O KEJADIAN 17
17
O Huna hokä o jaji manonako
1Maöraha o Abram ai umuru o taongo morihiwo deʼ hiwo, ma Jou womahimatoko ai diri unangika deʼ wïtemo, ”Ngohi ma Jou Madutu Tokokuaha. Nohihi moteke Ngohi deʼ salalu nadiai Ahi mau. 2Ngohi aha takekete o jaji dede ngona deʼ tonihi döaka ngonaika o ngohaka deʼ o danongo kamanga ngoë.” 3Daha o Abram watilabukuku wïhuba, ipaha ma Jou Madutu Wïtemo, 4-5#Rm. 4:17 ”Nenangadoka o jaji Tadodiai dede ngona: Ngohi tojaji ngona aha nodadi manga ngoë o berera deʼ o hoana manga ete de manga tohora manga ama. Mangale karana gënanga ani romanga o Abramokauaoli, duga-duga o Abraham. 6Ngohi aha tonihidöka ngonaika o ngohaka deʼ o danongo komangangoë, deʼ toönanga manga hidogoronaka naga aha yodadi o kokoano. Ani difauku aha hoko gënanga mangangoë, hiädono önanga aha yodadi hagala o hoana deʼ o berera manga nyawa.
7 #
Luk. 1:55
Ngohi aha tohiganapu Ahi jaji ngonaika deʼ aningohaka deʼ ani danongika, iuti manga dano-danonguku, deʼ o jaji gënanga i kakali. Ngohi aha todadi ani Jou Madutu deʼ ani difauku manga Jou Madutu. 8#Kis. 7:5 Ngohi aha tonihidöaka ngonaika deʼ aningohaka deʼ ani danongika, o tonaka nënanga, nanga ngona no gögogere hokä o nyawa maporetino. O Kanaan matonaka mata-mataika aha idadi madutu to aningohaka deʼ ani danongo deʼ kahi ado-adonika deʼ Ngohi aha todadi toönanga ma Jou Madutu.”
9Ma Jou Madutu wïtemoli o Abrahamika, ”Ngona maʼ kokiani nosetia o jajiika nënanga, kayaoa ngona kayaoa ani difauku i uti manga dano-danonguku. 10#Kis. 7:8; Rm. 4:11 Ngona deʼ mata-mata anidifauku o nau-nauru kokiani yähuna. 11-12Mulaenge deʼ o oraha nënanga ngona kokiani nähuna moi-moi ngohaka magil̄au manga umuru o wange tufange, deʼ ani gogilaongo imakokil̄au anitauoka ekola nä ija-ijaino. O huna nënanga aha idadi o jaji manonako Ngohi deʼ ngini nanga hidogoronaka. 13Moi-moi o nyawa kokiani yä huna, deʼ gënanga aha idadi o nonako hamö make-make ihidödumu-dumutu Ahi jaji dede ngona gënanga ikakali. 14Moi-moi o nau-nauru imahö huna-hunaua yäetongua Ahi umati karana ünanga womahi jojoua o jajiika gënanga.”
15Ipahaino ma Jou Madutu wïtemo o Abrahamika, ”Ngona uha nomi ahokoli ngoni hekata o ngo Sarai; mulaenge öraha nanga ami romanga o ngo Sara. 16Ngohi aha tomihi barakati deʼ munanga aha mongohaka moi o ngohaka o nauru aha Tonihidöa-döaka ngonaika. I goungu Ngohi aha tomihibarakati o ngo Sara, deʼ munanga aha modadi o hoana deʼ o berera manga ngohaka deʼ manga danongo manga ayo. Ami ngohaka deʼ ami danonguku manga hidogoronaka aha naga o kokoano.”
17Ipaha o Abraham watilabukuku wohuba, mä ünanga woiete maöraha womapikiri, ”Kiaka deʼ idadi o nauru womatengo ai umuru o taongo o ratuhu moi iböto deʼ yamake o ngohaka? Kiaka idadi o ngo Sara mongohaka ami umuru o taongo morihiwo?” 18Daha ünanga wïtemo ma Jou Madutuika, ”Kayaoa deʼ o Ismael dika wodadi ahipuhaka wapopareta.”
19Mä ma Jou Madutu wïtemo, ”Kowali. O ngo Sara ngoni hekata aha mongohaka o ngohaka o nauru deʼ ngona aha nihiromanga o Ishak. Ngohi aha tosetia Ahijajika deʼ o ngohaka gënanga dede aingohaka deʼ ai danonguku deʼ kahiado-adonika. O jaji gënanga ikakali. 20Mä Ngohi tohimotekoli ani gogahoko imakorona deʼ o Ismael. Karana gënanga ünanga aha Tihi barakati deʼ Tihidöaka o ngoka deʼ o danongo kamanga ngoë. Unanga aha wodadi o hoana ngimoi deʼ hinoto manga haeke manga ete deʼ manga tohora, deʼ ai difauku aha Tahidadi o berera deʼ o hoana ma ago-agomo. 21Mä Ahi jaji aha takekete deʼ o Ishak, aningohaka aha mihi ngoha-ngohaka o Sara, o taongo nanga himangoka ngade-ngade maöraha hokä hoko nënanga.” 22Ipaha iböto wotemo hoko gënanga ma Jou Madutu wïmal̄a o Abraham.
23O wange gënangö, O Abraham wihimoteke ma Jou Madutu deʼ wïhuna o Ismael aingohaka, mata-mata o nau-nauru ai tau magoronaka, deʼ ai gogilaongo imakokil̄au ai tau magoronaka kayaoa wäija-ijaino. 24O Abraham ai umuru o tango morihiwo deʼ hiwo maöraha ünanga womahuna, 25deʼ o Ismael aingohaka, ai umuru o taongo ngimoi deʼ hange. 26Önanga yähuna kagënanga mawange imatero, 27kamamoi deʼ ai gogilaongo o Abraham mata-mata.
လက်ရှိရွေးချယ်ထားမှု
O KEJADIAN 17: TLB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
O KEJADIAN 17
17
O Huna hokä o jaji manonako
1Maöraha o Abram ai umuru o taongo morihiwo deʼ hiwo, ma Jou womahimatoko ai diri unangika deʼ wïtemo, ”Ngohi ma Jou Madutu Tokokuaha. Nohihi moteke Ngohi deʼ salalu nadiai Ahi mau. 2Ngohi aha takekete o jaji dede ngona deʼ tonihi döaka ngonaika o ngohaka deʼ o danongo kamanga ngoë.” 3Daha o Abram watilabukuku wïhuba, ipaha ma Jou Madutu Wïtemo, 4-5#Rm. 4:17 ”Nenangadoka o jaji Tadodiai dede ngona: Ngohi tojaji ngona aha nodadi manga ngoë o berera deʼ o hoana manga ete de manga tohora manga ama. Mangale karana gënanga ani romanga o Abramokauaoli, duga-duga o Abraham. 6Ngohi aha tonihidöka ngonaika o ngohaka deʼ o danongo komangangoë, deʼ toönanga manga hidogoronaka naga aha yodadi o kokoano. Ani difauku aha hoko gënanga mangangoë, hiädono önanga aha yodadi hagala o hoana deʼ o berera manga nyawa.
7 #
Luk. 1:55
Ngohi aha tohiganapu Ahi jaji ngonaika deʼ aningohaka deʼ ani danongika, iuti manga dano-danonguku, deʼ o jaji gënanga i kakali. Ngohi aha todadi ani Jou Madutu deʼ ani difauku manga Jou Madutu. 8#Kis. 7:5 Ngohi aha tonihidöaka ngonaika deʼ aningohaka deʼ ani danongika, o tonaka nënanga, nanga ngona no gögogere hokä o nyawa maporetino. O Kanaan matonaka mata-mataika aha idadi madutu to aningohaka deʼ ani danongo deʼ kahi ado-adonika deʼ Ngohi aha todadi toönanga ma Jou Madutu.”
9Ma Jou Madutu wïtemoli o Abrahamika, ”Ngona maʼ kokiani nosetia o jajiika nënanga, kayaoa ngona kayaoa ani difauku i uti manga dano-danonguku. 10#Kis. 7:8; Rm. 4:11 Ngona deʼ mata-mata anidifauku o nau-nauru kokiani yähuna. 11-12Mulaenge deʼ o oraha nënanga ngona kokiani nähuna moi-moi ngohaka magil̄au manga umuru o wange tufange, deʼ ani gogilaongo imakokil̄au anitauoka ekola nä ija-ijaino. O huna nënanga aha idadi o jaji manonako Ngohi deʼ ngini nanga hidogoronaka. 13Moi-moi o nyawa kokiani yä huna, deʼ gënanga aha idadi o nonako hamö make-make ihidödumu-dumutu Ahi jaji dede ngona gënanga ikakali. 14Moi-moi o nau-nauru imahö huna-hunaua yäetongua Ahi umati karana ünanga womahi jojoua o jajiika gënanga.”
15Ipahaino ma Jou Madutu wïtemo o Abrahamika, ”Ngona uha nomi ahokoli ngoni hekata o ngo Sarai; mulaenge öraha nanga ami romanga o ngo Sara. 16Ngohi aha tomihi barakati deʼ munanga aha mongohaka moi o ngohaka o nauru aha Tonihidöa-döaka ngonaika. I goungu Ngohi aha tomihibarakati o ngo Sara, deʼ munanga aha modadi o hoana deʼ o berera manga ngohaka deʼ manga danongo manga ayo. Ami ngohaka deʼ ami danonguku manga hidogoronaka aha naga o kokoano.”
17Ipaha o Abraham watilabukuku wohuba, mä ünanga woiete maöraha womapikiri, ”Kiaka deʼ idadi o nauru womatengo ai umuru o taongo o ratuhu moi iböto deʼ yamake o ngohaka? Kiaka idadi o ngo Sara mongohaka ami umuru o taongo morihiwo?” 18Daha ünanga wïtemo ma Jou Madutuika, ”Kayaoa deʼ o Ismael dika wodadi ahipuhaka wapopareta.”
19Mä ma Jou Madutu wïtemo, ”Kowali. O ngo Sara ngoni hekata aha mongohaka o ngohaka o nauru deʼ ngona aha nihiromanga o Ishak. Ngohi aha tosetia Ahijajika deʼ o ngohaka gënanga dede aingohaka deʼ ai danonguku deʼ kahiado-adonika. O jaji gënanga ikakali. 20Mä Ngohi tohimotekoli ani gogahoko imakorona deʼ o Ismael. Karana gënanga ünanga aha Tihi barakati deʼ Tihidöaka o ngoka deʼ o danongo kamanga ngoë. Unanga aha wodadi o hoana ngimoi deʼ hinoto manga haeke manga ete deʼ manga tohora, deʼ ai difauku aha Tahidadi o berera deʼ o hoana ma ago-agomo. 21Mä Ahi jaji aha takekete deʼ o Ishak, aningohaka aha mihi ngoha-ngohaka o Sara, o taongo nanga himangoka ngade-ngade maöraha hokä hoko nënanga.” 22Ipaha iböto wotemo hoko gënanga ma Jou Madutu wïmal̄a o Abraham.
23O wange gënangö, O Abraham wihimoteke ma Jou Madutu deʼ wïhuna o Ismael aingohaka, mata-mata o nau-nauru ai tau magoronaka, deʼ ai gogilaongo imakokil̄au ai tau magoronaka kayaoa wäija-ijaino. 24O Abraham ai umuru o tango morihiwo deʼ hiwo maöraha ünanga womahuna, 25deʼ o Ismael aingohaka, ai umuru o taongo ngimoi deʼ hange. 26Önanga yähuna kagënanga mawange imatero, 27kamamoi deʼ ai gogilaongo o Abraham mata-mata.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ