Luk 3
3
Jon ka paunim osep napapra pelengon
(Matyu 3.1-12 e Mak 1.2-8 e Jon 1.19-28)
1Ke tobor songotno elme ina ke alo ka gute Sisar ka angaine Taiberius vri mgo ke osep Rom ina Pontius Pailat plau omur Judia e Herot plau omur emkil Galili. E ina aiver Filip plau omur emkil Ituria e Trakonitis e gute Lisanias plau omur emkil Abilene. 2E gute Anas deka mase gute Kaiafas tidong gute loulou ina ka mgo. E Ida Tapolngon ila pelengon me ke gute Sekaraia otno arang Jon alo ka iye dong ke omur ka dong adai vala. 3Deka iye la ke omur ka dong lelei aki Jordan e napapra ma osep tibauluk aitno lisak e tidue elio paunimngen ina. Elio paunimngen ina tonari nisngen vala ke elio ka tibauluk aitno lisak ma Ida Tapolngon sak urok elio epmes ina la. 4Eriar langka dong ke buk ka gute napaprangan ina Aisaia sogoe ka wai langane.
“Gute kreine daiku ke omur ka dong adai vala langane. ‘Umomosi Ida Puda ila ekreng e umodue osuk vala. 5Umononei omur ka glong glong ke taklak e umayas gigri omba e gigri daudeng ma tiduru e umodue ekreng ka kolok polou osuk e umodue ekreng ka tris tris polou itau. 6Ma osep ka pula keniye tivati elio ka Ida Tapolngon due ma iye lua osep ke urok elio epmes ina.’”
7E Jon wai ke osep pula pula ka time ma iye paunim isak langane. “Umu langka mota ka soulu titno. Sei wai ke umu ma umawaiki umokos ke Ida Tapolngon aitno ila engil ka ma me? 8Umodue elio itau ka nis osep umabauluk aitno lumu. E aitno lumu mter langane kovok. ‘Ite Abraham ila napakngan.’ Kesua ngawai langane. Ida Tapol-ngon karanga due opmu ane e due Abraham ila napakngan ine. 9E selembo dong redi olwo boto ke akai batne kodong e akai keniye ka tiusu otna itau kovok ma osep tiblou isak e tiuri isak ke eiou.”
10Deka osep pula pula tipmi iye langane. “Langka langane ma imodue wansua?” 11E Jon koli wai ke isak langane. “Gute ka ila molo orwo dong ma iye kar kene ke gute ka ila molo dong kovok e gute ka ina ngangon dong ma due langane blang.” 12E osep ka tidue takis leklou time blang ma iye paunim isak e tipmi iye langane. “Gute parerengen ina ma imodue sua?” 13Deka Jon koli wai ke isak langane. “Umodue mani ka takis ina ka osep gavman ina tiwai ine vala e umodue mani silang kovok.” 14E osep ola ina leklou blang tipmi iye langane. “E wansua ke imi? Ma imodue sua?” E iye koli wai ke isak langane. “Umapagei osep ma umodue mani ke isak kovok e umesin pelengon yakngan vri ke osep kovok. E aitno lumu itau ke mani ka umodue ke lumu bokongon vala.”
15E osep ka tivati elio tonari tidong tipara ke wan ka ma polou ke iye e aitno lisak mter langane. “Jon iye gute Krais ka Ida Tapolngon rere ma iye lua osep ke urok elio epmes ina koke aurou?” 16E Jon wai ke isak langane. “Ngapaunim umu ke aki vala e mase gute ma me ka ila arit mole lou arit e ngong gute itau ma ngakaranga ngakles ila su kovok. Ma iye paunim umu ke Ano Itau e ke eiou. 17E iye kis wan ka iye wade wit erine ke wit otna ine e ma iye gir omur ka timluk wit erine ine ma otna tipolou deka iye gom wit otna ke yage ina ngangon ila ninu. E iye ma uri wit tokonkon ke eiou ka ina yagosngon kovok.”
18E ke pelengon dagar pula leklou Jon wai ke osep e napapra omon itau ke isak.
Herot due Jon sep ke kalabus
19E Jon wai malak ke gute Herot ka plau omur emkil are ke ila elio ka iye due ina aiver ila asap angaine Herodias e asap iye e ke ila elio soulu leklou ka iye due. 20Deka Herot due elio soulu silang langane. Iye due Jon sep ke kalabus.
Jon paunim Yesus
(Matyu 3.13-17 e Mak 1.9-11)
21E alo ka tidue Jon sep ke kalabus dau kovok osep pula tidue elio paunimngen ina. E Yesus blang due elio paunimngen ina e alo ka iye wai itau ke Ida Tapolngon omur heven noklok. 22E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”
Yesus ila osua angainsak
(Matyu 1.1-17)
23E Yesus ina tobor iseklu alo ka iye nogrum boko ke Ida Tapolngon ila bokongon. Osep pula aitno lisak mter iye gute Josep otno arang. E Josep gute Heli otno arang. 24E Heli gute Matat otno arang e Matat gute Livai otno arang e Livai gute Melki otno arang e Melki gute Janai otno arang e Janai gute Josep otno arang. 25E Josep gute Matatias otno arang e Matatias gute Amos otno arang e Amos gute Nahum otno arang e Nahum gute Esli otno arang e Esli gute Nagai otno arang. 26E Nagai gute Mat otno arang e Mat gute Matatias otno arang e Matatias gute Semen otno arang e Semen gute Josek otno arang e Josek gute Joda otno arang. 27E Joda gute Joanan otno arang e Joanan gute Resa otno arang e Resa gute Serubabel otno arang e Serubabel gute Sealtiel otno arang e Sealtiel gute Neri otno arang. 28E Neri gute Melki otno arang e Melki gute Adi otno arang e Adi gute Kosam otno arang e Kosam gute Elmadam otno arang e Elmadam gute Er otno arang. 29E Er gute Josua otno arang e Josua gute Elieser otno arang e Elieser gute Jorim otno arang e Jorim gute Matat otno arang e Matat gute Livai otno arang. 30E Livai gute Simeon otno arang e Simeon gute Juda otno arang e Juda gute Josep otno arang e Josep gute Jonam otno arang e Jonam gute Eliakim otno arang. 31E Eliakim gute Melea otno arang e Melea gute Mena otno arang e Mena gute Matata otno arang e Matata gute Natan otno arang e Natan gute Devit otno arang. 32E Devit gute Jesi otno arang e Jesi gute Obet otno arang e Obet gute Boas otno arang e Boas gute Salmon otno arang e Salmon gute Nason otno arang. 33E Nason gute Aminadap otno arang e Aminadap gute Atmin otno arang e Atmin gute Arni otno arang e Arni gute Hesron otno arang e Hesron gute Peres otno arang e Peres gute Juda otno arang. 34E Juda gute Jekop otno arang e Jekop gute Aisak otno arang e Aisak gute Abraham otno arang e Abraham gute Tera otno arang e Tera gute Nahor otno arang. 35E Nahor gute Seruk otno arang e Seruk gute Reu otno arang e Reu gute Pelek otno arang e Pelek gute Eber otno arang e Eber gute Sela otno arang. 36E Sela gute Kainan otno arang e Kainan gute Arpaksat otno arang e Arpaksat gute Siem otno arang e Siem gute Noa otno arang e Noa gute Lamek otno arang. 37E Lamek gute Metusela otno arang e Metusela gute Enok otno arang e Enok gute Jaret otno arang e Jaret gute Mahalalel otno arang e Mahalalel gute Kenan otno arang. 38E Kenan gute Enos otno arang e Enos gute Set otno arang e Set gute Adam otno arang e Adam Ida Tapolngon otno arang.
လက်ရှိရွေးချယ်ထားမှု
Luk 3: ANT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
copyright 2003 New Tribes Mission, Sanford, FL 32771