Mlk 1
1
Musau gulegela gubu sinyibwa na Malako
1Egu i Mwiizi Gulegela wa Yeesu Kilisito, Mwaana wa Kabejya. 2Byeebya byayesinyibwa mubusinye bwa mubushi Isaya:
Kabejya gubu boya biibi: «Na taki anga mu sagujyi waami mabusu goobe,
eyu wa longanga zila ya wakidilanga.#1.2 Lola Malaki 3.1; Isa 40.3; Kul 23.3
3I yoowa gudi muuta mwandu mu ibalagaaza:
Mulonge zila ya Vidi, zila yaayi,
yagololoke zii.»
4Yohane gubu weena kwii balagaaza, heekilu saula mauya ma Kabejya ti: Bandu basama bubi bwaabo mukuboya ti Kabejya wabafiile lusa bubi bwaabo. 5Ihani bandu ba butelegejya wowa mwiizi na ugu tabuka, uhuma u Yelusalemu na mu kyee ihindi kyooso kya Bayuuda haba vueya udi Yohane lu yabika, haba haajya lusa lwa bubi bwa babuta mabusu ga Kabejya; Yohane haya bayabika mu luuyi lwa Yolodani. 6Yohane gubutubila ngubu yababu fuma na mamenywa ga Ngamia. Yohane gubu yiganga mubya wa iseba mu lutinu lwayi, gubwanangi muudya zigi na buki bwa juki. 7#1.7 Yohane haya booya ti: «Udi mundu yungi wa vueyanga manyuma gaami, gudi na butangala unikila. Miimi nidi haasi waayi shilu bengenena unyinama uganga miguzi ya tukokologo twaayi. 8#1.8 Miimi, nibu ba yabika munda mwa meema, haboobwa, eyu wa baba yabikanga munda mwa Tima dya Kabejya».
Kuyabikibwa kwa Yeesu na kusolelebwa na Shetani
(Mat 3.13-17; 4.11; Luk 3.21-22)
9Mu ihindi kyeekya, Yeesu gubu huma u Nazareti #1.9 Yeesu mwaana wa Kabejya munda mwa moola wa Galilaya, haya weena udi Yohane wa muyabii'i mu luuyi lwa Yolodani. 10Yohane haya muyabi'a Yeesu munda mwa meema; haŋa Yeesu heebu lozo'a munda mwa meema, haya mona lububi lwa yigangula, haba mona Tima dya Kabejya dya sala heegulu wa Yeesu bidi tagaya. 11Muhuya hawa huma u lububi hawa boya: «Beebe i Mwaana waami wandu vula koo nindu».
12Hangahaŋa, Tima dya Kabejya hadya mu yiisha kwii balagaaza, 13haya kaana kwii balagaaza masu moomi ganaa, Shetaani muu musolola. Gubwa nangi hamonga na bwinanyama na Malaika ba bwanangi muu muvubila.
Yeesu wa somba mwambu waayi u Galilaya
(Mat 4.12-22; Luk 4.14-15; 5.1-11)
14Haŋa haba bumuziti'a Yohane mu Afwalubi, Yeesu gubu weena u Galilaya. Heekilu sawiila bandu mahuuya galegela uhuma udi Kabejya, 15haya boya: «Masu gabengeneena. Butangala bwa Kabejya bwa nenama. Haboobwa mu fululu'i, mutabu'i Mahuya Galegela ga Kabejya»!
16Lusu lumu, Yeesu gubu weena ayegelanga ha ngondu wa iziba kya Galilaya, Yeesu haya mu mona Simoni hamonga na mu waayi Andele. Ebu muu tashwa tubabila twaabu mu meema manee ba bwanangi balu sheeha na tubabila. 17Yeesu haya ba sawiila: «Mu vueye mu nikumbi. Na miimi na mibi'anga ba sheha atumbulanga ba bandu.» 18Hanga haŋa, haba sama totwa tu babila twaabu haba mu kumba Yeesu. 19Haŋa Yeesu haya weena lungi mabusu, haya mona koo'a mabusu gayi, Yakobo na Yohane, baana ba Zebedayo na mu waayi ebu neebu ba bwanangi munda mwa mutumbu waabu mulonga tu babila. 20Hangahaŋa Yeesu haya bataŋana. Haba musiga shaabu Zebedayo munda mwa mutumbu na ba vubi baayi ihani haba mu kumba Yeesu.
Yeesu wa fuula mundu gudi na misimbusimbu.
(Luk 4.31-37)
21Hebuhwa bibi, Yeesu na ndingisi* yaayi haba weena u moola wa Kapelanaumu. Haŋa lusu lwa Sabato,* Yeesu haya shweela munda mwa mu sinagogi, heekilu ludi'a bandu mahuya ga Kabejya. 22Baa benange muku muteejya haba hanunu'a na uludi'a kwaayi. Ndibu baludi'a byeebya biluludi'a balangidijyi ba Buta;* gububaludi'a na butangala ukila byeebya biluludi'a balangidijyi ba Mahuya golulu.* 23Akeaŋa kwenange momwa munda mwa sinagogi mundu yumo wenee na mizuka na wene mukuyaba: 24«Kudi kaayi amukidi iitu, na beebe Yeesu wa nazaleti? Waava kutusubisha? Ngiyuka ti beebe ni; Sidinabubi wa yiisha#1.24 Kuyiisha: diidi huya haŋa diki monesha mundu wa yena bua dimo kukidila kusaudibwa na mundu yungi Kabejya»! 25Yeesu bya hanunukila wowa muzuka na kuboya: «Bita! Nyomoka munda mwa yu mundu.» 26Ni wowa muzuka bya wabilusha yowa mundu, na kunyomoka munda mwaye. 27Bandu booso benange haŋa byaba hanuka. Byaba kwiyujya hamukidi haabo: «Mbike bindu biibi? Diidi ni langidijyu diya? Yu mundu udi na butangala bwa kuyakula nee na mizuka, naiyo yamuteejya!» 28Hakeaŋa dedya longo dya Yeesu hadya bambana nee kulojya mu kiba kyooso kya Galilaya.
Yeesu wafuula bandu babule bene na lufu na baaba bene na mizuka
(Mat 8.14-17; Luk 4.38-41)
29Nyuma yabebya Yeesu bya nyomoka mu sinagogi*, haya yena kukumo na Yakobo na Yohane ku kyende kya Simoni na Andelee. 30Habe sosoka momwa haba musaudila ti najye mweno na Simoni wene butandabale mu busazu manee wene na kitukutuku kinyumine. Akeaŋa he sosoka Yeesu byaba mu saudila kunemenwa kwaye. 31Haŋo Yeesu haya tuluka tonono na yowa mwamukazi, haya mu talusha kwa kumukwata ku kiboko. Akeaŋa bya fuuka na kitukutuku hakya musama, naiye bya somba kubaabila bidyazi bya kudya.
32Hayee bambana kyoolwa, yuba kusala, bandu byaba muvishila Yeesu bandu booso badi na lufu na booso badi na mizuka. 33Bandu booso ba wowa mukola byaba kumaana busu bwa kibelo kya kyende. 34Na Yeesu bya fuula bandu babule beenange na nyifu mbalambala. Na kujyanga mizuka yabule; ndee yiabila mbangu yaiyo kuyakula kumona ye mu yuka iye ni naani.
Yeesu walangidila bandu mu kisi kya Galilaya
(Luk 4.42-44)
35Mukisi pupu, kukidi kakunga, Yeesu bya buuka bya nyomoka mu kyende, bya yena bua disivane mundu, na haya somba kuhaajya. 36Simoni na bezinaye byaba yena kwe mukeba. 37Haŋa habee mumona, byaba musaudila ti: «Vidi-nyambi bandu booso bakikukeba.» 38Haŋo Yeesu naiye bya basaudila: «Twene mumukola ungi wa tonono naka saule mauya ma Kabejya koo naako, kumona ti, ni byambevila.» 39Haŋo Yeesu bya yena mukye kiba kyooso kya Galilaya. Muku yakula mauya ma Kabejya muma sinagogi maabo na kujyanga mizuka munda mwa bandu.
Yeesu wafuula mundu yidi na kivu
(Mat 8.1-4; Luk 5.12-13)
40Lusu lumo, mundu yumo yidi na kivu weyena busu bwa Yeesu. Bya fukika manyu busu bwa Yeesu, bya kwiaya na kuboya ti: «Itu wavula, ukibambana kungufuula!» 41Yeesu bya mumonena lusa. Byaolola kiboko kyaye, byamulengela na kumusaudila: «Navula. Ufuuke!» 42Akeaŋa lufu lwa kivu halwa musama yowa mundu bya fuuka. 43Nyuma yaaŋo, Yeesu bya mumonesha zila wa yeene na kumulanga biibi: 44«Teejya bilwela: Ndusaudila mundu nee yumo maama mauya!, Ni uka kwimoneshe kwa mupelo*, na ukahaane salaka* kudi Kabejya ku kumo dya kutooka beebya bye sinya Musa kwaku monesha kudi bandu ti wafuuka».#1.44 Itu mundu wa fuuka na lufu lwa kivu, wene mukuta beebya ti watabukibwe lungi hamukidi habandu ao mukilongo. Lola Walawi 13.45-46; 14.1-32
45Bobwa bwe yena yowa mundu, bya somba kumwangidijya wowa musau mabua mooso. Kukidila bebya Yeesu nde samuna lungi kushwela mumukola ungi hululu. Bya yakana mubua dyabunga. Nee mbebya, bandu babule be yena kudiye mbanga yooso.
လက္ရွိေရြးခ်ယ္ထားမွု
Mlk 1: bnx
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
2025 Forum Communautairre des Traducteurs de la bible et Alphabetisation