Malako 14
14
1En’esik’eho, bekolo benecikalaki en’oso bon’elambedya en’Etelo l’ena mampa enefana nyango nko befe kei; ko nkanga ina toome la batengi ban’ekanda bafonaki etelo lacina baunde Yesu la longo, lacina baoyake; 2koko iy’ate, Ef’en’ina ben’elambedya, lacina bato batonotom’etomoko.
3Eneki Yesu oyalaka ena Betania, en’otumba bona Simona on’okenge, kum’ayakisase oyole toma, boyoto’omoi onoyaaki la likoko lina alabasitolo lin’auta bana mpimbo en’olotsi, nko bauta ban’otuya mene, aoya eneyal’ende; ko aola likoko, ko autela bauta en’ote’onande. 4Koko bamoi banayaaki meho baolemwa, ko baolokwelana, Mbo baut’ane bamolehyama yok’one lacina nai? 5Nko boto asombyaki baho, tumbe amolata francs inileki mpata bekama besaso, lacina afe bato beinda. Ko baoninganinga lacin’ena boyoto’oho. 6Koko Yesu aila, ate, Bocike; ino bonyom’ende lanai? Amonkambel’emi ekambwa en’olotsi; 7lacina bato beinda bayali l’ino bisike bihitu, ko esike en’etaketaka enalang’ino bokolana oyakambel’iyo ekambwa en’isei; ohonde bofambat’emi l’ino bisike bihitu. 8Amokamb’ekambwa eniny’ende likambisa: amoya en’oso oyokya yonge linami bauta lacin’en’ekunjelo. 9Solosolo, lakosumol’ino, bili l’ili behetu benengi bosimo bon’olotsi osekodyama en’enyanga behetu, bangosumol’ato ekambwa eneki boyoto’one okambaka nkoho, yoka liofwa kinande.
10Koko Yudasa ona Keliota, onoyaaki omoi ona ba-jo l’afe, aocoa eneyali nkanga ina toome lacina alekya Yesu eneyal’iyo. 11Koko enek’iy’ookaka yoi liho, boanyangela, ko bamosemby’esemba lacina bangof’ende francs. Ko aofon’etelo en’olotsi oyangel’ende.
12Ko en’ina bon’oso bona mampa enefana nyango, nko bina bonayak’iyo bon’ona mpate bon’Etelo, bakili’anande bamufola, iy’ate, Olanga tocu okodya lacina ola elambedya en’Etelo meya? 13Ko aotoma bakili’anande bafe, ko amasumola, ate, Bocoaka en’onyanga, ko bongukana l’oto onoyatole ekucu en’asi; bokile; 14ko enatu’ende en’otumba, bosumola mene’otumb’oho, Bolaki ate, Etenyi en’efenda eneng’emi l’akili’anami ola elambedya en’Etelo eyali meya? 15Ko angokotum’ino etenyi ena nkolo ena liko, emosila litandama ko eakolana; botokoedya nko meho. 16Ko bakili’anande baocoa, ko baoyela en’onyanga ko baosungya yok’onoki’nd’oasumolaka; ko baokodya elambedya en’Etelo.
17En’esike ena likolo aoya, ende l’akili jo l’afe. 18Ko enem’iy’okisase ena mesa, kuma bayale toma, Yesu aila, ate, Solosolo, lakosumol’ino, omoi’onino onola toma l’emi angonjangela. 19Ko baomatsa lioka lokeseli, ko bamufola omok’omoko, iy’ate, Onyi emi? 20Amakutwela, ate, Ayali omoi ona jo l’afe banekela bakasa l’emi ena salani. 21Bon’on’oto angocoa, yok’onoki yoi otengamaka lacin’enande, koko bino eneyali boto’oho onangela Bon’on’oto! Bolotsi eneyali boto’oho yomb’ende atotwa!
22Ko enem’iy’ola toma, Yesu aotamba mampa, aosak’osako, ko aokes’eho ko amafa, ate, Botamba, bolaka; ene nko yonge linami. 23Ko aotamb’ekala, ko eneki’nd’okangaka Yakomba lokango, amafa, ko iyatu baomela. 24Ko amasumola, ate, Ene nko bakil’anami bana lisangya lina litoto, banutelama lacin’en’ato bike. 25Solosolo, lakosumol’ino, emi mpamelaki lakina basi ban’emamo bena vina yengoko bina bonongi’m’omela baho ban’atoto ena lifoka lina Yakomba.
26Ko enek’iy’oembaka lembo, baocoa ena lingonji lina Bilaya.
27Ko Yesu amasumola, ate, Inatu bongonjumbela; lacina yoi limotengama: Nongoyaka botombanyi, ko mpate ingofanzafanzama. 28Koko ena mbusa, enengi’m’oetwa en’ewedi, nongocoa en’oso’onino ena Ngalilaya. 29Koko Petelo amosumola, ate, Kang’iyatu bakumbela, emi mpakumbelaki tu. 30Ko Yesu amosumola, ate, Solosolo, lakosumol’e, loso lone, nko l’oco’one, eneteke nkoko ena mpame beeka befe, ongonjangana beangana besaso. 31Koko aokusa litenda la locili mene, ate, Kanga mbwu l’e, emi mpakanganaki tu. Ko iyatu baotenda nko yoi liho.
32Ko baoya en’edye enetangama Ngetesemane; ko aosumola bakili’anande, ate, Bokisase mendo, emi locoa oyonda. 33Ko aotola l’ende Petelo la Yakobo la Yoane, ko aomatsa lioka losomo mene ko aoka bolito bona lokeseli mene. 34Ko amasumola, ate, Botem’onami bolola la lokeseli bike mene, yoka bewedi mene; ino boyala nko mendo, ko botombanyaka. 35Ko eneki’nd’olindak’isisali, aokwa ena loko, ko aonda lacina, yombo yoi yilamisa, heure ene elekany’ende. 36Aila, ate, Aba, Bafa, e oinya likambisa baoyi bahatu; umola ekala ene eneyal’emi. Ohonde, efa yoi linalang’emi: nko yoi linalang’e. 37Ko aoya, ko amasungya kuma baeci, ko aosumola Petelo, ate, Simona oeci nde? Otatombanyisa nde heure emoko? 38Botombanyaka ko boondaka, botoyatua ena losinganya; solosolo bolimo bolanga, koko yonge liyali nko boolu. 39Ko aolinda lakina, ko aonda, nko baoyi banaki’oso. 40Ko aoya, ko amasungya lakina kuma baeci, lacina baiso’aniyo baonyonga l’ilo, ko iyo bateya likutwel’ende yoi. 41Ko aoya boya bon’esaso, ko amasumola, ate, Bomboetama isanga, ko bofomya. Yoi limosila. Esike emoyela. Lenda, Bon’on’oto amolekyama en’akasa ban’ato ban’owe. 42Bemala, tocu; lenda, ende ononjangela amololama.
43Ko isasanga, nk’enem’end’otenda, Yudasa, omoi on’oloi bona jo l’afe, aoya, ende la bik’ike bon’ato, bayasuke nkula l’enganza, baoya nk’eneyali nkanga ina toome, ko l’eneyali batengi ban’ekanda la bingambe. 44Ko ende onangelaki Yesu acikelak’iyo ndembi, ate, Boto onongi’m’oleya bolumba, end’oho; bounde, ko botole nko ntungama la locili. 45Ko eneki’nd’oyaka, isasanga aocoa eneyali Yesu, ko aila, ate, Labi! ko amosangela la bolumba. 46Ko bato baosuka Yesu l’akasa ko bamuunda. 47Koko boto’omoi oniyo banemalaki meho aosomola lokula lonande lon’ita, ko aoka boombo bona nkanga iyome, ko aokesa litoi linande pa. 48Ko Yesu aotenda l’iyo, ate, Bomoya l’enganza ko la nkula lacina bombund’emi, yoka bato banunda boto’ona liya! 49Njaaki l’ino bina l’ina, ndakaki en’otumba bona Yakomba, koko bota mbunda. Koko baoyi’ane bayakambame lacina bitengelo bina Yakomba biilame. 50Ko iyatu bamumbela, ko baolota.
51Koko bofeng’omoi amokila, onokundaki bolumbulumbu bonande nko l’esenda ena mbenza. Bato bamuunda, 52koko ende aocika esenda eho ena mbenza, ko aolota nko bolumbulumbu.
53Koko baotola Yesu eneyali nkanga iyome mene; ko nkanga ina toome ihatu, la bingambe, la batengi ban’ekanda baosolongana eneyal’ende. 54Petelo amokila en’osana, ko aotua en’otumba bona nkanga iyome mene, ko aokisase la police, ko aokala nkoi meho. 55Ko nkanga ina toome la likita lin’alimo lihalitu baofona temoins banangaka Yesu likambo, lacina baoyake; koko batasungya; 56lacin’oka bato bike baofotaki bakambo bana mpoci, koko beloko beniyo betakolana yoka bokotu’omoko tu. 57Koko bato’amoi baemala, ko bamofota likambo lina mpoci, iy’ate, 58Isoamene tokaki eneki’nd’otendaka, ate, Nongehya botumb’one bonofakamaki l’akasa, ko en’ina besaso nongofak’okina bonofafakamaki l’akasa. 59Koko ena yoi line nkoho beloko’eniyo betakolana bokotu’omoko. 60Koko nkanga iyome mene aemala ena ntoto eniyo, ko aufola Yesu, ate, Ofambe tu? Yoi line linakoakola bato’ane liyali’oya? 61Koko ende aoyala mwi, atakutola tu. Nkanga iyome amuufola lakina, ate, E oyali nde Masiya, Bon’onande Onosakelama Bosako? 62Ko Yesu ate, Emi nk’ende; ko ino bongena Bon’on’oto kuma akisase en’ili bona likasa y’ome lina mpamba ena Yakomba, ko ayayi ena bailo bana loola. 63Koko nkanga iyome aokambola bekoto benande, aila, ate, Tokemba ikin’iyako oyakol’ende lacina nai? 64Ino bomoka bosao bonasaiy’ende Yakomba. Nakanel’ino? Ko iyatu bamokoiya likambo, iy’ate akoli l’ewedi. 65Bamoi baomatsa yutel’ende nsoi; ko baokund’aiso’anande, ko bamofoma, ko bamila, Mbo otosumole. Ko police bamofoma nsoola.
66Petelo ayaaki en’etenyi emoi ena mbiolo; ko bosali’omoi bon’oyoto bona nkanga iyome aoya. 67Ko eneki’nd’oenaka Petelo ayakale nkoi, amolenda ta, ko aila, ate, E nkoho oyaaki la Yesu ona Nazaleta. 68Koko ende aangana, ate, Ei mpeya, ko mpanonganya yoi linatend’e. Ko aofola yoka ena mbalasai; ko nkoko ena mpame eeka. 69Ko bosali’oho bon’oyoto amena lakina, ko aomatsa lisumol’iyo banemalaki mbolimboli, ate, One and’omoi oniyo. 70Ko aangana lakina. Efan’olingolingo iy’anemali meho baosumola Petelo, Mbo, solosolo e ond’omoi’oniyo, lacin’oka onde bise Ngalilaya. 71Ko aomatsa lisaiya besao, ko aoteha biteho, ate, Ei mpeya boto’one onatend’ino. 72Ko nkwaho nkoko ena mpame eeka boeka bon’efe. Ko Petelo aokanedya yoi linaliki Yesu osumolaka, ate, Eneteke nkoko ena mpame beeka befe, ongonjangan’emi beangana besaso. Ko eneki’nd’okanedyaka yoi liho aolela la mposoli.
လက်ရှိရွေးချယ်ထားမှု
Malako 14: BBY62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962
Malako 14
14
1En’esik’eho, bekolo benecikalaki en’oso bon’elambedya en’Etelo l’ena mampa enefana nyango nko befe kei; ko nkanga ina toome la batengi ban’ekanda bafonaki etelo lacina baunde Yesu la longo, lacina baoyake; 2koko iy’ate, Ef’en’ina ben’elambedya, lacina bato batonotom’etomoko.
3Eneki Yesu oyalaka ena Betania, en’otumba bona Simona on’okenge, kum’ayakisase oyole toma, boyoto’omoi onoyaaki la likoko lina alabasitolo lin’auta bana mpimbo en’olotsi, nko bauta ban’otuya mene, aoya eneyal’ende; ko aola likoko, ko autela bauta en’ote’onande. 4Koko bamoi banayaaki meho baolemwa, ko baolokwelana, Mbo baut’ane bamolehyama yok’one lacina nai? 5Nko boto asombyaki baho, tumbe amolata francs inileki mpata bekama besaso, lacina afe bato beinda. Ko baoninganinga lacin’ena boyoto’oho. 6Koko Yesu aila, ate, Bocike; ino bonyom’ende lanai? Amonkambel’emi ekambwa en’olotsi; 7lacina bato beinda bayali l’ino bisike bihitu, ko esike en’etaketaka enalang’ino bokolana oyakambel’iyo ekambwa en’isei; ohonde bofambat’emi l’ino bisike bihitu. 8Amokamb’ekambwa eniny’ende likambisa: amoya en’oso oyokya yonge linami bauta lacin’en’ekunjelo. 9Solosolo, lakosumol’ino, bili l’ili behetu benengi bosimo bon’olotsi osekodyama en’enyanga behetu, bangosumol’ato ekambwa eneki boyoto’one okambaka nkoho, yoka liofwa kinande.
10Koko Yudasa ona Keliota, onoyaaki omoi ona ba-jo l’afe, aocoa eneyali nkanga ina toome lacina alekya Yesu eneyal’iyo. 11Koko enek’iy’ookaka yoi liho, boanyangela, ko bamosemby’esemba lacina bangof’ende francs. Ko aofon’etelo en’olotsi oyangel’ende.
12Ko en’ina bon’oso bona mampa enefana nyango, nko bina bonayak’iyo bon’ona mpate bon’Etelo, bakili’anande bamufola, iy’ate, Olanga tocu okodya lacina ola elambedya en’Etelo meya? 13Ko aotoma bakili’anande bafe, ko amasumola, ate, Bocoaka en’onyanga, ko bongukana l’oto onoyatole ekucu en’asi; bokile; 14ko enatu’ende en’otumba, bosumola mene’otumb’oho, Bolaki ate, Etenyi en’efenda eneng’emi l’akili’anami ola elambedya en’Etelo eyali meya? 15Ko angokotum’ino etenyi ena nkolo ena liko, emosila litandama ko eakolana; botokoedya nko meho. 16Ko bakili’anande baocoa, ko baoyela en’onyanga ko baosungya yok’onoki’nd’oasumolaka; ko baokodya elambedya en’Etelo.
17En’esike ena likolo aoya, ende l’akili jo l’afe. 18Ko enem’iy’okisase ena mesa, kuma bayale toma, Yesu aila, ate, Solosolo, lakosumol’ino, omoi’onino onola toma l’emi angonjangela. 19Ko baomatsa lioka lokeseli, ko bamufola omok’omoko, iy’ate, Onyi emi? 20Amakutwela, ate, Ayali omoi ona jo l’afe banekela bakasa l’emi ena salani. 21Bon’on’oto angocoa, yok’onoki yoi otengamaka lacin’enande, koko bino eneyali boto’oho onangela Bon’on’oto! Bolotsi eneyali boto’oho yomb’ende atotwa!
22Ko enem’iy’ola toma, Yesu aotamba mampa, aosak’osako, ko aokes’eho ko amafa, ate, Botamba, bolaka; ene nko yonge linami. 23Ko aotamb’ekala, ko eneki’nd’okangaka Yakomba lokango, amafa, ko iyatu baomela. 24Ko amasumola, ate, Ene nko bakil’anami bana lisangya lina litoto, banutelama lacin’en’ato bike. 25Solosolo, lakosumol’ino, emi mpamelaki lakina basi ban’emamo bena vina yengoko bina bonongi’m’omela baho ban’atoto ena lifoka lina Yakomba.
26Ko enek’iy’oembaka lembo, baocoa ena lingonji lina Bilaya.
27Ko Yesu amasumola, ate, Inatu bongonjumbela; lacina yoi limotengama: Nongoyaka botombanyi, ko mpate ingofanzafanzama. 28Koko ena mbusa, enengi’m’oetwa en’ewedi, nongocoa en’oso’onino ena Ngalilaya. 29Koko Petelo amosumola, ate, Kang’iyatu bakumbela, emi mpakumbelaki tu. 30Ko Yesu amosumola, ate, Solosolo, lakosumol’e, loso lone, nko l’oco’one, eneteke nkoko ena mpame beeka befe, ongonjangana beangana besaso. 31Koko aokusa litenda la locili mene, ate, Kanga mbwu l’e, emi mpakanganaki tu. Ko iyatu baotenda nko yoi liho.
32Ko baoya en’edye enetangama Ngetesemane; ko aosumola bakili’anande, ate, Bokisase mendo, emi locoa oyonda. 33Ko aotola l’ende Petelo la Yakobo la Yoane, ko aomatsa lioka losomo mene ko aoka bolito bona lokeseli mene. 34Ko amasumola, ate, Botem’onami bolola la lokeseli bike mene, yoka bewedi mene; ino boyala nko mendo, ko botombanyaka. 35Ko eneki’nd’olindak’isisali, aokwa ena loko, ko aonda lacina, yombo yoi yilamisa, heure ene elekany’ende. 36Aila, ate, Aba, Bafa, e oinya likambisa baoyi bahatu; umola ekala ene eneyal’emi. Ohonde, efa yoi linalang’emi: nko yoi linalang’e. 37Ko aoya, ko amasungya kuma baeci, ko aosumola Petelo, ate, Simona oeci nde? Otatombanyisa nde heure emoko? 38Botombanyaka ko boondaka, botoyatua ena losinganya; solosolo bolimo bolanga, koko yonge liyali nko boolu. 39Ko aolinda lakina, ko aonda, nko baoyi banaki’oso. 40Ko aoya, ko amasungya lakina kuma baeci, lacina baiso’aniyo baonyonga l’ilo, ko iyo bateya likutwel’ende yoi. 41Ko aoya boya bon’esaso, ko amasumola, ate, Bomboetama isanga, ko bofomya. Yoi limosila. Esike emoyela. Lenda, Bon’on’oto amolekyama en’akasa ban’ato ban’owe. 42Bemala, tocu; lenda, ende ononjangela amololama.
43Ko isasanga, nk’enem’end’otenda, Yudasa, omoi on’oloi bona jo l’afe, aoya, ende la bik’ike bon’ato, bayasuke nkula l’enganza, baoya nk’eneyali nkanga ina toome, ko l’eneyali batengi ban’ekanda la bingambe. 44Ko ende onangelaki Yesu acikelak’iyo ndembi, ate, Boto onongi’m’oleya bolumba, end’oho; bounde, ko botole nko ntungama la locili. 45Ko eneki’nd’oyaka, isasanga aocoa eneyali Yesu, ko aila, ate, Labi! ko amosangela la bolumba. 46Ko bato baosuka Yesu l’akasa ko bamuunda. 47Koko boto’omoi oniyo banemalaki meho aosomola lokula lonande lon’ita, ko aoka boombo bona nkanga iyome, ko aokesa litoi linande pa. 48Ko Yesu aotenda l’iyo, ate, Bomoya l’enganza ko la nkula lacina bombund’emi, yoka bato banunda boto’ona liya! 49Njaaki l’ino bina l’ina, ndakaki en’otumba bona Yakomba, koko bota mbunda. Koko baoyi’ane bayakambame lacina bitengelo bina Yakomba biilame. 50Ko iyatu bamumbela, ko baolota.
51Koko bofeng’omoi amokila, onokundaki bolumbulumbu bonande nko l’esenda ena mbenza. Bato bamuunda, 52koko ende aocika esenda eho ena mbenza, ko aolota nko bolumbulumbu.
53Koko baotola Yesu eneyali nkanga iyome mene; ko nkanga ina toome ihatu, la bingambe, la batengi ban’ekanda baosolongana eneyal’ende. 54Petelo amokila en’osana, ko aotua en’otumba bona nkanga iyome mene, ko aokisase la police, ko aokala nkoi meho. 55Ko nkanga ina toome la likita lin’alimo lihalitu baofona temoins banangaka Yesu likambo, lacina baoyake; koko batasungya; 56lacin’oka bato bike baofotaki bakambo bana mpoci, koko beloko beniyo betakolana yoka bokotu’omoko tu. 57Koko bato’amoi baemala, ko bamofota likambo lina mpoci, iy’ate, 58Isoamene tokaki eneki’nd’otendaka, ate, Nongehya botumb’one bonofakamaki l’akasa, ko en’ina besaso nongofak’okina bonofafakamaki l’akasa. 59Koko ena yoi line nkoho beloko’eniyo betakolana bokotu’omoko. 60Koko nkanga iyome mene aemala ena ntoto eniyo, ko aufola Yesu, ate, Ofambe tu? Yoi line linakoakola bato’ane liyali’oya? 61Koko ende aoyala mwi, atakutola tu. Nkanga iyome amuufola lakina, ate, E oyali nde Masiya, Bon’onande Onosakelama Bosako? 62Ko Yesu ate, Emi nk’ende; ko ino bongena Bon’on’oto kuma akisase en’ili bona likasa y’ome lina mpamba ena Yakomba, ko ayayi ena bailo bana loola. 63Koko nkanga iyome aokambola bekoto benande, aila, ate, Tokemba ikin’iyako oyakol’ende lacina nai? 64Ino bomoka bosao bonasaiy’ende Yakomba. Nakanel’ino? Ko iyatu bamokoiya likambo, iy’ate akoli l’ewedi. 65Bamoi baomatsa yutel’ende nsoi; ko baokund’aiso’anande, ko bamofoma, ko bamila, Mbo otosumole. Ko police bamofoma nsoola.
66Petelo ayaaki en’etenyi emoi ena mbiolo; ko bosali’omoi bon’oyoto bona nkanga iyome aoya. 67Ko eneki’nd’oenaka Petelo ayakale nkoi, amolenda ta, ko aila, ate, E nkoho oyaaki la Yesu ona Nazaleta. 68Koko ende aangana, ate, Ei mpeya, ko mpanonganya yoi linatend’e. Ko aofola yoka ena mbalasai; ko nkoko ena mpame eeka. 69Ko bosali’oho bon’oyoto amena lakina, ko aomatsa lisumol’iyo banemalaki mbolimboli, ate, One and’omoi oniyo. 70Ko aangana lakina. Efan’olingolingo iy’anemali meho baosumola Petelo, Mbo, solosolo e ond’omoi’oniyo, lacin’oka onde bise Ngalilaya. 71Ko aomatsa lisaiya besao, ko aoteha biteho, ate, Ei mpeya boto’one onatend’ino. 72Ko nkwaho nkoko ena mpame eeka boeka bon’efe. Ko Petelo aokanedya yoi linaliki Yesu osumolaka, ate, Eneteke nkoko ena mpame beeka befe, ongonjangan’emi beangana besaso. Ko eneki’nd’okanedyaka yoi liho aolela la mposoli.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962