Matiu 17
17
NA SOPENA 17.
1Tau na pohi molimarave maa tau, Iesu molavi Piter me Jemes me tasina Jon valuia, molavi sahe haseratou me na vuti paravu: 2tau motahaperehei me na pahora: na pahona motila pala maso, ra visivisina tevoevoe pala rani. 3Tau Moses me Elaija teranumai mera, teraaso mea. 4Tau Piter motami, moaso me Iesu, Moli, ihije totoho nai motahonae: va omejeia aisari ra pea motolu nai; motea na peamu, motea na pea i Moses, motea na pea i Elaija. 5Moaso tohoreji, na loota taha voe moluluvera: tau na loe motea me na loota, moaso, Iano Matuu tahonae, aejieji suria; motahonae otorohoe. 6Ra uluo hina terohoe tau, tejovi tasivo me na pahora, teine tahajia. 7Tau Iesu monumai, motielira, moaso, Otomaraha, toho na ine. 8Tau terioriosahe, tereni Iesu hasa.
9Tau tetesumai reji me na vuti, Iesu movaraira, moaso, Ototena veti na nunue ta me ra tajua, me na rani inumai Matu i tajua itamaraha me na mate. 10Tau ra uluo hina tetuhae, teaso, Surasava ra tajua hi na uli pepe teaso Elaija isinumai majiha? 11Tau motami, moaso, Io, Elaija isinumai majiha, ive ra sanu vunuvunu tipala esa: 12maainauaaso ta meamiu, Elaija monumai mine, tesapinisia, teve ra sanu temejeia ta mea. Palahi mono tivei ta me Matu i tajua. 13Tau ra uluo hina tepinisia moaso ta mera suri Jon Na Paptais.
14Tau tesumai me ra tajua taha huhurahi tau, te tajua itea monumai mea, motiepau mea, moaso, 15Moli, mota-honae na lolomu imalumu matuu lamane: suria morojo matematetoa, morojo taha-jia: suria na rani tari mojovi ta na hapu, na rani tari mojovi ta na pei. 16Inau alavia mine ta me ra uluo himu, tesapi-nisa vei mauri nie. 17Tau Iesu motami, moaso, O amiu ra taha sarohoroho, ra taha oso, na hisa taitoho valuiamiu? na hisa tairoho ra pilamiu ninima? oilayia ta meau nai. 18Tau Iesu moumae; tau na tamate moruhusivo ae: tau na paule lamane momauri majuri me na rani hina. 19Tau ra uluo hina tenumai me Iesu hasena, teaso, Surasava amamasa-pinisa rahutuhea? 20Moaso ta mera, Sura semiu rohoroho taiti: suria aaso taharahu ta meamiu, Va na semiu rohoroho ae pala maena mastart, otoaso ta me na vuti naa, Oirovo me na vonae neevano; tauirovo; isaite sanu otosapinisa vea. [21Maa na sanu palea i moruhusivo hi na matapisi me na toho na hanihani hasa.] 22Tau temaralia toho me Kalili, Iesu moaso ta mera, Tirahu Matu i tajua tame ra tajua; 23tivei meteia, tau me na vaha toluna pohi maa itamaraha. Tejomi tohova suria.
24Tau tenumai me ra Kapernaam tau, ra tajua hi na lava sule hi na moli tenumai me Piter, teaso, Na varese himiu movoli na sule hi na moli, e mojoa? 25Moaso, Io. Tau moruhusahamai me na pea tau, Iesu moaso majiha mea, moaso, Oninima tau nasava, Saimon? ra moli hi na ulu telavi na sule hira me isei? telavia me ra matura e ra tariesao? 26Tau moaso tau, Me ra tariesao, Iesu moaso ta mea, Ra matura tesavolia suria. 27Maa surira tisamamahanu surija, oivano me na tasi, oiputuhe na auli, oilavi na majihana maji; tau oaara vavana tau, oipasua na sule motea: oilavi tuha, oirahu ta mera surijarua.
လက်ရှိရွေးချယ်ထားမှု
Matiu 17: TLM9109
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
This is a historic text maintained by the British and Foreign Bible Society.