Luka 14မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Omundu amasa kwingye isiarikwa ise wuwe ekiniga nanyinya nomukali wuwe na bana na bagala babo nabali babo, ega nengebe yiwe nibya, siangatoka eribya mwiga wage.

Omundu oyu teheka omusalaba wuwe nerinyikwama, siangatoka eribya omwiga wage.

Kusangwa oburi mundu oyu kayihira endata, asya kehibwa, noyu kayikehaya asyahamibwa.

Ritya omundu gu kwinywe amatindasiga ebyosi awite siangatoka eribya omwiga wage.

Kusangwa nindi kwinywe, oyu kasonda erihimba enyumba nyiri, isiari tsuka eriikala ahisi neriganza esyofaranka syerihimba, ngana wite esyeriusulyayo kwehi? Bite bitya, abihira ekibanza, inialemwa eriusulyayo, nabosi abakasungayo ibatsuka erimu seka, bati, Omundu oyu mwatsuka erihimba, mwalemwa eribugayo.

Nikwa omugulu ukaha erirya, ubirikire abera, nebirema, nabakasindo gera nesyondimatime, nawe wasyabana omuyisa, kusangwa sibangatoka eriswakutuha, Wasyatuhwa okwilubuka ryabatu nganene.

Omunyu owene; nikwa omunyu amatalya obusi bwago, obusi bwago bwasyasubibwa buti kwehi? Isiatolere busana nekitaka kutse busana nekyabu; bandu bakagusago eyihya. Oyu wite amatwi weriowa, owe.