མད་ཐཱ། 17

ལེའུ་བཅུ་བདུན།

སྐུ་ལུས་འགྱུར་བའི་སྐོར།

1ཉིན་མ་དྲུག་གི་རྗེས་ལེ་ཡེ་ཤུས་སློབ་མ་པེ་ཏྲོ་དིང༌། ཡ་ཀོབ། ཡང་ཡ་ཀོབ་ཀྱི་ནུ་བོ་ཡོ་ཧ་ནན་ཁོང་གསུམ་པོ་ཁྲིད་དེ་རི་དབེན་པོ་ཞིག་གི་ལྟག་ག་ལེ་ཕེབས་གནང་པི་དིག 2དེ་ནས་སློབ་མ་དེ་ཀྱ་ཀྱི་མདུན་དུ། ཁོང་གི་སྐུ་ལུས་གྱུར་ཏེ། ཁོང་གི་ཞལ་རས་དེ་ནི། ཉི་མ་ཅོག་འདྲ་འོད་ཟེར་དིང་། ཁོང་གི་ནམ་བཟའ་དེ་ཟང་དཀར་པོ་འོད་མདངས་ཆེན་པོ་འོད་ཡོད་ཞིག་ལེ་གྱུར་རི་དིག 3དེ་རྒྱ་ཁོང་ཀྱ་ཀྱི་མདུན་དུ། ལུང་སྟོན་པ་མོ་ཤེ་དིང་ཨེ་ལི་ཡཱ་ཁོང་གཉིས་དངོས་སུམ་དུ་ཕེབས་ཏེ་ཡེ་ཤུ་དིང་སྐྱེན་ལེ་བཀའ་མོལ་གནང་པི་དིག 4དེ་ནས་པེ་ཏྲོས་ཡེ་ཤུ་ལེ། ཇོ་བོ། ཁྱེད་ཀྱི་ཐུགས་མཉེས་ནི། འོ་རང་ཀྱ་འདི་རུ་བསྡད་ནི་དགའ་མོ་འདུག ངས་སྡོད་ས་བསིལ་གཡབ་གསུམ་བཟོ་བོ། ཁྱེད་ལེ་གཅིག་དིང་། མོ་ཤེ་ལེ་གཅིག ཨེ་ལི་ཡཱ་ལེ་གཅིག་ཡིན་ཟིན་ཟེར་རྒྱ། 5འོད་མདངས་ཆེན་པོའི་སྤྲིན་པ་ཞིག་གིས་ཁོང་ཀྱ་ལེ་བཀབ་ཕེན། སྤྲིན་པ་དེའི་ནང་ནས་གསུངས་སྐད་ཞིག་གིས་འདི་ནི། ངའི་དགའ་སྤྲོ་སྐྱེས་ས་སྙིང་གི་བི་ས་ཡིན། ཁྱེད་ཀྱ་ཀྱིས་ཁོང་གི་ཁ་ལེ་ཉོན་ཅིག་ཟིན་གསུངས་པི་དིག 6དེ་ནས་སློབ་མ་ཀྱ་ཀྱིས་གསུང་སྐད་དེ་ཐོས་ཕེན་འཇུ་གུ་འཁྱར་ཏེ་བརྐྱངས་ཕྱག་འཚལ་ལི་དིག 7ཡིན་ནའང་། ཡེ་ཤུ་ཕེབས་འོངས་ཏེ། ཁོང་གི་སློབ་མ་ཀྱ་ལེ་འཇུས་ཏེ། ཁྱེད་ཀྱ་འཁྱར་སྣང་མ་བགྱིད་ཡར་ལོངས་དང་ཟིན་གསུངས་པི་དིག 8སློབ་མ་ཀྱ་ཀྱིས་མིག་ཡར་བལྟས་ཕེན། ཡེ་ཤུ་པ་རྐྱང་མ་གཏོགས་གཞན་སུ་ཟང་མ་མཐོང་པི་དིག 9ཡང་ཁོང་དིང་སློབ་མ་ཀྱ་རི་ནས་མར་འབབ་འོང་རྒྱ། ཁོང་གིས་མིའི་བི་ས་ཤི་བའི་རྗེས་ལེ་ཡང་དང་གསོན་པོ་མ་ལང་བར་དུ། ཁྱེད་ཀྱ་ཀྱིས་ཅི་མཐོང་པི་དེ་མི་སུ་གཅིག་ལེ་ཟང་མ་ཤོད་ཅིག་ཟིན་བཀའ་གནང་པི་དིག 10ཡང་སློབ་མ་ཀྱ་ཀྱིས་ཁོང་ལེ། འོ་ནེ། ཆོས་ཁྲིམས་མཁས་པ་ཀྱ་ཀྱིས་ཅི་ལེ་ལུང་སྟོན་པ་ཨེ་ལི་ཡཱ་ཁོ་རང་སྐྱབས་མགོན་གྱི་སྔོན་ལེ་ཕེབས་འོང་གྱི་དིག་ཟེར་རི་དོན་དེ་ཅི་ཡིན་གོ་ཟིན་དྲིས་ཕེན། 11ཁོང་གིས་ལུང་སྟོན་པ་ཨེ་ལི་ཡཱ་མངོན་སུམ་དུ་སྔོན་ལེ་ཕེབས་ཏེ། ཡེ་རེ་བསྐྱར་གསོ་བགྱིད་ཀྱི་དིག 12ང་ཁྱེད་ཀྱ་ལེ་ཟེར་རོ། ལུང་སྟོན་པ་ཨེ་ལི་ཡཱ་སླེབས་ཚར་འོད་དིག ཡིན་ནའང་། མི་དེ་ཀྱ་ཀྱིས་ཁོང་ངོ་མ་ཤེས་ཕེན། མི་དེ་ཀྱིས་ཁོང་ལེ་རང་སོ་སོའི་འདོད་པ་ཅི་འོད་བྱས་ཏེ་མནར་གཅོད་བཏང་པི་དིག འོ་དེ་གི་ཅོག་འདྲ་མིའི་བི་ས་ལེ་ཟང་མི་དེ་ཀྱ་ཀྱི་ལག་ནས་དཀའ་སྡུག་མང་པོ་མྱོང་གྱི་དིག་ཟིན་གསུངས་ཕེན། 13སློབ་མ་ཀྱ་ཀྱིས་ཡེ་ཤུས་ཁྲུས་གསོལ་བགྱིད་མཁན་ཡོ་ཧ་ནན་གྱི་སྐོར་ལེ་གསུངས་གནང་གི་ཡིན་དི་དིག་བསམས་པི་དིག

གདོན་འདྲེ་ཞུགས་པའི་བི་ས་ཞིག་དྲག་གསོ་བྱུང་བ།

14དེ་ནས་ཁོང་ཀྱ་མི་ཚོགས་ཀྱི་རྩ་ལེ་ཕེབས་འོང་རྒྱ། མི་གཅིག་ཁོང་གི་མདུན་དུ་པུས་མོ་ས་ལེ་བཙུགས་ཏེ། 15ཁོང་ལེ། རྒན། ངའི་བི་ས་ལེ་ཐུགས་རྗེས་གཟིགས་རོགས། ཁོ་ལེ་གཟའ་ཕོག་སྟེ། མེ་དིང་ཆུའི་ནང་ལེ་ལན་མ་མང་པོ་འགྱེལ་ཏེ་དཀའ་སྡུག་མང་པོ་མྱོང་གི་འདུག 16ངས་བི་ས་འདི་ཁྱེད་ཀྱི་སློབ་མ་ཀྱ་ཀྱི་རྩ་ལེ་ཁྲིད་དི་ཡིན། ཡིན་ནའང་། ཁོང་ཀྱ་ཀྱིས་དྲག་ཏུ་བཅུག་མ་ཐུབ་སོང་ཞུས་ཕེན། 17ཡེ་ཤུས་དད་པ་མེད་མེད་ངན་སེམས་ཅན་གྱི་མི་རབས་ཁྱེད་ཀྱ་ཀྱི་སྐྱེན་ལེ། ང་དུས་ཙམ་བར་དུ་སྡོད་རྒྱུ། ངས་དུས་ཙམ་བར་དུ་ཁྱེད་ཀྱ་ལེ་བཟོད་སྒོམ་བགྱིད་རྒྱུ་ཟིན། མི་ཁོ་ལེ། ཁྱེད་ཀྱི་བི་ས་འདི་རུ་ཁྲིད་ལེད་དང་ཟིན་གསུངས་ཏེ། 18ཁོང་གིས་གདོན་འདྲེ་དེ་ལེ་བཀའ་བཀྱོན་གནང་ཕེན། གདོན་འདྲེ་དེ་བི་ས་ཁོའི་ལུས་ནས་ཐོན་ལོང་མེད་དྲག་པི་དིག 19དེ་ནས་སློབ་མ་ཀྱ་ཀྱིས་ཡེ་ཤུའི་མདུན་དུ་འོངས་ཏེ། ཁོང་ལེ་ཟུར་དུ། ཉེད་ཀྱ་ཀྱི་གདོན་འདྲེ་དེ་ཅི་ལེ་འདོན་མ་ཐུབ་པི་ཡིན་གོ་ཟིན་དྲིས་ཞུས་ཏེ། 20ཁོང་གིས་སློབ་མ་ཀྱ་ལེ། ཁྱེད་ཀྱ་ཀྱི་དད་སེམས་ཆུང་བའི་རྐྱེན་གྱི་ཡིན་དིག གལ་སྲིད་ཁྱེད་ཀྱ་ཀྱི་སེམས་ནང་ལེ་དད་པ་ཚུག་གི་ས་ངོན་ཚོད་ཞིག་འོད་ནི། ཁྱེད་ཀྱ་ཀྱིས་རི་འདི་ལེ། འདི་ནས་སྤོས་ཏེ་དེ་རུ་སྡོད་སྨྲས་ནི། རི་འདི་ཁྱེད་ཀྱ་ཀྱི་ཁ་ལེ་ཉན་ཏེ་སྤོ་གྱི་དིག ང་ཁྱེད་ཀྱ་ལེ་བདེན་པ་ཟེར་རོ། ཁྱེད་ཀྱ་ཀྱིས་བགྱིད་མི་ནུས་པི་ཅི་གང་མེད་ཟིན་གསུངས་པི་དིག 21#17.21 མད་ཐཱས་བྲིས་པའི་གཏམ་བཟང་ནང་ལེ་ཨང་ 21 དེ་མེད་དིག ཡིན་ནའང་། ཁོང་གིས་སློབ་མ་ཀྱ་ལེ། གདོན་འདྲེ་དེའི་རིགས་དཀོན་མཆོག་ལེ་གསོལ་བ་སྨོན་ལམ་བཏབ་མ་གཏོགས་འདོན་མི་ཐུབ་འོད་དིག་ཟིན་གསུངས་པི་དིག

དགྲོང་རྒྱུ་ཡིན་དི་ཡང་དང་ལུང་བསྟན་པ།

22ཡང་ཁོང་དིང་སློབ་མ་ཀྱ་ག་ལིལ་ལུང་པ་རུ་སྐྱེན་ལེ་འཛོམས་རྒྱ། ཡེ་ཤུས་སློབ་མ་ཀྱ་ལེ། མིའི་བི་ས་ནི་མི་ཀྱ་ཀྱི་ལག་ལེ་གཏོད་རྒྱུ་ཡིན་དི་མ་ཟད། 23མི་དེ་ཀྱ་ཀྱིས་ཁོ་རང་གསོད་ཀྱི་དིག ཡང་ཉིན་མ་གསུམ་པ་ལེ་ཁོང་རང་ཡང་དང་གསོན་པོ་འོང་གྱི་དིག་ཟིན་གསུངས་ཕེན། སློབ་མ་ཀྱ་སེམས་སྐྱོ་སྣང་འཇུ་གུ་བྱུང་པི་དིག

མཆོད་ཁང་གི་ཁྲལ་གྱི་སྐོར།

24དེ་ནས་ཁོང་ཀྱ་ཀ་ཕར་ན་ཧུམ་ཡུལ་ལེ་སླེབས་ཕེན། མཆོད་ཁང་གི་ཁྲལ་སྡུད་མཁན་མི་དེ་ཀྱ། པེ་ཏྲོ་འོད་ས་ལེ་འོངས་ཏེ། ཁྱེད་ཀྱ་ཀྱི་སློབ་དཔོན་གྱིས་མཆོད་ཁང་ལེ་ཁྲལ་གཏོད་གྱོ་འོད་དིག་གས་ཟིན་དྲིས་པི་དིག#17.24 ཡ་ཧུ་དཱ་པའི་སྐྱེས་པ་ཡེ་རེས་ཉིན་མ་ཕྱེད་ཀའི་གླ་ཆ་དེ་མཆོད་ཁང་ལེ་ཁྲལ་བརྒྱག་དགོས་འོད་དིག 25པེ་ཏྲོ་ཁོས་ཁྲལ་གཏོད་གྱོ་འོད་དིག་ཟེར་རི་དིང་། ཡེ་ཤུ་ཟང་ཁང་པའི་ནང་ལེ་འཛུལ་འོངས་ཏེ། པེ་ཏྲོ་ཁོས་ཁྲལ་གྱི་སྐོར་ལེ་ལབ་གླེང་མ་བྱས་པའི་སྔོན་ལེ། ཡེ་ཤུས། སི་མོན། ཁྱོད་ཀྱི་ཅི་སེམས་ཀྱི་གོ། འཇིག་རྟེན་གྱི་རྒྱལ་པོ་ཀྱ་ཀྱིས་སུ་ནས་ཁྲལ་ལེན་གྱོ་འོད་དི་གོ། རང་གི་བི་ས་ནས། ཡང་ནི། མི་གཞན་ནས་ཟིན་དྲིས་ཕེན། 26པེ་ཏྲོ་ཁོས་ཁོང་ལེ། མི་གཞན་ནས་ལེན་གྱོ་འོད་དིག་ཟིན་ཞུས་པི་དིག ཡང་ཡེ་ཤུས། ཁོ་ལེ། དེ་གི་ཡིན་ནི། བི་ས་ཀྱ་ཀྱིས་ཁྲལ་གཏོད་དགོས་མེད་དིག 27ཡིན་ནའང་། འུ་ཀྱ་ཀྱིས་ཁོང་ཀྱ་ལེ་ཕོག་ཐུག་མི་གཏོང་གི་ཆེད་དུ། ཁྱོད་ཀྱིས་ལྕགས་ཀྱུ་མཚོའི་ནང་ལེ་གཡུགས་དང་། དེ་ནས་སྔོན་ལེ་ཐེམ་པའི་ཉའི་ཁ་ནང་ལེ་ཊང་ཀ་གཅིག་རྙེད་ཀྱི་དིག འོ་དེ་འཁྱེར་ཏེ་འུ་གཉིས་ཀྱི་ཆེད་དུ་ཁོང་ཀྱ་ལེ་ཁྲལ་གཏོད་ཅིག་ཟིན་གསུངས་པི་དིག །

လက္ရွိေရြးခ်ယ္ထားမွု

མད་ཐཱ། 17: DLPO

အေရာင္မွတ္ခ်က္

မၽွေဝရန္

ကူးယူ