Jɔ̌n MèngàꞋa

MèngàꞋa

Ntu̧ Ntsɔ̧̀ mbɨ̀Ꞌɨ̀ Jɔ̌n è shɨ la, è nyɨꞋte a Yesò mbɨ̀Ꞌɨ̀ Èngǎ̧ Mbɔ̧ɔ̧mà wu kà wu li elìà la. Wu Èngà̧ wu e li ntsìꞋi wɔ̀bȩ̂ nkɨ̀Ꞌɨ̂ ntsèke ayɔɔ aya la (1:14). Tà li shɨ ntu̧ yaa mbɨ̀Ꞌɨ̀ bòt bɔ̀ɔ ntɔ la aa bɨ̧ɨ̧ne nê Yesò wu wòt wu Mbɔ̧ɔ̧mà li nkàꞋ nê taa kɨꞋɨ e ghɨ̌ bòt aa peme la. Tà laꞋnê tà wu Waã Mbɔ̧ɔ̧mà, mè nê wòt zìà èntɨ̧ɨ̧ vi ane tò ko taa bɔ mèmpème (20:31).

A me gha ne mbì, tà nyɨ̀Ꞌte èghɨ ngɨŋa nyaŋ. Àghɨa ngɨŋa àa ngɨ̀ à tsea, Yesò me ghaꞋte lə mènəè ngɨŋa mbɔŋ nyɨ̀Ꞌta bòt. ÀdziꞋa ntu̧ yaa a shu ndɨ bòt ko e li ndzì mèntɨ̧ɨ̧ mɔb ane Yesò ntsìꞋi bòt bɔ̀ɔ nkùŋa tò la, mbɔ̂ èbeko nè bòt è ka wua nkɨ ye atò, ntu̧u̧ ebɨ̧ɨ̧ne ànəa tà shuà la.

Chàbtà 13-17 è làꞋa ànəa àbù̧ù̧ta Yesò bɔ̂ bɔkatè bi ètsəꞋ wu bɔ li mbà̧aã atò la, nè mèngǎ̧ tà li nɨŋ ntàŋke mè ndzì mèntɨ̧ɨ̧ mɔb ètsəꞋ mbɔŋ bɔ̀ɔ sàꞋa wu̧u̧te atò a mbɨ̧̀ mbasa la. Bèchabta màndia be làꞋa ndɨ bɔ li mbà̧aã Yesò èsaꞋa la, nè ndɨ bɔ li ngù̧ù̧te atò tà yù̧ù̧me la, mè nè ndɨ tà li mpùùla a mbì bɔkatè bi ngò̧tsə nyaŋ mbɨ̀Ꞌɨ̀ tà yu̧u̧me la.

Jɔ̌n è kwatè ndàꞋ ànəa èghab mèmpème kàlìà wu wòt nàa tsèà ane Yesò Klistò mbɔ la. Eyaa wu èghab e kɨꞋɨ abua bòt bu bɔ nɨ a Yesò mbɨ̀Ꞌɨ̀ wòt tà wu alu̧, nkûŋ nè mèmpème mè me dzə abua tò la. Ndâ àghɨa ko bɔ̀ɔ ndzea a èbem àkata Jɔ̌n la wu ndɨ tà li ngua nɨa èghɨ bɔ̀ɔ ndzea àlia àgème la, nɨa fɨ̀Ꞌnà ane mènəè Mbɔ̧ɔ̧mà mu è wu nkûŋ la. Wu èghɨ mbɨ̀Ꞌɨ̀ mèleb nè bled nè èkaꞋà nè mbaabà njɨ̀ bɔ̂ njɨ̀ ti, mè nè àyɨt vȩn nè tètà̧aã ti.

Ndɨ bɔ ghàbtè ntu̧ yaa la:

MèmbùꞋu 1:1-18

Jɔ̌n ndzìà èdzî bɔ̂ bɔkatè mbì Yesò 1:19-51

ÀfaꞋa Yesò ayɔɔ bòt 2:1-12:50

Èli màndia Yesò a Jèlusalèm nè èdziꞋ bu a ngèt Jèlusalèm la 13:1-19:42

Yesò Lefɨ̀Ꞌ li njù̧ù̧me mè mpùùlà a mbì bòt 20:1-31

Elìa, tà mè mpùùla a Galìlî 21:1-25

လက်ရှိရွေးချယ်ထားမှု

Jɔ̌n MèngàꞋa: mnf

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

Mundani အကြောင်းကို ပို၍ သင်ယူပါ။

Jɔ̌n MèngàꞋa

Jɔ̌n MèngàꞋa
မှ လူကြိုက်နှစ်သက်သော ကျမ်းပိုဒ်များ။

သမ္မာကျမ်းစာ:

Mundani

ဗားရှင်း: Mundani - mnf

Jɔ̌n MèngàꞋa

Jɔ̌n MèngàꞋa

Jɔ̌n MèngàꞋaမှ လူကြိုက်နှစ်သက်သော ကျမ်းပိုဒ်များ။

သမ္မာကျမ်းစာ:

Mundani

ဗားရှင်း: Mundani - mnf

Jɔ̌n MèngàꞋa

Jɔ̌n MèngàꞋa
မှ လူကြိုက်နှစ်သက်သော ကျမ်းပိုဒ်များ။