Lucas 14မှ လူကြိုက်နှစ်သက်သော ကျမ်းပိုဒ်များ။

မျှဝေရန်

—Tyi chuc mạꞌjeꞌ cäc̣häꞌchun jụijyaꞌ yụ in, jemoñeꞌ muꞌ mujuꞌchaꞌ mạꞌjin yụ, paj qui uyaꞌyaꞌ mạꞌjeyaqui ĉụiꞌtyiꞌ jenꞌ muꞌ, judyeyaꞌ tseꞌ muꞌ, p̂en muꞌ, ạvaꞌ muꞌ judyeyaꞌ vojity muꞌ judyeyaꞌ chimeꞌ uyaꞌyaꞌ ĉụiꞌ mạꞌjiti muꞌ. Tyi chuc uyaꞌyaꞌ mạꞌjintyiꞌ yụ, jam tupuj cäc̣häꞌchun yụ.

Chimeꞌdye jam vemetety jụijyaꞌ muꞌ crosh paj qui meꞌ buꞌyi jịjcabun ñịbedyes yụ, jam meꞌ jụijyaꞌ muꞌ, muꞌ raꞌ jam tupuj cäc̣häꞌchun yụ.

Tyi chuc ĉụiꞌ mujuꞌchaꞌ yuꞌtity, muꞌ raꞌ uyaꞌyaꞌ yụꞌtac in, muꞌin na uyaꞌyaꞌ yuꞌtity in, muꞌin raꞌ mujuꞌchaꞌ yụꞌtac in —jéyacsi Jesús.

Meꞌdye raꞌ miꞌin chimeꞌ jiꞌdyijviti miꞌin, areꞌ yụ mạꞌjeꞌ cäc̣häꞌchutiĉaꞌ jụijyaꞌ miꞌin, areꞌ jam. Jemoñeꞌ jam dyijtutiñeꞌ ĉụiꞌsiꞌ jedyeꞌ miꞌin paj qui cäc̣häꞌchutiĉaꞌ yụ miꞌin —jéyacsi muꞌ Jesús.

Jeshaꞌ, miꞌin pạrej dyijyi jämꞌtiñeꞌ raꞌ därsiꞌ acaꞌ jụijyaꞌ, ¿jam adac tashcheꞌ jiꞌdyijviti miꞌin jämꞌ juñucsiꞌcheꞌ chuc raꞌ yaꞌiꞌ paj qui ijac mọꞌ acaꞌ miꞌin? Jam meꞌ jụijyaꞌ, meꞌ mọmoꞌ ĉụiꞌ tiyacchutiñeꞌyaꞌ yụꞌtiñeꞌ cach buꞌyiꞌcheꞌ, meꞌ tsanꞌ meꞌ buꞌyiꞌ jam qui namꞌ tupuj ijaijyaꞌ miꞌin. Muntyiꞌ cavinactyiꞌ jụijyaꞌ in dyijsacbunac raꞌ in acaꞌ miꞌin. Yi raꞌ in: "Uts muntyiꞌ meꞌ tsanꞌ tiyacchuiꞌtyiꞌ acaꞌ jämꞌtyeꞌ, mijam qui namꞌ junꞌ ijaiꞌ muꞌ", yi raꞌ in.

Jämꞌdyeyaꞌ yụꞌtyeyacsiyam säcsedyeꞌ muntyidyes in, damꞌdye jämꞌ muꞌindye jiꞌvorvacsi mi muꞌin ñịbety in, judyeyaꞌ täcnity in, judyeyaꞌ väiꞌväiꞌyity in, judyeyaꞌ tofety in. Meꞌ raꞌ chat där maꞌjoij mi, muꞌin raꞌ jam junꞌ chimeꞌjindye in jiꞌvorvin in. Jenꞌdye raꞌ soꞌmin bijodyeꞌ mi aty ayijbanꞌyaꞌ tupudyeꞌ vañinyeban raꞌ muꞌin rụijtyity in —jéte Jesús.

Mọꞌ jicoj anic jämꞌ, meꞌ jụijyaꞌ tsabacjoiꞌ, jam raꞌ junꞌ caꞌñibunꞌ mijam raꞌ cuvij jesecjobanꞌ. Mọꞌ aty jam jedyedyes shupquiꞌ, mijam jacdyes pịñitucdyes cätidyeꞌ atsvun, jemoñeꞌ qui vaꞌcac mọmoꞌ. Tyi chuc chuntumtyiꞌ in paj jämꞌ seꞌveꞌ in ọij p̂eyacdyeꞌ —jéyacsi muꞌ Jesús.