متّای انجیل 2
2
ستارهشناسون عیسی دِئنِ به هَنن
1بعدِ اونکه عیسی هیرودیس پادشاهی دوره، یهودیّه بیتْلِحِم شهر مِیئن بزاسّه بوبؤ، هوموقع چند ته ستأرهشنأس مشرق زمینای، اورشلیم میئن بومئن 2و اوشون بپورسئن: «او قنداق زاک کوره ایسأ که یهودِ پادشاه ایسّه؟ چونکه اونه ستأرَه، مشرقِ میئن وختیکه جؤر بومَه بدیم و اونه پرستش بِه بومایم.» 3وختی ایی خبر، هیرودیسِ پادشاه گوش برسه، پریشؤنَ بو و تمؤم اورشلیم هم اونه اَمره پریشؤنَ بوئن. 4پس هیرودیس تمؤم کاهینؤن سرؤن و توراتِ معلمون قوم دوخُنده و اوشونای بپورسه: «مسیحِ موعود کوره باء بزاسّه ببی؟» 5اوشون جواب بدئن: «یهودیّه بیتْ لِحمِ میئن، چونکه میکای پیغمبرِ بنویشته میئن ایطو بومَه دئنه:
6«”ای بیتلحم که، یهودا ولایتِ میئن هنّای،
تو یهودا حاکمؤنِ میئن هیچی کم ندَئنی.
چونکه تی جَی حاکمی ظهور کوئنه که،
می قوم، اسرائیلِ شبانی کوئنه.“»
7پس هیرودیس، ستارهشناسونِ خلوتی میئن خو ورجه دوخنده و زمؤنِ دقیق آشکارَ بوئنِ ستاره، اوشأنای بپورسه. 8بازین اوشونِه بیتلحم میئن سرا دا و ستاره شناسؤنِ بوته: «بشین او زأک باره حسّابی بپورس دپورس بکونین. وختی اونه بیاتید، مه واخوبَ کونین تا منم بَئم و اونه پرستش بکونَم.» 9ستارهشنأسؤن بعدِ پادشاه گبون ایشتوسَن، راه دکتن و او ستارهیی که مشرق مِیئن بدِه بوُئن، اوشؤنه پیشدکته، شوءدبو تا سرآخر، جایی که، او زأک ایسأ بو، اونه جؤر بیسه. 10ایشون تا ستاره بدئن خیلی شادَ بوئن. 11وختی خونه میئن بومَئن و زأک خو مئر أمره مریم بدِئن، خوشؤنِ دیمِ گَلِ سر بنئن و او زأک پرستش بودَن. بازین خوشؤن کوشتای صُندوقون واگودن و پیشکشونی زر و کُندر و مُرّ عطریجاتَ جی اونه هَدَئن. 12و چونکه خوئه میئن واخوبَ بوئن هیرودیس ورجه ونگردن، یکته راهِ دیگرَ جی، خوشؤنِ مملکت وگرسَن.
فرار مصر سو
13بعد اینکه ستارهشناسون بوشوئن، خداوند یکته فرشته، یوسفِ خؤ نما بوبؤ و بوته: «ویریس، زأک و اونه مئر ویگیر و مصر سو فرار بکون و اوره بیس تا تَه خبر بدِئم، چونکه هیرودیس، زأک دومبال گردنه تا، اونه بکوشی.» 14پس یوسف شبونه ویریسا، زأک و اونه مئره ویته و مصر سو بوشو. 15و تا هیرودیس موردن وقت، اوره بیسه. ایی اتفاق دکته تا اوچیزی که خداوند، هوشَع پیغمبر زبؤن أمره بوته بو، حقیقت پیدا گوده که، «می ریکَه مصرَ جی دوخُندم.»
هیرودیس قنداق زاکونِ کوشَنه
16وختی هیرودیس بده که، ستارهشنأسؤن اونه گول بزِئن، خیلی اینه غَیضَته و سرا دَه، عین او زمؤنی که ستارهشنأسؤنای بپورس دپورس بوده بو، بیتلحم میئن و اونه دوروبَر همته ریکاکونی که، دوسال و کمتر داشتن، بکوشته. 17هووخت اوچیزیکه اِرِمیای پیغمبر زبؤنای بوُته بوبؤ بو، به انجوم برسه که:
18«یکته صدا رامَه جی به گوش رسنه،
ژگله و ونگِ صدا.
راحیل خوش زاکؤن بِه ونگ زئنِه
نخوائنه آرؤمَ بی،
چونکه ده نیسَن.»
وگرسن ناصرِه سو
19بعدِ هیرودیس موردَن، خداوند یکته فرشته مصر مِیئن یوسف خوء نما بوبؤ 20و بوته: «ویریس، زأک و اونه مئره ویگیر و اسرائیل مملکت سو بشو، چونکه اوشؤنی که زاکِ کوشتن دومبال بوئن، بموردَن.» 21پس یوسف ویریسا، زأک و اونه مئره ویته اسرائیل مملکت سو بوشؤ. 22اما یوسف هیطوکه بشتؤسه، آرکلائوس خوشِ پئر هیرودیس جا، یهودیّه سر حکومت کادره، بترسه اوره بشی، و چونکه خوئه میئن واخُوبَ بؤبو، جلیل سامؤن سو بوشو. 23و یکته شهر به ایسم ناصره میئن زیندیگی بوده. ایی اتفاق دکته تا پیغمبرؤن کلام حقیقت پیدا کونی که، بوته بؤئن: ’ناصری‘ دوخونده بنه.
လက္ရွိေရြးခ်ယ္ထားမွု
متّای انجیل 2: EGB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
متّای انجیل 2
2
ستارهشناسون عیسی دِئنِ به هَنن
1بعدِ اونکه عیسی هیرودیس پادشاهی دوره، یهودیّه بیتْلِحِم شهر مِیئن بزاسّه بوبؤ، هوموقع چند ته ستأرهشنأس مشرق زمینای، اورشلیم میئن بومئن 2و اوشون بپورسئن: «او قنداق زاک کوره ایسأ که یهودِ پادشاه ایسّه؟ چونکه اونه ستأرَه، مشرقِ میئن وختیکه جؤر بومَه بدیم و اونه پرستش بِه بومایم.» 3وختی ایی خبر، هیرودیسِ پادشاه گوش برسه، پریشؤنَ بو و تمؤم اورشلیم هم اونه اَمره پریشؤنَ بوئن. 4پس هیرودیس تمؤم کاهینؤن سرؤن و توراتِ معلمون قوم دوخُنده و اوشونای بپورسه: «مسیحِ موعود کوره باء بزاسّه ببی؟» 5اوشون جواب بدئن: «یهودیّه بیتْ لِحمِ میئن، چونکه میکای پیغمبرِ بنویشته میئن ایطو بومَه دئنه:
6«”ای بیتلحم که، یهودا ولایتِ میئن هنّای،
تو یهودا حاکمؤنِ میئن هیچی کم ندَئنی.
چونکه تی جَی حاکمی ظهور کوئنه که،
می قوم، اسرائیلِ شبانی کوئنه.“»
7پس هیرودیس، ستارهشناسونِ خلوتی میئن خو ورجه دوخنده و زمؤنِ دقیق آشکارَ بوئنِ ستاره، اوشأنای بپورسه. 8بازین اوشونِه بیتلحم میئن سرا دا و ستاره شناسؤنِ بوته: «بشین او زأک باره حسّابی بپورس دپورس بکونین. وختی اونه بیاتید، مه واخوبَ کونین تا منم بَئم و اونه پرستش بکونَم.» 9ستارهشنأسؤن بعدِ پادشاه گبون ایشتوسَن، راه دکتن و او ستارهیی که مشرق مِیئن بدِه بوُئن، اوشؤنه پیشدکته، شوءدبو تا سرآخر، جایی که، او زأک ایسأ بو، اونه جؤر بیسه. 10ایشون تا ستاره بدئن خیلی شادَ بوئن. 11وختی خونه میئن بومَئن و زأک خو مئر أمره مریم بدِئن، خوشؤنِ دیمِ گَلِ سر بنئن و او زأک پرستش بودَن. بازین خوشؤن کوشتای صُندوقون واگودن و پیشکشونی زر و کُندر و مُرّ عطریجاتَ جی اونه هَدَئن. 12و چونکه خوئه میئن واخوبَ بوئن هیرودیس ورجه ونگردن، یکته راهِ دیگرَ جی، خوشؤنِ مملکت وگرسَن.
فرار مصر سو
13بعد اینکه ستارهشناسون بوشوئن، خداوند یکته فرشته، یوسفِ خؤ نما بوبؤ و بوته: «ویریس، زأک و اونه مئر ویگیر و مصر سو فرار بکون و اوره بیس تا تَه خبر بدِئم، چونکه هیرودیس، زأک دومبال گردنه تا، اونه بکوشی.» 14پس یوسف شبونه ویریسا، زأک و اونه مئره ویته و مصر سو بوشو. 15و تا هیرودیس موردن وقت، اوره بیسه. ایی اتفاق دکته تا اوچیزی که خداوند، هوشَع پیغمبر زبؤن أمره بوته بو، حقیقت پیدا گوده که، «می ریکَه مصرَ جی دوخُندم.»
هیرودیس قنداق زاکونِ کوشَنه
16وختی هیرودیس بده که، ستارهشنأسؤن اونه گول بزِئن، خیلی اینه غَیضَته و سرا دَه، عین او زمؤنی که ستارهشنأسؤنای بپورس دپورس بوده بو، بیتلحم میئن و اونه دوروبَر همته ریکاکونی که، دوسال و کمتر داشتن، بکوشته. 17هووخت اوچیزیکه اِرِمیای پیغمبر زبؤنای بوُته بوبؤ بو، به انجوم برسه که:
18«یکته صدا رامَه جی به گوش رسنه،
ژگله و ونگِ صدا.
راحیل خوش زاکؤن بِه ونگ زئنِه
نخوائنه آرؤمَ بی،
چونکه ده نیسَن.»
وگرسن ناصرِه سو
19بعدِ هیرودیس موردَن، خداوند یکته فرشته مصر مِیئن یوسف خوء نما بوبؤ 20و بوته: «ویریس، زأک و اونه مئره ویگیر و اسرائیل مملکت سو بشو، چونکه اوشؤنی که زاکِ کوشتن دومبال بوئن، بموردَن.» 21پس یوسف ویریسا، زأک و اونه مئره ویته اسرائیل مملکت سو بوشؤ. 22اما یوسف هیطوکه بشتؤسه، آرکلائوس خوشِ پئر هیرودیس جا، یهودیّه سر حکومت کادره، بترسه اوره بشی، و چونکه خوئه میئن واخُوبَ بؤبو، جلیل سامؤن سو بوشو. 23و یکته شهر به ایسم ناصره میئن زیندیگی بوده. ایی اتفاق دکته تا پیغمبرؤن کلام حقیقت پیدا کونی که، بوته بؤئن: ’ناصری‘ دوخونده بنه.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company