'wenta ka nam'ne ka ijnok'i, ijiatjliyijna'a ka impoyi 'ni i'wit. 24Ajwe'lase'm ti siunapo ti anajnatta ti antajats'i ja lajak'iyi paka isijwane.”
Janajnat ti jani'ye'en siuti ja akajli ka akk'i pa Jesús
(Mt 10.37-38)
25'Loj papo i'nio' yamk'i pa Jesús; tejeyet'ipi ilia'm, sekyi'i iyone'ne 'ate:
26—I'nio' ni jajnok'i ja ke inkajli ka iyo 'yiyasanikie' siuti jlemijnaye ja ke inka'm ape'e napo jiniewot iyone ti yimi'n, ti ja semi'n pet. Iyone ti yimi'n jana jik'iemjla, siunapo jilis, siunapo ji'niayi ijwienjliyi, ayinie ni'ne ti janaka asejnia, jla'yi ti jla'am siunie iyo ti ininemi'n. 27Siunie i'nio' ja ke intejlia jana jika cruz, ka ina'm ijyik'i, kia'iyojliyi nak ja ke ikajli ka inwo 'yiyasanikie'. 28'Yejne'n, siuti asa'am ti japoye pa janlesane siojona 'wuk ti toj pijia'm, ¿jot'itie ka je inajnat ka intankiun'ni, kan'ye'en siupa jak'ieye japa jantejwe'e ka wakajla japa 'wuk? 29Ka kiak je inwone, kanjwelat'itie kankima, jan'we'en ti ja ke ijnoj'li ape'e siojopa itiejieta, janleyi ti janlesane, ijia inlakiyeta, 30ka woyet'itie 'ate, “'Yejne'n pet siunie i'nio' pajk'ipe ti isimataja jana 'wuk, mam ka inteme.”
31“Ni'ne ka poye siunie anechiyas ti janek'ilia'm siupa jikojwa ti anechiyas 'neje, ti janilajne'n, kiak iyojliyi, ¿jot'itie ka jitiej je inene'ni 'ate, ti jan'ye'en papo jika tokis ti diez mil pa nojwaja'm, ka intayi pa jikiecha ti jika tokis 'loj jla'am, veinte mil siupa nojwaja'm, ti name? 32Je int'ayeyiji'n siunie jawo, siupa anechiyas janjlo' papo jikawos, ti i'wi'in ti tojjli'ijyi ilia'm papo jitiejiejwas, ka neki pi ji'lij pa jika anechiyas ti jawo'ate, “¿Tepat'e ka iyotaja ka ikajmak 'nakayi?
33“Kiak iyo ni i'nio' ti je ijiut 'niji siuniwa i'wi'in, ja ke ikajli ka inwo 'yiyasanikie'.
Siunie sijwonie ti lajata jitiusiye
(Mt 5.13; Mc 9.50)
34“Siunie sijwonie 'es ti jitiusi je no'we,#14.34 Ti pajank'ipe siunie sijwonie, pojompe siupa ti ijiat ti 'es jitiusi je ta'a ka no'we, 'yina po 'neje siupa ti jitiusi je t'o'ni (14.34) jlam'ne pet ti nojwata'a, lajk'iyi paka tiwonaja ka inapi'li ka tosiyeje'ijyi. 35Ka najataja wek ni ajnat ka 'esieye pet, ka k'iejliyeyi 'neje pa. Lajk'ipa jikiechaye ka tiwonaja, ja titietaja.
“Siuti ask'iot tiojwa'l po', k'iuyeyi 'naka.”
လက္ရွိေရြးခ်ယ္ထားမွု
Lucas 14: CRT97
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Nuevo Testamento en Chorote © Sociedades Biblicas Unidas, 1997.
Lucas 14
14
Jesús ijwiejiet pa i'nio' ti t'ikie'ni ti yiniji siojopa jloma ti i'nio 'wanjlijyi'n
1Siojopa jloma ti i'nio 'wanjlijyi'n, Jesús ijio 'wete siupa Fariseo ti anechiyas t'ipi, ti isijwane ti ti'yekiu'n. Jlam'ne papo ijia i'yen'ni. 2'Yina sekyi'i 'neje siupa i'nio' t'ipi ti t'ikie'ni jitieyi'i pa Jesús. 3Jesús sekyi'i i'yasat'ijyimpe siupapo Fariséojos, siu'neje papo taka'neyasane pet siupa Moisés jika'neyasajnaye, ti iyo'ate:
—¿Mi 'esiji ka tenajaje siojona jloma ti i'nio 'wanjlijyi'n ka tijwajieta pa, ni'ne ka jeye?
4'Yina lajk'ipa ka inkiujlie. Yamat'iyipi pak i'nio' ti je 'es, sekyi'i ijwiejiet'ne, ijliuyet'iyijpe ka nek.
5Sekyi'i ti kiak t'ipa iyonayijipi papo Fariséojos:
—¿Tepat'e yi'i ti asa'am, ti jlas pa ni'ne ti jiliajwa wakia siunie inkijmayewo, ti iniuk'i isia'm pa kiawe, ti jloma ti i'nio 'wanjlijyi'n, ma je t'ositieje ka inton kisie'e?
6Lajk'ipa ka 'najane paka wone ka inkiujlie pet.
Siupapo ti'yasajets'i ti ijioyi japa inlakijnieye
7Jesús ti i'winayi siupapo i'nio' 'yaka ti ti'yasajets'i, ti iyoyeyi kan'yekiujni'n, ti tijnayits'i siupuwa in'wetis isis ji'wetis papo i'nio' anechiyasas, kiak t'ipa iyonayijipi:
8—Siuti tijwa'yiyetapa ti i'yajts'a, ká amite siuniwa in'wetis ti isis, ji'wet napo i'nio' anechiyasas, 'lojwinie'e ka poye pa siunie ti ijiate ti janka'm atepe'e ti anechiyas pet. 9Jajno'wa siunie i'yajts'ase ka joyeyi japa jiliakijnieye, ka woyena'a 'ate, “Joskilia'm ni akiecha ji'wet jana jle'yiji'n.” Sekjane'yi ka wujwana'a ka i'najwel'ni, ka akiena'a ti ja ajyijyi'n jlaja papo, yi'i puwa in'wetis tome jlaja.
10“'Yejne'n, siuti japoye pa jan'yajts'a ka joyi japa jiliakijnieye, 'esijyi ka a'yiji'n siuniwa in'wetis tome jlaja. 'Nakayeyijna'a jana'am siunie ti i'yajts'a ka woyena'a 'ate, “'Ni isiecha, we'eje'n siuniwa in'wetis inia'an.” 'Nakayijna'a jan'we'en siunapo jlejiape'n ti jitie'yi jana inak totieja ape'e ti ijiate kiak jiwo anechiyasts'a'm pet.#Pr 25.6-7 11Kiak iyo siunie i'nio' ti initonit, ja ke tiwok lajaye, jlampet siunie i'nio' ti je initonit, nak ja wujwa pet ti ja tiwok lajaye.
12Sekyi'i pa Jesús iyonat'iyijpe 'ate pak siupa tane papo ijia ka ijnoyi japa jiliakijnieye:
—Siuti jikapijna'n, ká a'yase napo ajajnajwas, ni'ne ka napokaye a'wetijwas, siunapo a'm ijia, siunapo jwajla'a i'wi'in. Kajeyepa ti kiak janwo'na pet ka inkapijnantajna'a pet kanlesantajasi japa jiliakijnieye, ka ineniejenie'e pet siunie jiwone ti jikojniejne'n. 13Siuti jalesane jana alakijnieye, ane siunapo i'nio' p'ijliusis, siunapo laj jweyeja', siunapo je t'ojni'n, siu'neje napo talojo'. 14'Nakayeyijna'a ka Sinia' inwe'nase'm siunie 'es jikap'ijliuskiye, kajeyepa ti ja ke inkajlisi ka kiak inwo'nase pet ka inejni siunie jiwone, sekjane'yi ti ja'we'en janak akaja siupa jloma ka inotiek'i kisie'e siunapo isis jla'am ti ja intajli ni a'no' ti janapits'i pijia'm.
Jesús i'yejnap siojopa inlakijnieye ti wuj, ti taka'neyasa'n
(Mt 22.1-10)
15Ti its'iuyesi'ni siupapo teje'yi ape'e japa inak totieja ape'e, ijwienjli'ne siupa tamti ti iyone 'ate pa Jesús:
—¡Ja wujwa ni nikanitieyeja' siunapo i'nio' ts'iji yi'i ni Sinia' jika anechijiayas ti janikijwa'n!
16Jesús iyone'ne 'ate paka ti ipi'yayeyi ti kia'iyo:
—Pojompe pa i'nio' ti iyo liakijnieyeja', ka kia'iwo ka lakiyi'i pa jipenik ti ilisane, kajeyepa ti 'loj papo i'nio' ijliuye ka ijnoye ti iyo liakijnieyeja'. 17Ti yiyet'iyipi ti iyo kan'yekiujni'n, ijliuyet'ipi pa jikawo ka injwele ti wakal pa impenik siupapo i'yasits'i, ti iyo'ate, “'Esiji, wakal. Naja'ni.” 18'Yina wikie'eyi ti ijwil ka je intemisi pi k'iejliyi ti jla'm ininenits'i'ni wekie'e. Siupa iniajnat ti ijiotaja iyoyet'ipi 'ate, “Anip'elisi'na 'ni isiecha, ká atajlatk'imna'a ti je akajli ka yik. Je pajk'iyi ti ateme ti aki ja iwiesok, jota'yene.” 19Siupa jikiecha iyo jla'am 'ate, “Anip'elisi'na 'ni isiecha, ká atajlatk'imna'a ti je akajli ka yik. Jawaka jla'am jawa wakiajas inkijmayewos, aki 'neye, k'iejliyi jota ijyijlite.” 20Siupi jikiecha iyo'ate, “Je pajk'iyi ti ajwa'yi, it'imina ti je akajli ka yik.”
21“Ijiatjliyi, yapi'ni wek siupa inkawo ti ijwile pa jika anechiyas iyo papo ijiotajats'i. Sekyi'i jwesie'ne pa anechiyas, iyo'ne 'ate ti ijwijla'm pa jikawo, “Maj ka ajloni niwa isi'il jika'wulis siuniwa wus, siu'neje niwa sajmela'aja'n, niwak nok'i ka akk'i'ni siunapo i'nio' p'ijliusis, siunapo laj jweyeja', siunapo je t'ojni'n, siu'neje napo talojo'.” 22Yam'ne siupa inkawo, 'yina paj ti 'nesat'ipi, ijwilayi pa jika anechiyas ti iyo'ate, “Ateme, 'ni 'yaka anechiyas, siunie jijliuk'i'm ka iyoyi, 'yina mawata'a je ijlien'ni jana 'wuk.” 23Siupa jika anechiyas isiujlie ti iyo'ate, “Majkiunie'e, ekiajli'ni ni 'la'an, jalas'ni paka 'wenta ka nam'ne ka ijnok'i, ijiatjliyijna'a ka impoyi 'ni i'wit. 24Ajwe'lase'm ti siunapo ti anajnatta ti antajats'i ja lajak'iyi paka isijwane.”
Janajnat ti jani'ye'en siuti ja akajli ka akk'i pa Jesús
(Mt 10.37-38)
25'Loj papo i'nio' yamk'i pa Jesús; tejeyet'ipi ilia'm, sekyi'i iyone'ne 'ate:
26—I'nio' ni jajnok'i ja ke inkajli ka iyo 'yiyasanikie' siuti jlemijnaye ja ke inka'm ape'e napo jiniewot iyone ti yimi'n, ti ja semi'n pet. Iyone ti yimi'n jana jik'iemjla, siunapo jilis, siunapo ji'niayi ijwienjliyi, ayinie ni'ne ti janaka asejnia, jla'yi ti jla'am siunie iyo ti ininemi'n. 27Siunie i'nio' ja ke intejlia jana jika cruz, ka ina'm ijyik'i, kia'iyojliyi nak ja ke ikajli ka inwo 'yiyasanikie'. 28'Yejne'n, siuti asa'am ti japoye pa janlesane siojona 'wuk ti toj pijia'm, ¿jot'itie ka je inajnat ka intankiun'ni, kan'ye'en siupa jak'ieye japa jantejwe'e ka wakajla japa 'wuk? 29Ka kiak je inwone, kanjwelat'itie kankima, jan'we'en ti ja ke ijnoj'li ape'e siojopa itiejieta, janleyi ti janlesane, ijia inlakiyeta, 30ka woyet'itie 'ate, “'Yejne'n pet siunie i'nio' pajk'ipe ti isimataja jana 'wuk, mam ka inteme.”
31“Ni'ne ka poye siunie anechiyas ti janek'ilia'm siupa jikojwa ti anechiyas 'neje, ti janilajne'n, kiak iyojliyi, ¿jot'itie ka jitiej je inene'ni 'ate, ti jan'ye'en papo jika tokis ti diez mil pa nojwaja'm, ka intayi pa jikiecha ti jika tokis 'loj jla'am, veinte mil siupa nojwaja'm, ti name? 32Je int'ayeyiji'n siunie jawo, siupa anechiyas janjlo' papo jikawos, ti i'wi'in ti tojjli'ijyi ilia'm papo jitiejiejwas, ka neki pi ji'lij pa jika anechiyas ti jawo'ate, “¿Tepat'e ka iyotaja ka ikajmak 'nakayi?
33“Kiak iyo ni i'nio' ti je ijiut 'niji siuniwa i'wi'in, ja ke ikajli ka inwo 'yiyasanikie'.
Siunie sijwonie ti lajata jitiusiye
(Mt 5.13; Mc 9.50)
34“Siunie sijwonie 'es ti jitiusi je no'we,#14.34 Ti pajank'ipe siunie sijwonie, pojompe siupa ti ijiat ti 'es jitiusi je ta'a ka no'we, 'yina po 'neje siupa ti jitiusi je t'o'ni (14.34) jlam'ne pet ti nojwata'a, lajk'iyi paka tiwonaja ka inapi'li ka tosiyeje'ijyi. 35Ka najataja wek ni ajnat ka 'esieye pet, ka k'iejliyeyi 'neje pa. Lajk'ipa jikiechaye ka tiwonaja, ja titietaja.
“Siuti ask'iot tiojwa'l po', k'iuyeyi 'naka.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Nuevo Testamento en Chorote © Sociedades Biblicas Unidas, 1997.