LUKAHU 14
14
I Miri Yehu ba na-pamàlaru-ya na mahidu
1La hau lodu Hangahu, nalua pangangu i Yehu la umana na haàtu amabokulu Parihi. Lai nu da tau buti-danya padua i Yehu. 2Ka mai-nanyaka na haàtu na tau na mahidu mbua mbàha, da wihi da limana dambua hàla. 3Hàla paàra-nanjaka da ngguru anggama i Yehu dàngu da tau Parihi da maninja lai nu, “Màla tundunya na uku anggama-nda nyuta, pekuna nu ba ta-pamàlaru tau hidu la lodu Hangahu jàka ndia?” wàna.
4Pàdi wàda bia da ngguru anggama dàngu da tau Parihi. Hàla i Yehu hi napaau-nya nuna na tau hi na-pamàlaru-ya, tunaka nu hi na-paràha-nya palaku. 5Hàlaka nu i Yehu hi napanii-nya na tau dangu, “Ngera hama tuna na haàtu la hongami nyimi ka ningu haàtu anana jàka ndia heu hapina na ma-kanabu la humuru la lodu Hangahu, ndai luma rengga-a pa-padita memaya na anakeda jàka ndia na hapi la lodu nunama?” wànanja.
6Ba tuna nda ningu haàtu mapeku pahema-ya i Yehu na rukuna nuna.
Na karàda eti dàngu na màjangu la pa-wuangu
7Naita-ha da ariyaa i Yehu da mapindi pa-ngiangu marihi hàmu. Jia-duyaka hi nawua-nja panii ba na-ajaru-ha nyuda mbuu ndàbada, 8“Era ningu madunda-nggai la remi pamaü papa, àmbi luadu pa-mandapu ningu la kanjàka nduma tau la ngora. Napa hi ningu bia tau parihi tembi welingu lai nyumu padunda-na, 9tàka na mangu umangu na madunda-nggai, ka lupa mai lerangu-nanyaka lai nyumu papanii-nggau, ‘Malangu-mu, na pa-ngiangu yiana pa-payemangu-ya na ariyaa nuna,’ wàna-nggauka. Ka makia nda uku-kimunyaka dumu bau lelingu pa-mandapu ningu hu lua la kajia halawàla. 10Jia-duya nu, era ningu madunda-nggai, pindima ngia pa-mandapu la kajia halawàla, napa duna na mangu umangu ka namai tomakau, ‘Ai angu mbuha, mai lai luakau la ngaba na,’ ka wànanggau. Nuya duna hi natembi-kau tau la mbabu ariyaa dangu. 11Nadu na tau na ma-pajangga wikina, napa pa-pawawa-ya, tàka na tau na ma-pawawa wikina, napa pa-pajangga-ya,” wàna.
12Hàla i Yehu hi napanii-nya na mangu umangu, “Jàka era dundangu-mu tau pangangu la pamangu-mu ka lodu-yakai ka rudungu-yakai, àmbu dundangu ningudu angumu, angu dedimu, jàka ndia kalembi-mu, jàka ndia tau lihi umamu na mawulu. Nadu napa nyuda dahili dunda-dunggau, ba tuna nu ngala-madua-munyaka hiluna na dundangu-mu. 13Jia ba tuna jàka wulu-munya remi, dundanya na mamila, na ma-manjurangu, na ma-kaliparu, dàngu na mapoki. 14Nyumu ngalangu-munyaka dumu kanyuru, nadu da tau tungu nu ba nda damàka-a patunggau hilu hàmumu. Na hàmumu nyumu napa i Alaka duna na matunggau hiluna la rehi pahada belinya na tau hàmu welingu la meti,” wàna.
Na pangerangu pamangu bokulu
(Mat. 22:1-10)
15La rehi nu na haàtu na tau na angu nganguda lai nu ba narongu-ya na paniina i Yehu, panii-nanyaka, “Wàngu langatàka-naka na tau napa na mangaa dànya i Ala jàka natàka ba hanganji-ya!” wàna.
16Tàka napanii i Yehu la tau nuna, “Tuna handàka ninya na tau na mawulu remi bokulu hi na-dundangu tau dangu. 17Ba jia-yaka na rehi ka pakiri-nya nuna na remi, paràha-nanjaka da atana palua papeka-nja da tau pa-dundangu, ‘Maiwa nu, màtu hàla-daka!’ wàdanja. 18Tàka nyuda mbuu ndàbada kawàra peka-danyaka ma-pabetangu ba da-pamalangu-nya na ma-dundangu. Na ma-wungangu napanii, ‘Nyungga bidi kei-ma-anggu tana, jia kuluma luaka bàdi pa-tàngaru-ya. Malangu-mu, àmbu tuduka la eti,’ wàna. 19Na haàtu napanii, ‘Nyungga bidi kei-ma-anggu hapi lima pahangu, kama pàkunja nuda da hapi wànggu. Malangu-mu, àmbu tuduka la eti,’ wàna. 20Na haàtui napanii, ‘Nyungga bidi lalei-ma-anggu, jia hi nda peku luanggu,’ wàna.
21Ka beli-nanyaka na tau ata, hi na-patàka-nya na rukuna nuna na mirina. Lalu mbeniya nuna na maràmba, hi napeka-nja da atana, ‘Parenggangu-kai lua la ànda - ànda dàngu la kanjili - kanjilitu la paraingu. Karia-nja nàmu da tau mila, da tau manjurangu, da tau poki dàngu da tau kaliparu,’ wàna. 22Tunaka nu da tau ata peka-danyaka na mirida, ‘Miri, ma-pajàngapu-nyaka na pareta-mu, tàka dangu biapa pa-ngiangu,’ wàdanya. 23Hàla ka panii-nanyaka na maràmba, ‘Luawa la ngarangia bokulu dàngu la kanjilitu la hambeli paraingu, pambana-ya na tau ka namai, ka nambinu na umanggu. 24Namuya! Nda ningu ndoku-apa haàtu welingu la ariyaa pa-dundangu-ka napa da mapàda-nja hàmuda da pangangu la reminggu nyungga!’ ” hi wàna.
Na hungguna tau na ma-kikungu
(Mat. 10:37-38)
25Dangu tau malaku karia-nya i Yehu. I Yehu nambaili-nja hi napanii-nja nyuda, 26“Na tau na mamai lai Nyungga, tàka narihi mbuha-nyapa na inana, na amana, na papaha-na, da anana, da angu dedina, màlambu na tàda ihi wikina, nda peku-ana nyuna la pakiku-ngga. 27Na tau na manda bihu paduku-ya na harika-na ka nakiku-ngga, nda peku-ana la pakiku-ngga. 28Jàka ningu haàtu welingu lai nyimi na ma-mbuhangu pawulu uma lewatu, jiangu-maka duna ba na-mandapu hi nadiha pàkuya jàka pira pawulu wànguya, ka napinya na tomada da àmahu-na la pa-panjàpu-ya ba nawulu-ya nuna na uma lewatu napa hi ndia. 29Nadu jàka nda peku panjàpu-nanya, tàka hi mbàda hàla-nanyaka na watu umana, nariki-nya tau na maita-ya napa nuna na paràma. 30Nyuda napa panii-danyaka duda, ‘Yi, na tau nina na-pakakangu ànga pawulu ma-hamangu tàka nda màka-nanyai pa-palundu-nya!’ wàdaka. 31Na haàtu hanganji na maningu tanatarangu hakambulu rata ka na-patikingu paberaya na hanganji haàtu na maningu tanatarangu dua kambulu rata, jiangu-maka duna na hanganji nuna ba na-mandapu la patimba-nya toma nda tomana na kapingatuda la pa-ndubaku-ya na muhuna. 32Jàka napi-nyaka na nda màkana, ba dàngu marau biana-pa na papana, jiangu-maka duna ba na-palewa tau la pakarai ka pa-papeku,” wàna. 33Tunaka nu panii-nanyaka i Yehu: “Tuna numbu nyimi. Nda haàtu-mbu welingu lai nyimi mapeku pakiku-ngga, jàka nda na-dunjaku hàlanja da maninja lai nyuna,” wàna.
Na mehi na makàba
(Mat. 5:13; Mrk. 9:50)
34“Na mehi nahàmu, tàka jàka nalua-yaka pakàba, peku-naipa la pa-pambàru beliya? 35Nda hili ningu-apa linguna, jàka tuya la woka jàka tuya pa-kamboka wàngu tanakai. Jia la wàru-kia-nyaka duna. Jàka ningudu kahilu mirongu-wa!” wàna.
လက်ရှိရွေးချယ်ထားမှု
LUKAHU 14: KAM
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@LAI 1995 Indonesian Bible Society (Lembaga Alkitab Indonesia)
LUKAHU 14
14
I Miri Yehu ba na-pamàlaru-ya na mahidu
1La hau lodu Hangahu, nalua pangangu i Yehu la umana na haàtu amabokulu Parihi. Lai nu da tau buti-danya padua i Yehu. 2Ka mai-nanyaka na haàtu na tau na mahidu mbua mbàha, da wihi da limana dambua hàla. 3Hàla paàra-nanjaka da ngguru anggama i Yehu dàngu da tau Parihi da maninja lai nu, “Màla tundunya na uku anggama-nda nyuta, pekuna nu ba ta-pamàlaru tau hidu la lodu Hangahu jàka ndia?” wàna.
4Pàdi wàda bia da ngguru anggama dàngu da tau Parihi. Hàla i Yehu hi napaau-nya nuna na tau hi na-pamàlaru-ya, tunaka nu hi na-paràha-nya palaku. 5Hàlaka nu i Yehu hi napanii-nya na tau dangu, “Ngera hama tuna na haàtu la hongami nyimi ka ningu haàtu anana jàka ndia heu hapina na ma-kanabu la humuru la lodu Hangahu, ndai luma rengga-a pa-padita memaya na anakeda jàka ndia na hapi la lodu nunama?” wànanja.
6Ba tuna nda ningu haàtu mapeku pahema-ya i Yehu na rukuna nuna.
Na karàda eti dàngu na màjangu la pa-wuangu
7Naita-ha da ariyaa i Yehu da mapindi pa-ngiangu marihi hàmu. Jia-duyaka hi nawua-nja panii ba na-ajaru-ha nyuda mbuu ndàbada, 8“Era ningu madunda-nggai la remi pamaü papa, àmbi luadu pa-mandapu ningu la kanjàka nduma tau la ngora. Napa hi ningu bia tau parihi tembi welingu lai nyumu padunda-na, 9tàka na mangu umangu na madunda-nggai, ka lupa mai lerangu-nanyaka lai nyumu papanii-nggau, ‘Malangu-mu, na pa-ngiangu yiana pa-payemangu-ya na ariyaa nuna,’ wàna-nggauka. Ka makia nda uku-kimunyaka dumu bau lelingu pa-mandapu ningu hu lua la kajia halawàla. 10Jia-duya nu, era ningu madunda-nggai, pindima ngia pa-mandapu la kajia halawàla, napa duna na mangu umangu ka namai tomakau, ‘Ai angu mbuha, mai lai luakau la ngaba na,’ ka wànanggau. Nuya duna hi natembi-kau tau la mbabu ariyaa dangu. 11Nadu na tau na ma-pajangga wikina, napa pa-pawawa-ya, tàka na tau na ma-pawawa wikina, napa pa-pajangga-ya,” wàna.
12Hàla i Yehu hi napanii-nya na mangu umangu, “Jàka era dundangu-mu tau pangangu la pamangu-mu ka lodu-yakai ka rudungu-yakai, àmbu dundangu ningudu angumu, angu dedimu, jàka ndia kalembi-mu, jàka ndia tau lihi umamu na mawulu. Nadu napa nyuda dahili dunda-dunggau, ba tuna nu ngala-madua-munyaka hiluna na dundangu-mu. 13Jia ba tuna jàka wulu-munya remi, dundanya na mamila, na ma-manjurangu, na ma-kaliparu, dàngu na mapoki. 14Nyumu ngalangu-munyaka dumu kanyuru, nadu da tau tungu nu ba nda damàka-a patunggau hilu hàmumu. Na hàmumu nyumu napa i Alaka duna na matunggau hiluna la rehi pahada belinya na tau hàmu welingu la meti,” wàna.
Na pangerangu pamangu bokulu
(Mat. 22:1-10)
15La rehi nu na haàtu na tau na angu nganguda lai nu ba narongu-ya na paniina i Yehu, panii-nanyaka, “Wàngu langatàka-naka na tau napa na mangaa dànya i Ala jàka natàka ba hanganji-ya!” wàna.
16Tàka napanii i Yehu la tau nuna, “Tuna handàka ninya na tau na mawulu remi bokulu hi na-dundangu tau dangu. 17Ba jia-yaka na rehi ka pakiri-nya nuna na remi, paràha-nanjaka da atana palua papeka-nja da tau pa-dundangu, ‘Maiwa nu, màtu hàla-daka!’ wàdanja. 18Tàka nyuda mbuu ndàbada kawàra peka-danyaka ma-pabetangu ba da-pamalangu-nya na ma-dundangu. Na ma-wungangu napanii, ‘Nyungga bidi kei-ma-anggu tana, jia kuluma luaka bàdi pa-tàngaru-ya. Malangu-mu, àmbu tuduka la eti,’ wàna. 19Na haàtu napanii, ‘Nyungga bidi kei-ma-anggu hapi lima pahangu, kama pàkunja nuda da hapi wànggu. Malangu-mu, àmbu tuduka la eti,’ wàna. 20Na haàtui napanii, ‘Nyungga bidi lalei-ma-anggu, jia hi nda peku luanggu,’ wàna.
21Ka beli-nanyaka na tau ata, hi na-patàka-nya na rukuna nuna na mirina. Lalu mbeniya nuna na maràmba, hi napeka-nja da atana, ‘Parenggangu-kai lua la ànda - ànda dàngu la kanjili - kanjilitu la paraingu. Karia-nja nàmu da tau mila, da tau manjurangu, da tau poki dàngu da tau kaliparu,’ wàna. 22Tunaka nu da tau ata peka-danyaka na mirida, ‘Miri, ma-pajàngapu-nyaka na pareta-mu, tàka dangu biapa pa-ngiangu,’ wàdanya. 23Hàla ka panii-nanyaka na maràmba, ‘Luawa la ngarangia bokulu dàngu la kanjilitu la hambeli paraingu, pambana-ya na tau ka namai, ka nambinu na umanggu. 24Namuya! Nda ningu ndoku-apa haàtu welingu la ariyaa pa-dundangu-ka napa da mapàda-nja hàmuda da pangangu la reminggu nyungga!’ ” hi wàna.
Na hungguna tau na ma-kikungu
(Mat. 10:37-38)
25Dangu tau malaku karia-nya i Yehu. I Yehu nambaili-nja hi napanii-nja nyuda, 26“Na tau na mamai lai Nyungga, tàka narihi mbuha-nyapa na inana, na amana, na papaha-na, da anana, da angu dedina, màlambu na tàda ihi wikina, nda peku-ana nyuna la pakiku-ngga. 27Na tau na manda bihu paduku-ya na harika-na ka nakiku-ngga, nda peku-ana la pakiku-ngga. 28Jàka ningu haàtu welingu lai nyimi na ma-mbuhangu pawulu uma lewatu, jiangu-maka duna ba na-mandapu hi nadiha pàkuya jàka pira pawulu wànguya, ka napinya na tomada da àmahu-na la pa-panjàpu-ya ba nawulu-ya nuna na uma lewatu napa hi ndia. 29Nadu jàka nda peku panjàpu-nanya, tàka hi mbàda hàla-nanyaka na watu umana, nariki-nya tau na maita-ya napa nuna na paràma. 30Nyuda napa panii-danyaka duda, ‘Yi, na tau nina na-pakakangu ànga pawulu ma-hamangu tàka nda màka-nanyai pa-palundu-nya!’ wàdaka. 31Na haàtu hanganji na maningu tanatarangu hakambulu rata ka na-patikingu paberaya na hanganji haàtu na maningu tanatarangu dua kambulu rata, jiangu-maka duna na hanganji nuna ba na-mandapu la patimba-nya toma nda tomana na kapingatuda la pa-ndubaku-ya na muhuna. 32Jàka napi-nyaka na nda màkana, ba dàngu marau biana-pa na papana, jiangu-maka duna ba na-palewa tau la pakarai ka pa-papeku,” wàna. 33Tunaka nu panii-nanyaka i Yehu: “Tuna numbu nyimi. Nda haàtu-mbu welingu lai nyimi mapeku pakiku-ngga, jàka nda na-dunjaku hàlanja da maninja lai nyuna,” wàna.
Na mehi na makàba
(Mat. 5:13; Mrk. 9:50)
34“Na mehi nahàmu, tàka jàka nalua-yaka pakàba, peku-naipa la pa-pambàru beliya? 35Nda hili ningu-apa linguna, jàka tuya la woka jàka tuya pa-kamboka wàngu tanakai. Jia la wàru-kia-nyaka duna. Jàka ningudu kahilu mirongu-wa!” wàna.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@LAI 1995 Indonesian Bible Society (Lembaga Alkitab Indonesia)