Yoane 6
6
Erirya rya 5000
1Enyuma wemyatsi eyi Yesu mwagenda eyisiria wengetsi ya Galilaya, ye ngetsi ye Tiberia. 2Nendeko nene moyamu kwama, kusangwa balola oko bitikotiko akolera abakoni. 3Na Yesu mwahetukira oko kitwa, neyo mwikala nabiga buwe. 4Nerilabwako (Pasaka), rye kiro kikulu kyabaYuda, ryabya hakuhi. 5Neryo Yesu mwasumba ameso wuwe, nerilangira endeko nene ikamuhikako, mwabuga na Filipo, ati, Tukandi gula amandu hahi awaba bangarya kwehi? 6Neryo mwabuga eki erimulengako: kusangwa iye abya asi ekyo angakola. 7Filipo mwamusubirya, ati, Amandu wesyodinari amagana abiri siangatolerabo, nomo bangarya kakekake. 8Omuguma woko biga buwe, iye Anderea, mugala wabo Simoni Petero, mwamubwira, ati, 9Hano hari mulwana, oyu wite amando atano wekisusu, na mahere abiri: nikwa hino niki oko bandu bangaha kwehi? 10Yesu mwabuga ati, Mwikalaye abandu. Neryo aho habya biti bingi. Neryo abalume mobikala, eriganza ryabo ryabya maelfu atano. 11Neryo Yesu mwimya amandu; neryo amabiha ewasingya, mwagabirabo oko babya bikere; mwakola atya na mahere ngoko babya banzire. 12Nomugulu bamabiuguta, mwabwira abiga buwe, ati, Mukumakume ebihandebihande ebyamasaka, neryo sihatale kindu. 13Neryo mobakumakumabyo, mobusulya ebitiri ikumi nabibiri oko bihande byamando atano awekisusu, ebyasaka kwabo abarya. 14Neryo omugulu abandu balola oko kitikotiko ekyo akola, mobabuga, bati, Kwenene oyu ni muminyereri oyu kasa omo kihugo.
15Neryo Yesu amabiminya kobakasa bakasonda erimwimya erimuyira mo mwami, mwalwaho mwaya oko kitwa iyowene.
Yesu akalendera oko magetsi wengetsi
16Nomwigolo-golo abiga biwe mobandagalira oko ngetsi; 17mobingira omo bwato, ibakasoka engetsi bakaya eKaper nauma. Ibwamabihombera, na Yesu isiariahika kubo. 18Ne ngetsi ikatsuka erigunga busana nerihunga inene ryabuhirira. 19Neryo omugulu bamabigoya olulengo lwendambi nguma, mobalola oko Yesu iniakalendera endata oko ngetsi, iniakahika hakuhi nobwato. Mobubaha. 20Nikwa mwabuga nabo, ati, Ni ngye; simubahe. 21Neryo mobaliga erimukokya omu bwato: neryo-neryo obwato mobwahika oko kitaka eyo babya bakaya.
Obundu bwelubula
22Nengyakya endeko eyahangana eyisirya wengetsi mobala ngira isibari obundi bwato, ibono buguma, na Yesu isiaritingira mu bwato na biga buwe, nikwa abiga buwe ibamabigenda ibobene. 23Nikwa amato mwalwa Tiberia mwasa hakuhi naho barira amandu oMukama iniamabiha ewasingya. 24Neryo omugulu endeko yalangira Yesu isiari yo, kutse abiga buwe, mobingira omo mato, mobaya eKapernauma, erisonda-sonda Yesu. 25Nomugulu bamwegaya eyisirya oko ngetsi, moba mubulya, bati, Mukangi rirya, wasa hano omugulu wahi kwehi? 26Yesu mwasubiryabo, ati, Kundu, kundu, ngabuga nenyu, Mukanyisondaya, butsira erilola oko bitikotiko, nikwa ku sangwa mwarya oko mando, momuguta. 27Simukole busana nebyalya ebikahonda, nikwa nakaryo akakabyaho erihika oko ngebe yerikota, ako Mungala womundu asyabaha: kusangwa ni ye oyo Tata, ye Mungu, abirihira kwe kibohi. 28Neryo mobamubwira, bati, Tuyire tuti, imotwakola omubiri woMungu kwehi? 29Yesu mwasubirya mwabuga nabo, Oyu ni mubiri woMungu, mwikiriraye ukwoyo atuma. 30Neryo mobamu bulya, bati, Ukakola ekitikotiko kyahi, kwehi? Tulole kukyo, tukwikiriraye? Ukakolaki kwehi? 31Abotata wetu mobarya mana omo mbwarara; ngoko byasakawa, Mwahabo erirya obundu bukalwa elubula. 32Yesu mwabuga nabo, ati, Kundu, kundu, ngababwira kwatabya Musa yo wabaha obundu bwalwa elubula; nikwa ni Tata yukabaha obundu bwakwenene bukalwa elubula. 33Kusangwa obundu bwoMungu yoyu kandagala akalwa elubula, akaha e kihugo kyengebe. 34Neryo mobabuga naye, bati, OMukama, ebiro byosi utuhe obundu obu. 35Yesu mwabuga nabo, ati, Ingye ndi bundu bwengebe: oyu kasa kwingye siendisyakwa enzala na kera, noyu kanyikirirayako siendisyakwa enyota na kera. 36Nikwa monabuga nenyu, nyiti, Mwabirinyilolako, simwetikirirya. 37Abosi abo Tata akamba basyasa kwingye; noyu kasa kwingye sindiendisyamu higa na hake. 38Kusangwa sinandagala erilwa elubula, erikola erianza ryage, nikwa nandagala erikola erianza ryoyo wanyi tuma. 39Nerianza ryoyo wanyituma ryeri, sinyitalaye nomu guma oko bosi abirimba, nikwa nasyalubukyabo oko kiro kyenyuma. 40Kusangwa erianza ryaTata wage ryeri, oburi mundu oyu kalangira oMugala akamwikirirya, iniabana engebe yerikota; nage nasyamulubukya oko kiro kienyuma.
41Neryo baYuda mobamusiningurira, kusangwa mwabuga, ati, Ingye indi bundu obwandagala erilwa elubula. 42Bati, Oyu si Yesu, omugala wa Yosefu, nise wuwe nenyinya sitwasibo kwehi? Lino akabuga ati, kwehi? Ati, nandagala erilwa elubula. 43Yesu mwasubiryabo, ati, Simusiningule omukati kati kenyu. 44Sihari mundu wangambikako, Tata oyo wanyi tuma atariamuleta: nage nasyamulubukya ekiro kyenyuma. 45Kyasakawa na baminyereri, bati, Abosi basyakangiriribwa noMungu. Oburi mundu oyo wabiriowa Tata, iniamabikangi riribwa, akasa kwingye. 46Eutsira ibwambu hari mundu walolire ko Tata, yonoyo walwa oko Mungu, iye abirilola ku Tata. 47Kundu, kundu, ngabuga nenyu, Oyu kikiriraya ari nengebe yerikota. 48Ingye indi bundu bwengebe. 49Abotata wenyu mobarya mana omo mbwarara, mobahola. 50Obu ni bundu bwandagala erilwa elubula, omundu amarya kubo, iniatahola. 51Ingye indi bundu obwengebe obwandagala erilwa elubula: omundu amarya obundu obu, asyakota na kera: ega, nobundu obo nasyaha ni mubiri wage, busana nengebe ye kihugo.
Obundu bwengebe
52Neryo abaYuda mobakuba obuhaka omukati-kati kabo, bati, Omundu oyu angatoka ati erituha omubiri wuwe eriryago kwehi? 53Neryo Yesu mwabuga nabo, ati, Kundu, kundu, ngabuga nenyu, Mwamatindarya omubiri woMugala woMundu neripulya omusasi wuwe, simuwite engebe omwisi wenyu. 54Oyu karya omubiri wage neripulya omusasi wage ari nengebe yerikota; nage nasyamulubukya oko kiro kyenyuma. 55Ku sangwa omubiri wage ni karyo kekwenene, nomusasi wage ni pulya ryekwenene. 56Oyu karya omubiri wage neripulya omusasi wage akikala mwisi wage, nage ngikala omwisi wuwe. 57Ngoko Tata oyuri ho anyituma, nage indi ho busana na Tata; neryo oyu kanyirya, asyabyaho busana nage. 58Obu ni bundu bwandagala erilwa elubula: siriri nga botata wenyu ko barya, bahola; oyu karya obundu obu asyabyaho na kera. 59Emyatsi eyi abugirayo omu nyumba yerihindana, iniakaka ngiriraya eKapernauma.
Bangi bakasuba enyuma
60Neryo bangi boko biga biwe, omugulu bowa mobabuga, bati, eKinywa eki kikalire; nindi wangowakyo kwehi? 61Nikwa Yesu eriminya omwisi wuwe kwabiga biwe basiningula busana neki, mwabulyabo ati, Eki kikaleka imwatwikala kwehi? 62Nikwa niki mwamalola OMugala womundu akahetukira eyabya erimbere kwehi? 63Ni kirimu kikaha engebe; omubiri siariha endundi: ebinywa ebyo nabiribuga nenyu ni kirimu, ni ngebe. 64Nikwa hari bandi omukati-kati kenyu abatikirirye. Kusangwa Yesu abya asi na kera nga ni bahi abatikirirye, noyo wasyamuhotela. 65Neryo mwabuga, Busana nomwatsi oyu nabiribuga nenyu, Sihali mundu wangasa kwingye amatinda habwa na Tata.
Eritulago ryaPetero
66Busana neki bangi boko biga biwe mobasuba enyuma mobataswalendera naye. 67Neryo Yesu mwabulya erikumi nababiri ati, Nenyu mwanzire erigenda kwehi? 68Simoni Petero mwamusubirya, ati, OMukama, twasyaya kondi kwehi? uwe uwite ebinywa byengebe yerikota. 69Netu twabiriikirirya twabiriminya kuri oyu ubuyirire woMungu. 70Yesu mwa subiryabo, ati, Mondayisoga inywe erikumi na babiri, nomu guma okwinywe ni satani? 71Nikwa ahula Yuda wa Simoni Iskariota, kusangwa iye iyukandisyamuhotela, abya owerikumi na babiri.
လက်ရှိရွေးချယ်ထားမှု
Yoane 6: NTN62
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Le Nouveau Testament et les Psaumes en Ndandi © British and Foreign Bible Society, 1962.