LUKAHU 13
13
Jàka nda pa-panjilungu welingu la njala, napa tàlaru-duyaka
1La rehi nu ningu tau ma-patàka-nya lii i Yehu, rukuda ba mapira-ha da tau Nggalilia da pa-pameti-na i Pilatu, nu ba talànga ngàndida maraku lai Ala. 2Nanggepi-ya na panii nuna i Yehu hi napanii, “Rukuda nuda da tau Nggalilia da pa-pameti tuda nu, bai kakaya tandana ba tau marihi njala-haka welingu la tau Nggalilia-ka hawiangu? 3Ndia-a nda tuna nua. Tàka na nyuna namuya: jàka ndai panjilungu welingu la njala-mika, jiangu-madui dimi bai meti hama tuna nyuda. 4Màla nggikidai da tau hakambulu mawalu da mameti la Hiluamu, ba na-kambitaku-ha lewatu? Bai kakaya jia-yaka ba narihi na njalada welingu la mbuu ndàbana na tauka hawiangu na mangia-nya la Yeruhali? 5Ndia-a nda tuna numbu. Hilu handàkangu-ki ka kupeka-nggai: Nyimi jàka ndai panjilungu welingu la njala - njala-mika, napa nyimi mbuu ndàbami jia-maya bai meti hama tuna nyuda,” wànanja.
Na pangerangu pingi ai kapilitu na manda tu wuana
6Hàlaka nu i Yehu hi napeka-nja pangerangu yiana, “Ninya na tau na maningu pingi ai kapilitungu la woka angguru-na. La hau lodu lua-nanyaka pahimbu wuana na ai nuna, tàka nda hau ndoku pahunggu-na. 7Jia hi napeka-nya na tau na maràma-ya na wokana, ‘Tàngaru, mbàda tailu mbua ndau-ngguka pamai pahimbu wuana na pingi kapilitu yiana, tàka nda kuhunggu ndoku wuana mili ana hauaka. Punggu bia-yawa na ai yiana. Nggàrai nyuna ba na-pambuta-ya na mboka tana!’ wànanya. 8Tàka napaya na maràma woka, ‘Màta-kinya ka naluri la ndaungu nàhua, miri. Napa ka kuhàka winggiru-nya na tana dàngu ka kutunya pamboka wàngu tana. 9Napa hi nawua-a la ndaungu na manàmu-nya. Tàka jàka jia-mayai duna ba nda nawua miri, ka jia-yaka duna, pungguya ka wàmungga,’ wàna,” wànanja.
I Miri Yehu ba na-pamàlaru-ya na tau kawini na mabunggu la lodu Hangahu
10La hau lodu Hangahu, i Yehu na-ajaru la hau uma bungguru. 11Lai nu ninya haàtu-na na tau kawini ba mbàda hakambulu walu mbua ndau-naka la pahidu, nadu ba ningu wàndi akatu daa la ihina. Na kawini nuna nabunggu biaka, nda peku ndokuna la pa-ndolaku tinjangu. 12Ba naita-yaka paraïna i Yehu, hi napanii dànya, “Ha ina, puli-munyaka la hidumu!” wànanya. 13Hàla i Yehu hi na-padambaku-nya lima na kawini nuna, la rehi nuna-ma-a ba na-hadangu pandolaku tinjangu, hi nawotu-nya i Ala.
14Ka mbeni-nanyaka na kapala uma bungguru, ba na-pamàlaru tau i Yehu la lodu Hangahu, jia-duyaka hi napanii hàlanya na tau, “Nomu mbua loduna na paràma wàngu; la dalu lodu nuda mai bia ka pamàlaru-kai; màtangu la lodu Hangahu!” wàna.
15Nahema i Miri, “Kapelu-minya nyimi yia! La lodu Hangahu mbuu ndàbana na tau na-paluhu-ha da hapina jàka ndia da kalandai-na welingu la oka, hi nangàndi-ha la hambeli pa-paita-nja waida. 16Na, lai yiahu ninya haàtu-na na kawini wàlana i Ambarahamu, ba mbàda hakambulu walu mbua ndaunaka ba na-jàritu-ya paraïna i Kambàliku. Màla nda pekuna nyuna ka pahàla-ya welingu la honduna i Kambàliku la lodu Hangahu?” wàna. 17Nu na hemana i Yehu da-makia wànya da mapapa-nya; ba tuna mbuu ndàbana na tau hawiangu nahàmu na etida ba daita hàlaha da pa-hangàtarungu da patuna i Yehu.
Na pangerangu karohu hawi
(Mat. 13:31-32; Mrk. 4:30-32)
18I Yehu na-paàrangu, “Jàka na-pareta i Ala, nggikina wàna na hadana? Nggàraka bàdi pa-pangera wànggunya? 19Na hadana beri hama tuna na pangerangu yiana: Na hau na karohu hawi,#hawi: Hawi ba wàna lai yia jiaya na hangia ngara matumbu na matoma ràkangu tailu metiru janggana. napiti-ya tau hi natondu-nya la wokana. Ka tumbu-nanyaka ka lupa hama pingi ai-yaka, da ma-hawurungu mai-danyaka pawulu hibuda la kahanga - kahanga-na,” wàna.
Na pangerangu tai wolu
(Mat. 13:33)
20Hilu handàka i Yehu na-paàrangu, “Jàka na-pareta i Ala, nggàraka bàdi pa-pangera wànggunya? 21Na hadana ngera hama tuna na tai wolu napiti-ya paraïna haàtu tau kawini hi na-uraku wànja da kanguta patu kambulu litaru, hi lupa nahei hàla,” wàna.
Na pindu na ma-kujuru
(Mat. 7:13-14, 21-23)
22Nàhu la ànda ba dalaku la Yeruhali, i Yehu naliningu la parai - paraingu dàngu la kota - kotaku ba na-ajaru tau. 23Ninya na tau na ma-paàra-nya, “Umbu, ana hawutu-anaka duna napa na tau pa-pamànangu?” wàna.
Nahema i Yehu, 24“Pamukarungu kai tama li la pindu ma-kujuru. Nadu, namuya! Dangu tau ma-pakakangu patama li lai nu tàka nda pekuna. 25La rehi ba na-hadangu-ka na mangu umangu hi nabita-nya na pinduna, nyimi ndolaku-minyaka lua la hambeli, hi mi-pakiringu patu - tundunya na pindu, ‘Miri bunggahu àru-nggama pindu!’ wàmi. Nahema na mangu umangu, ‘Nda kupi-anggai nyimi jàka nggi weli ningumi!’ wànanggai. 26Napaya nyimi bai hema, ‘Miri ka ba mangaa dua da-madunggau-ka, dàngu bau ajaru-maduka la ànda - ànda la paraingu-ma!’ wàmi. 27Tàka nuna na miri nahili paniinggai, ‘Nda kupi-anggai nyimi jàka nggi welimi. Pa-hilangu welingu yiahu, nyimi matuu ma-akatu!’ wàna-nggaika. 28Ba ita-haka napa i Ambarahàmu, i Ihàku dàngu i Yakupu, hamanai da wunangu-ka ba da-hawola la Pinu Tana Bidina i Ala, nyimi napa hii-minyaka dàngu pàda pàku-ami-nyaka ba pawàngga meha-kaika la hambeli! 29Na tau napa nàmunya welingu la pahunga dàngu la patama, weli diangu weli lurungu, napa da-hawola la Pinu Tana Bidina i Ala. 30Langatàka-manggunya, ninya na tau na ma-malamiri napa na-mangilu, tàka ninya na tau na ma-mangilu napa na-malamiri,” wàna.
I Miri Yehu ba namila-nya eti la Yeruhali
(Mat. 23:37-39)
31La rehi nunambu, ninja ba mapira-ha da tau Parihi da mamai lai Yehu hi dapanii, “Àmbu engangu-du lai yiahu! Lakuwa la hau pa-ngiangu, nadu i Harondi ba pameti-ya Nyuna wànanggau,” wàdanya.
32Nahema i Yehu, “Lua kai pekanya nuna na tau nda palingu, ‘La lodu nàhu dàngu haromu wàngga-nggunyapa wàndi akatu dàngu pamàlaru-nggunyapa mahidu, tàka la lodu patailu wàna, napa panjàpu-nggunyaka na paràma-nggu.’ 33Na nyuna ba tuna jiangu-ma duku ba kulaku pangalangu nàhu, haromu dàngu haromu dua modungu, nadu ba nda nahàmu-a ba pameti haàtu wunangu la hambeli Yeruhali.
34Nai-a-ai Yeruhali, Yeruhali! Da wunangu bau pameti-ha! Da ngara pa-pahuru-na i Ala bau pinjalu-nja watu hi lupa dameti! Ku-pambira wundangu biaka pa-ohunu-nja da ma-mandapu-nggau hama tuna na bai manu ba naangga-ha da anana la lumbu wulu kàpana, tàka nyumu ndau bihu! 35Jia-duya hi nda nahili karaha-kau i Ala. Kau pinya, piti welingu nàhu ndau hilu ita-akapa, hi lupa tomaya na rehi panii-mu, ‘Pa-kanyuru-nyawa Nyuna na mamai wànya na tamuna i Miri,’ ba wàmi,” wàna.
လက်ရှိရွေးချယ်ထားမှု
LUKAHU 13: KAM
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@LAI 1995 Indonesian Bible Society (Lembaga Alkitab Indonesia)
LUKAHU 13
13
Jàka nda pa-panjilungu welingu la njala, napa tàlaru-duyaka
1La rehi nu ningu tau ma-patàka-nya lii i Yehu, rukuda ba mapira-ha da tau Nggalilia da pa-pameti-na i Pilatu, nu ba talànga ngàndida maraku lai Ala. 2Nanggepi-ya na panii nuna i Yehu hi napanii, “Rukuda nuda da tau Nggalilia da pa-pameti tuda nu, bai kakaya tandana ba tau marihi njala-haka welingu la tau Nggalilia-ka hawiangu? 3Ndia-a nda tuna nua. Tàka na nyuna namuya: jàka ndai panjilungu welingu la njala-mika, jiangu-madui dimi bai meti hama tuna nyuda. 4Màla nggikidai da tau hakambulu mawalu da mameti la Hiluamu, ba na-kambitaku-ha lewatu? Bai kakaya jia-yaka ba narihi na njalada welingu la mbuu ndàbana na tauka hawiangu na mangia-nya la Yeruhali? 5Ndia-a nda tuna numbu. Hilu handàkangu-ki ka kupeka-nggai: Nyimi jàka ndai panjilungu welingu la njala - njala-mika, napa nyimi mbuu ndàbami jia-maya bai meti hama tuna nyuda,” wànanja.
Na pangerangu pingi ai kapilitu na manda tu wuana
6Hàlaka nu i Yehu hi napeka-nja pangerangu yiana, “Ninya na tau na maningu pingi ai kapilitungu la woka angguru-na. La hau lodu lua-nanyaka pahimbu wuana na ai nuna, tàka nda hau ndoku pahunggu-na. 7Jia hi napeka-nya na tau na maràma-ya na wokana, ‘Tàngaru, mbàda tailu mbua ndau-ngguka pamai pahimbu wuana na pingi kapilitu yiana, tàka nda kuhunggu ndoku wuana mili ana hauaka. Punggu bia-yawa na ai yiana. Nggàrai nyuna ba na-pambuta-ya na mboka tana!’ wànanya. 8Tàka napaya na maràma woka, ‘Màta-kinya ka naluri la ndaungu nàhua, miri. Napa ka kuhàka winggiru-nya na tana dàngu ka kutunya pamboka wàngu tana. 9Napa hi nawua-a la ndaungu na manàmu-nya. Tàka jàka jia-mayai duna ba nda nawua miri, ka jia-yaka duna, pungguya ka wàmungga,’ wàna,” wànanja.
I Miri Yehu ba na-pamàlaru-ya na tau kawini na mabunggu la lodu Hangahu
10La hau lodu Hangahu, i Yehu na-ajaru la hau uma bungguru. 11Lai nu ninya haàtu-na na tau kawini ba mbàda hakambulu walu mbua ndau-naka la pahidu, nadu ba ningu wàndi akatu daa la ihina. Na kawini nuna nabunggu biaka, nda peku ndokuna la pa-ndolaku tinjangu. 12Ba naita-yaka paraïna i Yehu, hi napanii dànya, “Ha ina, puli-munyaka la hidumu!” wànanya. 13Hàla i Yehu hi na-padambaku-nya lima na kawini nuna, la rehi nuna-ma-a ba na-hadangu pandolaku tinjangu, hi nawotu-nya i Ala.
14Ka mbeni-nanyaka na kapala uma bungguru, ba na-pamàlaru tau i Yehu la lodu Hangahu, jia-duyaka hi napanii hàlanya na tau, “Nomu mbua loduna na paràma wàngu; la dalu lodu nuda mai bia ka pamàlaru-kai; màtangu la lodu Hangahu!” wàna.
15Nahema i Miri, “Kapelu-minya nyimi yia! La lodu Hangahu mbuu ndàbana na tau na-paluhu-ha da hapina jàka ndia da kalandai-na welingu la oka, hi nangàndi-ha la hambeli pa-paita-nja waida. 16Na, lai yiahu ninya haàtu-na na kawini wàlana i Ambarahamu, ba mbàda hakambulu walu mbua ndaunaka ba na-jàritu-ya paraïna i Kambàliku. Màla nda pekuna nyuna ka pahàla-ya welingu la honduna i Kambàliku la lodu Hangahu?” wàna. 17Nu na hemana i Yehu da-makia wànya da mapapa-nya; ba tuna mbuu ndàbana na tau hawiangu nahàmu na etida ba daita hàlaha da pa-hangàtarungu da patuna i Yehu.
Na pangerangu karohu hawi
(Mat. 13:31-32; Mrk. 4:30-32)
18I Yehu na-paàrangu, “Jàka na-pareta i Ala, nggikina wàna na hadana? Nggàraka bàdi pa-pangera wànggunya? 19Na hadana beri hama tuna na pangerangu yiana: Na hau na karohu hawi,#hawi: Hawi ba wàna lai yia jiaya na hangia ngara matumbu na matoma ràkangu tailu metiru janggana. napiti-ya tau hi natondu-nya la wokana. Ka tumbu-nanyaka ka lupa hama pingi ai-yaka, da ma-hawurungu mai-danyaka pawulu hibuda la kahanga - kahanga-na,” wàna.
Na pangerangu tai wolu
(Mat. 13:33)
20Hilu handàka i Yehu na-paàrangu, “Jàka na-pareta i Ala, nggàraka bàdi pa-pangera wànggunya? 21Na hadana ngera hama tuna na tai wolu napiti-ya paraïna haàtu tau kawini hi na-uraku wànja da kanguta patu kambulu litaru, hi lupa nahei hàla,” wàna.
Na pindu na ma-kujuru
(Mat. 7:13-14, 21-23)
22Nàhu la ànda ba dalaku la Yeruhali, i Yehu naliningu la parai - paraingu dàngu la kota - kotaku ba na-ajaru tau. 23Ninya na tau na ma-paàra-nya, “Umbu, ana hawutu-anaka duna napa na tau pa-pamànangu?” wàna.
Nahema i Yehu, 24“Pamukarungu kai tama li la pindu ma-kujuru. Nadu, namuya! Dangu tau ma-pakakangu patama li lai nu tàka nda pekuna. 25La rehi ba na-hadangu-ka na mangu umangu hi nabita-nya na pinduna, nyimi ndolaku-minyaka lua la hambeli, hi mi-pakiringu patu - tundunya na pindu, ‘Miri bunggahu àru-nggama pindu!’ wàmi. Nahema na mangu umangu, ‘Nda kupi-anggai nyimi jàka nggi weli ningumi!’ wànanggai. 26Napaya nyimi bai hema, ‘Miri ka ba mangaa dua da-madunggau-ka, dàngu bau ajaru-maduka la ànda - ànda la paraingu-ma!’ wàmi. 27Tàka nuna na miri nahili paniinggai, ‘Nda kupi-anggai nyimi jàka nggi welimi. Pa-hilangu welingu yiahu, nyimi matuu ma-akatu!’ wàna-nggaika. 28Ba ita-haka napa i Ambarahàmu, i Ihàku dàngu i Yakupu, hamanai da wunangu-ka ba da-hawola la Pinu Tana Bidina i Ala, nyimi napa hii-minyaka dàngu pàda pàku-ami-nyaka ba pawàngga meha-kaika la hambeli! 29Na tau napa nàmunya welingu la pahunga dàngu la patama, weli diangu weli lurungu, napa da-hawola la Pinu Tana Bidina i Ala. 30Langatàka-manggunya, ninya na tau na ma-malamiri napa na-mangilu, tàka ninya na tau na ma-mangilu napa na-malamiri,” wàna.
I Miri Yehu ba namila-nya eti la Yeruhali
(Mat. 23:37-39)
31La rehi nunambu, ninja ba mapira-ha da tau Parihi da mamai lai Yehu hi dapanii, “Àmbu engangu-du lai yiahu! Lakuwa la hau pa-ngiangu, nadu i Harondi ba pameti-ya Nyuna wànanggau,” wàdanya.
32Nahema i Yehu, “Lua kai pekanya nuna na tau nda palingu, ‘La lodu nàhu dàngu haromu wàngga-nggunyapa wàndi akatu dàngu pamàlaru-nggunyapa mahidu, tàka la lodu patailu wàna, napa panjàpu-nggunyaka na paràma-nggu.’ 33Na nyuna ba tuna jiangu-ma duku ba kulaku pangalangu nàhu, haromu dàngu haromu dua modungu, nadu ba nda nahàmu-a ba pameti haàtu wunangu la hambeli Yeruhali.
34Nai-a-ai Yeruhali, Yeruhali! Da wunangu bau pameti-ha! Da ngara pa-pahuru-na i Ala bau pinjalu-nja watu hi lupa dameti! Ku-pambira wundangu biaka pa-ohunu-nja da ma-mandapu-nggau hama tuna na bai manu ba naangga-ha da anana la lumbu wulu kàpana, tàka nyumu ndau bihu! 35Jia-duya hi nda nahili karaha-kau i Ala. Kau pinya, piti welingu nàhu ndau hilu ita-akapa, hi lupa tomaya na rehi panii-mu, ‘Pa-kanyuru-nyawa Nyuna na mamai wànya na tamuna i Miri,’ ba wàmi,” wàna.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@LAI 1995 Indonesian Bible Society (Lembaga Alkitab Indonesia)