KEJADIAN 19
19
Sodom sala-singon
1Ata nusa so'dak-ka duak sila-la, donge-dama basa Abraham boema, leu leo Sodom leu, de le'odae boema, ala losa naa. Lot bei nangatuuk nai kota lelesuinan-na, de nita duas boema, ana fo'a, de neu soluk-kasa. Boema ana senek neu duas matan-na, 2de nae, “Tuan-tuan, tuli au umang-nga dei. Tuan-tuan-nala bole safe eim-mala, fo sungu nai au umang. Metema, Tuan-tuan-nala nau soona, balahaa fafaik de'i fo, Tuan-tuan-nala la'ok makandoo leleo-lala'om.”
Tehu lataa lae, “Makasi ba'uk-ka, nemen-na fo, ami sungu nai kota ia, moo maselon dale.”
3Lot haladoi nanseli, de mate'en-na boema, ala masok sama-sama loon leo uman dale leu. Lot sadia nana'a mala'da, ma ana tunu loti dadaik-kasa, boema la'a leona.
4Tehu fui sila-la, beita leu sungu fa te, hataholi Sodom-mala okofefeo-la uma ndia. Basa touk manai kota ndia, nau lasik do mulik boe, lai ndia. 5#Hak. 19:22-24Ala laloo bou-bou neu Lot, de latane lae, “Hataholi manamaik, fo ala sungu nai o umam-ma, lai bee? Fes mai, fo ela ami sungu moos!”
6Lot kalua neme uman dale mai, de ana kena basa lelesu-a, boema 7nafa'da hataholi Sodom sila-la nae, “Tolano-tolanoong-ngala lemin, au oke anseli, fo boso tao, tatao-nono'i mangalauk leondiak-ka! 8So'ba mamanene dei, te au anafe'oana matatemang dua lai ia, de au fe duas leo emi neu, fo emi bole tao su'di beek-ka neu duas. Tehu boso tao hata-hata neu, au fuing ia-la; nana au muse asulu-ahapas.”
9Tehu hataholi Sodom sila-la, lafa'da Lot lae, “La'o leona! O hataholi manamai esa, boen-na o nau ito-ato ami? Ka'da la'o leona! Metema ta soona, neukose ami hotu fe o, fo belan-na lena heni hataholi ka duak sila-la.” Boema ala soli heni Lot, de ala tutulumatak, fo ala sanga hona lakalulutuk lelesu-a. 10Tehu fui ka duak sila-la, look liman-nala mai, de ala hela falik Lot leo uma dale neu, boema ala kena lelesu-a neu. 11#2Raj. 6:18Ala tao lapoke basa hataholi manai deak sila-la matan-nala, nalosa ala ta lita lelesu ndia so'on.
Lot la'oela Sodom
12Fui ka duak sila-la, lafa'da Lot lae, “Metema o maanatouk, anainak, manafeuk do tolanoo ka'a-fa'di fe'ek, fo ala leo lai kota ia dalek soona, moos kalua leme ia mai leona, 13nana, neukose ami tao mamopo-mamate kota ia. Manetualain namanene basa kalaak mabelaina-la, la'eneu laun manai ia-la so, de nadenu basa ami, fo tao makalulutuk kota Sodom-ma.”
14Boema, Lot neu leo anan duas faren-nala neu, de nafa'das nae, “Lai-lai kalua meme mamanak ia mai leona, nana neukose Manetualain tao nakalulutuk kota ia.” Tehu, laedaenga, Lot ka'da nakasoe ndia.
15Nai lelek lolebalahaak boema, ata nusa so'dak-ka duak sila-la, lakaseti Lot, fo daenga ana la'o lai-lai. “Lafa'dan lae, o, ma o saom-ma, o anafe'om duas, lai-lai la'oela mamanak ia leona, fo daenga, metema kota ia nanatao nakalulutuk soona, boso mate emi.” 16#2Ptr. 2:7Lot dalen-na naba'e. Tehu Manetualain kasian seluk-kana; hu ndia de, fui ka dua-nala, lalala'o Lot no saon-na, boema anan duas, fo ala kalua leme kota ndia mai. 17Basa ndia boema, ata nusa so'dak ka duak sila-la, esa nae, “Malai leona, fo daenga o maso'da! Boso lipa leo dea neu, ma boso mate'e nai bafak dale. Malai leo letelepak-ka meu, fo ela boso mate emi!”
18Tehu, Lot nataa nae, “Awii, Tuan boso madenu ami malai leo letelepak-ka meu, 19Memak, Tuan tulu-fali au nanseli, ma soi-tefa-ma au so'dang-nga so. Tehu letelepak ndia doon-na seli; boso nalosak soe ndia tunga au, fo au beita losa naa fa te, mate au so. 20Mitak, nai uluk eli, hapu kota anak esa, ta dook-ka fa. Fe au loak, fo au alai leo naa u, fo ela au aso'da.”
21Boema Ata nusa so'dak ndia nataa nae, “Hei, neukose au ta tao akalulutuk kota anak ndia fa. 22Malai lai-lai leona! Nana, metema o beita losa naa fa soona, au ta bisa tao hata-hata fa.”
Hu kande, Lot nafa'da nae, kota ndia anak-ka, boema ala foi kota ndia na'de Zoar.
Sodom ma Gomora nakalulutun-na
23Nai lelek le'do-a tii, boema Lot losa Zoar. 24#Mat. 10:15, 11:23-24; Luk. 10:12, 17:29; 2Ptr. 2:6; Yud. 1:7No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu. 25Kota ka duak sila-la, nanatao nakalulutuk, boeo basa bafak lala'en-na, ma basa na'u-aiana, boema basa laun manai sila-la. 26#Luk. 17:32Tehu, Lot saon-na lipa leo dea neu, boema ana da'di dii masik.
27Balahaa fafaianan-na boema, Abraham neu lai-lai leo mamanak, fo huas-sa napadeik nasasalematak no Manetualain-na. 28Ana mete leo Sodom ma Gomora neu, ma leo basa bafak ndia lala'en-na neu, de nita ha'imasuk-ka masu-masu, neme kota ndia mai, sama leo ha'imasuk-ka neme la'o matuaina dale mai. 29Leondiak, lelek Manetualain tao namopo-namate kota sila-la nai bafak fo nai bee, Lot leo, Manetualain nafandele neu Abraham, ma Ana tulu-fali Lot, fo nalai.
Hataholi Moab ma Amon-nala momoli-dada'din
30Hu kande, Lot bii, ana leo nahele neme Zoar, de no anafe'on duas, la'o leo letelepak-ka leu, de ala leo leme leak esa dalek. 31Anafe'o uluk-ka nafa'da fa'din-na nae, “Ama namalasi so, ma nai nusak ia lala'en-na, ta hapu touk, fo ana sao ita fa, fo daenga ita hapu bongi anak. 32Mai fo, ata fe ama ninu mafuk, fo ata sungu ton, fo ela boso ketu ama tititi-nonosin.” 33Nai le'odaek ndia, ala fe aman ninu angol, de ana mafuk nanseli, boema ana uluk-ka, neu sungu no aman; tehu aman mafuk nanseli, de nalosa, ana ta bubuluk hata fo, ana da'di fa.
34Balahaa boema, ana uluk-ka, nafa'da fa'din-na nae, “Le'odaek-ka, au sungu o ama so! Mahani fo, le'odae soona, ata fen ninu mafuk seluk. Soona, o sungu moon. Fo ela boso ketu ama tititi-nonosin.” 35Boema le'odaek ndia, ala fe Lot ninu mafuk, de ana ka dua-na neu sungu non Te Lot mafuk nanseli seluk, de nalosa, ana ta bubuluk hata fo, ana da'di so. 36Boema, Lot anafe'o ka duan sila-la lailu, hu kande duas aman. 37Ana uluk-ka bongi anatouk esa, de ana foin na'de Moab. Ndia nde da'di, hataholi Moab besak ia-la, bei-ba'i kain. 38Ana ka dua, ana bongi anatouk boe, de ana foin na'de Ben-Ami. Ndia nde da'di leoina Amon besak ia-la, bei-ba'i kain.
လက်ရှိရွေးချယ်ထားမှု
KEJADIAN 19: twu
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
KEJADIAN 19
19
Sodom sala-singon
1Ata nusa so'dak-ka duak sila-la, donge-dama basa Abraham boema, leu leo Sodom leu, de le'odae boema, ala losa naa. Lot bei nangatuuk nai kota lelesuinan-na, de nita duas boema, ana fo'a, de neu soluk-kasa. Boema ana senek neu duas matan-na, 2de nae, “Tuan-tuan, tuli au umang-nga dei. Tuan-tuan-nala bole safe eim-mala, fo sungu nai au umang. Metema, Tuan-tuan-nala nau soona, balahaa fafaik de'i fo, Tuan-tuan-nala la'ok makandoo leleo-lala'om.”
Tehu lataa lae, “Makasi ba'uk-ka, nemen-na fo, ami sungu nai kota ia, moo maselon dale.”
3Lot haladoi nanseli, de mate'en-na boema, ala masok sama-sama loon leo uman dale leu. Lot sadia nana'a mala'da, ma ana tunu loti dadaik-kasa, boema la'a leona.
4Tehu fui sila-la, beita leu sungu fa te, hataholi Sodom-mala okofefeo-la uma ndia. Basa touk manai kota ndia, nau lasik do mulik boe, lai ndia. 5#Hak. 19:22-24Ala laloo bou-bou neu Lot, de latane lae, “Hataholi manamaik, fo ala sungu nai o umam-ma, lai bee? Fes mai, fo ela ami sungu moos!”
6Lot kalua neme uman dale mai, de ana kena basa lelesu-a, boema 7nafa'da hataholi Sodom sila-la nae, “Tolano-tolanoong-ngala lemin, au oke anseli, fo boso tao, tatao-nono'i mangalauk leondiak-ka! 8So'ba mamanene dei, te au anafe'oana matatemang dua lai ia, de au fe duas leo emi neu, fo emi bole tao su'di beek-ka neu duas. Tehu boso tao hata-hata neu, au fuing ia-la; nana au muse asulu-ahapas.”
9Tehu hataholi Sodom sila-la, lafa'da Lot lae, “La'o leona! O hataholi manamai esa, boen-na o nau ito-ato ami? Ka'da la'o leona! Metema ta soona, neukose ami hotu fe o, fo belan-na lena heni hataholi ka duak sila-la.” Boema ala soli heni Lot, de ala tutulumatak, fo ala sanga hona lakalulutuk lelesu-a. 10Tehu fui ka duak sila-la, look liman-nala mai, de ala hela falik Lot leo uma dale neu, boema ala kena lelesu-a neu. 11#2Raj. 6:18Ala tao lapoke basa hataholi manai deak sila-la matan-nala, nalosa ala ta lita lelesu ndia so'on.
Lot la'oela Sodom
12Fui ka duak sila-la, lafa'da Lot lae, “Metema o maanatouk, anainak, manafeuk do tolanoo ka'a-fa'di fe'ek, fo ala leo lai kota ia dalek soona, moos kalua leme ia mai leona, 13nana, neukose ami tao mamopo-mamate kota ia. Manetualain namanene basa kalaak mabelaina-la, la'eneu laun manai ia-la so, de nadenu basa ami, fo tao makalulutuk kota Sodom-ma.”
14Boema, Lot neu leo anan duas faren-nala neu, de nafa'das nae, “Lai-lai kalua meme mamanak ia mai leona, nana neukose Manetualain tao nakalulutuk kota ia.” Tehu, laedaenga, Lot ka'da nakasoe ndia.
15Nai lelek lolebalahaak boema, ata nusa so'dak-ka duak sila-la, lakaseti Lot, fo daenga ana la'o lai-lai. “Lafa'dan lae, o, ma o saom-ma, o anafe'om duas, lai-lai la'oela mamanak ia leona, fo daenga, metema kota ia nanatao nakalulutuk soona, boso mate emi.” 16#2Ptr. 2:7Lot dalen-na naba'e. Tehu Manetualain kasian seluk-kana; hu ndia de, fui ka dua-nala, lalala'o Lot no saon-na, boema anan duas, fo ala kalua leme kota ndia mai. 17Basa ndia boema, ata nusa so'dak ka duak sila-la, esa nae, “Malai leona, fo daenga o maso'da! Boso lipa leo dea neu, ma boso mate'e nai bafak dale. Malai leo letelepak-ka meu, fo ela boso mate emi!”
18Tehu, Lot nataa nae, “Awii, Tuan boso madenu ami malai leo letelepak-ka meu, 19Memak, Tuan tulu-fali au nanseli, ma soi-tefa-ma au so'dang-nga so. Tehu letelepak ndia doon-na seli; boso nalosak soe ndia tunga au, fo au beita losa naa fa te, mate au so. 20Mitak, nai uluk eli, hapu kota anak esa, ta dook-ka fa. Fe au loak, fo au alai leo naa u, fo ela au aso'da.”
21Boema Ata nusa so'dak ndia nataa nae, “Hei, neukose au ta tao akalulutuk kota anak ndia fa. 22Malai lai-lai leona! Nana, metema o beita losa naa fa soona, au ta bisa tao hata-hata fa.”
Hu kande, Lot nafa'da nae, kota ndia anak-ka, boema ala foi kota ndia na'de Zoar.
Sodom ma Gomora nakalulutun-na
23Nai lelek le'do-a tii, boema Lot losa Zoar. 24#Mat. 10:15, 11:23-24; Luk. 10:12, 17:29; 2Ptr. 2:6; Yud. 1:7No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu. 25Kota ka duak sila-la, nanatao nakalulutuk, boeo basa bafak lala'en-na, ma basa na'u-aiana, boema basa laun manai sila-la. 26#Luk. 17:32Tehu, Lot saon-na lipa leo dea neu, boema ana da'di dii masik.
27Balahaa fafaianan-na boema, Abraham neu lai-lai leo mamanak, fo huas-sa napadeik nasasalematak no Manetualain-na. 28Ana mete leo Sodom ma Gomora neu, ma leo basa bafak ndia lala'en-na neu, de nita ha'imasuk-ka masu-masu, neme kota ndia mai, sama leo ha'imasuk-ka neme la'o matuaina dale mai. 29Leondiak, lelek Manetualain tao namopo-namate kota sila-la nai bafak fo nai bee, Lot leo, Manetualain nafandele neu Abraham, ma Ana tulu-fali Lot, fo nalai.
Hataholi Moab ma Amon-nala momoli-dada'din
30Hu kande, Lot bii, ana leo nahele neme Zoar, de no anafe'on duas, la'o leo letelepak-ka leu, de ala leo leme leak esa dalek. 31Anafe'o uluk-ka nafa'da fa'din-na nae, “Ama namalasi so, ma nai nusak ia lala'en-na, ta hapu touk, fo ana sao ita fa, fo daenga ita hapu bongi anak. 32Mai fo, ata fe ama ninu mafuk, fo ata sungu ton, fo ela boso ketu ama tititi-nonosin.” 33Nai le'odaek ndia, ala fe aman ninu angol, de ana mafuk nanseli, boema ana uluk-ka, neu sungu no aman; tehu aman mafuk nanseli, de nalosa, ana ta bubuluk hata fo, ana da'di fa.
34Balahaa boema, ana uluk-ka, nafa'da fa'din-na nae, “Le'odaek-ka, au sungu o ama so! Mahani fo, le'odae soona, ata fen ninu mafuk seluk. Soona, o sungu moon. Fo ela boso ketu ama tititi-nonosin.” 35Boema le'odaek ndia, ala fe Lot ninu mafuk, de ana ka dua-na neu sungu non Te Lot mafuk nanseli seluk, de nalosa, ana ta bubuluk hata fo, ana da'di so. 36Boema, Lot anafe'o ka duan sila-la lailu, hu kande duas aman. 37Ana uluk-ka bongi anatouk esa, de ana foin na'de Moab. Ndia nde da'di, hataholi Moab besak ia-la, bei-ba'i kain. 38Ana ka dua, ana bongi anatouk boe, de ana foin na'de Ben-Ami. Ndia nde da'di leoina Amon besak ia-la, bei-ba'i kain.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ