Jaan 17
17
Jesu bibie 'ɔa 'mʋgbɛa 'wli 'lɩ
Rɔmënyüü 8.34; Ebröönyüü 7.24-28
1Jesu nʋa' ‑plɩɩ 'saa 'ɔ bɩaa' wii 'papakʋ ɔ nɩ, 'ɔnya 'jrara cɛ 'nyükä 'ɔ ‑nëma: «Tʋ, 'taɩn 'a 'wlijrä, 'bʋala ‑na 'jʋ, ‑na 'jʋ 'mä ‑mɩ 'bʋala. 2‑Mɔ ‑nyɩ 'ɔɔn nyüüa 'fɩɔa 'klügälɩkäläkʋ, 'kä nyüülü kä 'fɩɔ ‑nyɩa' 'ɔɔn nɩ, 'ɔmä 'üün 'klälä 'nyɩa' blöröfa kä ‑nyɩ. 3‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'. 4'N 'bʋala ‑mɩ ‑tʋtʋ ‑gälɩ, 'nyaa 'wlara 'jrʋpalä ‑nyɩa' 'mɩ. 5'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.
Jesu bibie 'ɔa 'wʋnyɛrɛnyüüa 'wli 'lɩ
6«Nyüülü ‑baaa' 'pläa ‑tɔrʋpɩɔ ‑nyɩa' 'mɩ nɩ, 'n srara 'üün ‑na 'nyrɩ. ‑Mɔ ma kä 'üün, ‑nya ‑nyɩ 'mɩ 'üün. 'Ünya ‑träärälɩ ‑na mlɩa wii. 7'Ü jre 'iin ‑mlatɩ 'sɩrɩ diili kä 'fɩɔ ‑nyɩa' 'mɩ sɔa' ‑mɩ kälɩ. 8'Be ‑na mlɩa wiili ‑nyɩa' 'mɩ nɩ, 'ii 'n ‑nyɩ 'üün. 'Ünya 'nyiere 'iin 'klɩ, 'ünya jresaa 'kasa ‑na ‑nyɛɛ 'n sɔ, ‑mɔ blɔ 'mɩ. 9'A 'üa 'wlili 'n bibie. ‑Mää nyüüa 'fɩɔa 'wlili 'nyɩ bibie, ‑maa ü ‑nyɩa' 'mɩ 'üa 'wlili 'n bibie, 'be ‑mɔ kä 'üün. 10‑Bɛ diili kä 'fɩɔ 'n käa' ‑mɔ kä 'iin, diili kä 'fɩɔ ‑käa' 'mɔɔ kä bɩa 'iin; 'ü 'bʋala 'mɩ. 11'N ‑kanyɩ 'pläa ‑tɔrʋpɩɔ ‑a bä, ‑maa 'üülü nɩ, 'ü ‑ka bälɩ. ‑Bɛ 'mɔɔlɔ nɩ, ‑na ‑nyɛɛ 'n jö. 'Na 'Nyüna Tʋ, ‑tʋ nyüülü ‑nyɩa' 'mɩ 'nyügba, 'kä ‑na 'nyrɩklɩ, ‑bɛ 'sɩrɩ 'nyraa ‑mɔ bäa' 'doo 'ümä bɩa 'doo bä. 12'Nyraa 'üün 'sɔ ma bä käa' 'pläa 'mlɩ nɩ, 'mɔɔ ma ‑tʋʋä 'üün 'nyügba ‑na 'nyrɩklɩ. 'N ‑tʋ nyüülü ‑nyɩa' 'mɩ 'nyügba. 'Üa ‑tɔrʋpɩɔa nyɔɔ 'doo 'nyɩ 'mɔlɔ ‑a 'mɔlɔ, ima 'nyɩ ɔ nëmä ɩa' 'mɔlɔ 'ɔa 'doo ‑a bä, wiili ‑jɩjraa' nyɔsʋapɔɔkʋ 'lɩ, 'i jrälɩ#17.12 'Lɩbrɛrɛpɔɔkʋ 41.10; Jaan 13.18.. 13'Köklesaplɩɩ nɩ, ‑na ‑nyɛɛ 'n jö. 'N ‑ka bäa' 'pläa 'mlɩ nɩ, 'ia ‑gʋ 'n 'paa 'ia 'fɩɔ, ‑bɛ dɔrʋlʋ 'blaaa' 'mɩ nɩ, 'umä 'üün 'wlisie. 14'N 'kpɩa 'üün ‑na mlɩa wii. 'Plä nya jrara 'üün 'nyüamlɩ. Dɛɛlɛ kä ‑gʋ, 'ünyɩa' 'pläa 'mlɩa nyüü bä ‑beere 'mɔɔ. 15'Na Tʋ, 'nyɩ bibie ‑mɩ ‑a 'kä ‑mä 'üün 'plä 'wʋ 'ba, ‑maa ‑mä 'lɩ 'üün Plɛbʋbɔsusu#17.15 Plɛbʋbɔsusu: Sataan a 'nyrɩ bäsaa. Tɛ 1 Jaan 2.13; 3.12; 5.18,19. dɛrɩtʋŋlɔ. 16'Sɩrɩ 'nyɩa' 'pläa 'mlɩa nyɔɔ bä, 'asɩ 'ünyɩ 'pläa 'mlɩa nyüü bä. 17Nʋ ‑na 'cɩcasa ‑a bere 'üün 'klɩ ‑na ‑gʋ: ‑na mlɩa wii bä 'cɩcasa. 18'Sɩrɩ ‑blɔa' 'mɩ 'pläa 'mlɩ, 'asɩ 'n blɔ bɩa 'üün 'pläa 'mlɩ. 19'Üa ‑gʋ 'n bere 'na nyufa 'klɩ, ‑bɛ 'üa 'mʋgbɛlü nɩ, 'ümä 'üa nyufa 'klɩbere ‑na 'cɩcasa 'lɩ.
Jesu bibie nyüülü nëmäa' 'ɔɔn plɛtoro 'üa 'wli 'lɩ
20«‑Mää 'üa 'kpɔa' 'wli 'lɩ 'nyɩ bibie, ‑maa 'n bibie bɩa ‑mülü nëmäa' 'üa 'papawii kälɩ ‑srörö ‑bɛ 'ümäa' 'mɩ plɛtoro, 'üa 'wli 'lɩ, 21'üa 'fɩɔ 'mä 'doo bä. 'Na Tʋ, 'sɩrɩ ‑bäa' 'mɩ 'lɩ ‑bɛ 'n bäa' ‑mɩ 'lɩ, 'üa 'mʋgbɛ 'mä amɩ 'lɩ 'doo bä, ‑bɛ 'pläa 'mlɩa nyüü 'mä 'saa jre ‑mɔ blɔ 'mɩ. 22'Mɔɔlɔ nɩ, 'n ‑nyɩ 'üün 'wliklɩbʋabʋakʋlʋ ‑nyɩa' 'mɩ, 'ümä 'doo bä, ‑beere amɔ. 23'N bä 'üün 'lɩ, ‑nya bä 'mɩ 'lɩ, 'ümä 'tasɩrɩ 'doo bä, ‑bɛ 'plä 'mä 'saa jre ‑mɔ ‑blɔ 'mɩ, 'ümä bɩa 'saa jre 'sɩrɩ ‑waa' 'mɩ, 'asɩ ‑wa 'üün. 24'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ. 25'Na Tʋ, ‑mɔ ‑gäa' 'klɩ nɩ, 'plä 'nyɩ ‑mɩ ‑a jre, ‑maa 'mɔɔ 'n jre ‑mɩ, nyüülü kʋa' ‑pɩ nya jre 'iin 'sɩrɩ ‑mɔ blɔa' 'mɩ. 26'Nyaa srara 'üün ‑na 'nyrɩ, 'nyaa 'sɔɔwʋ 'ümɩ 'iin sraraa, ‑bɛ 'sɩrɩ ‑waa' 'mɩ, 'ia ‑wawakʋ 'mä 'üün 'lɩbä, ‑bɛ 'mä bɩa 'üün 'lɩbä.»
လက္ရွိေရြးခ်ယ္ထားမွု
Jaan 17: Bakwé
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Wycliffe Bible Translators, Inc.
Jaan 17
17
Jesu bibie 'ɔa 'mʋgbɛa 'wli 'lɩ
Rɔmënyüü 8.34; Ebröönyüü 7.24-28
1Jesu nʋa' ‑plɩɩ 'saa 'ɔ bɩaa' wii 'papakʋ ɔ nɩ, 'ɔnya 'jrara cɛ 'nyükä 'ɔ ‑nëma: «Tʋ, 'taɩn 'a 'wlijrä, 'bʋala ‑na 'jʋ, ‑na 'jʋ 'mä ‑mɩ 'bʋala. 2‑Mɔ ‑nyɩ 'ɔɔn nyüüa 'fɩɔa 'klügälɩkäläkʋ, 'kä nyüülü kä 'fɩɔ ‑nyɩa' 'ɔɔn nɩ, 'ɔmä 'üün 'klälä 'nyɩa' blöröfa kä ‑nyɩ. 3‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'. 4'N 'bʋala ‑mɩ ‑tʋtʋ ‑gälɩ, 'nyaa 'wlara 'jrʋpalä ‑nyɩa' 'mɩ. 5'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.
Jesu bibie 'ɔa 'wʋnyɛrɛnyüüa 'wli 'lɩ
6«Nyüülü ‑baaa' 'pläa ‑tɔrʋpɩɔ ‑nyɩa' 'mɩ nɩ, 'n srara 'üün ‑na 'nyrɩ. ‑Mɔ ma kä 'üün, ‑nya ‑nyɩ 'mɩ 'üün. 'Ünya ‑träärälɩ ‑na mlɩa wii. 7'Ü jre 'iin ‑mlatɩ 'sɩrɩ diili kä 'fɩɔ ‑nyɩa' 'mɩ sɔa' ‑mɩ kälɩ. 8'Be ‑na mlɩa wiili ‑nyɩa' 'mɩ nɩ, 'ii 'n ‑nyɩ 'üün. 'Ünya 'nyiere 'iin 'klɩ, 'ünya jresaa 'kasa ‑na ‑nyɛɛ 'n sɔ, ‑mɔ blɔ 'mɩ. 9'A 'üa 'wlili 'n bibie. ‑Mää nyüüa 'fɩɔa 'wlili 'nyɩ bibie, ‑maa ü ‑nyɩa' 'mɩ 'üa 'wlili 'n bibie, 'be ‑mɔ kä 'üün. 10‑Bɛ diili kä 'fɩɔ 'n käa' ‑mɔ kä 'iin, diili kä 'fɩɔ ‑käa' 'mɔɔ kä bɩa 'iin; 'ü 'bʋala 'mɩ. 11'N ‑kanyɩ 'pläa ‑tɔrʋpɩɔ ‑a bä, ‑maa 'üülü nɩ, 'ü ‑ka bälɩ. ‑Bɛ 'mɔɔlɔ nɩ, ‑na ‑nyɛɛ 'n jö. 'Na 'Nyüna Tʋ, ‑tʋ nyüülü ‑nyɩa' 'mɩ 'nyügba, 'kä ‑na 'nyrɩklɩ, ‑bɛ 'sɩrɩ 'nyraa ‑mɔ bäa' 'doo 'ümä bɩa 'doo bä. 12'Nyraa 'üün 'sɔ ma bä käa' 'pläa 'mlɩ nɩ, 'mɔɔ ma ‑tʋʋä 'üün 'nyügba ‑na 'nyrɩklɩ. 'N ‑tʋ nyüülü ‑nyɩa' 'mɩ 'nyügba. 'Üa ‑tɔrʋpɩɔa nyɔɔ 'doo 'nyɩ 'mɔlɔ ‑a 'mɔlɔ, ima 'nyɩ ɔ nëmä ɩa' 'mɔlɔ 'ɔa 'doo ‑a bä, wiili ‑jɩjraa' nyɔsʋapɔɔkʋ 'lɩ, 'i jrälɩ#17.12 'Lɩbrɛrɛpɔɔkʋ 41.10; Jaan 13.18.. 13'Köklesaplɩɩ nɩ, ‑na ‑nyɛɛ 'n jö. 'N ‑ka bäa' 'pläa 'mlɩ nɩ, 'ia ‑gʋ 'n 'paa 'ia 'fɩɔ, ‑bɛ dɔrʋlʋ 'blaaa' 'mɩ nɩ, 'umä 'üün 'wlisie. 14'N 'kpɩa 'üün ‑na mlɩa wii. 'Plä nya jrara 'üün 'nyüamlɩ. Dɛɛlɛ kä ‑gʋ, 'ünyɩa' 'pläa 'mlɩa nyüü bä ‑beere 'mɔɔ. 15'Na Tʋ, 'nyɩ bibie ‑mɩ ‑a 'kä ‑mä 'üün 'plä 'wʋ 'ba, ‑maa ‑mä 'lɩ 'üün Plɛbʋbɔsusu#17.15 Plɛbʋbɔsusu: Sataan a 'nyrɩ bäsaa. Tɛ 1 Jaan 2.13; 3.12; 5.18,19. dɛrɩtʋŋlɔ. 16'Sɩrɩ 'nyɩa' 'pläa 'mlɩa nyɔɔ bä, 'asɩ 'ünyɩ 'pläa 'mlɩa nyüü bä. 17Nʋ ‑na 'cɩcasa ‑a bere 'üün 'klɩ ‑na ‑gʋ: ‑na mlɩa wii bä 'cɩcasa. 18'Sɩrɩ ‑blɔa' 'mɩ 'pläa 'mlɩ, 'asɩ 'n blɔ bɩa 'üün 'pläa 'mlɩ. 19'Üa ‑gʋ 'n bere 'na nyufa 'klɩ, ‑bɛ 'üa 'mʋgbɛlü nɩ, 'ümä 'üa nyufa 'klɩbere ‑na 'cɩcasa 'lɩ.
Jesu bibie nyüülü nëmäa' 'ɔɔn plɛtoro 'üa 'wli 'lɩ
20«‑Mää 'üa 'kpɔa' 'wli 'lɩ 'nyɩ bibie, ‑maa 'n bibie bɩa ‑mülü nëmäa' 'üa 'papawii kälɩ ‑srörö ‑bɛ 'ümäa' 'mɩ plɛtoro, 'üa 'wli 'lɩ, 21'üa 'fɩɔ 'mä 'doo bä. 'Na Tʋ, 'sɩrɩ ‑bäa' 'mɩ 'lɩ ‑bɛ 'n bäa' ‑mɩ 'lɩ, 'üa 'mʋgbɛ 'mä amɩ 'lɩ 'doo bä, ‑bɛ 'pläa 'mlɩa nyüü 'mä 'saa jre ‑mɔ blɔ 'mɩ. 22'Mɔɔlɔ nɩ, 'n ‑nyɩ 'üün 'wliklɩbʋabʋakʋlʋ ‑nyɩa' 'mɩ, 'ümä 'doo bä, ‑beere amɔ. 23'N bä 'üün 'lɩ, ‑nya bä 'mɩ 'lɩ, 'ümä 'tasɩrɩ 'doo bä, ‑bɛ 'plä 'mä 'saa jre ‑mɔ ‑blɔ 'mɩ, 'ümä bɩa 'saa jre 'sɩrɩ ‑waa' 'mɩ, 'asɩ ‑wa 'üün. 24'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ. 25'Na Tʋ, ‑mɔ ‑gäa' 'klɩ nɩ, 'plä 'nyɩ ‑mɩ ‑a jre, ‑maa 'mɔɔ 'n jre ‑mɩ, nyüülü kʋa' ‑pɩ nya jre 'iin 'sɩrɩ ‑mɔ blɔa' 'mɩ. 26'Nyaa srara 'üün ‑na 'nyrɩ, 'nyaa 'sɔɔwʋ 'ümɩ 'iin sraraa, ‑bɛ 'sɩrɩ ‑waa' 'mɩ, 'ia ‑wawakʋ 'mä 'üün 'lɩbä, ‑bɛ 'mä bɩa 'üün 'lɩbä.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Wycliffe Bible Translators, Inc.