ମାଥିଉ 24
24
ଯୀଶୁ ମନ୍ଦିର୍ ନାସ୍ ବିଷୟେ ଆଗେ ଜଣାଇଲା
(ମାର୍କ ୧୩:୧,୨; ଲୁକ ୨୧:୫,୬)
1ଯୀଶୁ ମନ୍ଦିରେ ହ୍ଣି ବାରି ଇଣ୍ତି ଜାତାବ୍ଳ୍ ତାକାର୍ ଚେଲାମ୍ନ୍ ତାକେ ମନ୍ଦିର୍ କ୍ନ୍କ୍ରି ତିଆର୍ ଅଇଆଚେ ସେରି ଦ୍କାଉତାର୍ ଗିନେ ତାର୍ ଲ୍ଗେ ଆଇଲାଇ, ମ୍ତର୍ ସେ ସେମ୍ନ୍କେ କଇଲା, 2“ତୁମିମ୍ନ୍ କାଇରି ଇ ସ୍ବୁ ଦ୍କି ନ୍କେରାସ୍? ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ଇଜାଗାଇ ଗଟେକ୍ ଟେଡା ଆର୍ଗଟେ ଟେଳାର୍ ଉହ୍ରେ ରେମ୍ ନାହାରେ, ସ୍ବୁ ମାଟି ସ୍ଙ୍ଗ୍ ମିସେଦ୍।”
ଯୁଗ୍ ସେସାର୍ ଚିନ୍
(ମାର୍କ ୧୩:୩-୧୩; ଲୁକ ୨୧:୭-୧୯)
3ହ୍ଚେ ଯୀଶୁ ଜିତ୍ ଗ୍ଚାର୍ ଡଙ୍ଗୁର୍ ଉହ୍ରେ ଯାଇ ବ୍ସୁ ବ୍ସୁ, ଚେଲାମ୍ନ୍ ତାର୍ ଲ୍ଗେ ଲୁକିକ୍ରି ଆସି ହ୍ଚାର୍ଲାଇ, “ଇ ସ୍ବୁ କ୍ବେ ଗ୍ଟେଦ୍, ଆରେକ୍ ତର୍ ଆସ୍ତାର୍ ଆର୍ ଯୁଗ୍ ସେସାର୍ ଚିନ୍ କାଇରି, ସେରି ଅମୁକ୍ମ୍ନ୍କେ କ୍ଉ।” 4ସେଡେବ୍ଳ୍ ଯୀଶୁ ଚେଲାମ୍ନ୍କେ ଉତର୍ଦିଲା, “ସାବ୍ଦାନ୍, କେ ଜ୍ନ୍କ୍ରି ତୁମୁକ୍ମ୍ନ୍କେ ବକୁଆ ନ୍କେରେ। 5କାଇତାକ୍ ବେସିଲକ୍ ମର୍ ନାଉଁଏ ଆସି ମୁଇ ଖ୍ରୀଷ୍ଟ ବ୍ଲି କ୍ଇ ବେସି ଲକ୍କେ ବକୁଆ କ୍ର୍ତି। 6ମ୍ତର୍ ତୁମିମ୍ନ୍ ଯେଡେବ୍ଳ୍ ଯୁଜ୍ ଅଉତାର୍ ଶୁଣାସ୍। ସାବ୍ଦାନ୍, ସ୍ଡେବ୍ଳ୍ ତୁମିମ୍ନ୍ ଡିରାନାଇ। କାଇତାକ୍ ଇରିସ୍ବୁ ଜ୍ନ୍କ୍ଲେକ୍ ହେଁ ଗ୍ଟେଦ୍, ମ୍ତର୍ ଇ କାଳ୍ ଯୁଗ୍ ଶେସ୍ ନ୍ଇ। 7କାଇତାକ୍ ଜାତିର୍ ବିରୁଦେ ଜାତି ଆର୍ ରାଇଜାର୍ ବିରୁଦେ ରାଇଜ୍ ଉଟେଦ୍, ଆରେକ୍, ଜାଗାଇ ଜାଗାଇ ମ୍ରଡି ଆର୍ ବୂମିକ୍ମ୍ପ ଅଇଦ୍। 8ମ୍ତର୍ ଇ ସ୍ବୁ ଜ୍ର୍ନାର୍ କ୍ଷ୍ଟ୍ ଆରମ୍। 9ସେଡେବ୍ଳ୍ ଲକ୍ମ୍ନ୍ ତୁମୁକ୍ମ୍ନ୍ କ୍ଷ୍ଟ୍ ବଗୁକେ ସ୍ହ୍ରିଦେତି ଆର୍ ତୁମୁକ୍ମ୍ନ୍ ମ୍ର୍ନେ ମାର୍ତି, ଆର୍ ମର୍ ଚେଲା ଅଇଲାର୍ ଗିନେ ତୁମିମ୍ନ୍ ସ୍ବୁ ଜାତିର୍ ଗିଣ୍ କ୍ର୍ତି। 10ସେଡେବ୍ଳ୍ ବେସି ଲକ୍ମ୍ନ୍ ମକେ ବିଶ୍ବାସ୍ କ୍ର୍ତାର୍ ଚାଡି ଦେତି, ଆରେକ୍, ଗଟେଲକ୍ ଆର୍ ଗଟେଲକ୍କେ ଦ୍ରାଇ ଦେତି ଆର୍ ଗଟେଲକ୍ ଆର୍ ଗଟେଲକ୍କେ ଗୁର୍ଣା କ୍ର୍ତି, 11ଆର୍ ବେସି ମିଚୁଆ ବବିଶତ୍ କ୍ତା କ୍ଉତା ଲକ୍ମ୍ନ୍ ଆସିକ୍ରି ବେସି ଲକ୍କେ ବକୁଆ କ୍ର୍ତି, 12ଆରେକ୍, ଅନ୍ୟାୟ୍ ବେସି ଅମ୍ଲି ଲାଗି ବେସିଲକ୍ ଲାଡ୍ କ୍ର୍ତାର୍ ବ୍ନ୍ଦ୍ କ୍ର୍ତି। 13ମ୍ତର୍ ଯେ ତାର୍ ଜୀବନାର୍ ଶେସ୍ ହ୍ତେକ୍ ମକେ ବିଶ୍ବାସ୍ କ୍ରେଦ୍, ସେ ହ୍କା ଉଦାର୍ ହାଇଦ୍। 14ଆର୍, ଇଶ୍ଵରାର୍ ରାଇଜାର୍ ସୁବ୍କ୍ବର୍ ହୁର୍ତିବିର୍ ସ୍ବୁ ଜାଗାଇ ସ୍ବୁ ଜାତିଲ୍ଗେ ପର୍ଚାର୍ ଅଇଦ୍, ତ୍ବେ ସ୍ବୁ ଲକ୍କେ ଇରି ହାଉତାର୍ ଗିନେ ସୁଜଗ୍ ମିଳେଦ୍, ତାର୍ ସ୍ଙ୍ଗେ ଯୁଗ୍ ଶେସ୍ ଅଇଦ୍।”
ବେସି ଦୁକାର୍ ଦିନାର୍ ଆରମ୍
(ମାର୍କ ୧୩:୧୪-୨୩; ଲୁକ ୨୧:୨୦-୨୪)
15“ତ୍ବେ ତୁମିମ୍ନ୍ ଜ୍ଡେବ୍ଳ୍ ଦାନିଏଲ୍ ବବିଶତ୍ କ୍ତା କ୍ଉତାଲକ୍ କଇଲା କ୍ରାପ୍ କ୍ର୍ତା ଗୁର୍ଣା ଜିନିଷ୍କେ ଯିରୁଶାଲମ୍ ସ୍ହରାର୍ ପବିତର୍ ଜାଗାଇ ଟିଆ ଅଇଲାର୍ ଦ୍କାସ୍, ଜୁଇତି ଟିଆ ଅମ୍କେ ଅଦିକାର୍ ନାଇ, ସେତି ନାସ୍ କ୍ରୁକେ ଟିଆ ଅଇଲାର୍ ଦ୍କାସ୍, ହାଟ୍କେ ବୁଜା। 16ସେଡେବ୍ଳ୍ ଜୁଇ ଲକ୍ମ୍ନ୍ ଯିହୁଦା ଦେଶେ ରେତି, ସେମ୍ନ୍ ଡଙ୍ଗୁର୍ ଚିରାକେ ହ୍ଳାଇ ଜ୍ଉଅତ୍। 17ଯେ ଚାତ୍ ଉହ୍ରେ ର୍ଇଦ୍, ସେ ନିଜାର୍ ଗ୍ର୍ ବିତ୍ରାର୍ ଜିନିଷ୍ ହ୍ତାର୍ ଆଣୁକେ ଗ୍ର୍ ବିତ୍ରେ ନ୍ଜାଅ। 18ଆରେକ୍, ଯେ ହ୍ଦାଇ ର୍ଇଦ୍, ସେ ନିଜାର୍ ସାଲ୍ ନେମ୍କେ ଲେଉଟି ଗ୍ରେ ନ୍ଜାଅ। 19ସେଡେବ୍ଳ୍ ଗ୍ଗାଳେ ରିଲା ମାଇଜି ଆର୍ ହିଲାର୍ନି ମାଇଜି ମ୍ନ୍କାର୍ ଗିନେ ବେସି ଦୁକାର୍ ସମୟ୍, ସେମ୍ନ୍ ହ୍ଳାଇ ତାକାର୍ ଜୀବନ୍ ବାଚାଉତାର୍ ବେସି କ୍ଷ୍ଟ ଅଇଦ୍, 20ମ୍ତର୍ ତୁମାର୍ମ୍ନ୍କାର୍ ହ୍ଳାଉତାର୍ ଜ୍ନ୍କ୍ରି ଶୀତଦିନ୍ କି ବିଶାଉତା ଦିନ୍ ନ୍ଗେଟ, ଇତାର୍ଗିନେ ପାର୍ତେନା କ୍ରା। 21କାଇତାକ୍ ସେଡେବ୍ଳ୍ ଅନ୍କ୍ରି ବ୍ଡ୍ ଦୁକ୍କ୍ଷ୍ଟ୍ ଗ୍ଟେଦ୍ ଯେ, ଜ୍ଗତାର୍ ଆରମେହ୍ଣି ଆଜିହ୍ତେକ୍ ସେନ୍କାର୍ ଦୁକ୍କ୍ଷ୍ଟ୍ ଗ୍ଟିନ୍କେରେ, ଆରେକ୍, କ୍ବେହେଁ ଗ୍ଟିନ୍କେରେ। 22ଆର୍, ଯଦି ସେ ଦୁକାର୍ ସ୍ମୟକେ ଉଣା କ୍ରାଅଇ ନ୍ରେତି, ତ୍ବେ କେ ହେଁ ହୁର୍ତିବିର୍ ଲକ୍ ଉଦାର୍ ହାଇ ନ୍କେର୍ତି, ମ୍ତର୍ ଯୀଶୁ ଜୁଇଲକ୍କେ ବାଚ୍ଲା ଆଚେ, ସେ ବାଚ୍ଲା ଲକାର୍ ଗିନେ, ସେ ସେଦିନ୍କେ ଉଣା କ୍ରା ଅଇଦ୍। 23ସେଡେବ୍ଳ୍ ‘ଦ୍କା, ଖ୍ରୀଷ୍ଟ ଇତି’ ନ୍ଇଲେକ୍ ‘ଦ୍କା ଖ୍ରୀଷ୍ଟ ସେତି’ କେ ଜ୍ବେ ତୁମୁକ୍ମ୍ନ୍ ଅନ୍କ୍ରି କ୍ଉତି, ସେରି ସ୍ତ୍ କ୍ରାନାଇ। 24କାଇତାକ୍ ମିଚୁଆ ଖ୍ରୀଷ୍ଟ ମ୍ନ୍ ଆର୍ ମିଚୁଆ ବବିଶତ୍ କ୍ତା କ୍ଉତା ଲକ୍ମ୍ନ୍ ଉଟି, ଅନ୍କ୍ରି ବ୍ଡ୍ ବ୍ଡ୍ ଚିନ୍ ଆର୍ ଚାନିଆକାମ୍ମ୍ନ୍ ଦ୍କାଉତି ଯେ, ଯଦି ଅଇଦେ, ତ୍ବେ ମାପ୍ରୁ ବାଚ୍ଲା ଲକ୍ମ୍ନ୍କେ ହେଁ ବକୁଆ କ୍ରୁକେ ଚେଷ୍ଟା କ୍ର୍ତି। 25ଦ୍କା, ମୁଇ ହୁର୍ବେ ହ୍ଣି ତୁମୁକ୍ମ୍ନ୍କେ ଜାଣାଇଲେ। 26ଜ୍ନ୍କ୍ରି, ଦ୍କା, ସେ ଶୁନ୍ସାନ୍ ବ୍ଟାଲ୍ଗେ ଆତ୍ତି, ଇକ୍ତା ଲକ୍ମ୍ନ୍ ଯଦି ତୁମୁକ୍ମ୍ନ୍ କ୍ଉତି, ତ୍ବେ ବାରି ଜାହାନାଇ। ଆର୍ ଦ୍କା, ସେ ବିତୁର୍ ଗ୍ରେ ଆଚେ, ଯଦି ଇରି କ୍ଉତି, ତ୍ବେ ସେରି ବିଶ୍ବାସ୍ କ୍ରାନାଇ। 27କାଇତାକ୍ ଆକାଶେ ବିଜ୍ଲି ଜ୍ନ୍କ୍ରି ଉତର୍ ଦିଗେ ମାରି ପସ୍ଚିମ୍ ଦିଗେ ହ୍ତେକ୍ ଉଜାଳ୍ ଡିସେଦ୍, ସେନ୍କ୍ରି ମୁଇ ମାନାଇ ହିଲାର୍ ଆସ୍ତାର୍ ଅଇଦ୍। 28ଜୁଇ ଲ୍ଗେ ମ୍ଲା ମ୍ଳ୍ ରେଇଦେ, ସେ ଟାଣେ ହ୍କା ଶାଗୁଣାମ୍ନ୍ ରୁଣ୍ତ୍ତି।”
ମୁଇ ମାନାଇ ହିଲା ଆରେକ୍ ଆସିନ୍ଦ୍
(ମାର୍କ ୧୩:୨୪-୨୭; ଲୁକ ୨୧:୨୫-୨୮)
29“ମ୍ତର୍ ସେ ଦିନ୍ ମ୍ନ୍କେ, ବେସି କ୍ଷ୍ଟାର୍ ଦିନ୍ ସ୍ର୍ଲା ହ୍ଚେ, ବେଳ୍ ଅନ୍ଦାର୍ ଅଇଦ୍ ଆର୍ ଜନ୍ ଉଜାଳ୍ ଅଇନ୍କେରେ, ଆରେକ୍, ତାରା ମାଳ୍ ଆକାଶେ ହ୍ଣି ଅଦୁର୍ତି ଆର୍ ଆକାଶାର୍ ଶ୍କ୍ତି ସ୍ବୁ ଦ୍ର୍ତି। 30ସେଡେବ୍ଳ୍ ମେଗେ ମୁଇ ମାନାଇ ହିଲାର୍ ଚିନ୍ ଦ୍କା ଅଇଦ୍, ଆରେକ୍, ସେଡେବ୍ଳ୍ ହୁର୍ତିବିର୍ ସ୍ବୁ ଦ୍ଳାର୍ ଲକ୍ ବେଲ୍କି ଅଇ କାନ୍ଦ୍ତି ଆର୍ ମୁଇ ମାନାଇ ହିଲାର୍ ଶ୍କ୍ତି ଆର୍ ମଇମାର୍ ସ୍ଙ୍ଗ୍ ଆକାଶାର୍ ମେଗ୍ମାଳାଇ ଆସ୍ତାର୍ ଦ୍କ୍ତି। 31ଆର୍, ସେ ବ୍ଡ୍ ମରିବାଜା ସ୍ଙ୍ଗ୍ ନିଜାର୍ ଦୂତ୍ମ୍ନ୍କେ ହ୍ଟାଉତି ଆର୍ ସେମ୍ନ୍ ଆକାଶାର୍ ଗଟେକ୍ ସ୍ନ୍ଦିଏ ହ୍ଣି ବିନ୍ ସ୍ନ୍ଦି ହ୍ତେକ୍ ଚାରିହାକ୍ ତାକାର୍ ବାଚ୍ଲା ଲକ୍ମ୍ନ୍କେ ଗଟେତ୍ଇ କ୍ର୍ତି।”
ଡୁମ୍ବୁର୍ ଗ୍ଚେ ହ୍ଣି ଶିକ୍ୟା
(ମାର୍କ ୧୩:୨୮-୩୧; ଲୁକ ୨୧:୨୯-୩୩)
32“ଡୁମ୍ବୁର୍ ଗ୍ଚେହ୍ଣି ଦ୍କାଇକ୍ରି କ୍ଉତା କ୍ତା ଶିକା। ଜ୍ଡେବ୍ଳ୍ ତାର୍ କ୍ନ୍ଦା କ୍ଉଁଣା ଅଇ ହିଲ୍କା ମେଲେଦ୍, ସେଡେବ୍ଳ୍ କ୍ରାଦିନ୍ ଲ୍ଗେ ଅଇ ଆଇଲି ବ୍ଲି ତୁମିମ୍ନ୍ ଜାଣାସ୍। 33ସେନ୍କ୍ରି ତୁମିମ୍ନ୍ ହେଁ ଇ ସ୍ବୁ ଦ୍କ୍ଲେକ୍ ସେ ଦୁଆଁର୍ ଲ୍ଗେ ଆଚେ, ଇରି ଜାଣା। 34ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ଏବେ ଜୀବନ୍ ରେତା ସ୍ବୁ ଲକ୍ମ୍ନ୍ ସେ ଗଟ୍ଣା ମ୍ନ୍ ଗ୍ଟ୍ତା ହ୍ତେକ୍ ନ୍ମେର୍ତି। 35ଆକାଶ୍ ଆର୍ ହୁର୍ତିବି ନାସ୍ ଅଇଦ୍, ମ୍ତର୍ ମର୍କ୍ତା କ୍ବେହେଁ ନାସ୍ ନଇ।”
ଯୀଶୁ ଆସ୍ତା ଦିନ୍କେ ଜାଣିନ୍କେର୍ତି
(ମାର୍କ ୧୩:୩୨-୩୭; ଲୁକ ୧୭:୨୬-୩୦,୩୪-୩୬)
36ଆର୍ ଯୀଶୁ ସେମ୍ନ୍କେ କଇଲା, “ମ୍ତର୍ ସେ ଦିନ୍ ଆର୍ କାଳ୍ ବିଷୟେ କେ ଜାଣିନ୍କେର୍ତି, ସ୍ର୍ଗାର୍ ଦୂତ୍ମ୍ନ୍ କି, ମୁଇ ଇଶ୍ଵରାର୍ ହଇସି ହେଁ ଜାଣିନ୍କେର୍ତି, ମ୍ତର୍ ଉବା ସେ ଜାଣେଦ୍। 37ଆରେକ୍ ନୋହ ବବିଶତ୍ କ୍ତା କ୍ଉତା ଲକାର୍ ସ୍ମୟେ ଜ୍ନ୍କ୍ରି ଗଟିରିଲି, ମୁଇ ମାନାଇ ହିଲା ଆସ୍ତାବ୍ଳ୍ ହେଁ ସେନ୍କ୍ରି ଗ୍ଟେଦ୍। 38କାଇତାକ୍ ହାଣି ହ୍ବନ୍ ହୁର୍ବାର୍ ସ୍ମୟେ ହାଣି ନୋହର୍ ଜାଜେ ଆସ୍ତା ଦିନ୍ ହ୍ତେକ୍ ଲକ୍ମ୍ନ୍ ଜ୍ନ୍କ୍ରି କାଦି ହିଦି ଆର୍ ବିବା କ୍ର୍ତାର୍ ଆର୍ ବିବା ଦେତାର୍ କାମେ ମାତି ରିଲାଇ, 39ଆରେକ୍, ହାଣି ହ୍ବନ୍ ଆସି ସ୍ବ୍କେ ବଳାଇ ନ୍ନେତା ହ୍ତେକ୍ ଜ୍ନ୍କ୍ରି ଜାଣିନ୍ରିଲାଇ, ମୁଇ ମାନାଇ ହିଲା ଆସ୍ତାର୍ ହେଁ ସେନ୍କାର୍ ଅଇଦ୍। 40ସେଡେବ୍ଳ୍ ଦୁଇ ଲକ୍ ହ୍ଦାଇ ରେତି, ସେତିହ୍ଣି ଗଟେକ୍ ଲକ୍କେ ସ୍ର୍ଗେ ନିଆ ଅଇଦ୍ ଆର୍ ଗଟେଲକ୍କେ ଚାଡିଦେଇଦ୍। 41ଜ୍ଡେକ୍ ମାଇଜି ଟକି ଗୁଣ୍ତ୍ ରୁଚ୍ତି ରେତି, ଗଟେକ୍ ଲକ୍କେ ସ୍ର୍ଗେ ନିଆ ଅଇଦ୍ ଆର୍ ଗଟେକ୍ ଲକ୍କେ ଚାଡିଦେଇଦ୍। 42ତ୍ବେ, ଜାଗ୍ରତ୍ ଅଇରିଆ, କାଇତାକ୍ ତୁମୁକ୍ମ୍ନ୍ ମାପ୍ରୁ କୁଇ ଦିନ୍ ଆସେଦ୍, ସେରି ତୁମିମ୍ନ୍ ଜାଣି ନ୍କେରାସ୍। 43ମ୍ତର୍ ଇରି ଜାଣିରିଆ, କ୍ଡେବ୍ଳ୍ ଚର୍ ଆସେଦ୍, ଇରି ଗ୍ର୍ ମାଲିକ୍ ଜ୍ବେ ଜାଣ୍ତି, ସେରି ଅଇଲେକ୍ ସେ ଜାଗ୍ରତ୍ ର୍ଇ ନିଜାର୍ ଗ୍ରେ ହୁରୁକେ ଦେଇ ନ୍କେର୍ତି। 44ଅନ୍କ୍ରି ତୁମିମ୍ନ୍ ସେତାର୍ଗିନେ ତିଆର୍ ଅଇରିଆ, ବ୍ଲେକ୍ ଜ୍ଡେବ୍ଳ୍ ତୁମି ତିଆର୍ ଅଇ ନ୍ରିଆସ୍ ସେଡେବ୍ଳ୍ ମାନାଇ ହିଲା ଆସେଦ୍।”
ବିଶ୍ବାସ୍ ଆର୍ ମୁର୍କ ଦାସ୍
(ଲୁକ ୧୨:୪୧-୪୮)
45“ତ୍ବେ ସାଉକାର୍ ନିଜାର୍ ଗ୍ରାର୍ ଲକ୍ମ୍ନ୍କେ ଟିକ୍ ସ୍ମୟେ କାଦି ଦେତାର୍ ଗିନେ ଯାକେ ସେମ୍ନ୍କାର୍ ଉହ୍ରେ ବାଚେଦ୍ ଅନ୍କ୍ରି ବିଶ୍ବାସ୍ ଆର୍ ବୁଦିମାନ୍ ଚାକର୍କେ? 46ସାଉକାର୍ ଲେଉଟି ଆସି ଜୁଇ ଚାକର୍କେ ଅନ୍କ୍ରି ବ୍ଲ୍କାମ୍ କ୍ର୍ତାର୍ ଦ୍କେଦ୍ ତ୍ବେ ସେ ଚାକର୍ ଦନ୍ୟ। 47ମୁଇ ତୁମୁକ୍ ସ୍ତ୍ କ୍ମ୍ଲେ, ସାଉକାର୍ ସେ ଚାକର୍କେ ତାର୍ ସ୍ବୁ ଦ୍ନ୍ ସ୍ମ୍ପତି ଉହ୍ରେ ଦ୍କ୍ତାର୍ ଗିନେ ସ୍ଙ୍ଗାଇଦ୍। 48ମ୍ତର୍ ଯଦି ସେ ମୁର୍କ ଚାକର୍ ମର୍ ମାପ୍ରୁ ଆସ୍ତାର୍ ବେସିଦିନ୍ ଆଚେ ବ୍ଲି ମ୍ନେ ମ୍ନେ କଇଦ୍। 49ଆର୍ ନିଜାର୍ ସ୍ଙ୍ଗାର୍ ଚାକର୍ମ୍ନ୍କେ ମାରୁକେ ଲାଗେଦ୍, ଆର୍ ମ୍ଦୁଆ ମ୍ନ୍କାର୍ ସ୍ଙ୍ଗ୍ କାତିର୍ଇଦ୍। 50ତ୍ବେ ଜ୍ଡେବ୍ଳ୍ ତାର୍ ସାଉକାର୍ ଆସେଦ୍ ବ୍ଲି ସେ ବାବି ନ୍ରେଇ, କି ଜାଣି ନ୍ରେଇ ସେଡେବ୍ଳ୍ ତାର୍ ସାଉକାର୍ ଆସେଦ୍। 51ଆରେକ୍, ସେ ଲକ୍କେ ବେସି ଡ୍ଣ୍ଡ୍ ଦ୍ଇଦ୍, ଆର୍ ତାକେ ସେ ବିଶ୍ବାସ୍ ନ୍କେଲା ଅକାରିଆ ଦ୍ଙ୍ଗ୍ଳା ମ୍ନ୍କାର୍ ସ୍ଙ୍ଗ୍ ଡ୍ଣ୍ଡ୍ ଦ୍ଇଦ୍। ସେତି ସେମ୍ନ୍ କାନ୍ଦ୍ତି ଆର୍ ଦାତ୍ କିଡି ମିଡି ଅଇଦ୍।”
လက္ရွိေရြးခ်ယ္ထားမွု
ମାଥିଉ 24: BDVNT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.
ମାଥିଉ 24
24
ଯୀଶୁ ମନ୍ଦିର୍ ନାସ୍ ବିଷୟେ ଆଗେ ଜଣାଇଲା
(ମାର୍କ ୧୩:୧,୨; ଲୁକ ୨୧:୫,୬)
1ଯୀଶୁ ମନ୍ଦିରେ ହ୍ଣି ବାରି ଇଣ୍ତି ଜାତାବ୍ଳ୍ ତାକାର୍ ଚେଲାମ୍ନ୍ ତାକେ ମନ୍ଦିର୍ କ୍ନ୍କ୍ରି ତିଆର୍ ଅଇଆଚେ ସେରି ଦ୍କାଉତାର୍ ଗିନେ ତାର୍ ଲ୍ଗେ ଆଇଲାଇ, ମ୍ତର୍ ସେ ସେମ୍ନ୍କେ କଇଲା, 2“ତୁମିମ୍ନ୍ କାଇରି ଇ ସ୍ବୁ ଦ୍କି ନ୍କେରାସ୍? ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ଇଜାଗାଇ ଗଟେକ୍ ଟେଡା ଆର୍ଗଟେ ଟେଳାର୍ ଉହ୍ରେ ରେମ୍ ନାହାରେ, ସ୍ବୁ ମାଟି ସ୍ଙ୍ଗ୍ ମିସେଦ୍।”
ଯୁଗ୍ ସେସାର୍ ଚିନ୍
(ମାର୍କ ୧୩:୩-୧୩; ଲୁକ ୨୧:୭-୧୯)
3ହ୍ଚେ ଯୀଶୁ ଜିତ୍ ଗ୍ଚାର୍ ଡଙ୍ଗୁର୍ ଉହ୍ରେ ଯାଇ ବ୍ସୁ ବ୍ସୁ, ଚେଲାମ୍ନ୍ ତାର୍ ଲ୍ଗେ ଲୁକିକ୍ରି ଆସି ହ୍ଚାର୍ଲାଇ, “ଇ ସ୍ବୁ କ୍ବେ ଗ୍ଟେଦ୍, ଆରେକ୍ ତର୍ ଆସ୍ତାର୍ ଆର୍ ଯୁଗ୍ ସେସାର୍ ଚିନ୍ କାଇରି, ସେରି ଅମୁକ୍ମ୍ନ୍କେ କ୍ଉ।” 4ସେଡେବ୍ଳ୍ ଯୀଶୁ ଚେଲାମ୍ନ୍କେ ଉତର୍ଦିଲା, “ସାବ୍ଦାନ୍, କେ ଜ୍ନ୍କ୍ରି ତୁମୁକ୍ମ୍ନ୍କେ ବକୁଆ ନ୍କେରେ। 5କାଇତାକ୍ ବେସିଲକ୍ ମର୍ ନାଉଁଏ ଆସି ମୁଇ ଖ୍ରୀଷ୍ଟ ବ୍ଲି କ୍ଇ ବେସି ଲକ୍କେ ବକୁଆ କ୍ର୍ତି। 6ମ୍ତର୍ ତୁମିମ୍ନ୍ ଯେଡେବ୍ଳ୍ ଯୁଜ୍ ଅଉତାର୍ ଶୁଣାସ୍। ସାବ୍ଦାନ୍, ସ୍ଡେବ୍ଳ୍ ତୁମିମ୍ନ୍ ଡିରାନାଇ। କାଇତାକ୍ ଇରିସ୍ବୁ ଜ୍ନ୍କ୍ଲେକ୍ ହେଁ ଗ୍ଟେଦ୍, ମ୍ତର୍ ଇ କାଳ୍ ଯୁଗ୍ ଶେସ୍ ନ୍ଇ। 7କାଇତାକ୍ ଜାତିର୍ ବିରୁଦେ ଜାତି ଆର୍ ରାଇଜାର୍ ବିରୁଦେ ରାଇଜ୍ ଉଟେଦ୍, ଆରେକ୍, ଜାଗାଇ ଜାଗାଇ ମ୍ରଡି ଆର୍ ବୂମିକ୍ମ୍ପ ଅଇଦ୍। 8ମ୍ତର୍ ଇ ସ୍ବୁ ଜ୍ର୍ନାର୍ କ୍ଷ୍ଟ୍ ଆରମ୍। 9ସେଡେବ୍ଳ୍ ଲକ୍ମ୍ନ୍ ତୁମୁକ୍ମ୍ନ୍ କ୍ଷ୍ଟ୍ ବଗୁକେ ସ୍ହ୍ରିଦେତି ଆର୍ ତୁମୁକ୍ମ୍ନ୍ ମ୍ର୍ନେ ମାର୍ତି, ଆର୍ ମର୍ ଚେଲା ଅଇଲାର୍ ଗିନେ ତୁମିମ୍ନ୍ ସ୍ବୁ ଜାତିର୍ ଗିଣ୍ କ୍ର୍ତି। 10ସେଡେବ୍ଳ୍ ବେସି ଲକ୍ମ୍ନ୍ ମକେ ବିଶ୍ବାସ୍ କ୍ର୍ତାର୍ ଚାଡି ଦେତି, ଆରେକ୍, ଗଟେଲକ୍ ଆର୍ ଗଟେଲକ୍କେ ଦ୍ରାଇ ଦେତି ଆର୍ ଗଟେଲକ୍ ଆର୍ ଗଟେଲକ୍କେ ଗୁର୍ଣା କ୍ର୍ତି, 11ଆର୍ ବେସି ମିଚୁଆ ବବିଶତ୍ କ୍ତା କ୍ଉତା ଲକ୍ମ୍ନ୍ ଆସିକ୍ରି ବେସି ଲକ୍କେ ବକୁଆ କ୍ର୍ତି, 12ଆରେକ୍, ଅନ୍ୟାୟ୍ ବେସି ଅମ୍ଲି ଲାଗି ବେସିଲକ୍ ଲାଡ୍ କ୍ର୍ତାର୍ ବ୍ନ୍ଦ୍ କ୍ର୍ତି। 13ମ୍ତର୍ ଯେ ତାର୍ ଜୀବନାର୍ ଶେସ୍ ହ୍ତେକ୍ ମକେ ବିଶ୍ବାସ୍ କ୍ରେଦ୍, ସେ ହ୍କା ଉଦାର୍ ହାଇଦ୍। 14ଆର୍, ଇଶ୍ଵରାର୍ ରାଇଜାର୍ ସୁବ୍କ୍ବର୍ ହୁର୍ତିବିର୍ ସ୍ବୁ ଜାଗାଇ ସ୍ବୁ ଜାତିଲ୍ଗେ ପର୍ଚାର୍ ଅଇଦ୍, ତ୍ବେ ସ୍ବୁ ଲକ୍କେ ଇରି ହାଉତାର୍ ଗିନେ ସୁଜଗ୍ ମିଳେଦ୍, ତାର୍ ସ୍ଙ୍ଗେ ଯୁଗ୍ ଶେସ୍ ଅଇଦ୍।”
ବେସି ଦୁକାର୍ ଦିନାର୍ ଆରମ୍
(ମାର୍କ ୧୩:୧୪-୨୩; ଲୁକ ୨୧:୨୦-୨୪)
15“ତ୍ବେ ତୁମିମ୍ନ୍ ଜ୍ଡେବ୍ଳ୍ ଦାନିଏଲ୍ ବବିଶତ୍ କ୍ତା କ୍ଉତାଲକ୍ କଇଲା କ୍ରାପ୍ କ୍ର୍ତା ଗୁର୍ଣା ଜିନିଷ୍କେ ଯିରୁଶାଲମ୍ ସ୍ହରାର୍ ପବିତର୍ ଜାଗାଇ ଟିଆ ଅଇଲାର୍ ଦ୍କାସ୍, ଜୁଇତି ଟିଆ ଅମ୍କେ ଅଦିକାର୍ ନାଇ, ସେତି ନାସ୍ କ୍ରୁକେ ଟିଆ ଅଇଲାର୍ ଦ୍କାସ୍, ହାଟ୍କେ ବୁଜା। 16ସେଡେବ୍ଳ୍ ଜୁଇ ଲକ୍ମ୍ନ୍ ଯିହୁଦା ଦେଶେ ରେତି, ସେମ୍ନ୍ ଡଙ୍ଗୁର୍ ଚିରାକେ ହ୍ଳାଇ ଜ୍ଉଅତ୍। 17ଯେ ଚାତ୍ ଉହ୍ରେ ର୍ଇଦ୍, ସେ ନିଜାର୍ ଗ୍ର୍ ବିତ୍ରାର୍ ଜିନିଷ୍ ହ୍ତାର୍ ଆଣୁକେ ଗ୍ର୍ ବିତ୍ରେ ନ୍ଜାଅ। 18ଆରେକ୍, ଯେ ହ୍ଦାଇ ର୍ଇଦ୍, ସେ ନିଜାର୍ ସାଲ୍ ନେମ୍କେ ଲେଉଟି ଗ୍ରେ ନ୍ଜାଅ। 19ସେଡେବ୍ଳ୍ ଗ୍ଗାଳେ ରିଲା ମାଇଜି ଆର୍ ହିଲାର୍ନି ମାଇଜି ମ୍ନ୍କାର୍ ଗିନେ ବେସି ଦୁକାର୍ ସମୟ୍, ସେମ୍ନ୍ ହ୍ଳାଇ ତାକାର୍ ଜୀବନ୍ ବାଚାଉତାର୍ ବେସି କ୍ଷ୍ଟ ଅଇଦ୍, 20ମ୍ତର୍ ତୁମାର୍ମ୍ନ୍କାର୍ ହ୍ଳାଉତାର୍ ଜ୍ନ୍କ୍ରି ଶୀତଦିନ୍ କି ବିଶାଉତା ଦିନ୍ ନ୍ଗେଟ, ଇତାର୍ଗିନେ ପାର୍ତେନା କ୍ରା। 21କାଇତାକ୍ ସେଡେବ୍ଳ୍ ଅନ୍କ୍ରି ବ୍ଡ୍ ଦୁକ୍କ୍ଷ୍ଟ୍ ଗ୍ଟେଦ୍ ଯେ, ଜ୍ଗତାର୍ ଆରମେହ୍ଣି ଆଜିହ୍ତେକ୍ ସେନ୍କାର୍ ଦୁକ୍କ୍ଷ୍ଟ୍ ଗ୍ଟିନ୍କେରେ, ଆରେକ୍, କ୍ବେହେଁ ଗ୍ଟିନ୍କେରେ। 22ଆର୍, ଯଦି ସେ ଦୁକାର୍ ସ୍ମୟକେ ଉଣା କ୍ରାଅଇ ନ୍ରେତି, ତ୍ବେ କେ ହେଁ ହୁର୍ତିବିର୍ ଲକ୍ ଉଦାର୍ ହାଇ ନ୍କେର୍ତି, ମ୍ତର୍ ଯୀଶୁ ଜୁଇଲକ୍କେ ବାଚ୍ଲା ଆଚେ, ସେ ବାଚ୍ଲା ଲକାର୍ ଗିନେ, ସେ ସେଦିନ୍କେ ଉଣା କ୍ରା ଅଇଦ୍। 23ସେଡେବ୍ଳ୍ ‘ଦ୍କା, ଖ୍ରୀଷ୍ଟ ଇତି’ ନ୍ଇଲେକ୍ ‘ଦ୍କା ଖ୍ରୀଷ୍ଟ ସେତି’ କେ ଜ୍ବେ ତୁମୁକ୍ମ୍ନ୍ ଅନ୍କ୍ରି କ୍ଉତି, ସେରି ସ୍ତ୍ କ୍ରାନାଇ। 24କାଇତାକ୍ ମିଚୁଆ ଖ୍ରୀଷ୍ଟ ମ୍ନ୍ ଆର୍ ମିଚୁଆ ବବିଶତ୍ କ୍ତା କ୍ଉତା ଲକ୍ମ୍ନ୍ ଉଟି, ଅନ୍କ୍ରି ବ୍ଡ୍ ବ୍ଡ୍ ଚିନ୍ ଆର୍ ଚାନିଆକାମ୍ମ୍ନ୍ ଦ୍କାଉତି ଯେ, ଯଦି ଅଇଦେ, ତ୍ବେ ମାପ୍ରୁ ବାଚ୍ଲା ଲକ୍ମ୍ନ୍କେ ହେଁ ବକୁଆ କ୍ରୁକେ ଚେଷ୍ଟା କ୍ର୍ତି। 25ଦ୍କା, ମୁଇ ହୁର୍ବେ ହ୍ଣି ତୁମୁକ୍ମ୍ନ୍କେ ଜାଣାଇଲେ। 26ଜ୍ନ୍କ୍ରି, ଦ୍କା, ସେ ଶୁନ୍ସାନ୍ ବ୍ଟାଲ୍ଗେ ଆତ୍ତି, ଇକ୍ତା ଲକ୍ମ୍ନ୍ ଯଦି ତୁମୁକ୍ମ୍ନ୍ କ୍ଉତି, ତ୍ବେ ବାରି ଜାହାନାଇ। ଆର୍ ଦ୍କା, ସେ ବିତୁର୍ ଗ୍ରେ ଆଚେ, ଯଦି ଇରି କ୍ଉତି, ତ୍ବେ ସେରି ବିଶ୍ବାସ୍ କ୍ରାନାଇ। 27କାଇତାକ୍ ଆକାଶେ ବିଜ୍ଲି ଜ୍ନ୍କ୍ରି ଉତର୍ ଦିଗେ ମାରି ପସ୍ଚିମ୍ ଦିଗେ ହ୍ତେକ୍ ଉଜାଳ୍ ଡିସେଦ୍, ସେନ୍କ୍ରି ମୁଇ ମାନାଇ ହିଲାର୍ ଆସ୍ତାର୍ ଅଇଦ୍। 28ଜୁଇ ଲ୍ଗେ ମ୍ଲା ମ୍ଳ୍ ରେଇଦେ, ସେ ଟାଣେ ହ୍କା ଶାଗୁଣାମ୍ନ୍ ରୁଣ୍ତ୍ତି।”
ମୁଇ ମାନାଇ ହିଲା ଆରେକ୍ ଆସିନ୍ଦ୍
(ମାର୍କ ୧୩:୨୪-୨୭; ଲୁକ ୨୧:୨୫-୨୮)
29“ମ୍ତର୍ ସେ ଦିନ୍ ମ୍ନ୍କେ, ବେସି କ୍ଷ୍ଟାର୍ ଦିନ୍ ସ୍ର୍ଲା ହ୍ଚେ, ବେଳ୍ ଅନ୍ଦାର୍ ଅଇଦ୍ ଆର୍ ଜନ୍ ଉଜାଳ୍ ଅଇନ୍କେରେ, ଆରେକ୍, ତାରା ମାଳ୍ ଆକାଶେ ହ୍ଣି ଅଦୁର୍ତି ଆର୍ ଆକାଶାର୍ ଶ୍କ୍ତି ସ୍ବୁ ଦ୍ର୍ତି। 30ସେଡେବ୍ଳ୍ ମେଗେ ମୁଇ ମାନାଇ ହିଲାର୍ ଚିନ୍ ଦ୍କା ଅଇଦ୍, ଆରେକ୍, ସେଡେବ୍ଳ୍ ହୁର୍ତିବିର୍ ସ୍ବୁ ଦ୍ଳାର୍ ଲକ୍ ବେଲ୍କି ଅଇ କାନ୍ଦ୍ତି ଆର୍ ମୁଇ ମାନାଇ ହିଲାର୍ ଶ୍କ୍ତି ଆର୍ ମଇମାର୍ ସ୍ଙ୍ଗ୍ ଆକାଶାର୍ ମେଗ୍ମାଳାଇ ଆସ୍ତାର୍ ଦ୍କ୍ତି। 31ଆର୍, ସେ ବ୍ଡ୍ ମରିବାଜା ସ୍ଙ୍ଗ୍ ନିଜାର୍ ଦୂତ୍ମ୍ନ୍କେ ହ୍ଟାଉତି ଆର୍ ସେମ୍ନ୍ ଆକାଶାର୍ ଗଟେକ୍ ସ୍ନ୍ଦିଏ ହ୍ଣି ବିନ୍ ସ୍ନ୍ଦି ହ୍ତେକ୍ ଚାରିହାକ୍ ତାକାର୍ ବାଚ୍ଲା ଲକ୍ମ୍ନ୍କେ ଗଟେତ୍ଇ କ୍ର୍ତି।”
ଡୁମ୍ବୁର୍ ଗ୍ଚେ ହ୍ଣି ଶିକ୍ୟା
(ମାର୍କ ୧୩:୨୮-୩୧; ଲୁକ ୨୧:୨୯-୩୩)
32“ଡୁମ୍ବୁର୍ ଗ୍ଚେହ୍ଣି ଦ୍କାଇକ୍ରି କ୍ଉତା କ୍ତା ଶିକା। ଜ୍ଡେବ୍ଳ୍ ତାର୍ କ୍ନ୍ଦା କ୍ଉଁଣା ଅଇ ହିଲ୍କା ମେଲେଦ୍, ସେଡେବ୍ଳ୍ କ୍ରାଦିନ୍ ଲ୍ଗେ ଅଇ ଆଇଲି ବ୍ଲି ତୁମିମ୍ନ୍ ଜାଣାସ୍। 33ସେନ୍କ୍ରି ତୁମିମ୍ନ୍ ହେଁ ଇ ସ୍ବୁ ଦ୍କ୍ଲେକ୍ ସେ ଦୁଆଁର୍ ଲ୍ଗେ ଆଚେ, ଇରି ଜାଣା। 34ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ଏବେ ଜୀବନ୍ ରେତା ସ୍ବୁ ଲକ୍ମ୍ନ୍ ସେ ଗଟ୍ଣା ମ୍ନ୍ ଗ୍ଟ୍ତା ହ୍ତେକ୍ ନ୍ମେର୍ତି। 35ଆକାଶ୍ ଆର୍ ହୁର୍ତିବି ନାସ୍ ଅଇଦ୍, ମ୍ତର୍ ମର୍କ୍ତା କ୍ବେହେଁ ନାସ୍ ନଇ।”
ଯୀଶୁ ଆସ୍ତା ଦିନ୍କେ ଜାଣିନ୍କେର୍ତି
(ମାର୍କ ୧୩:୩୨-୩୭; ଲୁକ ୧୭:୨୬-୩୦,୩୪-୩୬)
36ଆର୍ ଯୀଶୁ ସେମ୍ନ୍କେ କଇଲା, “ମ୍ତର୍ ସେ ଦିନ୍ ଆର୍ କାଳ୍ ବିଷୟେ କେ ଜାଣିନ୍କେର୍ତି, ସ୍ର୍ଗାର୍ ଦୂତ୍ମ୍ନ୍ କି, ମୁଇ ଇଶ୍ଵରାର୍ ହଇସି ହେଁ ଜାଣିନ୍କେର୍ତି, ମ୍ତର୍ ଉବା ସେ ଜାଣେଦ୍। 37ଆରେକ୍ ନୋହ ବବିଶତ୍ କ୍ତା କ୍ଉତା ଲକାର୍ ସ୍ମୟେ ଜ୍ନ୍କ୍ରି ଗଟିରିଲି, ମୁଇ ମାନାଇ ହିଲା ଆସ୍ତାବ୍ଳ୍ ହେଁ ସେନ୍କ୍ରି ଗ୍ଟେଦ୍। 38କାଇତାକ୍ ହାଣି ହ୍ବନ୍ ହୁର୍ବାର୍ ସ୍ମୟେ ହାଣି ନୋହର୍ ଜାଜେ ଆସ୍ତା ଦିନ୍ ହ୍ତେକ୍ ଲକ୍ମ୍ନ୍ ଜ୍ନ୍କ୍ରି କାଦି ହିଦି ଆର୍ ବିବା କ୍ର୍ତାର୍ ଆର୍ ବିବା ଦେତାର୍ କାମେ ମାତି ରିଲାଇ, 39ଆରେକ୍, ହାଣି ହ୍ବନ୍ ଆସି ସ୍ବ୍କେ ବଳାଇ ନ୍ନେତା ହ୍ତେକ୍ ଜ୍ନ୍କ୍ରି ଜାଣିନ୍ରିଲାଇ, ମୁଇ ମାନାଇ ହିଲା ଆସ୍ତାର୍ ହେଁ ସେନ୍କାର୍ ଅଇଦ୍। 40ସେଡେବ୍ଳ୍ ଦୁଇ ଲକ୍ ହ୍ଦାଇ ରେତି, ସେତିହ୍ଣି ଗଟେକ୍ ଲକ୍କେ ସ୍ର୍ଗେ ନିଆ ଅଇଦ୍ ଆର୍ ଗଟେଲକ୍କେ ଚାଡିଦେଇଦ୍। 41ଜ୍ଡେକ୍ ମାଇଜି ଟକି ଗୁଣ୍ତ୍ ରୁଚ୍ତି ରେତି, ଗଟେକ୍ ଲକ୍କେ ସ୍ର୍ଗେ ନିଆ ଅଇଦ୍ ଆର୍ ଗଟେକ୍ ଲକ୍କେ ଚାଡିଦେଇଦ୍। 42ତ୍ବେ, ଜାଗ୍ରତ୍ ଅଇରିଆ, କାଇତାକ୍ ତୁମୁକ୍ମ୍ନ୍ ମାପ୍ରୁ କୁଇ ଦିନ୍ ଆସେଦ୍, ସେରି ତୁମିମ୍ନ୍ ଜାଣି ନ୍କେରାସ୍। 43ମ୍ତର୍ ଇରି ଜାଣିରିଆ, କ୍ଡେବ୍ଳ୍ ଚର୍ ଆସେଦ୍, ଇରି ଗ୍ର୍ ମାଲିକ୍ ଜ୍ବେ ଜାଣ୍ତି, ସେରି ଅଇଲେକ୍ ସେ ଜାଗ୍ରତ୍ ର୍ଇ ନିଜାର୍ ଗ୍ରେ ହୁରୁକେ ଦେଇ ନ୍କେର୍ତି। 44ଅନ୍କ୍ରି ତୁମିମ୍ନ୍ ସେତାର୍ଗିନେ ତିଆର୍ ଅଇରିଆ, ବ୍ଲେକ୍ ଜ୍ଡେବ୍ଳ୍ ତୁମି ତିଆର୍ ଅଇ ନ୍ରିଆସ୍ ସେଡେବ୍ଳ୍ ମାନାଇ ହିଲା ଆସେଦ୍।”
ବିଶ୍ବାସ୍ ଆର୍ ମୁର୍କ ଦାସ୍
(ଲୁକ ୧୨:୪୧-୪୮)
45“ତ୍ବେ ସାଉକାର୍ ନିଜାର୍ ଗ୍ରାର୍ ଲକ୍ମ୍ନ୍କେ ଟିକ୍ ସ୍ମୟେ କାଦି ଦେତାର୍ ଗିନେ ଯାକେ ସେମ୍ନ୍କାର୍ ଉହ୍ରେ ବାଚେଦ୍ ଅନ୍କ୍ରି ବିଶ୍ବାସ୍ ଆର୍ ବୁଦିମାନ୍ ଚାକର୍କେ? 46ସାଉକାର୍ ଲେଉଟି ଆସି ଜୁଇ ଚାକର୍କେ ଅନ୍କ୍ରି ବ୍ଲ୍କାମ୍ କ୍ର୍ତାର୍ ଦ୍କେଦ୍ ତ୍ବେ ସେ ଚାକର୍ ଦନ୍ୟ। 47ମୁଇ ତୁମୁକ୍ ସ୍ତ୍ କ୍ମ୍ଲେ, ସାଉକାର୍ ସେ ଚାକର୍କେ ତାର୍ ସ୍ବୁ ଦ୍ନ୍ ସ୍ମ୍ପତି ଉହ୍ରେ ଦ୍କ୍ତାର୍ ଗିନେ ସ୍ଙ୍ଗାଇଦ୍। 48ମ୍ତର୍ ଯଦି ସେ ମୁର୍କ ଚାକର୍ ମର୍ ମାପ୍ରୁ ଆସ୍ତାର୍ ବେସିଦିନ୍ ଆଚେ ବ୍ଲି ମ୍ନେ ମ୍ନେ କଇଦ୍। 49ଆର୍ ନିଜାର୍ ସ୍ଙ୍ଗାର୍ ଚାକର୍ମ୍ନ୍କେ ମାରୁକେ ଲାଗେଦ୍, ଆର୍ ମ୍ଦୁଆ ମ୍ନ୍କାର୍ ସ୍ଙ୍ଗ୍ କାତିର୍ଇଦ୍। 50ତ୍ବେ ଜ୍ଡେବ୍ଳ୍ ତାର୍ ସାଉକାର୍ ଆସେଦ୍ ବ୍ଲି ସେ ବାବି ନ୍ରେଇ, କି ଜାଣି ନ୍ରେଇ ସେଡେବ୍ଳ୍ ତାର୍ ସାଉକାର୍ ଆସେଦ୍। 51ଆରେକ୍, ସେ ଲକ୍କେ ବେସି ଡ୍ଣ୍ଡ୍ ଦ୍ଇଦ୍, ଆର୍ ତାକେ ସେ ବିଶ୍ବାସ୍ ନ୍କେଲା ଅକାରିଆ ଦ୍ଙ୍ଗ୍ଳା ମ୍ନ୍କାର୍ ସ୍ଙ୍ଗ୍ ଡ୍ଣ୍ଡ୍ ଦ୍ଇଦ୍। ସେତି ସେମ୍ନ୍ କାନ୍ଦ୍ତି ଆର୍ ଦାତ୍ କିଡି ମିଡି ଅଇଦ୍।”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.