ဟေရှာယအနာဂတ္တိကျမ်း 12မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ကြည့်ရှု​လော့​။ ဘုရားသခင်​သည် ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​သည် ကြောက်ရွံ့​ခြင်း​မ​ရှိ​ဘဲ ယုံကြည်ကိုးစား​မည်​။ အကြောင်းမူကား ထာဝရဘုရား​သည် ငါ​၏​ခွန်အား​၊ ငါ​၏​တေးသီချင်း​၊ ငါ့​ကို ကယ်တင်​သော​အရှင်​ဖြစ်​တော်မူ​၏​”​ဟု ဆို​လိမ့်မည်​။

သင်​တို့​သည် ကယ်တင်​ခြင်း​စမ်းရေတွင်း​များ​မှ​ရေ​ကို ဝမ်းမြောက်​စွာ ခပ်ယူ​ကြ​လိမ့်မည်​။

ထာဝရဘုရား​ကို သီဆိုချီးမွမ်း​ကြ​လော့​။ အကြောင်းမူကား ကိုယ်တော်​သည် ကြီးမြတ်​သော​အမှု​ကို ပြု​တော်မူ​၏​။ ဤ​အမှု​ကို မြေကြီး​တစ်ပြင်လုံး သိ​စေ​ကြ​လော့​။

ထို​နေ့ရက်​၌ သင်​တို့​က “​ထာဝရဘုရား​ကို ချီးမွမ်း​ကြ​လော့​။ ကိုယ်တော်​၏​နာမ​တော်​ကို ခေါ်ဆို​ပတ္ထနာပြု​ကြ​လော့​။ ကိုယ်တော်​ပြု​သော​အမှု​တော်​တို့​ကို လူမျိုး​တို့​အလယ်​၌ ဖော်ပြ​ကြ​လော့​။ ကိုယ်တော်​၏​နာမ​တော်​မြင့်မြတ်​တော်မူ​ကြောင်း​ကို ထုတ်ဖော်​ပြောဆို​ကြ​လော့​။

ထို​နေ့ရက်​၌ သင်​က “​အို ထာဝရဘုရား​၊ အကျွန်ုပ်​သည် ကိုယ်တော်​ကို​ချီးမွမ်း​ပါ​မည်​။ ကိုယ်တော်​သည် အကျွန်ုပ်​ကို အမျက်ထွက်​တော်မူ​သော်လည်း အမျက်​တော်​ပြေ​၍ အကျွန်ုပ်​ကို​နှစ်သိမ့်​တော်မူ​ပါ​၏​။

အို ဇိအုန်​မြို့သား​တို့​၊ ကြွေးကြော်​လော့​။ ရွှင်လန်း​စွာ​သီချင်းဆို​လော့​။ အကြောင်းမူကား သင်​တို့​တွင် အစ္စရေး​လူမျိုး​၏​သန့်ရှင်း​သော​အရှင်​သည် ကြီးမြတ်​တော်မူ​၏​”​ဟု ဆို​ကြ​လိမ့်မည်​။