ရှင်ယောဟန်ခရစ်ဝင် 20:3-10

ထိုအခါ ပေတရု​နှင့် ထို​အခြား​တပည့်​တော်​သည် ထွက်လာ​၍ သင်္ချိုင်း​တော်​သို့​သွား​ကြ​၏။ သူ​တို့​နှစ်​ဦး​သည် အတူတူ​ပြေး​ကြ​သော်လည်း အခြား​တပည့်​တော်​သည် ပေတရု​ထက် လျင်မြန်​စွာ​ပြေး​၍ သင်္ချိုင်း​တော်​သို့​ဦးစွာ​ရောက်​သဖြင့် ငုံ့ကြည့်​လိုက်​ရာ ပိတ်ထည်​များ​ရှိ​နေ​သည်​ကို​မြင်​ရ​၏။ သို့သော် သူ​သည် အထဲသို့​မ​ဝင်​ဘဲ​နေ​၏။ ထိုအခါ နောက်​မှ​လိုက်​လာ​သော ရှိမုန်​ပေတရု​သည်​လည်း​ရောက်လာ​၍ သင်္ချိုင်း​ဂူ​ထဲသို့​ဝင်​ပြီးလျှင် ပိတ်ထည်​များ​ရှိ​နေ​သည်​ကို​လည်းကောင်း၊ ကိုယ်တော်​၏​ဦးခေါင်း​တော်​ကို​ပတ်စည်း​ထား​သော​ပဝါ​သည် ပိတ်ထည်​များ​နှင့်အတူ​မ​ရှိ​ဘဲ တစ်​နေရာ​တွင်​သီးခြား​လိပ်​ထား​သည်​ကို​လည်းကောင်း မြင်​လေ​၏။ ထို့နောက် သင်္ချိုင်း​တော်​သို့​ဦးစွာ​ရောက်​သော အခြား​တပည့်​တော်​သည်​လည်း​ဝင်လာ​၍ မြင်​သဖြင့် ယုံကြည်​လေ​၏။ (သူ​တို့​သည် သေ​သော​သူ​တို့​ထဲမှ ကိုယ်တော်​ထမြောက်​ရ​မည်​ဟူသော​ကျမ်းချက်​ကို နား​မ​လည်​ကြ​သေး။) ထို့နောက် ထို​တပည့်​တော်​တို့​သည် မိမိ​တို့​အိမ်​သို့ ပြန်​သွား​ကြ​၏။