ယောရှုမှတ်စာ 12

ဂျော်ဒန်မြစ်အရှေ့ဘက် နယ်နိမိတ်

1အစ္စရေးအမျိုးသားတို့တိုက်ခိုက်သိမ်းပိုက်နိုင်ခဲ့သောပြည်နှင့်ဘုရင်များကား ဤသို့ဖြစ်၏။ အစ္စရေးအမျိုးသားတို့သည် ဂျော်ဒန်မြစ်အရှေ့ဘက်ခြမ်းတွင် အာနုန်ချောင်းမှစ၍ ဟေရမုန်တောင်အထိ၊ အရှေ့ဘက်အရာဗလွင်ပြင်တစ်ခုလုံး၊ 2ဟေရှဘုန်မြို့၌စိုးစံသော အာမောရိလူမျိုးတို့၏ဘုရင်ရှိဟုန်မင်းကြီး ပိုင်နက်ဖြစ်သည့် အာနုန်ချောင်းနံဘေးရှိအာရော်မြို့၊ အာနုန်ချောင်း တစ်ဝက်မှ ဂိလဒ်ပြည်တစ်ဝက်၊ အမ္မုန်အမျိုးသားတို့နယ်စပ် ယဗ္ဗုတ်ချောင်းအထိ အောင်နိုင်ခဲ့၏။ 3အရာဗလွင်ပြင်မှ ဂင်နေသရက်အိုင်အရှေ့ဘက်အထိ၊ ဆားပင်လယ်ဟုခေါ်သောအရာဗပင်လယ်မှ အရှေ့ဘက်ဗက်ယေရှိမုတ်မြို့အထိ၊ တောင်ဘက် ပိသဂါတောင်ခြေအထိ၊ 4အာရှတရုတ်မြို့နှင့်ဧဒြိမြို့တို့၌စိုးစံသော ရေဖိမ်လူမျိုးအကြွင်းအကျန် ဗာရှန်ဘုရင်ဩဃမင်းကြီး ပိုင်နက်ဖြစ်သည့် 5ဟေရမုန်တောင်၊ သာလကအရပ်နှင့် ဗာရှန်တစ်ပြည်လုံးမှစ၍ ဂေရှုရိလူမျိုး၊ မာခါသိလူမျိုးတို့၏နယ်နိမိတ်အထိ၊ ဂိလဒ်ပြည်တစ်ဝက်မှစ၍ ဟေရှဘုန်ဘုရင်ရှိဟုန်မင်းကြီး၏နယ်နိမိတ်အထိ သိမ်းပိုက်နိုင်ခဲ့၏။ 6ထာဝရဘုရား၏အစေအပါးမောရှေနှင့်အစ္စရေးအမျိုးသားတို့သည် ထိုပြည်တို့ကိုအောင်နိုင်ပြီးလျှင် ထာဝရဘုရား၏အစေအပါးမောရှေသည် ထိုပြည်ကို ရုဗင်အမျိုး၊ ဂဒ်အမျိုးနှင့် မနာရှေအမျိုးတစ်ဝက်အား ပိုင်ဆိုင်ရာအဖြစ်ပေးလေ၏။

ဂျော်ဒန်မြစ်အနောက်ဘက် နယ်နိမိတ်

7ယောရှုနှင့်အစ္စရေးအမျိုးသားတို့သည် ဂျော်ဒန်မြစ်အနောက်ဘက်ခြမ်း၌ လက်ဘနွန်ချိုင့်ဝှမ်းရှိဗာလဂဒ်အရပ်မှ စိရပြည်ဘက်သို့တက်သွားသောဟာလက်တောင်အထိ အောင်နိုင်ခဲ့၏။ သူတို့အောင်နိုင်ခဲ့သောပြည်မှဘုရင်များကား ဤသို့ဖြစ်၏။ (ယောရှုသည် အစ္စရေးအမျိုးအနွယ်တို့ကို သူတို့၏ဝေစုအလိုက် အမွေမြေခွဲဝေပေး၏။ 8ထိုနယ်မြေများမှာ တောင်ပေါ်ဒေသ၊ မြေပြန့်ဒေသ၊ အရာဗလွင်ပြင်၊ တောင်စောင်းတစ်လျှောက်၊ တောကန္တာရနှင့် ဟိတ္တိလူမျိုး၊ အာမောရိလူမျိုး၊ ခါနာန်လူမျိုး၊ ဖေရဇိလူမျိုး၊ ဟိဝိလူမျိုး၊ ယေဗုသိလူမျိုးတို့နေထိုင်ရာ နေဂေ့အရပ် စသည်တို့ဖြစ်ကြ၏။)

9ဂျေရိခေါဘုရင်တစ်ပါး၊ ဗေသလမြို့အနီးရှိ အာဣဘုရင်တစ်ပါး၊

10ဂျေရုဆလင်ဘုရင်တစ်ပါး၊ ဟေဗြုန်ဘုရင်တစ်ပါး၊

11ယာမုတ်ဘုရင်တစ်ပါး၊ လာခိရှဘုရင်တစ်ပါး၊

12ဧဂလုန်ဘုရင်တစ်ပါး၊ ဂေဇာဘုရင်တစ်ပါး၊

13ဒေဗိရဘုရင်တစ်ပါး၊ ဂေဒါဘုရင်တစ်ပါး၊

14ဟောမာဘုရင်တစ်ပါး၊ အာရဒ်ဘုရင်တစ်ပါး၊

15လိဗနဘုရင်တစ်ပါး၊ အဒုလံဘုရင်တစ်ပါး၊

16မက္ကဒါဘုရင်တစ်ပါး၊ ဗေသလဘုရင်တစ်ပါး၊

17တာပွာဘုရင်တစ်ပါး၊ ဟေဖာဘုရင်တစ်ပါး၊

18အာဖက်ဘုရင်တစ်ပါး၊ လာရှာရုန်ဘုရင်တစ်ပါး၊

19မာဒုန်ဘုရင်တစ်ပါး၊ ဟာဇော်ဘုရင်တစ်ပါး၊

20ရှိမရုန်မေရုန်ဘုရင်တစ်ပါး၊ အာခရှပ်ဘုရင်တစ်ပါး၊

21တာနက်ဘုရင်တစ်ပါး၊ မေဂိဒ္ဒေါဘုရင်တစ်ပါး၊

22ကေဒေရှဘုရင်တစ်ပါး၊ ကရမေလမြို့မှ ယောကနမ်ဘုရင်တစ်ပါး၊

23ဒေါရပြည်မှ ဒေါရဘုရင်တစ်ပါး၊ ဂိလဂါလပြည်မှ ဂေါအိမ်ဘုရင်တစ်ပါး၊

24တိရဇာဘုရင်တစ်ပါး စုစုပေါင်းရှင်ဘုရင် သုံးဆယ့်တစ်ပါးတို့ ဖြစ်သတည်း။

လက်ရှိရွေးချယ်ထားမှု

ယောရှုမှတ်စာ 12: MSBU

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

MYANMAR STANDARD BIBLE©

မြန်မာ့စံမီသမ္မာကျမ်း အကြောင်းကို ပို၍ သင်ယူပါ။