LUKAS 14မှ လူကြိုက်နှစ်သက်သော ကျမ်းပိုဒ်များ။

မျှဝေရန်

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

At-nen idnak e lang pang tak pidnak iri pijanuruk, at nimbirik nuwa buk nab-e an nimbirik noso nap momtag-e meya-o.

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

”Iri ngglal-et kit kennggendumu-nen ap misiger-o luk tet kit kinsilobulo pidsa ’Nimbir-o’ luk keya bigit lak-nen-e an nimbirik noso nap kwat momtag-e meya-o” luk Yesus-nen yij-o.

Nde, kit misik-nen-e o mot mbi wereyeg-o perasolug-e, awo wirigit lak ma-net kore luk, o yu na wururak mende onggo purak tol-e ndak worasu, lak? luk orol na wonarugwi-o. Nde, tol nde wonarigit lak-nen-e ap iri-nen-e o mabin puwa-t nde, o mot na wiril ludtak mende lak me, o na wirigit lak keya buwama-ge, iri kwarosola kaidnak nap pidsa-nen-e at pesel ubuwa-o. Pesel obogolar-e: ’E! Ap yu-ge o tel nak kosa keya bid yu-ge ngge-o!’ luk yak tuwa-o.

Iri bem-e, kat-nen nunggwi mende saburug-e, insilobulo lak nap min unuwok kago worak min kambung puk tak woragwi min enlengen ngguru min yonggo unpugun ala-ge, it-nen onggo sak kururag-e lak me, imbiringgat tak kubuwa-o. Lud tak woragwi nap tuguruk unluk tak puwa tarem-nen-e Mbal Pem Nagawan-nen onggo wok kuruwa-o” luk yij-o.

Yuruk, Yesus-nen yosolar-e: ”Mayu iri-ge undu worag-et nde, mayu na undu lak ala-ge, nggesa undu worak tak purag-o? Mayu undu lak iri-ge yaidnak sa purak na meya, nggweyak amburu rak puwakluk purak na meya ala karuk, mbo nak pugwi-o. Ta-nen nde wene yu kulurak eneyanggo worak ala-ge, wene yu kuluwag-o” luk yij-o.