Jaan 10
10
'Cɩca ‑bablëëgbanyɛrɛnyɔɔ Jesu
Jaan 9.24-38; Esekiɛɛlë 34.1-19
1Jesu ‑nëma: «'Tasɩrɩa 'cɩcasa 'n ‑gbala 'amɩ, nyɔɔlɔ 'nyɩ ‑sröröa' ‑bablëëa ‑glɔa 'palafa 'wʋ, ‑bɛ 'ɔ ‑plööa' 'uun nɩ, 'jejienyɔɔ 'ɔ bä, 'ɔnya bä ‑gbʋgblʋʋkänyɔɔ. 2‑Maa ‑mɔlɔ sröröa' 'palafa 'wʋ, 'ɔɔ bä ‑bablëëgbanyɛrɛnyɔɔ. 3Ɔma ji nɩ, nyɔɔlɔ ‑glaaraa' ‑glɔ ‑gälɩ 'saa 'ɔɔn tatu 'klɩ, 'kä ‑bablëë 'nöö 'ɔa mlɩa wii 'wli. 'Ɔ we 'ɔa nɩ ‑bablëëa 'nyrɩ, 'kä 'ɔ fa 'üün ‑fälɩ. 4Ɔma 'cie 'ɔa ‑bablëëa 'fɩɔ nɩ, 'ɔɔ ‑taa 'üün 'nyʋfɔ 'klɩ, ‑bɛ 'ɔa ‑bablëë prɛ 'ɔɔn dɛrɩ, 'be 'ü jre 'ɔa mlɩa wii. 5'Ü ‑nëmä 'plɔʋ nyɔtugbanyɔɔ dɛrɩ ‑a prɛ; 'lɩdɛrɩ 'ü nëmä 'ɔɔn tʋŋlɔ, 'be 'ünyɩ nyɔtugbanyüüa mlɩa wii mlɩkä ‑a jre.» 6Wiili Jesu nʋa' ‑plɩɩ 'saa 'ɔ 'paplaa' 'klɩ nɩ, 'ünyɩ 'ia ‑gbaa 'wli ‑a 'nu.
7Jesu nya ‑gbala 'sɔɔwʋ 'üün nɩ: «'Tasɩrɩa 'cɩcasa 'n ‑gbala 'amɩ, 'mɔɔ bä ‑bablëëa ‑glɔa 'mëmla. 8Nyüülü kä 'fɩɔ ‑taa' 'mɩ 'nyʋfɔ 'klɔɔtrʋ nɩ, 'jejienyüü nyra ‑gbʋgblʋʋnyüü#10.8 Jeremii 23.1-8; Esekiɛɛlë 34. 'Ia 'papawiilia 'mlɩ nɩ, Israɛɛlëa 'wliklɩa nyüülü bäa' 'lɩ, 'ü bä plɛbʋbɔ ‑bablëëgbanyɛrɛnyüü. 'ü bä; ‑maa ‑bablëë 'nyɩ 'üün 'nyakli ‑a po. 9'Mɔɔ bä 'mëmla: nyɔɔ ma ‑gö 'mɩ 'lɩ ɔma pa nɩ, 'ɔnya 'lɩmlɩwʋa. 'Ɔnya paa, 'kä 'ɔnya 'cie, 'ɔnya jijrɛ 'jäa. 10'Jejienyɔɔ jö 'ɔmä 'jie, 'ɔmä ‑plɛlɩbö, 'ɔmä dii bʋblɔ. 'Mɔɔlɔ nɩ, 'n ji ‑bablëë 'mä 'klä 'jä, 'klälä kä ‑srɩ 'nyɩa' ‑pɛ. 11'Cɩca ‑bablëëgbanyɛrɛnyɔɔ 'n bä. 'Cɩca ‑bablëëgbanyɛrɛnyɔɔ 'saa 'ɔa 'klä 'ɔa ‑bablëëa ‑gʋ. 12‑Maa 'jrʋpafɛnyɔɔlɔ 'nyɩa' ‑bablëëgbanyɛrɛnyɔɔ bä, ‑bɛ ɔnyɩa' ‑bablëëlë kä nɩ, ɔma 'jä kaklamrɛɛ#10.12 kaklamrɛɛ: Grɛɛkëwii 'lɩ 'ɛɛ 'ü 'dara 'klʋɛɛa mrɛɛ ‑beere ‑fɛ. ɛma ji nɩ, 'a ‑plɩɩ 'ɔ tɩɛ ‑bablëë 'kä 'ɔ fɔ, 'kä kaklamrɛɛ 'babla 'üün, 'kä 'ü ‑gbagba 'kä. 13Fɔ 'ɔ fɔ, 'be 'jrʋpafɛnyɔɔ 'ɔ bä. 'Ɔ ‑nëmä 'ɔa nyufa ‑a sɩara 'ɔmä 'lɩ ‑bablëë mlɩba. 14'Mɔɔ bä 'cɩca ‑bablëëgbanyɛrɛnyɔɔ. 'N jre 'na ‑bablëë, 'na ‑bablëë nya jre 'mɩ. 15'Sɩrɩ Tʋ jrea' 'mɩ, 'asɩ 'n jre Tʋ, ‑bɛ 'n 'saa 'na 'klä 'na ‑bablëëa ‑gʋ. 16'N kä ‑bablëë ‑mölöö, 'ünyɩ ‑tɛ ‑glɔ 'lɩ ‑a bä#10.16 Nyüülü 'nyɩa' juifë bä, ‑bɛ 'ümäa' 'ɔɔn plɛtoro, 'üa ‑gä Jesu 'paa.. 'Üülü nɩ, 'n kä ‑a ja 'üün, 'ünya 'na mlɩa wii 'wli 'nua, 'ünya ‑bablëëa ‑glügbö 'döö bäa, 'kä 'ünya ‑gbanyɛrɛnyɔɔ 'doo kä. 17'N 'saa 'na 'klä, 'ia ‑gʋ Tʋ ‑wa 'mɩ, ‑bɛ 'mä ‑pɩ 'ään 'jä 'sɔɔwʋ. 18Nyɔɔ 'nyɩ 'ba 'ään 'mɩ kälɩ ‑a. 'Na 'mlɔɔ ‑nyɛɛ 'ään#10.18 Akëtë 4.27-28.. 'N 'mrɛɛ ‑a ‑nyɩ 'ään, ‑bɛ 'n 'mrɛɛ ‑a dɔrɔ 'ään 'wʋ; 'n 'klaa 'ia 'klü. 'A wiili 'na Tʋ ‑gbalaa' 'mɩ ‑a nʋa'.» 19Wiili 'ɔ 'paa', 'iia ‑gʋ juifë nya 'bölö 'sɔɔwʋ ‑tɩa. 20'Üa ‑tɔrʋpɩɔ 'kɔkɔmlɛ nɩnɩa: «Nyɔɔlɔ domoo bäa' 'lɩ, ɔ saklaa' nɩ, dɛplɛɛ kä ‑gʋ 'a po 'ɔɔn 'nyakli le?» 21‑Mölöö nö ‑maa: «‑Mää nyɔɔ domoo bäa' 'lɩ ‑mää 'ɔɔn 'nyɩ 'pa 'samaa wii; domoo 'mrɛɛ ɔ ‑jie 'nɔnɔnyüüa 'nyü 'klɩ?»
Jesu ‑bɛ Nyɔsʋa bä 'doo
22'I ‑sia' nɩ, Nyɔsʋaanyuku kpakua ‑glɩsɩglɩsɩ#10.22 Nyɔsʋaanyuku kpakua ‑glɩsɩglɩsɩ: ‑sɩa ‑glʋɩuuntää ‑bɛ ‑uunsɔɔ (167) ‑bɛ Jesu 'mäa' ‑glooro nɩ, juifënyüüa 'nyüamlɩjraranyüü 'ba 'ümɩ 'uun kälɩ. 'Ua ‑wälɩ 'ü trara 'üa ‑wäsɛa 'wli, 'unya sɔ 'lɩ. 'I ‑sia' ‑sɩ tää nɩ, juifë nya prɛ nyüülü, 'ünya kpëtä Nyɔsʋaanyuku kpakulua ‑wälɩ, 'ünya ‑nyɩ 'uun Nyɔsʋa kälɩ. 'Bala 'ia ‑srɩlɩa 'mlɩ nɩ, 'a ‑plɩɩ 'ü nö nyukulua ‑glɩsɩglɩsɩ. nya jrälɩ Jerusalɛɛmë; 'i bä sɩɔa 'taɩn. 23Jesu ‑pie ɩ Nyɔsʋaanyuku kpakua ‑saplɛ 'lɩa ‑plɩɩlɩ 'ü 'daraa' Salomɔɔa ‑fʋflʋpalafa. 24Juifë nya trara 'ɔɔn 'klɩ, 'iibä nɩ: «‑Mää ‑mlatɩ anyɩ ‑mɩ 'nyaklipo! ‑Ama bä 'kasa 'Kriisë nɩ, ‑gbala amɩ 'iin 'cɩcasa.» 25Jesu nya ‑gbala 'üün: «'Nyaa ɩ 'amɩ 'iin ‑gbala, ‑maa 'anyɩ 'iin wii ‑a 'dara. 'Jrʋpalä 'n ‑fɛɛɛrɛa' 'na Tʋa 'nyrɩklɩ nɩ, 'ää 'paa 'na ‑gä. 26‑Maa 'amɔlɔ nɩ, 'anyɩ toro 'mɩ plɛ ‑a, 'be 'anyɩ 'na ‑bablëë ‑a bä. 27'Na ‑bablëë 'nöö 'na mlɩa wii 'wli; 'n jre 'üün, ‑bɛ 'ü prɛ 'mɩ dɛrɩ. 28'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba. 29'Na Tʋlɔ ‑nyɩa' 'mɩ 'üün nɩ, 'ɔ ‑si diia 'fɩɔwʋ. Nyɔɔ 'nyɩ 'lɩ ‑a bɩa ɔ 'ba 'üün 'na Tʋ kälɩ. 30'Mɔɔ ‑bɛ 'na Tʋ bä 'doo.» 31'Ii ‑gälɩ juifë dɔrɔ 'sɔɔwʋ 'täkë 'wʋ 'ümä 'ɔmɩ 'üün 'kakla. 32Jesu nya ‑gbala 'üün: «'Mʋfajrʋpa 'kɔkɔmlɛ 'n ‑fɛɛɛrɛa' 'na Tʋa 'nyrɩklɩ, ä 'a 'jäa' nɩ, ‑mäplɛɛ kä ‑gʋ 'amä 'mɩ 'täkë 'kakla le?» 33'Iibäa' juifë nɩ: «‑Mää 'mʋfajrʋpaa ‑gʋ ‑a anyɩ 'daa amä ‑mɩ 'täkë 'kakla, ‑maa Nyɔsʋalɔ nɔpɔa' 'ia ‑gʋ. ‑Mɔ bäa' bätënyɔɔ, ‑mä ‑na nyufa Nyɔsʋa 'darakalɩ mi.» 34Jesu nya ‑gbala 'üün: «‑Bɛ 'ana ‑dɔ#10.34 ‑dɔ: ‑Srɩ ‑mɩdoo 'lɩ nɩ, ‑Kätɩ Kuöa ‑pɔɔkʋ 'lɩ nɩ, 'ii 'ü 'dara ‑dɔ. 'nyɩ 'daa ‑maa: ‹'Mɔɔ 'daa: nyɔsʋaɩɩ 'a bä#10.34 nyɔsʋaɩɩ 'a bä: Nyɔsʋa dɛtrɛ Israɛɛlëa 'cifu ‑gba ‑beere 'sɩrɩ 'ü bäa' nyɔsʋaɩɩ. 'Jrʋpalä 'ü ‑fɛɛɛa' 'kä Israɛɛlë 'mä 'wʋsi nɩ, 'ɔɔ kä 'ämɩ. 'Lɩbrɛrɛpɔɔkʋ 82.6.?› 35‑Dɔa 'mʋgbɛ ma 'dara nyüülü kä ‑gʋ 'u ‑jɩjraa' nyɔsʋaɩɩ, ‑bɛ nyɔsʋapɔɔkʋ ma 'nyɩ 'lɩbasa ‑a bä nɩ, 36‑mɔlɔ Nyɔsʋa 'baalɩ, ‑bɛ 'ɔ blɔa' 'pläa 'mlɩ nɩ, 'ɔɔ 'a ‑gbala ‑maa: ‹Nyɔsʋa ‑nɔpɔ!› Dɛɛlɛ kä ‑gʋ 'n 'daaa' ‑maa: ‹Nyɔsʋaa 'Jʋ 'n bä?› 37Ama 'nyɩ ‑fɛ 'na Tʋa 'jrʋpa ‑a nɩ, 'anyɩ toro 'mɩ plɛ. 38‑Maa ama ‑fɛ 'ään nɩ, ‑bakää 'ama ‑nëmä 'mɩ plɛtoro nɩ, 'jrʋpalä 'n ‑fɛɛɛa' nɩ, 'ba toro 'ään plɛ 'amä 'saa jre Tʋ bä 'mɩ 'lɩ ‑bɛ 'n bä 'ɔɔn 'lɩ.»
39'Ia ‑gʋ 'ü 'bata ɩ 'sɔɔwʋ 'ümä 'ɔɔn 'kpla, 'ɔnya 'wʋ 'üün kälɩ. 40Jesu nya mi 'sɔɔwʋ Jurëdɛɛn a 'wlugba, ‑tɛ 'lɩ ‑kätɩ Jaan ma 'pala nyüü 'nɩ 'wli, 'ii 'ɔ kʋ. 41Nyüü 'kɔkɔmlɛ mö ‑tɛ 'lɩ 'ɔ bäa' ‑bɛ 'ü 'paa wii: «Jaan 'nyɩ kä ‑saragbia tie ‑a nʋ, ‑maa wiili kä 'fɩɔ 'ɔ 'paa ‑taa nyɔɔlɔa ‑gʋ nɩ, 'cɩcasa bäsaa.» 42'Ia ‑plɩɩlɩ nɩ, 'kɔkɔmlɛ toro 'ɔɔn plɛ.
လက္ရွိေရြးခ်ယ္ထားမွု
Jaan 10: Bakwé
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Wycliffe Bible Translators, Inc.
Jaan 10
10
'Cɩca ‑bablëëgbanyɛrɛnyɔɔ Jesu
Jaan 9.24-38; Esekiɛɛlë 34.1-19
1Jesu ‑nëma: «'Tasɩrɩa 'cɩcasa 'n ‑gbala 'amɩ, nyɔɔlɔ 'nyɩ ‑sröröa' ‑bablëëa ‑glɔa 'palafa 'wʋ, ‑bɛ 'ɔ ‑plööa' 'uun nɩ, 'jejienyɔɔ 'ɔ bä, 'ɔnya bä ‑gbʋgblʋʋkänyɔɔ. 2‑Maa ‑mɔlɔ sröröa' 'palafa 'wʋ, 'ɔɔ bä ‑bablëëgbanyɛrɛnyɔɔ. 3Ɔma ji nɩ, nyɔɔlɔ ‑glaaraa' ‑glɔ ‑gälɩ 'saa 'ɔɔn tatu 'klɩ, 'kä ‑bablëë 'nöö 'ɔa mlɩa wii 'wli. 'Ɔ we 'ɔa nɩ ‑bablëëa 'nyrɩ, 'kä 'ɔ fa 'üün ‑fälɩ. 4Ɔma 'cie 'ɔa ‑bablëëa 'fɩɔ nɩ, 'ɔɔ ‑taa 'üün 'nyʋfɔ 'klɩ, ‑bɛ 'ɔa ‑bablëë prɛ 'ɔɔn dɛrɩ, 'be 'ü jre 'ɔa mlɩa wii. 5'Ü ‑nëmä 'plɔʋ nyɔtugbanyɔɔ dɛrɩ ‑a prɛ; 'lɩdɛrɩ 'ü nëmä 'ɔɔn tʋŋlɔ, 'be 'ünyɩ nyɔtugbanyüüa mlɩa wii mlɩkä ‑a jre.» 6Wiili Jesu nʋa' ‑plɩɩ 'saa 'ɔ 'paplaa' 'klɩ nɩ, 'ünyɩ 'ia ‑gbaa 'wli ‑a 'nu.
7Jesu nya ‑gbala 'sɔɔwʋ 'üün nɩ: «'Tasɩrɩa 'cɩcasa 'n ‑gbala 'amɩ, 'mɔɔ bä ‑bablëëa ‑glɔa 'mëmla. 8Nyüülü kä 'fɩɔ ‑taa' 'mɩ 'nyʋfɔ 'klɔɔtrʋ nɩ, 'jejienyüü nyra ‑gbʋgblʋʋnyüü#10.8 Jeremii 23.1-8; Esekiɛɛlë 34. 'Ia 'papawiilia 'mlɩ nɩ, Israɛɛlëa 'wliklɩa nyüülü bäa' 'lɩ, 'ü bä plɛbʋbɔ ‑bablëëgbanyɛrɛnyüü. 'ü bä; ‑maa ‑bablëë 'nyɩ 'üün 'nyakli ‑a po. 9'Mɔɔ bä 'mëmla: nyɔɔ ma ‑gö 'mɩ 'lɩ ɔma pa nɩ, 'ɔnya 'lɩmlɩwʋa. 'Ɔnya paa, 'kä 'ɔnya 'cie, 'ɔnya jijrɛ 'jäa. 10'Jejienyɔɔ jö 'ɔmä 'jie, 'ɔmä ‑plɛlɩbö, 'ɔmä dii bʋblɔ. 'Mɔɔlɔ nɩ, 'n ji ‑bablëë 'mä 'klä 'jä, 'klälä kä ‑srɩ 'nyɩa' ‑pɛ. 11'Cɩca ‑bablëëgbanyɛrɛnyɔɔ 'n bä. 'Cɩca ‑bablëëgbanyɛrɛnyɔɔ 'saa 'ɔa 'klä 'ɔa ‑bablëëa ‑gʋ. 12‑Maa 'jrʋpafɛnyɔɔlɔ 'nyɩa' ‑bablëëgbanyɛrɛnyɔɔ bä, ‑bɛ ɔnyɩa' ‑bablëëlë kä nɩ, ɔma 'jä kaklamrɛɛ#10.12 kaklamrɛɛ: Grɛɛkëwii 'lɩ 'ɛɛ 'ü 'dara 'klʋɛɛa mrɛɛ ‑beere ‑fɛ. ɛma ji nɩ, 'a ‑plɩɩ 'ɔ tɩɛ ‑bablëë 'kä 'ɔ fɔ, 'kä kaklamrɛɛ 'babla 'üün, 'kä 'ü ‑gbagba 'kä. 13Fɔ 'ɔ fɔ, 'be 'jrʋpafɛnyɔɔ 'ɔ bä. 'Ɔ ‑nëmä 'ɔa nyufa ‑a sɩara 'ɔmä 'lɩ ‑bablëë mlɩba. 14'Mɔɔ bä 'cɩca ‑bablëëgbanyɛrɛnyɔɔ. 'N jre 'na ‑bablëë, 'na ‑bablëë nya jre 'mɩ. 15'Sɩrɩ Tʋ jrea' 'mɩ, 'asɩ 'n jre Tʋ, ‑bɛ 'n 'saa 'na 'klä 'na ‑bablëëa ‑gʋ. 16'N kä ‑bablëë ‑mölöö, 'ünyɩ ‑tɛ ‑glɔ 'lɩ ‑a bä#10.16 Nyüülü 'nyɩa' juifë bä, ‑bɛ 'ümäa' 'ɔɔn plɛtoro, 'üa ‑gä Jesu 'paa.. 'Üülü nɩ, 'n kä ‑a ja 'üün, 'ünya 'na mlɩa wii 'wli 'nua, 'ünya ‑bablëëa ‑glügbö 'döö bäa, 'kä 'ünya ‑gbanyɛrɛnyɔɔ 'doo kä. 17'N 'saa 'na 'klä, 'ia ‑gʋ Tʋ ‑wa 'mɩ, ‑bɛ 'mä ‑pɩ 'ään 'jä 'sɔɔwʋ. 18Nyɔɔ 'nyɩ 'ba 'ään 'mɩ kälɩ ‑a. 'Na 'mlɔɔ ‑nyɛɛ 'ään#10.18 Akëtë 4.27-28.. 'N 'mrɛɛ ‑a ‑nyɩ 'ään, ‑bɛ 'n 'mrɛɛ ‑a dɔrɔ 'ään 'wʋ; 'n 'klaa 'ia 'klü. 'A wiili 'na Tʋ ‑gbalaa' 'mɩ ‑a nʋa'.» 19Wiili 'ɔ 'paa', 'iia ‑gʋ juifë nya 'bölö 'sɔɔwʋ ‑tɩa. 20'Üa ‑tɔrʋpɩɔ 'kɔkɔmlɛ nɩnɩa: «Nyɔɔlɔ domoo bäa' 'lɩ, ɔ saklaa' nɩ, dɛplɛɛ kä ‑gʋ 'a po 'ɔɔn 'nyakli le?» 21‑Mölöö nö ‑maa: «‑Mää nyɔɔ domoo bäa' 'lɩ ‑mää 'ɔɔn 'nyɩ 'pa 'samaa wii; domoo 'mrɛɛ ɔ ‑jie 'nɔnɔnyüüa 'nyü 'klɩ?»
Jesu ‑bɛ Nyɔsʋa bä 'doo
22'I ‑sia' nɩ, Nyɔsʋaanyuku kpakua ‑glɩsɩglɩsɩ#10.22 Nyɔsʋaanyuku kpakua ‑glɩsɩglɩsɩ: ‑sɩa ‑glʋɩuuntää ‑bɛ ‑uunsɔɔ (167) ‑bɛ Jesu 'mäa' ‑glooro nɩ, juifënyüüa 'nyüamlɩjraranyüü 'ba 'ümɩ 'uun kälɩ. 'Ua ‑wälɩ 'ü trara 'üa ‑wäsɛa 'wli, 'unya sɔ 'lɩ. 'I ‑sia' ‑sɩ tää nɩ, juifë nya prɛ nyüülü, 'ünya kpëtä Nyɔsʋaanyuku kpakulua ‑wälɩ, 'ünya ‑nyɩ 'uun Nyɔsʋa kälɩ. 'Bala 'ia ‑srɩlɩa 'mlɩ nɩ, 'a ‑plɩɩ 'ü nö nyukulua ‑glɩsɩglɩsɩ. nya jrälɩ Jerusalɛɛmë; 'i bä sɩɔa 'taɩn. 23Jesu ‑pie ɩ Nyɔsʋaanyuku kpakua ‑saplɛ 'lɩa ‑plɩɩlɩ 'ü 'daraa' Salomɔɔa ‑fʋflʋpalafa. 24Juifë nya trara 'ɔɔn 'klɩ, 'iibä nɩ: «‑Mää ‑mlatɩ anyɩ ‑mɩ 'nyaklipo! ‑Ama bä 'kasa 'Kriisë nɩ, ‑gbala amɩ 'iin 'cɩcasa.» 25Jesu nya ‑gbala 'üün: «'Nyaa ɩ 'amɩ 'iin ‑gbala, ‑maa 'anyɩ 'iin wii ‑a 'dara. 'Jrʋpalä 'n ‑fɛɛɛrɛa' 'na Tʋa 'nyrɩklɩ nɩ, 'ää 'paa 'na ‑gä. 26‑Maa 'amɔlɔ nɩ, 'anyɩ toro 'mɩ plɛ ‑a, 'be 'anyɩ 'na ‑bablëë ‑a bä. 27'Na ‑bablëë 'nöö 'na mlɩa wii 'wli; 'n jre 'üün, ‑bɛ 'ü prɛ 'mɩ dɛrɩ. 28'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba. 29'Na Tʋlɔ ‑nyɩa' 'mɩ 'üün nɩ, 'ɔ ‑si diia 'fɩɔwʋ. Nyɔɔ 'nyɩ 'lɩ ‑a bɩa ɔ 'ba 'üün 'na Tʋ kälɩ. 30'Mɔɔ ‑bɛ 'na Tʋ bä 'doo.» 31'Ii ‑gälɩ juifë dɔrɔ 'sɔɔwʋ 'täkë 'wʋ 'ümä 'ɔmɩ 'üün 'kakla. 32Jesu nya ‑gbala 'üün: «'Mʋfajrʋpa 'kɔkɔmlɛ 'n ‑fɛɛɛrɛa' 'na Tʋa 'nyrɩklɩ, ä 'a 'jäa' nɩ, ‑mäplɛɛ kä ‑gʋ 'amä 'mɩ 'täkë 'kakla le?» 33'Iibäa' juifë nɩ: «‑Mää 'mʋfajrʋpaa ‑gʋ ‑a anyɩ 'daa amä ‑mɩ 'täkë 'kakla, ‑maa Nyɔsʋalɔ nɔpɔa' 'ia ‑gʋ. ‑Mɔ bäa' bätënyɔɔ, ‑mä ‑na nyufa Nyɔsʋa 'darakalɩ mi.» 34Jesu nya ‑gbala 'üün: «‑Bɛ 'ana ‑dɔ#10.34 ‑dɔ: ‑Srɩ ‑mɩdoo 'lɩ nɩ, ‑Kätɩ Kuöa ‑pɔɔkʋ 'lɩ nɩ, 'ii 'ü 'dara ‑dɔ. 'nyɩ 'daa ‑maa: ‹'Mɔɔ 'daa: nyɔsʋaɩɩ 'a bä#10.34 nyɔsʋaɩɩ 'a bä: Nyɔsʋa dɛtrɛ Israɛɛlëa 'cifu ‑gba ‑beere 'sɩrɩ 'ü bäa' nyɔsʋaɩɩ. 'Jrʋpalä 'ü ‑fɛɛɛa' 'kä Israɛɛlë 'mä 'wʋsi nɩ, 'ɔɔ kä 'ämɩ. 'Lɩbrɛrɛpɔɔkʋ 82.6.?› 35‑Dɔa 'mʋgbɛ ma 'dara nyüülü kä ‑gʋ 'u ‑jɩjraa' nyɔsʋaɩɩ, ‑bɛ nyɔsʋapɔɔkʋ ma 'nyɩ 'lɩbasa ‑a bä nɩ, 36‑mɔlɔ Nyɔsʋa 'baalɩ, ‑bɛ 'ɔ blɔa' 'pläa 'mlɩ nɩ, 'ɔɔ 'a ‑gbala ‑maa: ‹Nyɔsʋa ‑nɔpɔ!› Dɛɛlɛ kä ‑gʋ 'n 'daaa' ‑maa: ‹Nyɔsʋaa 'Jʋ 'n bä?› 37Ama 'nyɩ ‑fɛ 'na Tʋa 'jrʋpa ‑a nɩ, 'anyɩ toro 'mɩ plɛ. 38‑Maa ama ‑fɛ 'ään nɩ, ‑bakää 'ama ‑nëmä 'mɩ plɛtoro nɩ, 'jrʋpalä 'n ‑fɛɛɛa' nɩ, 'ba toro 'ään plɛ 'amä 'saa jre Tʋ bä 'mɩ 'lɩ ‑bɛ 'n bä 'ɔɔn 'lɩ.»
39'Ia ‑gʋ 'ü 'bata ɩ 'sɔɔwʋ 'ümä 'ɔɔn 'kpla, 'ɔnya 'wʋ 'üün kälɩ. 40Jesu nya mi 'sɔɔwʋ Jurëdɛɛn a 'wlugba, ‑tɛ 'lɩ ‑kätɩ Jaan ma 'pala nyüü 'nɩ 'wli, 'ii 'ɔ kʋ. 41Nyüü 'kɔkɔmlɛ mö ‑tɛ 'lɩ 'ɔ bäa' ‑bɛ 'ü 'paa wii: «Jaan 'nyɩ kä ‑saragbia tie ‑a nʋ, ‑maa wiili kä 'fɩɔ 'ɔ 'paa ‑taa nyɔɔlɔa ‑gʋ nɩ, 'cɩcasa bäsaa.» 42'Ia ‑plɩɩlɩ nɩ, 'kɔkɔmlɛ toro 'ɔɔn plɛ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Wycliffe Bible Translators, Inc.