मात्ति 9
9
पुप्साब्याना याॽमि नुयाना
(मार्कुस २:१-१२; लुका ५:१७-२६)
1न्हाङा येसु फेरि डुङ्गाबे थाङाहोङ् तालगा खेप्पारिक उङ् वायाना साहारबे लासाआबा॥ 2न्नाबे एकोहिप्पाङ् याॽमिचिङा एको पुप्साब्याना याॽमि नेथामनुङ् येसुगा उयुम्बे ङ्खुरा॥ ङ्खा याॽमिचिगा बिस्वास निसुहोङ् येसुङा न्ना तुखाबाङ् खाॽला लु, “ओ आनुन्छा, साहास चोगा! ङ्गा पाप छेमा लेक्सामाहा॥”
3येसुङा न्ना याॽमि खाॽला लुना ङ्खेप्सुहोङ् धार्मासाप्ला चिन्खुबा इखिङ्ङा उङ्चि निङ्वाबे खाॽला ङ्गाया, “ना गो निङ्वाफुमागा बिरुद्दाबेॽले चेङ्मेॽना!”#९:३ धार्मासाप्ला चिन्खुबाचिङा येसु निङ्वाफुमागा उच्या ओम, न्हाङा उङ्बे याॽमिगा पाप छेमा चोक्माहा चोक्तोक वान्नेहा बाङ्ना चेॽयाबे बिस्वास न्जोगुनिन, ङ्खोङ्माङ् उङ्चिङा निङ्वाफुमागा बिरुद्दाबे चेङ्मेॽना न्लु॥
4येसुङा ङ्खाचिगा निङ्वाबेॽहा खा चेॽया था तोक्तुहोङ् खाॽला लुचि, “इजाङ् न्निङ्दा खाॽला निङ्वाबे इसिॽनुङ् मित्वाम्घा? 5इजाङ्बाङ्निङ् पुप्साब्याना याॽमि ‘ङ्गा पाप छेमा लेक्साहा’ लुॽमायेम ‘पोगाघोङ् लामा’ लुॽमा हेॽना च्हेन साजिलोना? 6ङ्खाॽनिङ्गो सोयानुम, ना ताम्दाङ्फुमाबे याॽमिगा उच्यानुङ् पाप छेमा चोक्माहा चोक्तोक वेॽहा बाङ्ना चेॽया न्निङ्दा था तोक्तानुम॥” न्हाङा उङा न्ना तुखाबाङ् लु, “हाकु पोगा, न्नेथाम खुघोङ् म्बाङ्बे ख्या॥” 7न्हाङ् न्ना याॽमि पोगाहोङ् उपाङ्बे ख्या॥ 8खाॽलाहा आच्चाम्माहा काम न्निसुहोङ् न्नाबेॽहा याॽमिचि ङ्गिसिता, न्हाङ् याॽमिचि खाॽलाहा साक्ति पिखुबा निङ्वाफुमागा पार्साम्सा न्जोगु॥
येसुङा मात्ति काना
(मार्कुस २:१३-१७; लुका ५:२७-३२)
9न्नाभाङ् येसु खेॽमास्यानिङ् तिरो हुङ्माना पाङ्बे एको मात्ति बाङ्ना याॽमि युङामासाना निसु॥ उङा न्ना लु, “कानुङ् लामा॥” न्हाङ् मात्ति पोगाहोङ् येसुगा हेक्साङ् लाचोगा॥
10मिहेक्साङ् मात्तिगा पाङ्बे येसु नुङ् उका चेलाचि चामा चासे ङ्युङानिङ्, प्याक तिरो पोक्खुबाचि नुङ् हेकोहा पापिचि चा न्दायाहोङ् उङ्चिनुङ् चामा चासे ङ्युङा॥#लुका १५:१-२ 11फारिसिचिङा खा चेॽया न्निसुहोङ् येसुगा चेलाचि न्लुचि, “इजाङ् न्निङ्गा चिन्खुबाङा च्हेन तिरो पोक्खुबाचि न्हाङ् हेकोहा पापिचिनुङ् सोरि युङ्मेहोङ् च्वाहा?”
12ङ्खाचिगा चेॽया खेप्सुहोङ् येसुङा लुचि, “न्दुगाब्यानिन्हा याॽमिगा लागि सिधाक्राङ्बा चाहान्जोङ्मेन्ना, ङ्खाॽनिङ्गो तुखाबाङ्चिगा लागि से चाहाबा चोङ्मेॽना॥ 13ङ्खाॽनिङ्गो न्निङ्दा नाभाङ् खेइघोङ् धार्मासाप्लाबे छेप्ताहा खा चेॽयागा तुम्बिला इहा ओम चिन्दानि– ‘का पोसुगा बोलि मेन्ना, ङ्खाॽनिङ्गो न्निङ्दा याॽमिचि दाया चोगुम्चिम्गानि बाङ्ना मिमेङ्ना॥’ इजाङ्बाङ्निङ् का धार्मोतिचि मेन्ना, ङ्खाॽनिङ्गो पापिचि कासे तायाङ्ना ओम॥”#मात्ति १२:७; होसे ६:६
उपाबासका उतुम्बे छिम्योक
(मार्कुस २:१८-२२; लुका ५:३३-३९)
14न्हाङा युहान्नागा चेलाचि येसु वायानाबे न्दायाहोङ् न्छिम्दु, “फारिसिचि नुङ् कानिङ् उपाबास युङिॽवाङ्, ङ्खाॽनिङ्गो इजाङ् ङ्गा चेलाचि च्हेन उपाबास ङ्युङ्मेनिन्हा?”
15येसुङा पोलोवा पिचि, “इना थाङ्छेङ्गा होक्ताबे न्दायाहा याॽमिचि थाङ्स्योङ्बा ङ्खाचिनुङ् वानुङ् सोम्मा सोक चोक्साङ् उपाबास ङ्युङ्मेहायि? ङ्खाॽनिङ्गो ङ्खाॽलाहा लेन चा न्दामे, जोबो थाङ्स्योङ्बा ङ्खाचिभाङ् फोङ्खेमे, ङ्खिङ्बेला ङ्खाचि उपाबास ङ्युङ्मेहा॥
16 “इसाङा चा उलिप्पा तेक ओछोङा तेक्का टालोङा न्लेप्त्वान्ना॥ # ९:१६ याहुदिचिगा चालानबे होक्साख्याना तेक ओछोङा तेक्का टालोङा लेप्माना चालान म्मायान॥ लेप्माभोङ् लेप्ताना तेक ह्वाप्माहोङ् फोॽमानिङ् उलिप्पा तेकङा ओछोङा तेक छुङ्दिमेत्वाहोङ् इसिॽनुङ् ओमेॽना भोङ् उङ्चि म्मिता॥ याहुदि हाङ्गुम्बाचिङा न्जिन्दुचिहा मोसाङा पिचिहा ब्यावास्थागा चेॽया उलिप्पा तेक लोॽवा साया, ङ्खाॽनिङ्गो येसुङा चिन्दुचिहा ओछोङा चेॽया च्हेन ओछोङाना तेक्का टालो लोॽवा साया॥ इजाङ्बाङ्निङ् ओछोङा टालोङा तेक नाघाक्स्वा, न्हाङा तेक झान तुक्नुङ् छिङ्खेमे॥
17 “ङ्खाॽलामाङ्, इसाङा चा ओछोङा सिम्लेॽमाङ्गा माध उलिप्पाना ह्वारिक्का खेसुप्पे ङ्युक्स्वान्हा, युक्सुभोङ् चा खेसुप पेङ्खेमे न्हाङ् सिम्लेॽमाङ्गा माध चा फोम्खेमे॥ ङ्खाॽनिङ्गो ओछोङा सिम्लेॽमाङ्गा माध ओछोङा खेसुप्पेॽमाङ् युङ्माहा॥ ङ्खाॽला चोक्माभोङ् खेसुप चा म्बेङ्मेन न्हाङ् सिम्लेॽमाङ्गा माध चा म्फोम्खेमेन॥”
स्याना मामु फेरि हिङाना
(मार्कुस ५:२१-४३; लुका ८:४०-५६)
18येसुङा ङ्खाचि खा चेॽया लुॽमास्यानिङ् एको याहुदि तायेन्राङ्बा न्नाबे तायाब्या॥ न्हाङ् उङा येसु फोप सेमेसाङ् खाॽला लु, “चिन्खुबा, आच्या मामु लोप्लोप स्यामा, ङ्खाॽनिङ्गो हाङ्बा ख्याघोङ् तोक्तिगाभोङ् उङ् हिङ्मेॽना॥”
19येसु पोगा न्हाङा उका चेलाचिनुङ् न्ना याॽमिगा हेक्साङ्-हेक्साङ् ङ्ख्या॥
20ङ्खिङ्बेलामाङ् एको एहिच फिम्बिलिङ् ओन्दाङ् नाहाङ्तो हेलि लोन्नुङ्खुबा बेथाङा याक्सुना एको तुखामाङ् येसुगा ओहेक्साङ् पोटिन्धाङ् तायाहोङ् येसुगा ओतेक्का उलाप तोक्ति॥ 21इजाङ्बाङ्निङ् न्ना मामु खाॽला मितामासा “का उका ओतेक से तोक्निमा तोक्तुङ्भोङ्चा नुमेङ्ना॥” 22न्हाङा येसु हिक्साहोङ् सोनिङ् न्ना मामु निसुहोङ् उङा लु, “मामु, साहास चोगा॥ ङ्गा बिस्वासङा न्दा नुमेतामागाना॥” न्हाङ् ङ्खिङ्बेलामाङ् न्ना मामु नुया॥
23न्हाङा येसु याहुदि तायेन्राङ्बागा पाङ्बे तासु॥ उङा न्नाबे फुलुलुबा#९:२३ सोक चोक्मानिङ् फुलुलुबा मुॽमाना चालान साया॥ मुखुबाचिनुङ् बिलाप चोक्खुबा प्याक याॽमिचि निसुचि॥ 24ङ्खाचि येसुङा लुचि, “न्निङ्दा घाक पाखा लोन्दाख्यानि, इजाङ्बाङ्निङ् ना मामु न्स्यामान्ना, ङ्खाॽनिङ्गो इप्साख्यामाना सेप्पा॥” खा चेॽया ङ्खेप्सुहोङ् ङ्खाचिङा ङ्युतुचो॥ 25येसुङा ङ्खा याॽमिचि पाखा लोन्धाक्सुचिहोङ् उङ् पाहोङ्बे उया॥ न्हाङा न्ना मामुगा उमुकपे लाबु, न्हाङ् न्ना मामु मुथिङ्गिरिक पोगा॥ 26न्हाङा खा चेॽया खाम्युक भोरि हिसा॥
हिप्पाङ् मिक्सुरुम्बाचि निखुबा लेक्साचिहा
27येसु न्नाभाङ् खेॽमास्यानिङ् हिप्पाङ् मिक्सुरुम्बाचि उका हेक्साङ्-हेक्साङ् लाचोक्साङ् खाॽला ओक्ताचि, “ओ दाउदका उच्या, कान्चिङ् दाया चोगा॥”
28येसु पाङ्बे तासुहोङ् पाहोङ्बे उया, न्हाङ् ङ्खा हिप्पाङ् मिक्सुरुम्बाचि चा येसु वायानाबे तायाब्याचि॥ येसुङा ङ्खाचि छिम्दुचि, “इना का न्जिङ्दा नुमेॽमा यामेॽनेन्चिन्हा भोङ् बिस्वास चोङ्मेचुघा?”
ङ्खाचिङा लुयाचु, “बिस्वास चोङ्मेङ्चुङ्हा, हाङ्बा॥”
29न्हाङा येसुङा ङ्खाचिगा मिकपे तोक्निसाङ् खाॽला लुचि, “ङ्खाॽलाभोङ्, न्जिङ्दा बिस्वास चोगाचुघा लोॽवा लेङ्नि॥” 30न्हाङ् ङ्खाचि निमा याखुबा लेक्साचि! येसुङा ङ्खाचि खाॽला लुचि, “खेप्साचु, खा चेॽया इसा चा न्लुयान्चुन्चिन॥” 31ङ्खाॽनिङ्गो ङ्खाचि न्नाभाङ् ख्याचिहोङ् येसुगा उतुम्बे न्ना लिङ्खाम घाकपे खेम्मेताचुचि॥
32येसु उका चेलाचिनुङ् न्ना ठोङ्भाङ् लोङ्खेॽमास्यानिङ्, याॽमिचिङा इसिॽना मुइङा याक्सुहोङ् लेम्सुरुम्बा लेक्साना एको याॽमि येसुगाबे न्दा॥ 33येसुङा न्ना याॽमिभाङ् इसिॽना मुइ लोन्धाक्सुहोङ् सोलोक न्ना याॽमि चेक्मा तारोक्तु॥ खा न्निसुहोङ् याॽमिचि आच्चाम्मा एसाङ् खाॽला कामा न्दारोक्तु, “खाॽलाहा गो इजिरेलबे हेॽनिङ्चा न्निसामासान्हा॥”
34ङ्खाॽनिङ्गो फारिसिचिङा खाॽला कामा न्दारोक्तु, “नाङा इसिॽहा मुइचिगा खाङ्खाङ्बागा साक्तिङा इसिॽहा मुइ लोन्दाहाक्स्वाचिहा॥” #मात्ति १०:२५; १२:२४; मार्कुस ३:२२; लुका ११:१५
मिॽयाङ् खेतालाचि
(मार्कुस ६:३४; लुका १०:२)
35येसुङा घाक साहार नुङ् तेनबेॽहा छुम्पाङ्चिबे चिन्साङ्, निङ्वाफुमागा राज्यागा उतुम्बे नुसाला खेम्मेतुचि न्हाङा घाक खाले तुक्मा-छाक्माभाङ् याॽमिचि नुमेतुचि॥#मात्ति ४:२३; मार्कुस १:३९; लुका ४:४४ 36उङा न्नाबेॽहा प्याक याॽमिचि निसुचिहोङ् उनिङ्वाबे उलुङ्मा तुक्तुगेतुचि॥ इजाङ्बाङ्निङ् ङ्खा याॽमिचि गो गोठाला मेॽनिङ्हा सामुङ्चिङा लाम्बु म्फाप्सिसिना लोॽवा न्हाङ् इहाचा चोक्मा मेयाखुबा लोॽवा न्लेक्सामासा॥#निप २७:१७; १ हाङ् २२:१७; २ उथुक्साला १८:१६; इजिकिएल ३४:५; मार्कुस ६:३४ 37न्हाङा येसुङा उका चेलाचि लुचि, “सोयानुम, चाचिॽया खोम्माहा गो प्याक वान्ने, ङ्खाॽनिङ्गो खेतालाचि मिॽयाङ्सेॽहाचि॥ #लुका १०:२ 38न्हाङामाङ् न्निङ्दा चाचिॽयागा ह्वाङ्बानुङ् चाचिॽया खोम्खुबा खेतालाचि पाक्साब्याभोङ् पार्थाना चोगानि॥”
လက္ရွိေရြးခ်ယ္ထားမွု
मात्ति 9: YAKH
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Wycliffe Bible Translators, Inc. and Nepal Bible Society
मात्ति 9
9
पुप्साब्याना याॽमि नुयाना
(मार्कुस २:१-१२; लुका ५:१७-२६)
1न्हाङा येसु फेरि डुङ्गाबे थाङाहोङ् तालगा खेप्पारिक उङ् वायाना साहारबे लासाआबा॥ 2न्नाबे एकोहिप्पाङ् याॽमिचिङा एको पुप्साब्याना याॽमि नेथामनुङ् येसुगा उयुम्बे ङ्खुरा॥ ङ्खा याॽमिचिगा बिस्वास निसुहोङ् येसुङा न्ना तुखाबाङ् खाॽला लु, “ओ आनुन्छा, साहास चोगा! ङ्गा पाप छेमा लेक्सामाहा॥”
3येसुङा न्ना याॽमि खाॽला लुना ङ्खेप्सुहोङ् धार्मासाप्ला चिन्खुबा इखिङ्ङा उङ्चि निङ्वाबे खाॽला ङ्गाया, “ना गो निङ्वाफुमागा बिरुद्दाबेॽले चेङ्मेॽना!”#९:३ धार्मासाप्ला चिन्खुबाचिङा येसु निङ्वाफुमागा उच्या ओम, न्हाङा उङ्बे याॽमिगा पाप छेमा चोक्माहा चोक्तोक वान्नेहा बाङ्ना चेॽयाबे बिस्वास न्जोगुनिन, ङ्खोङ्माङ् उङ्चिङा निङ्वाफुमागा बिरुद्दाबे चेङ्मेॽना न्लु॥
4येसुङा ङ्खाचिगा निङ्वाबेॽहा खा चेॽया था तोक्तुहोङ् खाॽला लुचि, “इजाङ् न्निङ्दा खाॽला निङ्वाबे इसिॽनुङ् मित्वाम्घा? 5इजाङ्बाङ्निङ् पुप्साब्याना याॽमि ‘ङ्गा पाप छेमा लेक्साहा’ लुॽमायेम ‘पोगाघोङ् लामा’ लुॽमा हेॽना च्हेन साजिलोना? 6ङ्खाॽनिङ्गो सोयानुम, ना ताम्दाङ्फुमाबे याॽमिगा उच्यानुङ् पाप छेमा चोक्माहा चोक्तोक वेॽहा बाङ्ना चेॽया न्निङ्दा था तोक्तानुम॥” न्हाङा उङा न्ना तुखाबाङ् लु, “हाकु पोगा, न्नेथाम खुघोङ् म्बाङ्बे ख्या॥” 7न्हाङ् न्ना याॽमि पोगाहोङ् उपाङ्बे ख्या॥ 8खाॽलाहा आच्चाम्माहा काम न्निसुहोङ् न्नाबेॽहा याॽमिचि ङ्गिसिता, न्हाङ् याॽमिचि खाॽलाहा साक्ति पिखुबा निङ्वाफुमागा पार्साम्सा न्जोगु॥
येसुङा मात्ति काना
(मार्कुस २:१३-१७; लुका ५:२७-३२)
9न्नाभाङ् येसु खेॽमास्यानिङ् तिरो हुङ्माना पाङ्बे एको मात्ति बाङ्ना याॽमि युङामासाना निसु॥ उङा न्ना लु, “कानुङ् लामा॥” न्हाङ् मात्ति पोगाहोङ् येसुगा हेक्साङ् लाचोगा॥
10मिहेक्साङ् मात्तिगा पाङ्बे येसु नुङ् उका चेलाचि चामा चासे ङ्युङानिङ्, प्याक तिरो पोक्खुबाचि नुङ् हेकोहा पापिचि चा न्दायाहोङ् उङ्चिनुङ् चामा चासे ङ्युङा॥#लुका १५:१-२ 11फारिसिचिङा खा चेॽया न्निसुहोङ् येसुगा चेलाचि न्लुचि, “इजाङ् न्निङ्गा चिन्खुबाङा च्हेन तिरो पोक्खुबाचि न्हाङ् हेकोहा पापिचिनुङ् सोरि युङ्मेहोङ् च्वाहा?”
12ङ्खाचिगा चेॽया खेप्सुहोङ् येसुङा लुचि, “न्दुगाब्यानिन्हा याॽमिगा लागि सिधाक्राङ्बा चाहान्जोङ्मेन्ना, ङ्खाॽनिङ्गो तुखाबाङ्चिगा लागि से चाहाबा चोङ्मेॽना॥ 13ङ्खाॽनिङ्गो न्निङ्दा नाभाङ् खेइघोङ् धार्मासाप्लाबे छेप्ताहा खा चेॽयागा तुम्बिला इहा ओम चिन्दानि– ‘का पोसुगा बोलि मेन्ना, ङ्खाॽनिङ्गो न्निङ्दा याॽमिचि दाया चोगुम्चिम्गानि बाङ्ना मिमेङ्ना॥’ इजाङ्बाङ्निङ् का धार्मोतिचि मेन्ना, ङ्खाॽनिङ्गो पापिचि कासे तायाङ्ना ओम॥”#मात्ति १२:७; होसे ६:६
उपाबासका उतुम्बे छिम्योक
(मार्कुस २:१८-२२; लुका ५:३३-३९)
14न्हाङा युहान्नागा चेलाचि येसु वायानाबे न्दायाहोङ् न्छिम्दु, “फारिसिचि नुङ् कानिङ् उपाबास युङिॽवाङ्, ङ्खाॽनिङ्गो इजाङ् ङ्गा चेलाचि च्हेन उपाबास ङ्युङ्मेनिन्हा?”
15येसुङा पोलोवा पिचि, “इना थाङ्छेङ्गा होक्ताबे न्दायाहा याॽमिचि थाङ्स्योङ्बा ङ्खाचिनुङ् वानुङ् सोम्मा सोक चोक्साङ् उपाबास ङ्युङ्मेहायि? ङ्खाॽनिङ्गो ङ्खाॽलाहा लेन चा न्दामे, जोबो थाङ्स्योङ्बा ङ्खाचिभाङ् फोङ्खेमे, ङ्खिङ्बेला ङ्खाचि उपाबास ङ्युङ्मेहा॥
16 “इसाङा चा उलिप्पा तेक ओछोङा तेक्का टालोङा न्लेप्त्वान्ना॥ # ९:१६ याहुदिचिगा चालानबे होक्साख्याना तेक ओछोङा तेक्का टालोङा लेप्माना चालान म्मायान॥ लेप्माभोङ् लेप्ताना तेक ह्वाप्माहोङ् फोॽमानिङ् उलिप्पा तेकङा ओछोङा तेक छुङ्दिमेत्वाहोङ् इसिॽनुङ् ओमेॽना भोङ् उङ्चि म्मिता॥ याहुदि हाङ्गुम्बाचिङा न्जिन्दुचिहा मोसाङा पिचिहा ब्यावास्थागा चेॽया उलिप्पा तेक लोॽवा साया, ङ्खाॽनिङ्गो येसुङा चिन्दुचिहा ओछोङा चेॽया च्हेन ओछोङाना तेक्का टालो लोॽवा साया॥ इजाङ्बाङ्निङ् ओछोङा टालोङा तेक नाघाक्स्वा, न्हाङा तेक झान तुक्नुङ् छिङ्खेमे॥
17 “ङ्खाॽलामाङ्, इसाङा चा ओछोङा सिम्लेॽमाङ्गा माध उलिप्पाना ह्वारिक्का खेसुप्पे ङ्युक्स्वान्हा, युक्सुभोङ् चा खेसुप पेङ्खेमे न्हाङ् सिम्लेॽमाङ्गा माध चा फोम्खेमे॥ ङ्खाॽनिङ्गो ओछोङा सिम्लेॽमाङ्गा माध ओछोङा खेसुप्पेॽमाङ् युङ्माहा॥ ङ्खाॽला चोक्माभोङ् खेसुप चा म्बेङ्मेन न्हाङ् सिम्लेॽमाङ्गा माध चा म्फोम्खेमेन॥”
स्याना मामु फेरि हिङाना
(मार्कुस ५:२१-४३; लुका ८:४०-५६)
18येसुङा ङ्खाचि खा चेॽया लुॽमास्यानिङ् एको याहुदि तायेन्राङ्बा न्नाबे तायाब्या॥ न्हाङ् उङा येसु फोप सेमेसाङ् खाॽला लु, “चिन्खुबा, आच्या मामु लोप्लोप स्यामा, ङ्खाॽनिङ्गो हाङ्बा ख्याघोङ् तोक्तिगाभोङ् उङ् हिङ्मेॽना॥”
19येसु पोगा न्हाङा उका चेलाचिनुङ् न्ना याॽमिगा हेक्साङ्-हेक्साङ् ङ्ख्या॥
20ङ्खिङ्बेलामाङ् एको एहिच फिम्बिलिङ् ओन्दाङ् नाहाङ्तो हेलि लोन्नुङ्खुबा बेथाङा याक्सुना एको तुखामाङ् येसुगा ओहेक्साङ् पोटिन्धाङ् तायाहोङ् येसुगा ओतेक्का उलाप तोक्ति॥ 21इजाङ्बाङ्निङ् न्ना मामु खाॽला मितामासा “का उका ओतेक से तोक्निमा तोक्तुङ्भोङ्चा नुमेङ्ना॥” 22न्हाङा येसु हिक्साहोङ् सोनिङ् न्ना मामु निसुहोङ् उङा लु, “मामु, साहास चोगा॥ ङ्गा बिस्वासङा न्दा नुमेतामागाना॥” न्हाङ् ङ्खिङ्बेलामाङ् न्ना मामु नुया॥
23न्हाङा येसु याहुदि तायेन्राङ्बागा पाङ्बे तासु॥ उङा न्नाबे फुलुलुबा#९:२३ सोक चोक्मानिङ् फुलुलुबा मुॽमाना चालान साया॥ मुखुबाचिनुङ् बिलाप चोक्खुबा प्याक याॽमिचि निसुचि॥ 24ङ्खाचि येसुङा लुचि, “न्निङ्दा घाक पाखा लोन्दाख्यानि, इजाङ्बाङ्निङ् ना मामु न्स्यामान्ना, ङ्खाॽनिङ्गो इप्साख्यामाना सेप्पा॥” खा चेॽया ङ्खेप्सुहोङ् ङ्खाचिङा ङ्युतुचो॥ 25येसुङा ङ्खा याॽमिचि पाखा लोन्धाक्सुचिहोङ् उङ् पाहोङ्बे उया॥ न्हाङा न्ना मामुगा उमुकपे लाबु, न्हाङ् न्ना मामु मुथिङ्गिरिक पोगा॥ 26न्हाङा खा चेॽया खाम्युक भोरि हिसा॥
हिप्पाङ् मिक्सुरुम्बाचि निखुबा लेक्साचिहा
27येसु न्नाभाङ् खेॽमास्यानिङ् हिप्पाङ् मिक्सुरुम्बाचि उका हेक्साङ्-हेक्साङ् लाचोक्साङ् खाॽला ओक्ताचि, “ओ दाउदका उच्या, कान्चिङ् दाया चोगा॥”
28येसु पाङ्बे तासुहोङ् पाहोङ्बे उया, न्हाङ् ङ्खा हिप्पाङ् मिक्सुरुम्बाचि चा येसु वायानाबे तायाब्याचि॥ येसुङा ङ्खाचि छिम्दुचि, “इना का न्जिङ्दा नुमेॽमा यामेॽनेन्चिन्हा भोङ् बिस्वास चोङ्मेचुघा?”
ङ्खाचिङा लुयाचु, “बिस्वास चोङ्मेङ्चुङ्हा, हाङ्बा॥”
29न्हाङा येसुङा ङ्खाचिगा मिकपे तोक्निसाङ् खाॽला लुचि, “ङ्खाॽलाभोङ्, न्जिङ्दा बिस्वास चोगाचुघा लोॽवा लेङ्नि॥” 30न्हाङ् ङ्खाचि निमा याखुबा लेक्साचि! येसुङा ङ्खाचि खाॽला लुचि, “खेप्साचु, खा चेॽया इसा चा न्लुयान्चुन्चिन॥” 31ङ्खाॽनिङ्गो ङ्खाचि न्नाभाङ् ख्याचिहोङ् येसुगा उतुम्बे न्ना लिङ्खाम घाकपे खेम्मेताचुचि॥
32येसु उका चेलाचिनुङ् न्ना ठोङ्भाङ् लोङ्खेॽमास्यानिङ्, याॽमिचिङा इसिॽना मुइङा याक्सुहोङ् लेम्सुरुम्बा लेक्साना एको याॽमि येसुगाबे न्दा॥ 33येसुङा न्ना याॽमिभाङ् इसिॽना मुइ लोन्धाक्सुहोङ् सोलोक न्ना याॽमि चेक्मा तारोक्तु॥ खा न्निसुहोङ् याॽमिचि आच्चाम्मा एसाङ् खाॽला कामा न्दारोक्तु, “खाॽलाहा गो इजिरेलबे हेॽनिङ्चा न्निसामासान्हा॥”
34ङ्खाॽनिङ्गो फारिसिचिङा खाॽला कामा न्दारोक्तु, “नाङा इसिॽहा मुइचिगा खाङ्खाङ्बागा साक्तिङा इसिॽहा मुइ लोन्दाहाक्स्वाचिहा॥” #मात्ति १०:२५; १२:२४; मार्कुस ३:२२; लुका ११:१५
मिॽयाङ् खेतालाचि
(मार्कुस ६:३४; लुका १०:२)
35येसुङा घाक साहार नुङ् तेनबेॽहा छुम्पाङ्चिबे चिन्साङ्, निङ्वाफुमागा राज्यागा उतुम्बे नुसाला खेम्मेतुचि न्हाङा घाक खाले तुक्मा-छाक्माभाङ् याॽमिचि नुमेतुचि॥#मात्ति ४:२३; मार्कुस १:३९; लुका ४:४४ 36उङा न्नाबेॽहा प्याक याॽमिचि निसुचिहोङ् उनिङ्वाबे उलुङ्मा तुक्तुगेतुचि॥ इजाङ्बाङ्निङ् ङ्खा याॽमिचि गो गोठाला मेॽनिङ्हा सामुङ्चिङा लाम्बु म्फाप्सिसिना लोॽवा न्हाङ् इहाचा चोक्मा मेयाखुबा लोॽवा न्लेक्सामासा॥#निप २७:१७; १ हाङ् २२:१७; २ उथुक्साला १८:१६; इजिकिएल ३४:५; मार्कुस ६:३४ 37न्हाङा येसुङा उका चेलाचि लुचि, “सोयानुम, चाचिॽया खोम्माहा गो प्याक वान्ने, ङ्खाॽनिङ्गो खेतालाचि मिॽयाङ्सेॽहाचि॥ #लुका १०:२ 38न्हाङामाङ् न्निङ्दा चाचिॽयागा ह्वाङ्बानुङ् चाचिॽया खोम्खुबा खेतालाचि पाक्साब्याभोङ् पार्थाना चोगानि॥”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023, Wycliffe Bible Translators, Inc. and Nepal Bible Society