اِنجیلِ مَتّی 2
2
عالمین ستاره شِناس، عیسیِ بَدیئِنِ وِسه اِنِنه
1عیسی، هیرودیسِ پادشاهِ حِکمرونیِ دُوره، بیت‌لِحِمِ شَهرِ دِله، یَهودیهِ مَنطقهِ جِم دِنیا بییَمو. بَعد از وه دِنیا بییَموئِن سِتاره شِناسون، مشَرق زمِین جِم اورشَلیم بییَمونه 2گاتِنه: «اون چِلیک وَچِه که یَهودِ پادشاهِ، کِجه دَره؟ چوون وه سِتاره ره مَشرق جِم بَدیمی و وه پَرَسِشِ وِسه بییَمومی.»
3وَختی هیرودیسِ پادشاه اینِ بِشنُسه، خَله پَریشون بَییه و تِمومِ اورشَلیمِ مَردِم هم وه هِمراه پَریشون بَینه. 4هیرودیس، مَعبِدِ گَت گَتِ کاهِنون و مَلِّمونی که مَردِمِ، تورات تَعلیم دانه ره یه جا جَمع هاکارده و وِشونِ جِم بَپِرسیِه: مَسیحِ موعود کجِه وِنه دِنیا بِیّه؟
5وِشون هیرودیسِ جِواب هِدانه: «یَهودیهِ بیت‌لِحِمِ دِله، چوون که میکائه پیغَمبِرِ طریق، مِقدَّسِ نوِشته هائه دِله این طی بَنوِشته بَییه:
6' اِی بیت‌لِحِم، یَهودائه مِلکِ دِله،
تِ اَصلِاً یَهودائه دییه حاکِمونِ جِم كَمتِر نیئی،
چوون تِ جِم یِتا حاکِم ظِهور کانده
كه مِ قُوم، اِسرائیلِ، رَهبِری کانده'»
7بعد هیرودیس یَواشِکی عالمینِ سِتارِه شِناسِ، شه پَلی صدا هاکارده و وِشونِ جِم بَپِرسیه اون سِتارِه، کی ظاهر بَییه 8بعد، وِشونِ بیت‌لِحِم راهی هاکارده و بااوته: «بُورین و خوار، اون وَچِهِ دِمبال بَگِردین و همین‌که وه ره پی دا هاکاردینی، مِ ره خَوِر هادین تا مِن هم بِیِّم و وه ره پَرَسِش هاکانِم.»
9وِشون بعد از اینکه پادشاهِ گَبِ بِشنُسِنه، راه دَکِتِنِه، و اون سِتارِه ای كه وه دَر بییَموئِنِ بَدیئه بینه، وِشونِ پیشاپیش شیه، تا سَرآخِر، اونجه كه وَچِه دَییه، اِیست هاکارده. 10وَختی سِتاره ره بَدینه، خَله خِشال بَینه. 11پَس اون سِره دِله بُوردِنِه، وَچِه ره وه مار مَریمِ هِمراه بَدینه و زانو بَزونِه و وه ره پَرَسِش هاکاردِنه. بعد شه صَندِقا ره واز هاکاردِنه و طِلا و عَطریجات وه ره هَدیه هِدانه 12چوون خوِ دِله وِشونِ گوشزَد بَییه بییه كه هیرودیسِ پَلی بَرنَگِردِن، یِتا دییهِ راهِ جِم شه زادگاه بَردَگِردِسِنه.
سَفِر به مِصر
13بَعد از اینکه عالمینِ ستاره شناس بوردِنه خِداوَندِ یِتا از فرِشته ها، خو دِله یوسِفِ ظاهر بَییه و بااوته: «پِرِس، وَچِه و وه مارِ بَیر و هَمین اِمشو مِصر فِرار هاکان و تا وَختی که تِ ره نااوتِمه اونجه بَمون، چوون هیرودیس نِنّه وَچِه ره پی دا هاکانه و وه ره بَکوشه.»
14پَس یوسِف بِلِند بَییه و مار و چِلیکِ وَچِه ره بَییته و هَمون شو مصرِ سَمت راهی بَییه 15و تا هیرودیسِ بَمِردِنِ مووقه، اونجه بَمونِسه. هَمون گَبی كه خِداوَند هوشَعِ پیغَمبِرِ زِوونِ جِم بااوته بییه، اِنجام بَرِسیه: «شه ریکا ره مِصرِ جِم شه پَلی صدا هاکاردِمه.»
هیرودیس، ریکا وَچونِ کُشِنه
16وَختی هیرودیس سَرساب بَییه كه عالمینِ سِتارِه شِناس وه ره گول بَزونِه، خَله عَصِبانی بَییه و طِبقِ تاریخی که سِتارِه شِناسون جِم خَوِردار بَییه بییه، آدِم بَفرِسیه تِمومِ ریکا وَچونِ که دِ سال و دِ سال کَمتِر بینه ره، بیت لِحِم و تِمومِ اون مَنطقهِ دِله بَکوشِن،
17این کارِ هِمراه، اون گَبی كه اِرمیائه پیغَمبِر بَزو بییه، اِنجام بَرِسیِه:
18« رامَهِ جِم یِتا صدا گوش رِسِنه.
بِرمه و موریِ صدا.
راحیل شه وَچونِ وِسه بِرمِه کانده
و نِخوانه آروم بَووه،
چوون وِشون دییه دَنی بینه.»
ناصِرِهِ شَهر بَرگِردِنِنه
19ولی وَختی هیرودیس بَمِرده، خِداوَندِ یِتا از فرشته ها مصرِ دِله یوسِفِ خوِ دِله ظاهر بَییه 20وه ره بااوته: «پِرِس، وَچِه و وه مارِ بَیر و اِسرائیلِ مِلکِ دِله بور چوون اونایی که خواسِنه وَچه ره بَکوشِن، بَمِردِنه.» 21پَس یوسِف بِلِند بَییه، وَچِه و وه مارِ بَییتِه و اِسرائیلِ مِلکِ دِله بورده. 22ولی وَختی بِشنُسه كه آركِلائوس شه پییِر، هیرودیسِ جا، یهودیه دِله پادشاه بَییه، بَتِرسیِه اونجه بُورِه. چوون خو دِله وه ره بااوتِنه، جَلیلِ مَنطقه بوره. 23یوسِف بُورده و یِتا شَهرِ دِله، که وه اسم ناصره بییه زِندِگی هاکارده. این طی، اون پیشگویی که پِیغَمبِرون هاکارده بینه اِنجام بَرِسیه که: «وه ناصری بااوته بونه.»
လက္ရွိေရြးခ်ယ္ထားမွု
اِنجیلِ مَتّی 2: EMB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@2024 Korpu Company
اِنجیلِ مَتّی 2
2
عالمین ستاره شِناس، عیسیِ بَدیئِنِ وِسه اِنِنه
1عیسی، هیرودیسِ پادشاهِ حِکمرونیِ دُوره، بیت‌لِحِمِ شَهرِ دِله، یَهودیهِ مَنطقهِ جِم دِنیا بییَمو. بَعد از وه دِنیا بییَموئِن سِتاره شِناسون، مشَرق زمِین جِم اورشَلیم بییَمونه 2گاتِنه: «اون چِلیک وَچِه که یَهودِ پادشاهِ، کِجه دَره؟ چوون وه سِتاره ره مَشرق جِم بَدیمی و وه پَرَسِشِ وِسه بییَمومی.»
3وَختی هیرودیسِ پادشاه اینِ بِشنُسه، خَله پَریشون بَییه و تِمومِ اورشَلیمِ مَردِم هم وه هِمراه پَریشون بَینه. 4هیرودیس، مَعبِدِ گَت گَتِ کاهِنون و مَلِّمونی که مَردِمِ، تورات تَعلیم دانه ره یه جا جَمع هاکارده و وِشونِ جِم بَپِرسیِه: مَسیحِ موعود کجِه وِنه دِنیا بِیّه؟
5وِشون هیرودیسِ جِواب هِدانه: «یَهودیهِ بیت‌لِحِمِ دِله، چوون که میکائه پیغَمبِرِ طریق، مِقدَّسِ نوِشته هائه دِله این طی بَنوِشته بَییه:
6' اِی بیت‌لِحِم، یَهودائه مِلکِ دِله،
تِ اَصلِاً یَهودائه دییه حاکِمونِ جِم كَمتِر نیئی،
چوون تِ جِم یِتا حاکِم ظِهور کانده
كه مِ قُوم، اِسرائیلِ، رَهبِری کانده'»
7بعد هیرودیس یَواشِکی عالمینِ سِتارِه شِناسِ، شه پَلی صدا هاکارده و وِشونِ جِم بَپِرسیه اون سِتارِه، کی ظاهر بَییه 8بعد، وِشونِ بیت‌لِحِم راهی هاکارده و بااوته: «بُورین و خوار، اون وَچِهِ دِمبال بَگِردین و همین‌که وه ره پی دا هاکاردینی، مِ ره خَوِر هادین تا مِن هم بِیِّم و وه ره پَرَسِش هاکانِم.»
9وِشون بعد از اینکه پادشاهِ گَبِ بِشنُسِنه، راه دَکِتِنِه، و اون سِتارِه ای كه وه دَر بییَموئِنِ بَدیئه بینه، وِشونِ پیشاپیش شیه، تا سَرآخِر، اونجه كه وَچِه دَییه، اِیست هاکارده. 10وَختی سِتاره ره بَدینه، خَله خِشال بَینه. 11پَس اون سِره دِله بُوردِنِه، وَچِه ره وه مار مَریمِ هِمراه بَدینه و زانو بَزونِه و وه ره پَرَسِش هاکاردِنه. بعد شه صَندِقا ره واز هاکاردِنه و طِلا و عَطریجات وه ره هَدیه هِدانه 12چوون خوِ دِله وِشونِ گوشزَد بَییه بییه كه هیرودیسِ پَلی بَرنَگِردِن، یِتا دییهِ راهِ جِم شه زادگاه بَردَگِردِسِنه.
سَفِر به مِصر
13بَعد از اینکه عالمینِ ستاره شناس بوردِنه خِداوَندِ یِتا از فرِشته ها، خو دِله یوسِفِ ظاهر بَییه و بااوته: «پِرِس، وَچِه و وه مارِ بَیر و هَمین اِمشو مِصر فِرار هاکان و تا وَختی که تِ ره نااوتِمه اونجه بَمون، چوون هیرودیس نِنّه وَچِه ره پی دا هاکانه و وه ره بَکوشه.»
14پَس یوسِف بِلِند بَییه و مار و چِلیکِ وَچِه ره بَییته و هَمون شو مصرِ سَمت راهی بَییه 15و تا هیرودیسِ بَمِردِنِ مووقه، اونجه بَمونِسه. هَمون گَبی كه خِداوَند هوشَعِ پیغَمبِرِ زِوونِ جِم بااوته بییه، اِنجام بَرِسیه: «شه ریکا ره مِصرِ جِم شه پَلی صدا هاکاردِمه.»
هیرودیس، ریکا وَچونِ کُشِنه
16وَختی هیرودیس سَرساب بَییه كه عالمینِ سِتارِه شِناس وه ره گول بَزونِه، خَله عَصِبانی بَییه و طِبقِ تاریخی که سِتارِه شِناسون جِم خَوِردار بَییه بییه، آدِم بَفرِسیه تِمومِ ریکا وَچونِ که دِ سال و دِ سال کَمتِر بینه ره، بیت لِحِم و تِمومِ اون مَنطقهِ دِله بَکوشِن،
17این کارِ هِمراه، اون گَبی كه اِرمیائه پیغَمبِر بَزو بییه، اِنجام بَرِسیِه:
18« رامَهِ جِم یِتا صدا گوش رِسِنه.
بِرمه و موریِ صدا.
راحیل شه وَچونِ وِسه بِرمِه کانده
و نِخوانه آروم بَووه،
چوون وِشون دییه دَنی بینه.»
ناصِرِهِ شَهر بَرگِردِنِنه
19ولی وَختی هیرودیس بَمِرده، خِداوَندِ یِتا از فرشته ها مصرِ دِله یوسِفِ خوِ دِله ظاهر بَییه 20وه ره بااوته: «پِرِس، وَچِه و وه مارِ بَیر و اِسرائیلِ مِلکِ دِله بور چوون اونایی که خواسِنه وَچه ره بَکوشِن، بَمِردِنه.» 21پَس یوسِف بِلِند بَییه، وَچِه و وه مارِ بَییتِه و اِسرائیلِ مِلکِ دِله بورده. 22ولی وَختی بِشنُسه كه آركِلائوس شه پییِر، هیرودیسِ جا، یهودیه دِله پادشاه بَییه، بَتِرسیِه اونجه بُورِه. چوون خو دِله وه ره بااوتِنه، جَلیلِ مَنطقه بوره. 23یوسِف بُورده و یِتا شَهرِ دِله، که وه اسم ناصره بییه زِندِگی هاکارده. این طی، اون پیشگویی که پِیغَمبِرون هاکارده بینه اِنجام بَرِسیه که: «وه ناصری بااوته بونه.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@2024 Korpu Company