O KEJADIAN 15
15
Ma Jou Madutu deʼ o Abram manga jaji
1Genanga deʼ iböto o Abram watarima o momake deʼ wo ihene ma Jou Madutu wïtemo unangika, ”Uha nohawana, Abram, Ngohi aha tonihirehene obodito, deʼ tonihidöaka ngonaika o hewa ma amoko.”
2-3Mä o Abram wotemo, ”Jou noko Kurutil̄e, Jou nohihi döakua o ngohaka ngohino. O nyawa aha yapopuhaka ahi arata duga-duga ka o Elieser, ahi gilaongo o Damsyikino. Ho, okia ma faida Jou nohihidöaka o hewa ngohino?”
4Ipahaino o Abram woihene ma Jou wïtemoli unangika, ”Ko anigilaongua aha wodadi ani puhaka wapopareta, duga-duga aningohaka o nauru mahirete.” 5#Rm. 4:18; Ibr. 11:12 Ma Jou wïao o Abram maporetika daha wïtemo unangika, ”Napulono o dihanga, deʼ nohitaili naetongo hagala o murumu; ngona aha deʼ ani ngohaka deʼ ani danongo manga ngoë hokä hagala o murumu gënanga.”
6 #
Rm. 4:3; Gal. 3:6; Yak. 2:23 O Abram wïngaku ma Jouika, deʼ karana gënanga ma Jou wïtarima ünanga hokä o nyawa yasosanangi Ai hininga.
7Ipahaino ma Jou wïtemoli unangika, ”Ngohi ma Jou, toni tudaoka ngona nohupu ani bereraino o Ur o Babiloniaoka mangale tonihi döaka otonaka nënanga ngonaika idadi tongona madutu.”
8Mä o Abram woleha, ”Ya, Jou Duru nokö Kurutil̄e, sarakia ngohi takunu tohioriki otonaka nënanga aha idadi tongohi madutu?”
9Ma Jou wohaluhu, ”Nohï l̄e o hapi mabeka o dutu moi, o kabingi mabeka o dutu moi deʼ o duba mauru o dutu moi, moi-moi ma umuru o taongo hange, deʼ o pombo furuö o dutu moi deʼ onamo dara o dutu moi.” 10Daha o Abram, wal̄e o aiwani-o aiwani gënanga wïike ma Jou Madutu. O hapi, o kabingi deʼ o duba gënanga moi-moi yabelaka hinotoil̄e deʼ mabela-belaka gënanga wakelenga wohi teke rorihimanga o datoro hinoto magoronaka. Mä o totaleo-o totaleo gënanga kowabelakua. 11O Aiwani ma akeme gënanga ototaleo i ol̄o-ol̄omo o aiwani mahonenge yödangi, mä o Abram waduhu.
12 #
Ayb. 4:13, 14 Maöraha owange malako imulaenge itumunu, o Abram duru aigogioko. Itodokanino ünanga wamao wohawana duru koha giria. 13#Kel. 1:1-14; Kis. 7:6 Ma Jou wïtemo unangika, ”Nohohininga aningohaka deʼ ani danongo aha yodadi o nyawa mahomoa o berera mahomoaka; önanga aha yodadi o gilaongo dokengoka deʼ aha yahidiai itorou otaongo moruatino madekana. 14#Kel. 12:40-41; Kis. 7:7 Mä o nyawa imä gogilaongo aningohaka de ani danongo gënanga aha Tahukumu deʼ ma öraha aningohaka deʼ ani danongo yamal̄a o berera gënanga, önanga aha imägao o arata kohängöe. 15Ngona mahirete aha nakunu ani umuru kahä gurutil̄e; ngona aha nohonenge nomahidodiai, daha ini lungunu. 16Ipahaika ani difauku maiatoka, aningohaka deʼ ani danongo aha imakilioro nenangino, karana gënanga aha Ngohi täduhuua o Amori manyawa ihira deʼ önanga yodadiuwahi hoko gënanga ma nga dorou hiädono i paralu Tähukumu.”
17Maöraha o wange yöhutuoka, itodokanino iboaino moi o komfor deʼ manofo deʼ o oboro itoka-tokara, daha yatilakuru o aiwani ma akeme i lui-luituku mahidogoronaika. 18#Kis. 7:5 Ka maöraha gënanga dika ma Jou wadiai o jaji deʼ o Abram. Ma Jou wotemo, ”Ngohi tojaji aha Tohidöaka aningohaka deʼ ani danongika o tonaka nënanga mata-mataika, mabatingi i mulaenge o Mesir maberera hiädono o Efrat ma ngairika, 19yo ngohamö o Keni manyawa manga tonaka, o Kenas, o Kadmos, 20o Het, o Feris, o Refaim, 21o Amori, o Kanaan, o Girgasi deʼ o Yebus.”
လက်ရှိရွေးချယ်ထားမှု
O KEJADIAN 15: TLB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ