JUHAN 5
5
Bethesda ma Kak Amüikya
1Ija füima zanglom pangpwon to hak ang Jisu Jerusalem to ngui. 2Jerusalem ma chun zünkai hama Ibri kax ma Bethesda le nyakkya, pomsa aga füikya tiküi tuita tüikya.#5.2: chun zünkai…tiküi tuita tüikya; chichangba Chun tiküi hama. Pomsa aga füi; Ibri ma ija ang Bethzatha le nyakle.#5.2: Bethzatha; züizüi laiza ma tüikya a Bethesda. 3Ija pompsabu ma kakmixbu tüle tüikya; mikduak, chafai tamchu faishokle kakkya, ibue ti aloxkya tanle ngo.#5.3: Züizüi laiza ma okhix 3b-4 a obo ang zale: Hwom a ti alox angkya tanle ngo, 4 chemthüikoxle onoxbaba to kaxtaimix nguilaxle ti to sile aloxle chang. Ija ti aloxkya füi tomle pongwang ma ti to som ang kopkya khünak a, chemningkya kak changkoxchu kakmüilaxle pao. 4Chemthüikoxle onoxnox ma Jowanpa kaxtaimix tiküi khato julaxle ti to lüixle tox; ilaxle tüta mix wüi changlax, ija ti aloxkya füi tomle pongwang ma ti to ting ang kopkya mix, chix ma tüta ningkya kak tüikoxchu müi. 5Ikhama zanglao tsübün achyet kakle ngokya mix tuita tüikya. 6Otue Jisu-e chix ngün, tamchu chix ile ozulole kakle ngokya mix changle le awanlaxle, Jisu-e chix ang kak müise tsucha le atüi.
7Kakmixe chix kax to lan: “Nwotmix, tiküi ti lüixle alox füima ku ikhato somkox angkya mix owawachu müntüi; ilaxle ku ikhato thai ang azong pongma ku thoma mix wüi sütle bangle.”
8Jisu-e chix füi akax: “Zolax, nang lya koplaxle ahamlax.” 9Ija ma wüi thuile chix kak müi; chix lya kop ilaxle aham ang süt.
Athax ija nyix a nazak nyix kha changkya. 10#Neh 13.19; Jer 17.21.Ija khoma Jehudi nok pünpa-chongwangbue kak müikya mixsün ang thüi: “Anyix a nazak nyix changle, Idaile nange nang lya pai angkya kem wanlom füi apüikya mwot changpu.”
11Ikoxle chixe hwom kax to lan: “Nang lya koplax ilaxle ahamlax le ku kak amüikya khünak akaxkya changpu.”
12Hwome chix ang thüi: “Nang ang nang lya koplax ilaxle ahamlax le thüikya mix a owa?”
13IKoxle kak müikya mixsüne ija opupu changkya hex chitik. Chemthüikoxle ikhama khünaknu asox pongma Jisu a dangjale laile pao bang.
14Ofüima chix Jisu thoma Zangshwom hom ma bangle, Jisu-e chix ang thüi: “Hulax, nang kak müidaoa, chatle fünma chiatak angkya hanpakma ochax taxlyen.”
15Ija mixsün pao ilaxle Jehudi nok pünpa-chongwangbu hato, chix kak amüikya mix a Jisu changpu le awan ang tom. 16Ija khoma Jehudi khünakbue Jisu to zothup ang süt, chemthüikoxle chixe ija mwot a nazak nyix mok. 17Ikoxchu chixe hwom ang hüi: “Apaechu athax kople mokle ngopu, ilaxle kuechu mok angkya changpu.”
Jisu Zang füi Tawüi
18Ija khoma Jehudi nok pünpa-chongwangbue chix lang ang onüi tung. Chemthüikoxle chixe nazak nyix tata amakya chichangle, Zang ang chixe Hopa changpu le akax; ile chix Zang füi tuita ang achang.
Hosa Tsakzong
19Ija khoma Jisu-e hwom kax to lan: “Otsingtsingma kue hünzom ang thüipu, Hosae lita olom ma Hopa mwot ngünle laxkya chichang thüikoxle chix lualua to chemchu mok ang müntho; chemthüikoxle Hopae chemle mokpuix, Hosaechu ija ningle mokpu. 20Chemthüikoxle Hopae Hosa to mongkün ikhoma chixe mokkyabu pangnusa ahole kox; ilaxle hünzom abütkya lima chixe ijabu füi süchongkya chix hama aho angkya changle. 21Chemthüikoxle chemle Hopae zidaokyabu chatle zo ang tom le hwom ang khüzün hoxpuix, ija ningle chix mongtsukyabu ang Hosaechu khüzün koxtsuak angkya changle. 22Hopa chix tatae owa kaxchu mafün, ikoxle kaxfün angkya pangwüi Hosa ang koxle thomle; ikhoma hwome Hopa achuakkya ningle Hosachu wüi achuak angkya changle. 23Owae Hosa chathua chizaüi hex, chix tomle ajokya Hopa chathua chuwüi münza.
24“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.
Anaole Zokya
25“Otsingtsingma kue hünzom ang thüipu, ziünkyabue Zang Hosa zing atat angkya tunu nguile hüidao, tamchu ija athax changle; ilaxle atatkyabu pangnu wüi ozün ang achangle chatüi. 26Hopa chemle khüzün otong hex ija lailaile Hosachu wüi khüzün otong ang achangdaoa. 27Chixe Hosa ang kaxfün angkya zong fadaoa, chemthüikoxle chix a Khünak Hosa changle. 28Ija atatlaxle taxabüt; chemthüikoxle zidaokyabu pangnusae chix kax atat angkya tamchu zuk-kha tokya lai angkya tu nguile hüi ngole. 29#Dan 12.2.Ilaxle opange müikya mwot mokdao laxpuix, ibu ozün ma tamchatle zoüi; ilaxle opange oma mwot mokdao laxpuix, hwom omang kaxfün ma anaole zoüi.
Jisu bama Hakhibu
30“Ku mongtex ma kue chemchu mok ang müntho, kue chemle Zange ku füi akax puix, ija ningle kaxfün fapu; ikhoma ku kaxfün a sukya changpu; chemthüikoxle kue ku mongtex münlom. Kue ku tsanle ajokya mix mongtex lompu.
31“Kue alüile ku kaxkhi jangkox thüiningle ija ku kaxkhi a otsingtsing münchang. Ijae ku kax changpu le aho ang müntho. 32Ku hanpakma kaxkhi fa angkya mix chatle mama tüile; ilaxle chix hanpakma fakya kaxkhi a otsingtsing changpu le kue awanle.
Juhan-e Fakya Hakhi
33 #
Jhn 1.19-27; 3.27-30. “Hünzome ma mwottsan mix owa hato apao ilaxle owae otsingtsing bama akax, chix a Juhan changpu. 34Ikoxlechu kue khünak kaxkhi lax angkya wüile münchang; ikoxlechu kue ijabu hünzom khosün hanpakmale akaxpu. 35Juhan a chuale tamchu nyanle ngokya wüntik ningle changkya ilaxle onox ma hünzomechu chix zangngai to mongmüise le tsuakya.
Mwote Fakya Hakhi
36“Ikoxle ku ma tüikya kaxkhi a Juhan-e fakya kaxkhi füi ngaxchu süchongkya changle, chemthüikoxle oja mwot moktsuak angkya zong Apae ku ang koxpuix, ija a, kua a Apae tsanle ajokya changpu lekya kaxkhi changpu.
Hopae Fakya Hakhi
37 #
Mat 3.17; Mrk 1.11; Luk 3.22. “Ilaxle Apa owae ku tsanle ajopuix, chixe ku bama kaxkhi fale. Hünzome tütatuechu chix kaxzing maatat, chichangba chix sün mangün; 38ilaxle chix kax hünzome mong ma chithom, chemthüikoxle hünzome ku tsanle ajokya mix to chiong.
Lai kaxe Fakya Hakhi
39“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle. 40Ikoxlechu hünzom a khüzün kop ang ku hato hüise le chitsu.
41“Kue khünak angkya münchong lomkya chichang, 42Ikoxle hünzom chem ningkya hex kue awan ngopu; ilaxle tsingle ngopu. 43Ku a Apa mün ma hüipu, ikoxle hünzome ku a pongle chikop; ikoxle mama mix owawa ma mün ma janghüiba hünzome chix pongle kopüi. 44Hünzome tata angkya münchong kopse tsu ikoxlechu tuita wüi tüikya Zang tokhange münchong kop ang hünzom chiazong. Ile jangchangba hünzome ku to cheme ong manüi? 45Ibachu Apa pomtho ma hünzom ang thaile le thüi angkya mix Ku changpu le hünzome taxthüt; hünzom ang thaile le thüi angkya a hünzome mongongle ngokya Mosa tix changpu. 46Hünzome Mosa to jangong thüiningle ku tochu ongse, chemthüikoxle chixe zakya a ku bama zakya changpu. 47Ikoxlechu hünzome chix chakza to chiongba, hünzome ku kax to chemle ong haxkux?”
လက်ရှိရွေးချယ်ထားမှု
JUHAN 5: WANCBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.