YESAYA 64
64
1Berakdon in ḷangit bo poponagdon, o Tuhan,
baḻídon in buḷud mita modandú kon tayowon-Mu,
2naonda bo tuḷú mopodokot in kayu
bo mokodidí kon tubig.
Poniatadon in kawasa-Mu kon musung-Mu mita,
modapot in bangusa mita in mourot kon tayowon-Mu.
3Nokoimontandon in Iko nopoontong in oaid-Mu inta motoyang,
inta diábí sinangkamai nami.
Iko in noponag, bo kon tayowon-Mu
buḷud mita modandú.
4 #
Kor.1. 2:9
Diápa kon dodai in onda oyúon in nokodongog,
bo diápa doman kon dodai in onda oyúon in nokoontong
kon koḻikud in Iko, oyúon in ilah inta nogaid kon onuka,
kon intau inta noharap mako kon inia.
5Iko in motomu kon intau inta motuḻid in gina
bo inta nobiag podudui in ibog-Mu
iko in sinumorú kon inami, táe kami in tantúbí nogaid kon dosa
totuu kon nongkon dungkuḷpabímai kami in kotaḷá.#64:5: Kamungkinan moḷoben mangaḻenea Iko in sinumorú … kotaḷá
6Kami komintan in intaubí mita inta nonajis,
nodapot in aid nami inta mopiapa in diá nodarit bo nokotor.
Kami in moputúdon popisí in aid nami moraat
naonda bo daun noingkag pinoḷayug in tompot.
7Diá in nosambayang kon ini-Mu,
andeka nopoigum in totuḷung-Mu,
sin Iko in nogadop kon inami,
bo nopomayá mako#64:7: Podudui in terjemahan dungkuḷmai nopomayá mako andeka: nobogoi; podudui in naska in Ibrani: norimumud. kon inami in iyopú in dosa nami.
8Táe Iko, o Tuhan, in ki Amá nami,
kami in butá ḷamentong, bo Iko in nomia kon inami;
kami komintan in aidbí in ḻima-Mu.
9Dá dikadon tumorú totok, kaasí Tuhan,
dikadon monoro-norop kon dosa nami;
indoiaidon kaasí in kami naa umat-Mu.
10Kotá mita motusi-Mu in nádon onda bo padang gurun,
Yerusalem in nobaḻídon butá noingkag inta noingongow.
11Baḷoi i Allah inta motusi bo momulia
tampat in mogoguyang nami modayowmai kon ini-Mu,
aindon kinaan in tuḷú;
bayongan tampat inta kinoibog nami
aindon nobaḻí goguyaatnea.
12Iko in nokoontong kon tua komintan, o Tuhan, umpaka dá Iko in tongábí kibio-biómai?
Eta degá tongádon pomayá-Mu mako in kami
mobaba kon roriga mobogat totok?
လက်ရှိရွေးချယ်ထားမှု
YESAYA 64: INOMOG
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alkitab Singog In Mongondow Masa In Tanaa © Indonesian Bible Society, 2016.