Malako 15
15
1Isasanga l’okulu nkanga ina toome, la bingambe, la batengi ban’ekanda la likita lin’alimo lihalitu baoang’eango; ko baokakela Yesu, ko bamotola, ko bamolekya eneyali Pilato. 2Ko Pilato amuufola, ate, E oyali nde lifoka lina roi lina Ba-Yuda? Amokutwela, ate, Nk’oko bonatend’e. 3Ko nkanga ina toome bamoakola baoyi bike. 4Ko Pilato amuufola lakina, ate, Ofambe nde? Okaka baoyi bike banakoakol’iyo. 5Koko Yesu ataamba lakina; ko Pilato aofefa.
6Mbula la mbula en’esike en’elambedya amatungwela lisungu limoko linason’iyo. 7Ko boto’omoi ayaaki meho en’onyolo, ende l’iyo banambanaki l’ende en’ita binik’iy’ookanaka, ko bayakaki bato’amoi en’ita biho. 8Ko bato bike baololomwa, ko baomatsa oyufola Pilato lacina ailel’iyo bokotua bonoki’nd’oilelak’iyo ena bisike bihitu. 9Ko Pilato amakutwela, ate, Bolanga nde nkotungwel’ino Lifoka lina Roi lina Ba-Yuda? 10Lacina ende aeyaki’oka nkanga ina toome bamololekya lacin’en’ekuku. 11Koko nkanga ina toome baosomya bato lacina Pilato atungwel’iyo nko Balaba. 12Pilato aotenda l’iyo lakina, amaufola, Mbo njile’oya l’ende onatang’ino Lifoka lina Roi lina Ba-Yuda? 13Iyo baololua lakina, iy’ate, Oyake en’ekulusu! 14Pilato amaufola, Iya, yoi lin’owe linaliki’nd’oilaka lika nai? Koko baokusa lilolua la locili mene, Oyake en’ekulusu! 15Ko Pilato amatungwela Balaba, lacin’oka alangaki aile nko yoi linaliki bato’aho bik’ike olangaka; ko eneki’nd’ofomaka Yesu lofomi, amolekya lacina baoyake en’ekulusu.
16Koko soldats bamotola en’etenyi emoi en’otumba enetangama Pretoire; ko baosusanya boloi bona soldats bohotu. 17Ko bamolotsa bokoto bona pourpre; ko baoloha likuka lina beenge, ko baokoiya liho en’ote’onande; 18ko baomatsa oyeesa, iy’ate, Lifoka lina Roi lina Ba-Yuda, Bote! 19Ko bamofoma en’ote l’okombi, ko bamuutela nsoi, ko bamuunela baongo, ko baosama en’oso’onande. 20Ko enek’iy’okadyaka lisisedy’ende, bamolotola bokoto bona pourpre, ko bamolotsa bekoto benandamene, ko bamotola lacina baoyake en’ekulusu.
21Ko boto’omoi aoya ena basala, onotangama Simona, bise Kulene, nko bafango’ona Alesandulo la Lufu; ko baosengeny’ende lacina atole ekulusu ena Yesu. 22Ko baoya l’ende en’edye enentangama Ngolongota—ncina ena Ngolongota nko Edye ena Lalika. 23Ko bamofa vina enesangana l’onganga bon’ololo; koko atatamb’eho. 24Bamoaka en’ekulusu; ko baokafa bisenda binande la mpusa ena lobese, lacina banonganya liondo linatamb’oto l’oto. 25Esike enek’iy’oakak’ende en’ekulusu nko neuf heures l’okolu. 26Etengelo ena likambo linande etengamaki ena liko, nko LIFOKA LINA ROI LINA BA-YUDA. 27Ko baoaka baiya bafe ena bikulusu l’ende, omoi en’ili bona likasa y’ome, ko okina en’ili bona likasa linande y’ooli. 28Ko etengelo ena Yakomba eilamaki, eka, Ende aandamaki la bafulunganyi bana beeka. 29Ko iy’anetaki bamotanga lotango, ko baofokosa bete’eniyo, ko baila, Mbo e onehya botumba bona Yakomba, ko onofak’oho lakina en’ina besaso, 30oyoiky’eamene, ko kitaka en’ekulusu! 31Nk’osamb’oho nkanga ina toome l’atengi ban’ekanda bamosisedya, ko baolokwelana, Mbo aikyaki bakin’ato: afayoikyis’endamene! 32Masiya fo, Lifoka lina Roi lina Yisalaele, akitake isanga en’ekulusu, lacina tene ko timedya. Ko iy’anakamaki l’ende ena bikulusu bamosaiya nkoho.
33Ko en’esike ena midi, liucu yokwela loko lohalotu yengoko trois heures. 34Ko en’esike ena trois heures, Yesu aotenda la lofoso lona lokolo, ate, Eloi, Eloi, lama sabakatani?—ncina en’aoyi’aho, nko Yakomba enami, Yakomba enami, onjumbelaki lanai? 35Bamoi’aniyo banemali meho, enek’iy’ookaka yoi liho, baila, iy’ate, Noka, aelel’Eliya. 36Ko boto’omoi aocoa la laango, aotamba wusuwusu ko aila vinaigre ena boho, ko aongya boho en’okombi, ko amofa lacina amele, ate, Bocike, tofoena yombo Eliya angoya oyokitsa. 37Yo Yesu aololua la yoi lina likolo, ko aofodya bolimo’onande. 38Koko esenda ena ndelo en’otumba bona Yakomba eokambwa nk’ena liko yengoko en’ase. 39Ko eneki capitaine ena soldats onemalaki en’oso bona Yesu oenaka bokotua bonoki’nd’owaka, aila, ate, Solosolo, boto’one ayaaki Bon’ona Yakomba. 40Bayato’amoi nkoho baolenda en’osana; bamoi’aniyo nko Malia Mangandala, la Malia nyango ena Yakobo on’osali l’ena Yose, ko la Salome, 41(nk’iy’anokilaki ko banokambyaki kum’ayali ena Ngalilaya); iyo la bayato’amoi bike bayaaki meho banayaki ena Yelusalema l’ende la laanda lomoko.
42Eneki likolo oyelaka—ko lacin’oka bin’oho boyaaki bina bona nkodya ena Sabata, noka Sabata eciki nko bin’omoko kei— 43Yosefa ona Alimataya, onoyaaki la lokumo mene ena likita lina bingambe, ko alengedyaki lifoka lina Yakomba, ende aoya, ko aotua eneyali Pilato efan’ofolu, ko aolomb’oduo bona Yesu. 44Pilato aokandakanda yombo amosilwa isanga solosolo; ko aelela capitaine, ko amuufola yombo amokinda liwa. 45Ko eneki’nd’oeyaka yoi liho la capitaine, aofa Yosefa boduo. 46Koko Yosefa aosomba esenda ena mbenza, ko amokitsa, ko amofuta l’esenda eho ena mbenza, ko amoambya ena nketa enecimamaki ena lufe; ko aokilimodya lufe lina likolo en’ofolo bona nketa. 47Ko Malia Mangandala la Malia nyango ena Yose baena edye eneki’nd’omonyamaka.
လက်ရှိရွေးချယ်ထားမှု
Malako 15: BBY62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962
Malako 15
15
1Isasanga l’okulu nkanga ina toome, la bingambe, la batengi ban’ekanda la likita lin’alimo lihalitu baoang’eango; ko baokakela Yesu, ko bamotola, ko bamolekya eneyali Pilato. 2Ko Pilato amuufola, ate, E oyali nde lifoka lina roi lina Ba-Yuda? Amokutwela, ate, Nk’oko bonatend’e. 3Ko nkanga ina toome bamoakola baoyi bike. 4Ko Pilato amuufola lakina, ate, Ofambe nde? Okaka baoyi bike banakoakol’iyo. 5Koko Yesu ataamba lakina; ko Pilato aofefa.
6Mbula la mbula en’esike en’elambedya amatungwela lisungu limoko linason’iyo. 7Ko boto’omoi ayaaki meho en’onyolo, ende l’iyo banambanaki l’ende en’ita binik’iy’ookanaka, ko bayakaki bato’amoi en’ita biho. 8Ko bato bike baololomwa, ko baomatsa oyufola Pilato lacina ailel’iyo bokotua bonoki’nd’oilelak’iyo ena bisike bihitu. 9Ko Pilato amakutwela, ate, Bolanga nde nkotungwel’ino Lifoka lina Roi lina Ba-Yuda? 10Lacina ende aeyaki’oka nkanga ina toome bamololekya lacin’en’ekuku. 11Koko nkanga ina toome baosomya bato lacina Pilato atungwel’iyo nko Balaba. 12Pilato aotenda l’iyo lakina, amaufola, Mbo njile’oya l’ende onatang’ino Lifoka lina Roi lina Ba-Yuda? 13Iyo baololua lakina, iy’ate, Oyake en’ekulusu! 14Pilato amaufola, Iya, yoi lin’owe linaliki’nd’oilaka lika nai? Koko baokusa lilolua la locili mene, Oyake en’ekulusu! 15Ko Pilato amatungwela Balaba, lacin’oka alangaki aile nko yoi linaliki bato’aho bik’ike olangaka; ko eneki’nd’ofomaka Yesu lofomi, amolekya lacina baoyake en’ekulusu.
16Koko soldats bamotola en’etenyi emoi en’otumba enetangama Pretoire; ko baosusanya boloi bona soldats bohotu. 17Ko bamolotsa bokoto bona pourpre; ko baoloha likuka lina beenge, ko baokoiya liho en’ote’onande; 18ko baomatsa oyeesa, iy’ate, Lifoka lina Roi lina Ba-Yuda, Bote! 19Ko bamofoma en’ote l’okombi, ko bamuutela nsoi, ko bamuunela baongo, ko baosama en’oso’onande. 20Ko enek’iy’okadyaka lisisedy’ende, bamolotola bokoto bona pourpre, ko bamolotsa bekoto benandamene, ko bamotola lacina baoyake en’ekulusu.
21Ko boto’omoi aoya ena basala, onotangama Simona, bise Kulene, nko bafango’ona Alesandulo la Lufu; ko baosengeny’ende lacina atole ekulusu ena Yesu. 22Ko baoya l’ende en’edye enentangama Ngolongota—ncina ena Ngolongota nko Edye ena Lalika. 23Ko bamofa vina enesangana l’onganga bon’ololo; koko atatamb’eho. 24Bamoaka en’ekulusu; ko baokafa bisenda binande la mpusa ena lobese, lacina banonganya liondo linatamb’oto l’oto. 25Esike enek’iy’oakak’ende en’ekulusu nko neuf heures l’okolu. 26Etengelo ena likambo linande etengamaki ena liko, nko LIFOKA LINA ROI LINA BA-YUDA. 27Ko baoaka baiya bafe ena bikulusu l’ende, omoi en’ili bona likasa y’ome, ko okina en’ili bona likasa linande y’ooli. 28Ko etengelo ena Yakomba eilamaki, eka, Ende aandamaki la bafulunganyi bana beeka. 29Ko iy’anetaki bamotanga lotango, ko baofokosa bete’eniyo, ko baila, Mbo e onehya botumba bona Yakomba, ko onofak’oho lakina en’ina besaso, 30oyoiky’eamene, ko kitaka en’ekulusu! 31Nk’osamb’oho nkanga ina toome l’atengi ban’ekanda bamosisedya, ko baolokwelana, Mbo aikyaki bakin’ato: afayoikyis’endamene! 32Masiya fo, Lifoka lina Roi lina Yisalaele, akitake isanga en’ekulusu, lacina tene ko timedya. Ko iy’anakamaki l’ende ena bikulusu bamosaiya nkoho.
33Ko en’esike ena midi, liucu yokwela loko lohalotu yengoko trois heures. 34Ko en’esike ena trois heures, Yesu aotenda la lofoso lona lokolo, ate, Eloi, Eloi, lama sabakatani?—ncina en’aoyi’aho, nko Yakomba enami, Yakomba enami, onjumbelaki lanai? 35Bamoi’aniyo banemali meho, enek’iy’ookaka yoi liho, baila, iy’ate, Noka, aelel’Eliya. 36Ko boto’omoi aocoa la laango, aotamba wusuwusu ko aila vinaigre ena boho, ko aongya boho en’okombi, ko amofa lacina amele, ate, Bocike, tofoena yombo Eliya angoya oyokitsa. 37Yo Yesu aololua la yoi lina likolo, ko aofodya bolimo’onande. 38Koko esenda ena ndelo en’otumba bona Yakomba eokambwa nk’ena liko yengoko en’ase. 39Ko eneki capitaine ena soldats onemalaki en’oso bona Yesu oenaka bokotua bonoki’nd’owaka, aila, ate, Solosolo, boto’one ayaaki Bon’ona Yakomba. 40Bayato’amoi nkoho baolenda en’osana; bamoi’aniyo nko Malia Mangandala, la Malia nyango ena Yakobo on’osali l’ena Yose, ko la Salome, 41(nk’iy’anokilaki ko banokambyaki kum’ayali ena Ngalilaya); iyo la bayato’amoi bike bayaaki meho banayaki ena Yelusalema l’ende la laanda lomoko.
42Eneki likolo oyelaka—ko lacin’oka bin’oho boyaaki bina bona nkodya ena Sabata, noka Sabata eciki nko bin’omoko kei— 43Yosefa ona Alimataya, onoyaaki la lokumo mene ena likita lina bingambe, ko alengedyaki lifoka lina Yakomba, ende aoya, ko aotua eneyali Pilato efan’ofolu, ko aolomb’oduo bona Yesu. 44Pilato aokandakanda yombo amosilwa isanga solosolo; ko aelela capitaine, ko amuufola yombo amokinda liwa. 45Ko eneki’nd’oeyaka yoi liho la capitaine, aofa Yosefa boduo. 46Koko Yosefa aosomba esenda ena mbenza, ko amokitsa, ko amofuta l’esenda eho ena mbenza, ko amoambya ena nketa enecimamaki ena lufe; ko aokilimodya lufe lina likolo en’ofolo bona nketa. 47Ko Malia Mangandala la Malia nyango ena Yose baena edye eneki’nd’omonyamaka.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bokanda Bona Yakomba Bon’ototo © Alliance Biblique de la R. D. Congo, 1962