ဆာလံကျမ်း 123

123

ထာဝရဘုရားကို မျှော်ကြည့်ခြင်း

အတက်လမ်းသီချင်း

1ကောင်းကင်ဘုံ၌စိုးစံတော်မူသောအရှင်၊

ကိုယ်တော်ကို အကျွန်ုပ်မျှော်ကြည့်ပါ၏။

2ကျွန်ယောက်ျားတို့သည် မိမိတို့သခင်၏လက်ကို မျှော်ကြည့်သကဲ့သို့လည်းကောင်း၊

ကျွန်မိန်းမသည် မိမိသခင်မ၏လက်ကို မျှော်ကြည့်သကဲ့သို့လည်းကောင်း၊

အကျွန်ုပ်တို့သည် အကျွန်ုပ်တို့ကို သနားတော်မူသည်အထိ

အကျွန်ုပ်တို့၏ဘုရားသခင် ထာဝရဘုရားကို မျှော်ကြည့်ကြပါ၏။

3အကျွန်ုပ်တို့ကိုသနားတော်မူပါ။ အို ထာဝရဘုရား၊ အကျွန်ုပ်တို့ကိုသနားတော်မူပါ။

အကြောင်းမူကား အကျွန်ုပ်တို့သည် မထီမဲ့မြင်ပြုခြင်းကိုခံရသည်မှာ လွန်စွာငြီးငွေ့လှပါပြီ။

4အကျွန်ုပ်တို့၏စိတ်ဝိညာဉ်သည် မောက်မာထောင်လွှားသောသူတို့၏အထင်အမြင်သေးခြင်းနှင့်

မာနကြီးသောသူတို့၏မထီမဲ့မြင်ပြုခြင်းကိုခံရသည်မှာ လွန်စွာငြီးငွေ့လှပါပြီ။

လက်ရှိရွေးချယ်ထားမှု

ဆာလံကျမ်း 123: MSBU

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

ဆာလံကျမ်း 123
မှ လူကြိုက်နှစ်သက်သော ကျမ်းပိုဒ်များ။