EFETIKILO 5
5
1Elivulu lilo liapata a Adama. Eteke Suku a lulika ulume wo lulika lesetahãlo lia Suku. 2Wa va lulika ulume lukãi, kuenje wa va sumũluisa, kuenje eteke va lulikiwa wa va tukula hati, Omanu. 3Eci Adama a kala locita lakui atatu kanyamo oco wa cita omõla ulume, ukusetahãlo liaye, haeye ukuacilelembia caye; wo luka Seti. 4Oloneke via Adama kovaso yokucitiwa kua Seti via kala ovita ecelãlã kanyamo; yu wa cita cita omãla valume lomãla vakãi. 5Oloneke viosi Adama a kala lomuenyo ovita ecea kanyamo kanyamo akui atatu; yu wa fa.
6Eci Seti a kala locita canyamo kanyamo atãlo oco wa cita Enosi. 7Seti eci a cita Enosi wa kala vali lomuenyo ovita ecelãlã kanyamo kanyamo epanduvali, yu wa cita cita omãla valume lomãla vakãi. 8Oloneke viosi via Seti via tẽla ovita ecea kanyamo kanyamo ekui lavali; yu wa fa.
9Eci Enosi a kala lakũi ecea kanyamo oco wa cita Kenana. 10Enosi wa kala vali lomuenyo kovaso yokucitiwa kua Kenana ovita ecelãla kanyamo kekui lianyamo kanyamo atãlo; yu wa cita cita omãla valume lomãla vakãi. 11Oloneke viosi vie Enosi via tẽla ovita ecea kanyamo kanyamo atãlo; yu wa fa.
12Eci Kenana a kala lakuĩ epanduvali kanyamo oco wa cita Mahalele. 13Eci a cita Mahalele eye Kenana wa kala vali lomuenyo ovita ecelãlã kanyamo kanyamo akui akuãla, yu wa cita cita omãla valume lomãla vakãi. 14Oloneke viosi via Kenana ovita ecea kanyamo kenyamo ekuĩ; yu wa fa.
15Eci Mahalele a kala lakui epandu kanyamo kanyamo atãlo oco wa cita Yarede. 16Eci a cita Yarede eye Mahalele wa kala vali lomuenyo ovita ecelãla kanyamo kanyamo akũi atatu, yu wa cita cita alume lakãi. 17Oloneke viosi via Mahalele ovita ecelãlã vianyamo lakũi ecea kanyamo kanyamo atãlo, yu wa fa.
18Eci Yarede a kala locita lakuĩ epandu kanyamo kanyamo avali oco wa cita Enoke. 19Eci a cita Enoke eye Yarede wa kala vali lomuenyo ovita ecelãla kanyamo yu wa cita cita omãla valume lomãla vakãi. 20Oloneke viosi via Yarede ovita ecea kanyamo kanyamo akũi epandu kanyamo avali; yu wa fa.
21Eci Enoke a kala lakũi epandu kanyamo kanyamo atãlo oco wa cita Metusele. 22Kuenje Enoke wa enda enda la Suku kovaso yoku cita Metusele ovita vitatu kanyamo, yu wa cita cita omãla valume lomãla vakãi. 23Oloneke viosi via Enoke ovita vitatu kanyamo lakũi epandu kanyamo kanyamo atãlo. 24Enoke yu wa enda enda kumue la Suku kuenje keko momo Suku wo sondolola.
25Eci Metusele a kala locita lakũi ecelãla kanyamo kanyamo epanduvali oco wa cita Lameke. 26Eci Metusele a cita Lameke wa kala vali lomuenyo ovita epanduvali kanyamo kakui ecelãla kanyamo kanyamo avali, yu wa cita omãla valume lomãla vakãi. 27Oloneke viosi via Metusele ovita ecea kanyamo lakui epandu kanyamo kanyamo ecea; yu wa fa.
28Eci Lameke a kala locita lakuĩ ecelãla kanyamo kanyamo avali, oco a cita omõla ulume, 29wo luka Noha ca lomboloka Elembeleko, hati, Eye o tu kuatisa okuti posi yina Yehova a siñala pa tunda elembeleko liokupange wovaka etu. 30Eci a cita Noha eye Lameke wa kala vali lomuenyo ovita vitãlo lakui ecea kanyamo kanyamo atãlo, yu wa cita cita omãla valume lomãla vakãi. 31Oloneke viosi via Lameke ovita epanduvali kakui epanduvali kanyamo kanyamo epanduvali; yu wa fa.
32Kovaso yoku tẽlĩsa ovita vitãlo kanyamo Noha wa cita Semi, Hama, la Yafete.
လက်ရှိရွေးချယ်ထားမှု
EFETIKILO 5: EMB63
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Umbundu Bible © United Bible Societies, 1963.