YESAYA 46
46
1Naa in kopaḷutan in dewa mita in Babel;
dungkuḷmai patong i Bel bo i Nebo sinumba,
táe tanaa in dinatogdon kon ḻikud in bobiagon,
nobaḻí dodiaan in bobiagon inta moḷopí.
2Patong mita tatua in diábí mokotuḷung kon momotaannea,
mosia tontaní in inakut nobaḻí inta dinakop.
Tuata in kopaḷutan monia.
3Indongogaidon in Akuoi, ei buí i Yakub,
moiko komintan inta tonggagat in umat-Ku.
Akuoi in nomiagdon kon i monimu
pinangkoipamai kon moiko pinononggadí.
4Akuoi in umuranbí ki Allahmu modapot in moiko mogoguyang;
bo umuran moḷukad kon i monimu modapot in moiko ubanan.
Akuoi in nopobaḻí kon i monimu bo umuran moḷukad,
Akuoi in motuḷungbí bo moposaḷamat kon i monimu.
5Ki ine in popotongkaianmu kon i-Nakó?
Oyúon degá in motaau potongkaion kon i-Nakó?
6Intau mobuká kon dompet bo mogundak kon buḷawannea
bo monimbang kon saḷakanea momaké in simbangan.
Monondan in sia kon mononontaḷ kon buḷawan sin momia kon patong berhala,
bo mosumba in sia kon patong inta pinomianea tontaní.
7Patong tatua in pinakú bo inukat kon tampatnea,
patong tatua in simindog mako kon tua bo diá mokopomamping.
Aka intau mosambayang kon inia, diábí tubagannea,
bo diábí mokoposaḷamat kon inia nongkon roriganea.
8Toropdon bo rai-raidon,
ei intau mita moraat!
9Toropdon in inta nongobaḻí dungkuḷmai;
Akudon kon Akuoi in Allah, bo diábí in ibanea mako,
Akuoi in Allah, bo diábí in ná Akuoi.
10Nongkon pinomangkoianmai pinotaau-Kudon in onu inta mobaḻí kon singgai moiduduimai,
nongkon dungkuḷpabímai ain sinoḻindap-Ku onu in mobaḻí.
Guman-Ku: Onu inta ain sinantú-Ku in mobaḻíbí,
onu in koibog-Ku in notantúbí kon aidan-Ku!
11Akuoi in mogoiní kon mongongawasa tobatú nongkon dotá in pomukaan#46:11: pongawasa nongkon dotá in pomukaan: Indoiai 41:2.
sia in mamangoi naonda bo ḷagapan turá
sin mopobayá in onu inta ain siningog-Ku
Onu in inta ain siningog-Ku notantúbí kon aidan-Kubí,
onu in sinomayá-Ku notantú bidon kon pomiaan-Ku.
12Indongogaidon in Akuoi, ei intau mita moḷoḷatú,
moiko inta noguman kon kauntungan in noyayúpabí.
13Akuoi in mopodiug bidon kon singgai popoḷuatan,
kasaḷamatan inta ogoi-Ku in diá bidon mobaḷui.
Akuoi in moposaḷamatbí kon Yerusalem,
bo mobogoi in kahoromatan kon Israel.”
လက်ရှိရွေးချယ်ထားမှု
YESAYA 46: INOMOG
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.