Suluet 7
7
Bar duma
1A MATAT kulyani ko Noa adi, Po ta i ki ’bo lukata, do se ko mede inot liŋ; kogwon nan a met do a lo rigwo köyö i komor i Ŋutu ti na toberon. 2I kiden na kijakwa liŋ lo ’but lo nyenyei i kulya ti keri, joŋgi mönikön buryo ko nawate buryo; Köti i kiden na kija kwa liŋ logon jakiŋdya Ŋutu lut i kulya ti keri, joŋgi mönikön murek ko nawate murek. 3Köti i kiden na kwen ti ki joŋgi mönikön buryo ko nawate buryo. Koŋdi sona anyen tiju gweyarijin ti kilo ŋo liŋ jörun i kak ’bukuluŋ. 4Kogwon yoŋgi perok buryo a nan mo to ’doji kudu ko perok merya Iŋwan; a nan mo seyaddi ŋo liŋ lo gwon jörun lo gwe nan kulo kaŋo i na kak. 5A Noa koŋdi ŋo liŋ gwoso na sarakiŋdye MATAT nye nu.
6A Noa gwe ko kiŋajin miajin buker i diŋit na baranyakiŋdye bar i kak nu. 7#Mat 24.38, 39; Luk 17.27 A Noa ko ŋwajik kanyit, ko nakwan nanyit, se ko wate ti ŋwajik kanyit lupöni i ki ’bo kata lwököddu ’börik i kulya ti bar. 8A i kiden na kijakwa nagon a na ’but i nyei i kulya ti keri, ko na kijakwa nagon jakiŋdya ŋutu lut i kulya ti keri, ko na kwen ti ki, ’ko na ŋo lo gwögwöŋtu kak kilo, 9lupöni i ki ’bo kata murek murek, mönikön ko nawate se ko Noa i pirit na geleŋ, gwoso na sarakiŋdye Ŋun Noa nu. 10A i mukök na perok buryo a bar muluje kak.
11 #
2 Pet 3.6
A i kaŋajin miajin buker na gwo lor gi Noa, i perok puök wot buryo ti yapa tomurek nu, i ŋilu lor a pipiresi ti konyen ti pioŋ iŋge pu ’döwe kaŋo, a kwilisesi ti ’diko iŋge paŋatu. 12A kudu ’done ’don i kak perok merya Iŋwan ko tuparan ko tukwaje. 13A i ŋilu lor Noa lupöni i ki ’bo ko ŋwajik kanyit logon a ko Seme, ko Ama, ko Yapete. A nakwan na Noa se ko wate musala ti ŋwajik kanyit lupöni ko se i pirit na geleŋ. 14A kijakwa liŋ ti mu ’diŋ gwoso i gweyarijin kase, ko toro ’bo liŋ gwoso i gweyarijin kase, ko ŋo liŋ lo gwögwöŋtu kak gwoso i gweyarijin kase, ko kwen liŋ ti ki gwoso i gweyarijin kase, iŋkoi, gweyarijin liŋ ti kwen, 15a kilo ŋo liŋ lupöni ko Noa i ki ’bo, ŋkoi, ŋo liŋ murek murek lo gwon jörun. 16Ŋo liŋ lo lupö lukata kulo a mönikön ko nawate ti po liŋ lo gwon jörun; a lepeŋat lupöni lukata gwoso nagon Ŋun a sarakiŋdye Noa nu, a MATAT kinuddi lepeŋ lukata.
17A bar yepe gwon i kak perok merya Iŋwan; a pioŋ baraŋdi baraŋdu, a ’doggi ki ’bo ki, a nye ’dokoni ki pajo i loki na kak. 18A bar te ’yi te ’ya, a baraŋdi baraŋdu a duma parik i kak; a ki ’bo ’doke ’dokon i pioŋ loki. 19A bar te ’yi te ’ya parik a baranya kiŋdye ko riŋit i kak, a muluje merya liŋ lojo lo gwon i kak ni kulo; 20iŋkoi, a bar teladdi i merya ki i muluja na se ko pioŋ nagon yeŋga ki a lokiliŋan puök wot mukanat. 21A ŋo liŋ lo wöwörö i kak kulo twatwane twatwa, kweja adi, kwen, ko toro ’bo, ko kijakwa ti mu ’diŋ, ko ŋo liŋ lo koko ’yokta i kak, se ko Ŋutu liŋ; 22iŋkoi, a ŋo liŋ lo gwon jörun i kak nateyon kulo twatwane twatwa. 23A Ŋun iŋge seyara ŋo liŋ lo gwon jörun i kak ni kulo, kweja adi Ŋutu, ko toro ’bo, ko ŋo lo gwögwöŋtu kak, ko kwen ti ki; kilo liŋ a seyaji kaŋo i kak. Tuŋ a Noa geleŋ lo pituŋdye, ko se logon gwon ko lepeŋ i ki ’bo lukata kulo. 24a bar te ’yi te ’ya i kak perok mia geleŋ ko merya mukanat.
လက်ရှိရွေးချယ်ထားမှု
Suluet 7: BBE
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Bari Bible © United Bible Societies, 1979.