O KEJADIAN 10
10
O Nuh ai ngoha-ngohaka manga difauku
(1Taw. 1:5-23)
1Nenanga doka o Nuh aingoha-ngohaka manga difauku, enagënanga o Sem, o Yafet deʼ o Ham. O taufani deʼipaha, yaruangeö yamake o ngoha-ngohaka o nauru.
2O Yafet aingoha-ngohaka ganga o Gomer, o Magog, o Madi, o Yawan, o Tubal, o Mesekh deʼ o Tiras. 3O Gomer aidifauku yögogere o Askenas, o Rifat deʼ o Togarma. 4O Yawan aidifauku ganga yö gogere o Elisa, o Spanyol, o Siprus deʼ o Rodes. 5Onanga o hoana deʼ o berea manyawa yögogere o hohana magurutu deʼ o nünuhika manga ete deʼ manga tohora gënangadoka mata-mata o Yafet aidifauku. Moi-moi o hoana deʼ o berera deʼ manga demo mahirete.
6O Ham aingoha-ngohaka ganga, o Kus, o Mesir, o Libia, deʼ o Kanaan. 7O Kus ai difauku ganga yögogere o Seba, o Hawila, o Sabta, o Raema, deʼ o Sabtekha. O Raema ai difauku ganga yögö gogere o Syeba deʼ o Dedan. 8O Kus aingohaka o nauru ai romanga o Nimrod wodadadi o nyawa yonau-nauru madodihiraka o duniaka. 9De ma Jou Ai roriwo ünanga wodadi o nyawa yososawaro yolimo-limoro. Hababu gënanga biaha yotemo, ”Tanu ma Jou woni-hiadi ngona o nyawa yosawaro yolimoro hokä Nimrod.” 10Madodihiraka aipareta yakilolitino o Babel, o Erakh deʼ o Akad hangeö o Babilonia matonakoka. 11Genangokadau deʼ ünanga woiki o Asyurika, daha wohigoko o Niniwe makota o Rehobot-Ir, o Kalah, 12deʼ o Resen magogere o Niniwe deʼ o Kalah mahidogorona. Mata-mata gënanga o kota ma ago-agomo.
13O Mesir ai difauku ganga yögogere o Lidia, o Namim, o Lehabim, o Maftuhim, 14o Patrusim, o Kasluhim, deʼ o Kaftorim. O Kasluhim manyawa gënanga o Filistin manyawa manga ete deʼ manga tohora.
15O Kanaan aingoha-ngohaka, ganga o Sidon, mariaka deʼ o Het. 16O Kanaanö ganga manga ete deʼ manga tohora o Yebusi manyawa, o Amori, o Girgasi, 17-18o Hewi manyawa, o Arki, o Sini, o Arwadi, o Semari deʼ o Hamati. O Kanaan manyawa manga hoana gënanga kahä gurutika imahi kabarihi, 19hiädono mabatingi-mabatingi toönanga manga berera kaha amokika o Sidonoka deʼ o koreharail̄e yameta o Gerar, hiädono o Gasa yatigika, deʼ o wange mahiwaroko yameta o Sodom, o Gomora, o Adma, deʼ o Zeboim, hiädono o Lasa yatigika.
20Genanga mata-mata o Ham aidifauku. Moi-moi o berera deʼ o hoana yögogere moi-moi manga bereraka deʼ manga demo mahirete.
21O Sem O Yafet ai riaka, ganga mata-mata o Ibrani manyawa manga ete deʼ manga tohora. 22O Sem aingoha-ngohaka ganga o Elam, o Asyur, o Arpakhsad, o Lud deʼ o Aram. 23O Aram aidifauku ganga yö gogere o Us, o Hul, o Geter deʼ o Mas. 24O Arpakhsad o Selah ai ama. De o Selah o Eber ai ama. 25O Eber aingohaka o nauru yahinoto; madodihiraka ai romanga o Peleg, karana ai orahoka o hoana deʼ o berera manyawa o duniaka yoregu-regu; mahinotoka ai romanga o Yoktan. 26O Yoktan aidifauku ganga yö gogere o Almodad, o Selef, o Hazar-Mawet deʼ o Yerah, 27o Hadoram, o Uzai, o Dikla, 28o Obal, o Abimael, o Syeba, 29o Ofir, o Hawila, deʼ o Yobab. Mata-mata gënanga o Yoktan aidifauku. 30Toönanga manga ngï yögögogere madaera ma amokika Mesa deʼ o Sefarika, enagënanga o daira il̄oku-l̄oku o wange ma hiwaroko.
31Genanga mata-mata o Sem aidifauku. Moi-moi o berera deʼ o hoana yögogere moi-moi manga bereraka deʼ manga demo mahirete.
32Mata-mata gënanga o Nuh aidifauku, deʼ manga hoana deʼ manga berera, imoteke madatoro toönanga manga difauku. Neonanga doka yahi ngoha-ngohaka o berera deʼ hoana manyawa o duniaka nënanga o taufani ilamo-amoko gënanga ipahaika.
လက်ရှိရွေးချယ်ထားမှု
O KEJADIAN 10: TLB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ